لأ الوضع حده موطبيعي بالنسبه لي ..

[شذى2007]

فكري انه مافيه شي بالدنيا يستاهل تعصبين عليه

 

[عالمي انا غير]

الاستغفار يهدي النفسيه

 

[عالمي انا غير]

وبعدين العصبيه مو طبع الضيقه تجيبها وتخلينا نتصرف هشكل حاولي تمشين ع البحر مرة بالاسبوع الاقل كثري الاستغفار اذا في مشاكل حاولي ماتردين الا بعد ماتهدين . وهم افتحي الدريشه الصبح خلي نور لشمس يدخل ع غرفتج صدقني ترتاحين حيل وتحسين بالأمل ونشاط وحتى لو في شئ يعكر هشئ لا تسمعيله وخليج ع مووووووودج الايجابي والله عن تجربه اقولج هشئ

 

[Tom ♥ Jerry]

،

ادعي ربج على طول انه يبعد عنج هالسالفه

بعدين لما يصادفج موقف يخليج تعصبين .،
اهدي و اخذي نفس و طلعي عن المكآن الي انتي فيه
قعدي بروحج على مآ تهدين
و لا تتناقشين مع شخص الا لمآ تكونين هاديه ؛*

تعوذي من ابليس على طول بس تحسين انج بتعصبين ؛)

 

[مسك حياتي]

تعوذي من ابليس اذا بديتي تعصبين ...


اذا كنتي واقفه اقعدي و اذا قاعده انسدحي ...


اشربي عصير فرش و قولي دوووووم ماكو شي يسوى اعصب عليه ...


ماكو شي يستاهل اخرب نفسيتي عشانه ...

 

[مارياq8]

اكيد في شي مضايقج

 

[قـــــمرهم]

اب اب اب

 

[أملي في الجنان]

الدعاء في جوف الليل
ادعي ربج أن يجعلج بارده وماتعصبين بسرعه وذكري الله وايد واستغفري
واذا ييتي بتعصبين ذكري الأمراض اللي راح تجيلج بالمستقبل من العصبيه
وخافي على نفسج وعلى علاقتج مع اللي حواليج وراح اتخف عصبيتج شوي اشوي
وتذكري حديث الرسول صلى الله عليه وسلم مامعناه( ليس الشديد بالصرعه إنما الشديد الذي يمسك نفسه عند الغضب )
واذا حسيتي انك راح تغضبين تعوذي من الشيطان الرجيم لأن الغضب من الشيطان ويفرح الشيطان اعوذبالله من الشيطان الرجيم

 

[برستيجي مآركة]

تعووذي من ابليس وتذكري انه في الدنيا مافيه شي يسوى تعصبين وتتنرفزين ويتعكر مزاجك عليه
وانتبهي ترى العصبية ترفع الضغط خلك ريلاكس وروووووووقي وش مااخذين من الدنياوانا اختك..اضحكي وطنشي تعيشي..