لاب توب ايسر اليديد شرايكم فية؟؟؟؟؟؟؟؟؟؟؟

[صبا q8]

السلام عليكم اشلونكم بنات شخباركم

ادش بالموضوع الله يسلمكم ذيك اليوم رحت الغانم ولا اشوف لاب توب ايسر صغير حيييل حييل وفية منة 3 الوان اسود وابيض ووردي انا اللي اعرفة انه ايسر ردية مو زينة بس الصراحة حجم هذا اللاب توب وايد حلو وسعرة احلى واحلى ب 182 دينار ...:ggdw:
شرايكم اشتري ولالا لانه حجمة حيل حلو حق الحامعة يدش بجنطتي ؟؟!! بس الماركة مو شي:0bee2e8d89: !! اللي عندها ايسر تفيدني ومالها الا الاجر..

 

[نونة شاد اغُلو]

والله انا ماالي ايسر الجديد .. الاسوود

بس من قبل لا ايحطووون علي هالخصومات .. شريته 275د.ك

وعقب ماشريته بفترهـ .. حطو الاعلان ان نزلوا الاسعاار عليه
والله الاستعمال حلوو .. والمواصفاات كامله

انا عندي ايسر و توشيبا .. التوشيبا يجب السلال ..
ملوع جبدي اربع وعشرين ساعه معلق وبطئ عكس اول ماشريته .. والايسر عجييييييب الصراحه
والتوشيبا اللي عندي والله بـ 990 ديناار تحسفت قد شعر راااسي عليه .. وهذا بـ 275 احلااا منه ولا في الكام
التوشيبا مافي كااااااام حراام عليه الـ 990 ..!!

طبعا التوشيبا من زماان عندي يعني مو توو .. من قبل سنتييين تقريبا او اكثر بشووي ..!!

 

[صبا q8]

اييييه مشكورة حبيبتي انزين والميميوري زين ولالا يعني لازم تستخدمين مييموري فلاش او هارد دسك عشان تخزنين ؟؟!! انا سمعت انه موزين لانه مافي ميميوري؟؟؟

 

[نونة شاد اغُلو]

لا والله اللي عندي في كل شي الميموري موجود ..

ومخزنه لي الراااس .. وكل شي عاادي ملفات الدنيا والدين حاطتها ..
ملياااان حدهـ من الملفااات ..!! يعني مو شرط الميموري فلاش او الهارد دسك

بس انا .. استعمل الميموري فلاش اذا في اشيااء ماابي احطها ع الجهااز اخليها ع الميموري احسن

 

[Fa6oM]

انا واخواني كلنا عندنا ايسر .. عمرنا ماشتكينا .. انا لابتوبي صارله 5 سنين عندي وكاهو ليلحين يهبل

 

[صبا q8]

مشكورين خواتي انشالله بشتريه عن قريب ماقصرتووووا..

 

[*مسك*]

انا واخوي ايسر وذموه لين قالو بس وكاهو شحلاته

واخوي الثاني عنده ديل وشاريه بـــ300 وانا لابتوبي ايسر بـــ280 وكلهم زينين،،

بس اخوي مواصفات لاه احسن اللي هو ديلوعلييج بالعافيه مقدما

 

[تــوتــه]

انتي وحظج

مرات يكون زين ومرات لا

انا عن نفسي ما احبه ,, مع ان في مهندس كله كنت اتناقش معاه ويمووت على شي اسمه ايسر
والأيسر تتميز عموما بالكاميرا أفضل شي فيها


اما كاستخدام عمتي ورفيجتي عندهم ايسر وكله يذمووونه

 

[ArEEj]

شوفي حبيبيتي
الايسر الصغيييير اللى بالغانم انا خذيته سعره ب 149 دينار
وخذيت اللون الوردي
سرعته 1 غيغا طبعا يعتبر مناسب وذاكرته 160 غيغا حلو يعني
لان السرعات وصلت الحين الى 4 غيغا
بس حجمه روعه للشنطه
صراحه انصحج تاخذينه اذا تبين بس حق الجامعه وبرا البيت
بس ما فيه بلوتوث وما فيه مكان للسي دي
بس تركبين عليه فلاش ميموري

 

[«قطـــر موطــني»]

لابوتوب ايسر ماعليه كلام

لكن الكمبيوترات العاديه حقت الايسر هي اللي عليها وايد مشااكل

انا اقولج عن تجربه لانه في الشغل احنا نجيب للموظفيين الكمبيوترات

 

[صبا q8]

مسك .. مشكورة حبيبتي ماقصرتي .. والله يباريك فيج .
توتة .. مشكورة وصح انا سالت اللي اعرفهم ولاحد امدحها كلهم ذموووه والله يعين انشالله ..
اريج.. مشكورة حبيبتي وعليج بالعافية بس توني ادري انه مافي مكان حق السي دي مشكورة على هالمعلومة.
قطر موطني .. حيالله اهل قطر وحبيبتي مشكورة على النصيحة .

 

[TuTTi^FruTTi]

انا ماحب ايسر كل ماشتري لابتوب ايسر تخرب :s

سواء انا ولا امي ولا اختي كلهم اختربوا !!

فمادري هذي تجربتي انا

 

[ســولا]

ما في سيدي ولا بلوتوث و لا فيه اي مميزات
وحجمة للعين مو زين
انا شفته و عجبني بس محد نصحني فيه
اذا تبين صغير اخذي سوني بس اسعارة وايد غالية
و الله يوفقج