كيف كان نظام حياتج قبل

[دانة_ دبي]

والله ايام عزوبيتي كانت حلوة و كنت اسوي كل اللي ف خاطري

-طبعا متى ما دق براسي اطلع و استانس و احاول اكتشف المطاعم و الكافيهات اليديدة او اروح البحر
-امارس رياضة المشي مع رياضة في البيت
-دايما انيقة اهتم بنظافتي و اهتم بجمالي تلقيني كل اسبوع عندي موعد بالعيادة و اسوي ليزر لجسمي او lpg للجسم او اراجع عيادة الجلدية
- احب اروح الاعراس و الحفلات و ازور الناس و اجتماعية و اطلع و العب
- في البيت اسوي خلطات و ماسكات
- كنت ادرس و اشتغل و اسوي كل ها الامور الحمد الله
- كنت اسافر مع الجامعة دايما و استانس و اشارك في الانشطة و الفعاليات



يعني والله العزوبية حلوة بس ما ادري بعض البنات ليش ما يستغلون وقت فراغهم

 

[yam_yam]

حبيبتي الله يوفقج و يرزقج باحسن الناس


حياتي كانت حوسة بحوسة قبل الزواج كنت كله مشغولة بالمعارض و التصاميم و الحياة الاجتماعية
تزوجت شهرين تقريبا و انفصلت بدون اولاد
بعدها صج حسيت بفراغ كبير
صار اهتمامي كله على نفسي و سفراتي تقريبا بالشهر اسافر 3 مرات كل ما الاقي احد مسافر اركض معاه لوووووووووول
كنت احس ان مابي اقعد بالكويت عشان ما اشوف احد و يسالني عن شي و الله حتى السوق ما ادخله كنت كله بره الكويت
بس بعدها بديت اهتم بنفسي صالونات و دخلت سويت تكميم و نزلت اكثر من نصف وزني و لله الحمد
بديت اكبر شغلي و شلت من بالي الزواج و مشاكله

و من الجانب الديني كان عندي ثقة كبيرة برب العالمين ان بيعوضني خير
كنت استغفر باليوم اكثر من 1000 مره و اصلي بوقتها و ووقت السجود اردد
لا اله الا انت سبحانك اني كنت من الظالمين
ربي فوضت امري اليك دبرني فاني لا احسن التدبير
ربي عوضني خير من اللي شفته
ربي ارزقني من خيرك فاني لما انزلت الي من خير فقير
ربي لا تذرني فردا و انت خير الوارثين

هذول كانت ادعيتي
و ربي لك الحمد ماصار 3 شهور من بعد انفصالي الا و ربي عوضني برجل كل البنات تتمناه و بالصدفة
مع انه كان مايبي منفصله بس لما عرف ان ماطولت بزواجي و ماعندي عيال و ارتاح بالكلام معاي
قال يبيني خلاص و ووقتها انا استخرت و ربي سهل كل الامور ب 10 ايام و الله يا بنات تم كل شي و صار زوجي

و الله يا حبيبتي ان ربي عوضني خير برجل راعي صلاة مايطوف فرض بالمسجد

سافرت احلى الاماكن و قاعدة باحلى البيوت و عايشة اميرة بحياتي ربي لك الحمد و ماكو شي اطلبه الا يجيني
كل هذا لان كنت مفوضة امري ل رب العالمين
و كنت اقعد بالليل اقول يارب انت العالم انا شنو اللي شفته و شكثر تعبت بحياتي يارب عوضني بخير من عندك
و فعلا ربي عوضني فيه

اعذريني عالاطالة بس هدفي من سرد قصتي ان تفوضين كل امورج لرب العالمين و لا تفكرين متى اتزوج و لا شلون
مثل ماقلت لك انا ب 10 ايام طلع بحياتي صدفه و صار كل شي
خلج متمسكة بصلاتج و علاقتج مع الله سبحانه و كل شي بخاطرج قولي لربج
تركي همومج كلها في سجده و انسيها و الله يا اختي بتشوفين العجب
و الله و الله ان ربي صار يحطني بنفس الموقف اللي كنت فيه مع طليقي بس عشان يبين لي الفرق بين الاول و الثاني
جنه ربي يقولي شوفي شنو عطيتج و شوفي شنو عوضتج فيه
و احمده و اشكر فضله
دايم حمدي ربج و دايم شغلي وقتج اذا عندج هواية سويها
و اذا انتي اجتماعية روحي للمواجيب و العزايم
وباقي وقتج اهتمي بنفسج و شعرج و بشرتج حق نفسج مو عشان زوج و لا غيره

و ربي بيعوضج خير صدقيني

اسفة عالاطالة
تقبلي مروري
​

 

[مزيونة الخبر]

طيب والي ماعنده موأجيب ولا عزايم وعائلته مواجتماعين وأهله قاطعين بعض شسواه

 

[Aloe Vera]

حبيبتي انتي شغلي نفسج باشياء مفيدة و ليش ما تتوظفين؟
و روحي دروس دينية و معارض و ندوات و نوادي