وعليكم السلام
أنا ولو من زمان مو مشاركه بالمنتدى بس هيضني الموضوع
ولو اني لا مغتربه ولا شي بس للأسف اذا بديرتي بالكويت كـ(جامعية) فيهم اللي ينظرلي بالشينه ليش ؟ لاني ألبس اسود بأسود وما
يبين فيني غير عيوني طبعا مو الكل ( وبكل مكان في الشين والزين ) بس تحز بالخاطر هذا وانا بديرتي في اللي ينظر لي ان هذا
نفاق أو تخلف أو تلقون جاهل يخاف من المنظر جنه اول مره يشووف عباية
يعني معقولة البعض فاهمة التفتح هو التخلي عن دينا وعاداتنا الزينه منها الستر
اذا جذي الله يستر من تاليتها
أنا وحده أهلي ما يجبروني على لبس معين او لبس عباة كتف او عباة راس بس أنا أفضل عباة الراس حسيتها تسترني اكثر من
عباة الكتف وتستر تقاسيم جسمي هذا رايي ونظرتي وك(جامعية) واختلاط صعبه البس عباة كتف خصوصا شبابنا وعيالنا ما شاء
الله عليهم عيونهم بالأرض ( اي خير ان شاء الله ) وما يخزج خز بتفاصيل جسمج وأنا أكرهه هالشي ما احب كل من هب ودب
يطالعني بشهوة وبخيال وعالمهم اللوعه لنقص الوازع الديني الله يهدينا وياهم
وأرد وأقول كل مكان فيه الزين والشين بشبابنا وبناتنا
دكتوري بالجامعة دكتور شريعة نفس الشي قال انه كان يمشي بالطريق ولا يقوله شاب او مراهق لا يحوشك ارهابي
أنا استغرب معقووله في بالكويت جذي اجل شخلو للغرب !! فإذا بديرتنا كمسلمين البعض عاملنا كـ(غرب وجايين من كوكب ثاني )
فلا تستبعدين او تشرهين ع اي تصرف من ناس ما يعرفون شي عن ديينا او حتى فاهمينه غلط
والسمووحة عالإطالة
بس من قهر وربي
