كيف توفرين مصروفج ومصروف عيالج

[قطايف بالمكسرات]

أنا مع الاخت سندس
حبيبتي ترى عادي اذا ريلج راتبه ضعيف الحمد لله مب نهاية العالم
قبل ماتروحين السوق كتبي احتياجاتك
واستغلي فترة التنزيلات
حتى المنظفات واغراض الجمعية قارني بين الأسعار احيانا كتيب بدينار ومثله شركة ثانية بنص دينار ترى بالنهاية كتشب
وتدعي ان الله يبارك لج واذا تقدرين سوي لج مشروع ساعدي نفسج
الله يرحمها جدتي تخش المصروف اللي يعطيها جدي وتخيط وتبيع وبفلوس البيع تصرف

 

[نـعـومـه]

لحظه اوبل شي انتي موظفه ولا طالبه؟؟

اذا كان جوابج موظفه اقول حيل يكفي الحمدلله

واذا كان جوابج انج طالبه هل 150 يعطيج وعقبها يشيل ايده ومايصرف عليكم كلش؟؟

150 نعمه بس كل ماتحتاجين اخذي مره 20 مره 30 ولما تطلعون معاه اهوه بيدفع والاشياء الاساسيه ماجله معاش خدامه اهوه بيدفعها وجذي تمشي

ترا الحياة غاليه هم اعذريه على حسب راتبه وظروفه

 

[مولاي الفرج]

حاولي ماتشترين الا الاشياء المهمه مثل ماقالت سندس في اشياء نشتريها زايده عن حاجتنا سويلج جدول

والباجي على عيالج وحاولي تقولين له يعطيج 200 , خمسين دينار زياده هم نعمه

 

[Pinky -cat]

والله حبي جنه هالمبلغ صغير عليكم ، بس دام هذا وضع زوجج تحملي بعد شتسوين. شوفي المرحلة الاولى لا تصرفين بدون لا تعرفين بشنو وشنو ظروري لج ، حددي احتياجات بورقه وقلم وشيلي قبل اي تحديد حول 30 على صوب عقب اشتري اللي تبينه وانشاله بيكفي.المرحلة الثانية شوفي الاوفر والارخص شوية بس مو معناها الارخص يعني جوده اي شي لا طبعا شوفي تنزيلات ، اماكن يديدةواشياء حلوة .المرحلة الثالثة : حاولي تسوين شي يديد يدخل لج مدخول اخر .

 

[Mrs.Q]

مو هذا القسم المناسب دشي قسم التحارب المالية مادري الحياتية
بس قلت خل اكتبلج عالسريع
ادخري منهم 50 ولاتروحين السوق الا للضرورة القصوى عيد ومناسبات وهالسوالف ولا تعلقين وناستح بالسوق والهدوم والتشري خلي وناستج اشياء تسوينها بالبيت او ماتكلف
وطبعا ال100 الباجية للضروريات والافضل انج تشتغلين ويصيرلج معاشح الخاص
واذا ماتقدرين سوي بزنس بالبيت وان شاء الله ربي يفتحها عليح
وآنا اؤيد البنات كلمي زوجج باسلوب حلو خل يزيد مصروفكم

 

[تولة مسك030]

كل شهر اخدي مبلغ معين من 150 وتصدقي منه وهم حددي مبلغ ثاني تخشينه بحسابتج وممنوع تسحبينه مرة ثانية إلا لضرورة القصوى والباقي اصرفي منه لكن بحدود وبما انج قلتي فلوسك كلها تروح بالتسوق فأنتي قبل لا الروحين السوق اكتبي كل الي تحتاجينه بورقة واحرصي انج ماتاخدين غير الي تبينه وجدي انتي بتوفرين وتشترين الي تبينه والصدقة تزيد المال ماتنقصه

هذا اللي مفكره اسويه اشكرج
مشكلتي مااكتب الطلبات اللي ابيهاا علشان جذي يطير المصروف:eh_s(15):

 

[تولة مسك030]

لحظه اوبل شي انتي موظفه ولا طالبه؟؟

اذا كان جوابج موظفه اقول حيل يكفي الحمدلله

واذا كان جوابج انج طالبه هل 150 يعطيج وعقبها يشيل ايده ومايصرف عليكم كلش؟؟

150 نعمه بس كل ماتحتاجين اخذي مره 20 مره 30 ولما تطلعون معاه اهوه بيدفع والاشياء الاساسيه ماجله معاش خدامه اهوه بيدفعها وجذي تمشي

ترا الحياة غاليه هم اعذريه على حسب راتبه وظروفه

كلام جميييل
بالعكس اهو كل شي يكون عليه
ويصرف علينا وللخدامه ومو مقصر بس هم احسه مو كافي لي
مشكوووووووورة خيتوو

 

[تولة مسك030]

أنا مع الاخت سندس
حبيبتي ترى عادي اذا ريلج راتبه ضعيف الحمد لله مب نهاية العالم
قبل ماتروحين السوق كتبي احتياجاتك
واستغلي فترة التنزيلات
حتى المنظفات واغراض الجمعية قارني بين الأسعار احيانا كتيب بدينار ومثله شركة ثانية بنص دينار ترى بالنهاية كتشب
وتدعي ان الله يبارك لج واذا تقدرين سوي لج مشروع ساعدي نفسج
الله يرحمها جدتي تخش المصروف اللي يعطيها جدي وتخيط وتبيع وبفلوس البيع تصرف

الله يرحمهااا

بالعكس منظقات واغراض البيت اهو يصرف عليهاا

واغراض الجمعيه مرة انا ومرات اهو يدفع على حسب
الف شكر ع التواجد :eh_s(17):

 

[تولة مسك030]

اول شي قبل لا تستلمين مصروفج اقري دعاء بركة الاموال
طلعي 10 دنانير او اكثر على حسب وتصدقي فيهم

عشان الله يبارك لج

بعدين نجي لتسوق
في ماركات ترا حلووة ورخيصه
حمر بدال ماك شوفي ريفلون ، مسكره بدال لانكوم شوفي ميبلين ، فونديشن واساس بدال فور ايفير شوفي ماكس فاكتور وبلاشر بدال ماك شوفي nyx
ووووو شغلات شكثر بصراحه نفس الماركات واحسن وارخص

والعطور مو كل شهر يبيلج عطر ومجموعات ، اشتري كل 3 شهور عطر او اثنين تشكلين فيهم عندج عطر ريحانه حلوو وعطورات فيكتوريا روووعه ورخييصه وتتهبل ودهن العود وهالسوالف اشتري بخور كل مده يعني جذي

والعبي والملابس هم في محلات روووعه وفووق الرووعه ولله ورخييصه تههبل
والجواتي والنعال برشكا يههبل بس غالي شوي ونيولوك قشيييت منه ورخييص وسنتر بوينت بعد فضييع

وقمصان النوم الوافي والحمرا مول ولله شغلات تهههبل ورخييصه وطلع الجسم بعد من تجارب خوااتي
و hm اكسسواراتهم فضييعه ورخيصه وتوفي بالغرض
واليهال للبجايم سنتر بوينت وستي سنتر عالاقل تمشي الحال ومرا بكل موسم مثلا بالصيف اشتري لهم بدلتين رووعه وفخمه من نيكست جذي
وشنو بعد

انا كتبت لج لاني بصراحه احس في شغلات نشتريها ومالها داااعي وعندنا بدييل عنها
*


واهم شي حبيبتي اطلبي الله الرضا والقناااااعه وشوفي غيرج ولله الفلس مايلقاها
مووفقه

مشكووورة يااحلى سندس
كفيتي ووفيتي وماقصرتي حبيبتي
كلامج عين العقل اهم شي الرضا والقناعه
وحسن التدبير
بارك الله فيج :eh_s(7):

 

[تولة مسك030]

الله يعينك ويسخر لج ويرزقك القناعه والرضا

امييييييييين يارب
:eh_s(7):

 

[تولة مسك030]

اشكر كل اللي شاركن في صفحتي
بارك الله فيكم
والله يعطيكم على قد نياتكم

 

[أم حسوون]

الله يبارك لج في مالج وعيالج.