لاحركه لامشي لا رياضه لا>> لاعزاء للكسولات

[فهههده]

اخواتي الغاليييييات الحبوووبات
مشكلتي بالسمنه وقلة النزول هو قلة الحركه
انا جلستي بالبيت بالصاله على النت والابتوب اتابع عيالي واشرف على كل جزء ببيتي من الصاله
وساعدني بذلك مافي صغار اتابعهم وعندي الشغالات مامخلينلي شي اسويه بالبيت تنظيف وطبخ الحمدلله
وبالعمل والدوام كله مكتبي كلها خطوتين وانا بغرفة مكتبي
الطلعات تعرفون من الباب للباب وجلسه
عندي بالبيت سير كهرب وعندي حوش وعندي سطح بس ماحب امل بسرعه
الدقيقه تمر كنها ساعه..ربع ثلث ساعه كنها اوووه شقول بس كأنها دوام
بس انا وزني بالتسعينات وطولي 155 تقريبا المفروض انزل 40 كيلوللوزن المثالي 55 لطولي
انا الان مشاركه بالتجمعات حق الحميه هنا واستفدت بس بدون رياضه ولا مشي عقدتي بالرجيمات
شسوي
ابي اتحرك وانا مبسوطه
ابي امشي وانا فرحانه
ابي رياضه وانا متلهفه
ابي حل/اريد حلا بكل صراحه بدون اي مجامله
ابي هواش وزف كلش كلشي بس اتحرك واخف
ابي البس زين ابي اصلي زين ابي اتحرك زين
متأثره بالافلام القديمه >اريد حلا > ولا عزاء للسيدات> والله من الضيقه قمت انكت تحملوني معليه

ادري ... صعب... مستحيل... لايمكن... ابدااا...
بس هاه قلت خلي اسولف عليكم حبيباتي يمكن الاقي وحده تفيدني بتجربه او نصيحه او توجيه
وتخفف عني وعن الي زيي
او عالاقل الاقي احد مثلي تسولف عن معاناتها ونفضفض لبعض ونتساعد الله يساعدكم كلكم
ويخفف اوزانكم ويثقل حسناتكم

 

[ام فجور 2008]

هذا سبب المتن وتراكم الدهون بالجسم
حبيبتي انتي قصيرة ووزنج ماشاءلله وايد يعني لازم تقطين اقل شي 30 كيلو امانه عليج ماتغارين من الي اضعف منج
حبيبتي انا ما اقول هالكلام الا وعالشان اشجعج فيه
ماتبين تمشين رقصي
اشتري لج الجهاز الي يهز الجسم
وانا انصحج انج تشترين القرص الدوار رخيص ومفيد سعره 1800 او 2 ويطلع خصر
لعبي اليهال رياضة
انا جذي اجمع اليهال واسوي لهم تمارين
والله يوفقج

 

[ام فجور 2008]

شوفي الصراحة انا نفسج كنت كلش ماحب الرياضة
بس شنو سويت الحين النصر عنده خصومات فرح شريت منه جهاز الاوربت تراك هذا عن جد وايد زين هو والغزال الطائر
وشريت بعد القرص

وحاطتهم قبال التلفزيون احطلي فلم او مسلسل والعب بالجهاز

 

[mn.mn]

هذا شي نفسي وانتي لازم من داخلج تقتنعين انج لازم تتحركين

امشي كل يوم على الجهاز أنا حطيته بالصالة أطالع التلفزيون وأمشي

وتذكري رياضتج سر رشاقتج

 

[فهههده]

ام فجور
مااعرف ارقص واستحي بعد ارقص ما قد رقصت عند احد هم هذي مشكله
بس بشتري الجهاز الي تقولين وبغصب نفسي الله يقويني وما امل والله يوفقك

من من
فعلا ممكن لو اغير مكان السير اتشجع بجرب الله يسهل لك ولنا

 

[فهههده]

مافي مواسااااااااااااااااااااااه نصيحه طيب تجربه

 

[mn.mn]

عشان نضعف لاااااااااااااااااااازم نتعب ميخالف التعب بييب نتيجة

وعن تجربة مستحييييييييييييييييييييييييييييل تضعفين بدون مشي أو رياضة

والرياضة ترى تلهيج عن الاكل وتخليج تتحسفين تخربطين

 

[@شمس الضحى@]

اطلعي برا امشي
انا لازهقت من البيت رحت امشي بالممشى ولا اقز بالسوق

 

[roseydoll]

شوفي امشي اول يوم عشر دقايق وكل يوم زيدي خمسة وحاولي تنتضمين يعني كل يوم علشان ماتكسلين ولهي نفسك بتلفزيون او شي تحبين تسمعينة اووو مكالمة تلفووووون انا عن نفسي احط لاب توب وامشي ششلووووووووووووون احطة علي الطاولة الي تتطلع بتلفزيوووون وسندهااااااا علي الجهاز واحط كوشية تحتهااااااا هههههههههههههههههه الحاجة ام الاختراع شسوي علشان ماازهق وشوي شوي بتعودين ويسير شي عادي والايام راح تثبتلك بس اذااااااااااااا استمريتي بقولك شغلة الواااحدة مهماااا غفل او تناساااااا متنة بيجيك يووووووم بتحسين انك في ورطة وكابوووووووووس تبين تطلعين منة بس مو عارفة وزوجك اذااااااااااا تحملك مراااح يتحملك دووووووم بيحط بقلبة وبيجي يوووووووم عيونة بتطلع لبرة ليشششششششششششششششششششش احنننناااااااااااااااااا شنوووو قاصرنا
الارادة+الوعي الصحي+والرياضة ...... ياريت تجي الاشياء الثلاثة اووو انتي تحققينهاااا قبل فوات الاوان ... وقبل مانخسر صحتناااااا

 

[فهههده]

من من
صح عشان نضعف لازم نتعب صح لسانك بس نبي الاراده

أسووم
ياسلام على المشي برا بس لاتذكرت لبس العبايه والطرحه وثقل المشي والعيون المركزه عليك قلت مووووووووب لازم صح


روسي دول
خل نجرب التدرج بالمشي من عشر دقايق ونزيد ونزيد لين نوصل ساعه بس الله يساعدنا وما يدخل الملل
وكلام سلييييم الواحد يهمل نفسه لين يطب بورطه صحيه وبعد عائليه مع الزوج ياويلنا ياهالحريم قبلنا متخرعين بس على هالزوج لاحد يلقطه منا

خواتي الغاليات الله يجزاكم خيييير على المشاركات وننتظر كان وحده عندها تجربه او توجيه اوتشجيع عن المشي

 

[فهههده]

!!!!!!!!!!!!!!!!

 

[ضحى الكويت]

فههده يا قلبي هذا الشى الكل مره فيه وهذا طبيعى اللى قاعد يصير معاج بس انا اللي عرفته انج سعوديه وله انا غلطانه ابى اعرف انتى بالكويت وله وين ما عليج امر ...


علشان اكملج التعليق .....

 

[ضحى الكويت]

فههده .... قاعده انطرج تردين وينج

 

[MeMoOoOo]

فهوووووودة كلام البنات صحيح

جهاز اوربتراك رائع .. حطيه عند التلفزيون

تصدقين مرة نسيت نفسي وحضرت فيلم هندي كامل وانا شغالة عليه

وبعدين فكري بالنتائج مو بالتعب .. وراح تتشجعين

 

[فهههده]

هلا والله بالغاليه صافيه>> انا بالرياض حبيبتي
شكرا لاهتمامك الله ينزل وزنك من غير شرويرفع قدرك يارب
ميمووووووووووو >> فعلا الجهاز الكل يمدحه بس يتعب
اخاف اشتريه واتعب واتركه واتورط فيه
الله يسهل امرك وشكرا لك

 

[فرح العجرف]

:gr4uu::gr4uu::gr4uu:

الدرج....المشي..الرقص....@@

تهاوشي..لحقي اعيالج....اذا طق الباب خلج خفيفه وروحي اول وحده تفتحه....<<بس لايطقج عرج عالقمزه:eh_s(6):

 

[ضحى الكويت]

فههده ............ هلا باهل الرياض فههده يا قلبى لازم انتى بنفسج تساعدين روحج وتقررين انج تضعفين وتصممين عليه وقعدى تخيلى لو انج ضعفتى شنو راح يتغير بحياتج راح تشوفين ان اشياء اشياء وايده اولا راحه نفسيه وثقه بالنفس عاليه وما تنحرجين من شى وغير هذا وهذاك الصحه والعافيه اهم من كل شى


حاولى تسوين رياضه حتى لو تفترين بالبيت دقى على اى صديقه سولفى معاها وافترى والوقت راح يمشى وانتى ما راح تحسين


فى ناس اعرفهم ما عندهم اجهزه مع الاصرار والتحدى شوفيهم شلون صاروا لا ولو تشوفين مكانها شقه صغيرونه بس دايم تحرك وتمشى بالشقه داخل نص ساعه كل هذا الانها تبى هالشى ومصره عليه


احنا الحريم اذا نبى الشى نسويه نسويه لو مهما يكون


اشمعنا عند هالسمنه لالالا اكيد انتى من داخل نفسيتج ملزمه ولا مقرره للرجيم


شدى الحيل يا قلبى

 

[MeMoOoOo]

والله صادقة يا صفصف

لما نبي شي نسويه .. ما في شي يردنا

شوفي يا فهدة .. كلامك صحيح .. ممكن تملين من الجهاز

لذلك مثل ما قالت لك صافية .. لازم يكون عندك إرادة وعزم لهذا الموضوع

وساعتها راح تلاقي كل شي يساعدك على الحركة .. بدون أجهزة

وإن شاء الله ربنا يعطيك الصحة والعافية

 

[طير الحب]

فهههده والله نفسى بالضبط مافى حركه خخخخخخخخ

وشريت جهاز رياضه مافى خلق قمت انط على نطاطيه اليهال

 

[سيدة الذوق]

انشالله نلقي حل كلنا هذي مو مشكله هذي ظاهره