^^ كيكة الجزر اللذيذة ^^ من مطبخي

[أحلى همبه كويتية]

​

(((( كيكة الجزر ))))​

انا شفتها اعجبتني وترجمتها :eh_s(9):​

وهذا رابط الموضوع ​

http://www.q8yat.com/t1043523.html​

​

المقادير : ​

2 كوب طحين
1 ونص ملعقة شاي بيكنج باودر
نص ملعقة ملح
1 ملعقة شاي بيكربونات الصودا
1 ونص ملعقة شاي دارسين ناعم ​

كلهم نخلطهم مع بعض وننخلهم ​

4 بيضان كبار بدرجة حرارة الغرفة
1 ونص كوب سكر
2 ملعقة شاي فانيلا ​

1 كوب جوزمجروش (عين الجمل )
1 ونص كوب جزر مبشور ​

الطريقة :​

بالخلاط الكهربائي اخلطي البييض لمدة 2 دقيقة
ثم يضاف له السكر كوب ونص ويخلط 3 دقايق لما يصير خليط اصفر كريمي ( منفوش )​

- تضاف الفانيلا ويخلط مرة ثانية شوي ​

- يضاف عليهم الزيت علي سرعة خفيفة
- يضاف الطحين ( المخلوط بالبيكنج باودر والملح والبيكربونات ) وتشغل الخلاط على سرعة بطيئة ​

- يضاف الجزر والجوز ويخلط بالملعقة جيدا ​

- المفروض يكون عندك قالببين وسط نفس الحجم
تدهنينهم بزيت وترشين طحين وتحطين فيه ورق الزبدة عشان ما تلزق الكيكة ​

- تقسمين الخليط بين القالبين وتدخلينهم الفرن نصف ساعة او حتي تستوي ​

الكريمة :
ربع كوب زبدة بحرارة الغرفة
227 جرام جبن كريمي ( ممكن كيري او فيلادلفيا ) شوفي وزن كل قطعة من الكيري عشان تعرفين كم وحدة تحطين
2 كوب سكر نااااااااعم ( منخول )
1 ملعقة شاي فانيلا
1 ملعقة ليمون مبشور ( اختياري ) ​

طريقة الكريمة :
تخلطين الزبدة والجبن الكريمي عدل بالخلاط
ثم يضاف السكر المنخول على دفعات وتأكدي انه اختلط عدل
ثم تضاف الفانيلا ويخلط
ثم مبشور الليمون ويخلط ​

الكريمة صارت جاهزة ​

الترتيب :
الحين تقلبين الطبقة الأولي من الكيك على شبك لما تبرد ​

تفردين جزء من الكريمة عليها ​

تحطين عليهم الطبقة الثانية
وتفردين باقي مقدار الكريمة ​

وزينيها بالجوز الكامل ​

وبالعافية ​

ما كان عندي جوز فما حطيت ما يأثر على الوصفة ابدا
وزدت عليها نص كوب حليب سائل لأن حسيت ان الخليط ثقيل
وزدت الدارسين ملعقة بعد ​

سويتها بقالب واحد لأن ماكنت ناوية اسوي الكريمة ​

زينتها بسكر ناعم بودرة ​

وعوافي علينا وعلى اللي بيجربها ​

وايد لذيذة وخفيفة انا حيل حبيتها ​

وياحلاتها بالزوارة مع الشاي الملقح ​

​

​

 

[حيزبونه 2000]

ماشاء الله لاقوة الا بالله
تسلم الايادي

 

[أم حيدر]

هذا ظلم (2)

 

[78MariMar78]

ماشاءالله

تسلم ايدك همبووووش

وعليكم بالف عااااااااااااااااااافية

 

[xxx]

تشوق تسلم ايدج

 

[ABEER FLOWER]

روووووووعــه

تسلم إيـــدج أحلى همبه

وبالعاااااااااااافيه

: )​

 

[*السكب*]

ماشاء الله تبارك الله ​

يعطيك العافيه وتسلم يدينك ​

سبحان الله وبحمده ... سبحان الله العظيم​

 

[جارة القمر]

روووووووووووووووووووعه




تبارك الرحمن




تسلم ايدج حبيبتي

 

[فوز السعودية]

يعطيك العافيه ع الوصفه وع الترجمه

 

[اللولو97]

تسلم الايادي

 

[نووووونا]

مشكوره واااايد همبوش هالايام اتنسى عليها لوووول

 

[" بنت العز "]

حبيبتى ماكو زيت

 

[Em Toma]

جاري التجربة

 

[om MaRyooM]

كنت اسةيها برمضان
عجيبة صراحه
خصوصا اذا كثرت دارسين


تسلم ايدج ماما همبة

 

[أحلى همبه كويتية]

الزيت ثلاثة ارباع الكوب

اسفه سقط سهواااااا

 

[beauty rose]

تسلم ايدج حبيبتي

 

[<<لمار>>]

يمي يمي تسلم ايدج