لاتخلوني

[مـــهره]

السلام ياخواتي



بنات انا متزوجه وعندي عيال والحمدلله

وزوجي ذبحني بس طايح خز بالبنات وانا مطنشه مابي المشاكل وكم مره واجهته ويطلعني غلطانه
بس انقهرت كان يطالع وحده وخليت روحي مااشوفه يابنات انصدمت يبتسم لها واهوا معاي انزين ليش
ماقدرت استحمل واول ماركبنا السياره تهاوشت معاه واهوا جذبني بنات انا شفته واللحين انا مااكلمه وكرهته ومليت من سوالفه
مع العلم انا احسن منه بكل شي واحس يغار مني ذبحني ناقص وشايف روحه كامل
بنات احس انا مو اغار عليه بس شنو نظرت اللي طايح فيها خز وانا معاه


بنات ساعدوني والله اهوا نذل وموكفو

 

[طـفولية]

رد : لاتخلوني

انا مو متزوجة .. وهالشي اكيد يحر ..
بس سمعت اكثر من وحدة نصييحة لا طلعتي مع الريال لا اتابعين عينه وين تروح ..
اذا احنا الحريم لا شفنا وحدة لبس وتفصخ راحت عينا عليها .. اهوا ريال شلون ما يطالع
قولي لا اله الا الله

وتعوذي من ابليس
وشلون ريلج يغار منج !!
استغفري ربج وذكري الله وادعيه ان يحفظ زوجج ويعمي عينه عن بنات الحرام​

 

[مـــهره]

رد : لاتخلوني

ماقصرتي طفوليه بس اهوا زودها

 

[زوجة عزيز]

الله يهديه اتصدقين انا زوجي بعد جذي كان اشقد يخز ولا لين دخلت محل كله حريم يدخل وراي قاهرني وكان يسولف معاهم على قولته اهو على نياته بس انا اللي نيتي وصخه اللي اسئ فهمه :eh_s(14):ذبحني لين اضطريت اسوي نفسه واشوف عشان يغير والحين اهو اللي صار يغير اكثر مني :krkrkr:

 

[Fe6aMi]

رد : لاتخلوني

اخذيه بالطيب وبالكلمه الحلوه لا تتهاشين معاه
قوليله يابو فلان انا احبك واغار عليك
انت شايف ناقصني شي ؟
وانشالله الله يهديه

 

[DaShTeYa_Q8]

والله مادري شقوول
بس الله يهدييه لج و يسخره لج

الله يعينج يارب

 

[مـــهره]

رد : لاتخلوني

انا حاولت قبل بطيب بس ماكو فايده لدرجه قلت له معاي لاطالع ومن وراي كيفك بس ماكو فايده واللي قهرني:rgewrg: يبتسم لها ومعطيني ظهره على باله مااشوفه لا واهي مو معبرته

 

[ام^تبوله]

ليش ماتقعدين معله وتصارحينه وتكلمينه عدل بدون صراخ ونجره
أدري هالشي يحر والله يعينج وهم نبهي على شي يمكن غافل عنه قوليله تدري ان اللي يطالع عرض الناس الله يسلط عليه عيال حرام يطالعونه عرضه سواء أنا زوجتك أو بناتك أو خواتك أو أمك والدنيا دين وكما تدين تدان وذكريه بالله سبحانه والموت والقيامه والله يهديه ويسخره لج ياااااااااااااارب :yaaaaaarb: وشتسوين اذا الريال ركبه الشيطان :bbbiu:
مانقول الا الله يهديهم انشاءالله وبنات ابليس مايعجبهم الا الريال اللي معاه زوجته حسبي الله عليهم :rgewrg:​

 

[حلوه ولمآحه]

رد : لاتخلوني

هلا حبيبتي
بقولج كلام امي ،،
كذا مره قلت لها تهاوشت معاه عشان طالع وخز
بس اهو ريال له عيون اكيد بيطالع ولا تبين يحط عيونه بالبيت ويروح معك يتسوق،،
اذا انتي يالممره اذا شفتي وحده حلوه طالعتي ،، عاد اهو اليال وش تبين يسوي،،
حبيبتي لاتحرين نفسج ولاتتعبين اعصابج
اذا مارده الخوف منربه مو انتي الي بتردينه
وحتى اذا ماطالع معااج بيطالع من ورااج
اذا شفتيه يخووخز لاتقولين شي واعتبري انج ماشفتيه ،،
وحاولي تقربينه من ربي ،،
الله يهديه لج يااارب ،،
>>عارفه الكلام صعب تطبيقه لانا غيورات واااييد
بس هذا كلام ناس اكبر منا ولها خبره
وبعدين لاتقولين ان زوجج ناقص شلون عايشه معااه دام انج مستحقرته جذيه،،
ولو انج ماتحبينه كان ماهمج طالع ولا ماطالع
والله يوفقج بعد قلبي ويهديه ويسخره لج،،:eh_s(7):

 

[مـــهره]

رد : لاتخلوني

مشكورين بنات
حلوه انا سويت مثل ماقلتي بس لصبر حدود :eh_s(14):

بنات انا عيوني انتفخت من البجي اكرها :eh_s(4): مافي خير لا ويقول انا اتوهم بنات انا طالعته كذا مره ويوم ابتسم ماتحملت افهموني

 

[رنيم q8]

الله يعينج
اي والله شي يقهر
مو حلوه بحقج
الله يسخره لج
وما تكرر هالسالفه

 

[ام دليار]

رد : لاتخلوني

الله يهدييه لج و يسخره لج
العين ماعليها حاجب خليه يطلع :rgewrg:

 

[رمز الموده]

رد : لاتخلوني

حبيبتي لاتضايقين انتي شوفي شنو الشي اللي يجذب زوجج وسويه له
والله يهديه ويسخره لج يااارب

 

[حلوه ولمآحه]

رد : لاتخلوني

ليييش تبجييين ؟؟
بطقاق طالع ولا ماطالع ،،، مااعليج منه ،
بعدين انتي زوجته وهو اختارج ،،
يبا عاادي كله مطالع ،،
والله اني اروح السوق وقبل كنت انقهر اذا خز
بس بعدين صرت عادي وبعض المرات اقوله شوف هذي
واذا طالع احد اطالع معاه عادي واعلق عليهم ،،

>>>>>>>
انتي سوي مثلي ،، وبتسهل السالفه عليج
ولا اذا شفتي الي يطالع فيها مو معبره ضحكي وقولي ماعبرتكــ

كلهآآ تسااااهيل
هدي بااااالج

 

[سارونهh_a_z]

الله يعيييييييينج ياقلبي


قطي عليه نقزات


قوليله في وحدة امسكتني وقالتلي ريلج وااااااااااايد يخوووزر وعيب اللي يسويه


وقوليله بسبتك هالسوالف طاحت على راسي والناس قامت تتشمت فيني


يمكن شوي يحسسسسسسس ويتوووووووووووب

 

[مـــهره]

رد : لاتخلوني

بنات ماقصرتوا واللي دعت لي لج نفس دوتج ان شالله واحسن
بصراحه كلامكم يريح بقوم اصلي واستغفر ربي واهو راح احاول اطنشه :bbbiu:
حده قاهرني:rgewrg: انا اخاف ربي وماارضى اطالع اي ريال واهو مو كفو:eh_s(14):
بس عندي عيال اقعد واسكت حتى لو مو عاجبني:eh_s(1):

 

[بنات حواء2]

المشاكل راح تخليه يعاند
و اريحلج لو ما تلاحظينه شنو قاعد يطالع و وين
عشان راحت بالج
و منو مايطالع الحين
احنه لي شفنه وحده متزينه نطالعها
انا لمن اكون وي ريلي شباب يطالعوني تخيلي الوقاحه
حتا المتزوجين
خلاص الدنيا اختربت
و البنات نفس الشي من يشوفون ريال وي مرته يطيحون خز فيه
و الله و لا على البال احلى طاف و اشتري راحت بالي و لا تهدمين بيتج على شي سخيف
خليج اكبر من جذي
و هذي الورده لج
:eh_s(17):

 

[njoom1]

رد : لاتخلوني

ويييه
الله يعيييييييييينج

:eh_s(2):

 

[شقرا كويتيه]

رد : لاتخلوني

الله يهديه لج ان شاءالله

 

[رسلان العجمان]

الله يكون بعونج