لإنها كويتيه ماتطالبون بإعدامها!!

[الأماكن]

الحق ما يضيع عند رب العالمين

 

[ابـيـض واسـود]

القتل صار جنه شربة مااااي

 

[M!Ss Un!VerSe]

نورتوني بمشاركاتكم بنات

واحترم ارائكم بإختلافها..

..

بس عندي تعليق على وحده من المعلقات
انا مو قصدي اشهر بقضاءنا
القصد ان بالنهاية ماتت المره وحتى لو قتل خطأ
معقولة بس١٠٠٠ وطلعت!!
يعني الموضوع فيه سر! والله اعلم.،

وانا ما ادافع عن الاثيوبيه عشان تقولون هذيج قتل متعمد
بس قصدت ليش الكويتيه كلكم دافعتوا عنها الحين!؟
كلكم قلتوا قتل غير متعمد ونيتها ماتقتل
هل احنا ادرى بنوايا الناس!!
واشداركم ان الخدامه اهي اللي بدت الخلاف عشان تقولون دفاع عن النفس!
قلتلكم بيصير تعصب للكويتيه،،
بالنهاية الحق حق.. والله وحده اعلم شنوصار بالفعل دام مااذكروا التفاصيل،.*

 

[sondos]

انا معاج ان الحالتين قتل ......والله مافرق بالجنسيات في العقاب بس الفرق ان الكويتيه اللى ذبحت الخدامه هذي حاله فرديه واذا ماخذت عقابها بالدنيا مايضيع بالاخره....خصوصا ان الخادمه غريبه في بلدنا ,,والغالب ان الخدم فبيتنا نعزهم ونرزهم وراحتنا من راحتهم ...
بس الخدم اللى صار كل تنفيسهم عن الغضب او عدم الرضا بالقتل والذبح بطرق بشعه تدل علي حقد موطبيعي ونكران معرووف واضح لازم ينحط لهم حد ولا نصير عايشين بدون ادني احساس بالامان حتي في بيوتنا

كل دوله رفعت اسعار الاستقدام والرواتب واحنا نقول حاضر .....ونييبهم بيوتنا نحطلهم غرفه ونشتريلهم ملابس ونوكلهم معانا واخرتها يذبحون عيالنا .......ونسكت؟؟

دلال النقي الله يرحمها الخادمه تشتغل عندهم 5 سنوات؟؟؟ليش ذبحت البنت واهي ماكله من خيرهم ولا شافت منهم الا الخير..

تعتقدين لو انها ماخذه عقاب علني وتطبق عليها القصاص كان مسلسل التذببح اللي ماشي عندنا بالديرة صار؟؟
كانت الفلبينيه ذبحت الطفل العتيبي ولا الخادمه الثانيه اللى حاولت تنحر البنت المسكينه ولا الاثيوبيه ذبحت المضيفه اللبنانيه؟؟........الخ
ماننكر ان في ناس انشالت من قلوبها الرحمه بس هذول حالات فرديه .....وديننا اكبر واول رادع لتصرفاتنا بس اهم لا قانون ولا دين يردعهم

 

[cat85]

يعطيج العافية حبيبتي.. أول مرة أسمع بالموضوع.. ومن وجهة نظري أن لو كانت لكويتية خطر على المجتمع.. جان ماطلعوها من الأساس خوفا على حياة لكويتين الباجي
يعني الموضوع مو سالفة كويتية أو مو كويتية.. والله أعلم
ويعطيج العافية مرة ثانية​

 

[ولااء]

اول شي ياحياتي الكويتيه لما قتلت مصيبه مو شي بسيط بس يكفي انه من غير قصد اي نعم انا ارفض فكره المرا اللي تمد ايديها على الخدامه لو شنو كان السبب ودايم اقول ان شاءالله مايصير لي موقف وانجبر امد ايدي عليهم لان موحلوه تمدين ايدج على وحده ضعيفه ودايم انا اذا شفت احد يزف الخدامه اقول حرام لاتستقوي عليها ليش انها ضعيفه بكره ربي يسلط عليكم اللي اقوى منكم ويسوي فيك جذي واكثر
بس لاتنسين ان الاثيوبيه الله ينتقم منها قتلت عايشه مع سبق الاصرار والترصد يععني قاصده الجريمه ومرتبتها عدل
لكن الكويتيه تهاوشت معاها وطقتها لين توفت بعد هذا غلط بس يكفي ان القتل مو على بالها وبكل الاحوال الثنتين غلط وربي لايبتلينا يارب بدم ورح انسان

 

[غلاي حمادي]

الروح حلوه .. والدفاع عن النفس واجب .. وسوالف الخدامات ماتخفا على احد
ولو مادافعت عن نفسها جان ذبحتها الخدامه .. وردت فعل من المعزبه مقبوله
والقتل بغير عمد لآيجرم صاحبه والكرامه لها دور . الخدامه فبيتي وتبي تعتدي علي
وتذبحني شلون اسكت او انحاش من بيتي وليش تبون تنقلب الموازين ويصير الحق باطل
والباطل حق .. الخدامه اذا مو عاجبها الشغل بالبيت تجمع اغراضها ولهلها
مو تصير قرندايزر على معازيبها وفي بيوتهم .. المره في بيتها مثل القطوه اذا احد تعدا على عيالها "شتسوي"؟
أكيد بتنهشه ودافع عنهم .. واللي سوته فلانه عين الصح واي خدامه تعتدي على معازيبها لآزم تاخذ اللي تستاهله
لآن اصلا الخادمه موجاي بالعواطف اللي قاعدين تتكلمون عنها .. إما خريجت سجون او جامعينها من الشارع وواقع
مايعلم في غير الله .. والكلام كثير في هذا الجانب اذا حبينا نبينه .. المهم انا نستطيع نضع الناس في مواضعهم
ونفهم نفسياتهم واخلاقهم من خلال الواقع اللي اتوا منه ونكون حذرين ومانسلمهم كل شي بالبيت خصوصا الاكل
"تحاشي السحر" والعيال "حتى لايبثوا سمومهم الاخلاقيه وحقدهم في اولادنا .. والحر تكفيه الاشاره
ونحن مجتمع راقي ويتغلب على الطيب وهم مجتمعاتهم اجراميه ليس للطيب مكان في قلوبهم وما يملكون اي مقوم اخلاقي ..
سوري طولت عليكم .. اتمنه اني تكلمت بنظره واقيه بعيد عن هوى النفس ..
تحياتي ..​

 

[M!Ss Un!VerSe]

عشاق لكن
فديتج ماله داعي الاعتذار انتي ماسويتي شي
الاختلاف بالراي طبيعي .،
*

 

[M!Ss Un!VerSe]

انا ملاحظه اغلب التعليقات يسوون مقارنة بين جريمة الاثيوبية بالمرحومه عايشه
وجريمه الكويتيه بالخدامه مع ان ماكو مجال للمقارنه.. وانا ماطلبت مقارنه
بس لمن يبت المقارنه عشان اقول عن حق كل "انسان" بالمطالبة بالقصاص..
بس موفاهمه سبب هالمقارنه
هل عشان تصغرون جريمة الكويتيه مقارنة مع فعل الاثيوبية!؟
مع ان بالحالتين القتل قتل.. صج ان جريمة الاثيوبية شنيعه ومافي مجال للتعاطف معاها ولا لها عذر لفعلتها
بس هم الكويتيه ماقصرت بالطق طقتها لمن ماتت يعني هم مو شويه ..
ولاحظت ان الكل توقع قصه بخياله وطبعا البطلة والمجرمة الخدامه*
فصارت ردودكم:
ان شتبينا نسوي اذا الخدامه تهجمت علينا،،
ترا القضيه ما انكتب فيها شصار بالضبط! ولا انكتب منو اللي بدا ولا كتبوا الخدامه تهجمت
بالعكس دايما الجرايد تكتب عن جرايم الخدم شمعنى هذي ماكتبوا شسوت لمعزبتها!؟
مستغربة يعني حتى مو كاتبين انها دفاع عن النفس.. يعني القصه الدفاع عن النفس انتوا اختلقتوها
*يعني التعصب واضح لان الكلام مو مكتوب فمن وين يبتوه!؟
لاحظوا كاتبين ان الكويتيه طقت الخدامه *بحجر وادوات مطبخ وبالايدي..*
ولاحظوا ان ماكتبوا شنو سلاح الخدامه هذا يدل مو اهي المتحرشه جان كتبو سوت وسوت وتهجمت عليها بساطور وان المعزبة اضطرت تدافع عن نفسها بس ماانكتب هالشي واضح في تستر*
سويتو الكويتيه البريئة وحطيتوا المبررات فقط لإنها كويتيه
*مع ان انا نفسي اللي حاطه الموضوع مادري منو البريء فيهم ومنو اللي تعدى عالثاني
لإن القضية مو واضحه وماحطوا التفاصيل ولاني اتعصب لأحد
لا اهل الخدامه دافعلي فلوس اكتب عنها ولا اشتغل عند حقوق الانسان ولا حتى اكون معدومة الضمير واتحيز لأحد *
بس كل ما اثار استغرابي كون اللي يقتل عادي يطلع بألف دينار!!*

 

[ملكه الآلماس]

يناااااااااس متى تتعظوا انو الظلم ظلمااااااااااااااات يوم القيامة.
اوووكي حتى لو كان قتلت بغير قصد وعمد 1000 دينار مدري درهم<< مااعرف لعملاتكم.. مرررررررره قليل في حق اهلها المفروض هادي مليوووون . عشان غيرها يتعظ.

 

[بنوتة كول]

القاتل يقتل و خلاااااااااااااااااااااااااااااااص

 

[RAHAF Q8]

ليش تدافعيين عن الخدمات باللعنه اللي تلعنهم عندي يموتون أحسن

أصلاً نهايتهم جذي وترا مثل ما طلعت الكويتيه بكفاله في خدامات اذبحوا كويتييين وعقبها سفارتهم تتدخل
ويطسون لديرتهم من دون حساب

وحكومتنا ماسوت شي ليش مستكثره على الكويتيه اللي تبينا نطالب بإعدامها؟؟ حلوه شعب يطالب بإعدام وحده منهم وفيهم عشان خدامه

ويين صارت بأي دوله؟؟


والله آنا ضد اعدام مواطنه كويتيه عشان خدامه واهيا ذبحتها دفاع عن النفس لأن ماكو كويتيه ترتكب جريمة قتل

ونادر تلقين كويتيه ترتكب جريمه وتذبح أحد احنا وين والعنف وين احنا أكثرنا خوافات

عكس باجي الجنسيات الذبح عندها جنه شربة ماي ع راسهم الاثيوبات اللي يخططون حق جريمتهم وماينسون شي




عجبتني بعض الردود اللي تحتوي منطلق انساني وردود مع الانسانيه والحق ع جنسيات معينه

عفيه بنات رساله حق كل وحده تبي تسوي روحها سفيرة النوايا الحسنه ترا اللقب حق انجلينا جولي وماراح تتنازل عنا يعني لاتفكرون تاخذونا منها
لوووووووول
بعض الردود ضحكتني ودي أشوف رايي الشعب الأثبوبي بخدامتهم الجلبه


تهقون الاثبوين مسويين مظاهرات يقولون اعدموا بنتنا اللي اذبحت عروستكم ؟؟ جاوبوا

 

[Looloo ^_^]

مع احترامي لكم ,, القانون الكويتي قانون واسطات قانون طل لي يحكمون فيه حكم واسطات لو صحيح قانون في عدل كانو طبقو كتاب الله مثل سعوديه
بس ديرتنا ديرة واسطات وفلوس اى احد يقبض خلاص يسكت علي الجريمه ولا ان كان صار شي ..
مانقول غير حسبي الله ونعمه الوكيل

 

[Looloo ^_^]

ليش تدافعيين عن الخدمات باللعنه اللي تلعنهم عندي يموتون أحسن

أصلاً نهايتهم جذي وترا مثل ما طلعت الكويتيه بكفاله في خدامات اذبحوا كويتييين وعقبها سفارتهم تتدخل
ويطسون لديرتهم من دون حساب

وحكومتنا ماسوت شي ليش مستكثره على الكويتيه اللي تبينا نطالب بإعدامها؟؟ حلوه شعب يطالب بإعدام وحده منهم وفيهم عشان خدامه

ويين صارت بأي دوله؟؟


والله آنا ضد اعدام مواطنه كويتيه عشان خدامه واهيا ذبحتها دفاع عن النفس لأن ماكو كويتيه ترتكب جريمة قتل

ونادر تلقين كويتيه ترتكب جريمه وتذبح أحد احنا وين والعنف وين احنا أكثرنا خوافات

عكس باجي الجنسيات الذبح عندها جنه شربة ماي ع راسهم الاثيوبات اللي يخططون حق جريمتهم وماينسون شي




عجبتني بعض الردود اللي تحتوي منطلق انساني وردود مع الانسانيه والحق ع جنسيات معينه

عفيه بنات رساله حق كل وحده تبي تسوي روحها سفيرة النوايا الحسنه ترا اللقب حق انجلينا جولي وماراح تتنازل عنا يعني لاتفكرون تاخذونا منها
لوووووووول
بعض الردود ضحكتني ودي أشوف رايي الشعب الأثبوبي بخدامتهم الجلبه


تهقون الاثبوين مسويين مظاهرات يقولون اعدموا بنتنا اللي اذبحت عروستكم ؟؟ جاوبوا

مع احترامي لج تره الخدم بشر مثلهم مثلنا لو مو محتاجه مالاقيتيها عندج
تره انتى عايشه بنعمه في غيرج يدورها بآجر ماتدرين الايام دواره
يوم لك ويوم عليك ممكن باجر تحتاجين وتروحين لهم وتشتغلين عندهم ترضين ان احد يذبحج وبعدها
يقولون عادي كانت خدامه عندنا خليها تولي ., الي ماترضينه حقج لا ترضينه حق غيرج
ربي يقول حق العبد:: ارحمو من في الارض يرحمكم من في سماء

 

[M!Ss Un!VerSe]

رهف

كلامج خطير

انتبهي حبيبتي راجعي نفسج
يمكن ماتدشين الجنه بسبب استحقارج لخدامه
" لايدخل الجنه من كان في قلبه مثقال ذرة من كبر"
وانا مااتكلم عن الاثيوبية ..
وانتي العز اللي فيه من الله ممكن يروح بلحظة
وتجربين شعورهم فيوم ..
فلا تتكبرين عل الخلق..
وعلى فكرة موضوعي لمو للطنازة عشان تقولين انجلينا ماتتنازل عن اللقب
اذا مافيج ذرة انسانية ومتكبره مشكلتج
فالافضل لاتشاركين بمواضيع تجرح كبريائج
في مواضيع للفكاهه والطنازة والفرفشه

وانا بموضوعي ماسويت حملة مطالبة بالاعدام
كنت اتساءل مو اكثر

ولو كنت محامية ماعندي مشكله ادافع عن الخدامه لوكانت اهي بالفعل صاحبة حق..

 

[قطوووة]

قضية عن قضية تفرق

مايصير نقارن واحنا مانعرف بالقانون

في قتل دفاع عن النفس وفي قتل متعمد

 

[Unusual]

ااعتقد إن توكسيما الدم أو مايعرف بتسمم الدم مايجي من فراغ ..*
واحد من اسباب التوكسيما هو الجرح بألة أو غيره مما يؤدي لنزيف حاد ..*
المفروووض يبينوا سبب التوكسيما ..*
لأنه غالبا حصلت لها من اثار الضرب ..*
شلون يفصلوا مابين الضرب ومابين اثاره في الحكم ، وتخفف العقوبة بحجة ان الضرب ليس هو السبب الوحيد المؤدي إلى الموت ، وأن التوكسيما هي سبب الوفاة ، من أين جاءت التوكسيما في الدم ..؟!!!*

بالإضافة إلى انه العمد في القتل يعرف بأشياء كثييرة منها آلة القتل ، مكان الضرب*

لأنه لايعقل انه واحد يضرب ع الرأس او مكان حساس *بشي ثقيل ويكون ينوي التأديب فقط ..؟!!!

عمووووما يالغالية ، ان كانت الجانية لم تقصد*
فالله يتوب عليها .. ويغفر لها وكلنا خطائين*
وخير الخطائين التوابون ..*

شكراا لك كل هذا يدل ع انسانيتك ..*

 

[برنسيسه الرياض]

المفروض كل دوله سنيه تقوم بلقصاص ع الشرع وادا اهل الميت يبون ديه عادى يجوووز واغلب الشرق اسيوين ياخدون ديات

 

[برنسيسه الرياض]

رهف <<<<<<<<<<<<احنا مسلمين ومو عاطفتناهي اللي تقرر الدين والشرع هو اللي يقرر
<<<<<<<<ولو ان فاطمه سرقت لقطعت يدها <<<<< فيما معنى الحديث

 

[كويتية222]

في امور ما ندري عنها مجرد خبر في صحيفة وبس ما ندري بتفاصيل الواقعة

ولا احنا مخوليين للحكم ع المرأة

القاضي و وكيل النيااابة ادرى بملابسات القضية

وانتي افترضتي شي واستندتي ع خبر الجريدة اللي تفاصيل الواقعة غير واضحة مجرد خبر صحفي مقنن

طيب لو ناخذ مثال : جريمة فعلية كويتية تقتل مخدومتها وعن سبق اصرار وترصد قتلتها

اهنيه بقولج اعدااااااااااااام لان هذي نفس ويحكمنا الدين الاسلامي ان القاتل يقتل ​