السلام عليكم
بنات هذي أول مره أشارك واحط صور وخصوصاً بهالقسم إن شاء الله عاد تعجبكم الاطباق إلي بقدمها لكم بين فتره وأخرى .
الله يسلمكم بموسم البر سويت هالكيكة وهذي مو أول مره أسويها وإهي فعلاً روعه وتستحق التجربه وإعجبت اهلي كلهم وحصلت على الطبق الفائز بين أطباق الحلويات إلي مسوينا بذاك اليوم .
طبعاً الكيكة من كتاب المبدعة بنت عبدالله
وهذي المقادير:
2/11 + 3/1 كوب طحين
م.ص بيكربونات الصوديوم
م.ص بيكنج باودر
2/11 كوب سكر
3 بيضات
4/3 كوب زيت
4/3 كوب حليب سائل
2 كوب جزر مبشور
4/3 كوب أناناس مفروم بدون ماء
4/1 كوب كشمش
2/1 كوب جوز مجروش
4/1 ملعقة صغيرة زنجبيل مطحون
م.ص دارسين 4/1 ملعقة صغيرة ملح
فانيليا
الطريقة :
إخفقي البيض والفانيليا والسكر مع بعض ثم أضيفي الحليب والزيت بالتدريج وإستمري بالخفق .
إنخلي المواد الجافة مع بعض ثم ضعيها فوق خليط البيض وقلبيه بالملعقة .
ضعي الجزر والكشمش والجوز والاناناس فوق خليط الكيك وقلبيه بخفة .
إسكبي خليط الكيك في قالب مدهون بالزبدة ثم إخبزيه في فرن حار مسبقاً بحرارة 180 درجة حتى تنضج
إخلطي حليب نستلة العلبة الصغيرة مع 4-6 حبات جبن كيري في خلاط الكيك ثم إسكبيه فوق الكيك وقدميه
