لاتبخلون علي بنصيحه ياخواتي

[اليزابيث]

مرحبا بنات
ماادري شنو اقول بفضفض لكم يمكن اكون غلطانه او ابالغ وابي مشورتكم ياخواتي
انا تو طلعت نفاس ومن ولدت وزوجي متغير بالمعامله معي دايم معصب وماله خلق وان سولف بسرعه يصكر مكالمته
وطول هالفتره انا مطوله بالي معاه اقول يمكن في شي مضايقه مابي اضغط عليه
المهم لي اسبوع خلصت الاربعين ورديت شقتي طبعا كله طالع مااشوفه ويرد متاخر اكون خلاص هلكانه من البيبي وابي انام لو ساعه
كل يوم اساله شنو فيك يقول ماكو شي واحس ماله خلق حده،،
من اول يوم رديت قلت له شوي عطني تلفونك بكلم اختي دقيقه جان يقول فيه خصوصيات اسف،انا انصدمت وماتكلمت قلت اوك بعدها بشوي رد عطانياه قلت لاخلص ماله داعي
طبعا انا كلش مو حاطه ببالي ان ممكن يكون يخوني او شي،
قبل امس قلت له ابي تلفونك باخذ صور لولدي بطرشهم منه ويتقلب وجهه حسيت انه مايبي اخذه
من بعدها الوضع روتيني ومانسولف مع بعض كل مااقول شفيك خلنا نطلع مو مشتاق لرجعتي ومايرد احس باله مو عندي كلش

ابي نصيحتكم ومشورتكم شنو اسوي معه
تعبت وانا كله ساكته

 

[شادن33]

طولي بالج وحاولي اتشدينه لج باي وسيله
شوفي الاسلوب امناسب والوقت المناسب وسولفي وياه عادي
شيلي من بالج سالفه التليفون الحين حاولي اتيرينه صوبج بالاول بعدين كلشي يبان
يعني المقصد خلي ترد علاقتكم عاديه وعقب بتعرفين المستخبي وانشالله خير
والله يسخر لج

 

[iLLuMinaTion]

الله كريم

 

[جلكسيه اس 3]

حبيبتي ادعي ان الله يهديه و يرجع لج مثل اول

 

[Perfume]

حبيبتي شي طبيعي لانه في فترة النفاس مافي جماع وهذا الشي يأثر على هرموناته ويخليه عصبي
انتي حاولي تنيمين البيبي او تخلينه عند امج او خالتج وتتفرغين له فترة اطول
ولما تحسينه هادي كلميه وتحاوروا مع بعض وفهمي منه شفيه

 

[Patcholli]

لو تفترين بالقسم بتشوفين هالمشكله متكرره بشكل كبير

ومادري شنو السبب بالظبط الي يخلي الزوج يخاف يقرب من زوجته عقب الاربعين

وايد حريم يشتكون من هالشغله بس اتوقع انه شي نفسي

يمكن يخاف يعورج او يخاف لما يتذكر انه فيه خياط الله اعلم ويمكن يبي يعطيج وقت عشان يتطمن ان كلشي صار اوكي

ارفيجتي هم واجهت نفس المشكله عقب النفاس سافرت مع زوجها تقول ماقرب مني ولا جاسني وكانت تشتكي بس بعد فتره صار طبيعي

الظاهر يخافون ^^_^^

 

[حبيبي مالكني]

حبيبتي انتي طالعه من ولاده
وبعد الولادة الوحده تصير حساسه من الاكتئاب

 

[غـرامـي أنـت]

الله يهديه ان شاءالله

 

[نآعمہ]

طولي بآلج و خلج ذكية و إلعبيهآ صح و بآلسيآسة

و عسى الله يخليكم حق بعض و لآ يفرقكم

 

[فوفو22]

انا من الناس احب الزوجه تتنفس ببيتها ويشاركها التعب والهموم والسهر والشقا واحلى وامتع اللحظات مع البيبي الجديد

هذه وجهه نظري من زمان مع انه كثير يخالفوني الراي

ولكن الفراق بين الزوج والزوجه سواء للنفاس او السفر او الزعل

يبني علاقه غربه بين الزوج وزوجته

لانه تعود على فراقهاااااا

عاش ايام يصحى ويطلع ويرجع بهدوء وحريه

واستمتع بالجو الوحداني

بالنهايه اقول

احساس المراه قلبها هو اكبر دليل لها

كتبي هالموضوع لانه احساسك زوجج ....مو خالي...في إن

وهو فعلا موخالي بدليل

انه ما يحب تمسكين موبايله

وشعار النظيف (( لا تبوق ولا تخااااف))

الموضوع مو سهل

ابتعدي عن اسئله تحبني او لا
ولهت عليي او لا

وبدليها في

بو فلان احساسي يقول منت خالي ....احس في شي ملهيك عنا
واصرارك وخوفك من اني اخذ الموبايل ...يؤكد احساسي

وعطي مساحه لاستماع اجابته

وصدقيه حتى... لو ما قتنعتي

لانه الهدف من الحوار توصيل مسج باني موجوده ولست امراه هبله

وهو بينه وبين نفسه رح يعيد ترتيب حياته وينتبه لنفسه

ملاحظه اخيره

اكثر خيانات الازواج بفتره النفااااس لاسباب عديده اهمها

1-ابتعاد الزوجه عن البيت 40 يوم وبعضهم اكثر
وانشغالها بالضيوف والبيبي
2-رفض بعض الازواج مشاعر الابويه وكبر المسئوليه وتقدم العمر ...فيترجمها بعلاقه عابره ليحس انه مازال عزوبي وحر وصغير

فوفو

 

[مدمنــــة قهــــوة]

بنات لا تقولون شديه واجذبيه والبسيله ومادري شنوو

البنت توها طالعه من النفاس اكيد بتكوون عرووس ومو محتاجة تكشخ

والمفروض اهوا يكون متشفق لها وماله عذر يسوي هالتصرفات >> انا مابي احبطج ولا اضيق خلقج حبيبتي نبي ننصحج ونساعدج

ماكو الا انج تقعدين معااه تصارحينه ... يعني >>

تسوين عشا او جاي وقهوة مثلا وتنومين ولدج وتقوليله بقع معاك شوي ابيك بسالفه حلول تتفرغ لي لووو ساعه بس !!

وتشرحين له << شايف علي شي , ضايقتك بشي ، محتاج شي ، انا اعين واعاون سندك بالدنيا >> اخذيه بالكلام

بس لا تجيبين له طاري سالفه التليفون او تبينين انج شاكة فيه ,,

قوليله انا مشتاقتلك ومتشفقه عليك وانصدمت من تصرفاتك اذا شايف شي قوولي !!

تعالي معااه بالهدااوة وطولي بالج عليه << مرده لج وعليج بالاستغفار و البقررة

وان شالله يسخرره ربي لج ويبعد عنه بنات ابليس ومايشوف غيرج يارب

ودايما ادعي >> اللهم اني استودعك زوجي في قلبه ولسانه وفرجه وبصره ...

 

[عجميه ماركه]

أنا مع مدمنه قهوه


كلامها صحيح

 

[بيرلا ستور]

حبيبتي حاولي تعطينه وقت اكبر وادعي له

ومهم تسافرين ولو اسبوع

 

[Abraaj]

انا من مؤيدي الصراحة!

صارحيه بس بطريقه ثانيه! كتبي لها رساله بيني له حبج فيها .. عاتبيه وكتبي اللي بقلبج كله له.. اللي يطلع من القلب يدخل القلب..

والله يهديه ويسخره لج

 

[ام زهقانه]

ميخالف يا اختي اصبري عليه
ودعيله
ان الله يهدي وسخره

 

[miss nina]

قعدي معاه وحاولي تسوين جو حلو في البيت ..ليلة رومانسية ولو شي بسيط ..نيمي البيبي وحاولي تتقربي منه شوي شوي يعني مو تفرضي نفسك عليه ..واظهري له انك مشتاقة له ..لاتفكري بالجوال وهالسوالف وخلي كل شي طبيعي ..ولا تبيني انك متضايقة من تصرفاته ..بالعكس قربي له انتي وحاولي تعرفي وش فيه ..يتراواليي معظم النساء بيمرو بنفس الظروف مع ازواجهم بعد الاربعين فترة صعبة شوي ويبغالها صبر ..الله ييسر أمورك يارب

 

[ملگه]

الله يهديه لج يارب

 

[الهام 2009]

الله يهديه يا حبيبتي