كيف تقنع الشخص اليائس بالأمل !!

[تنـــاســـانــي]

،،،ــــــــــلام









سؤال : كيف تقنع الشخص اليائس بالأمل !!







و شكـــــرا ​

 

[Om_Ksha]

اتمنى اذا في احد يقدر يعطيني امل لاني ياااااااائسه من قلب :\

 

[iron women]

حبيباتي الياس حالة تصيب الانسان حالها حال اسعادة والحزن وغيرها من الحالاة وكلينا مرينا فيها بوقت من الاوقات موغلط

لاكن الغلط انج تستمرين باليأس وتفقدين الثقه بنفسج وباللي حواليج وتعيشين نفسج بتعاسه انتي في غنى عنها

وتخسرين اقرب الناس اللي حاوليج لان صدقيني الانسان ملول ولوتحملوج اليوم ماراح ايتحملونج باجر وكل هاذا على شنو؟؟

شنو اللي يستاهل انج تضيعين عليه عمرج بحزن وتفكير ويأس والله الدنيا ماتسوى بعدين من نعم الله سبحانه وتعالى علينا

ان عطانا نعمة النسيان وكلشي يبتدي صغير ويكبر الا المصايب تبتدي كبيرة وتصغر مع الوقت عيشو حياتكم حبيباتي

وانسو الهموم وفكرو بالنعم اللي عندكم وصدقيني وايد اشياء عندج موعند غيرج

والله ايفرج كرب كل مهموم

 

[Do I Care]

رد : كيف تقنع الشخص اليائس بالأمل !!

شلون يائس يقنع يائس ؟!


هالفتره انا ابي باور وابي امل لاني صج وصلت مرحلة اليأس مع اني اكثر وحده كنت متفائله

 

[iron women]

بنات صلو على النبي وانا اختكم ترا والله الدنيا ماتسوى توكم بعمر والورد والدنيا جدامكم

والله ان اليأس مرض واذا تملك البني ادم قضى عليه تعوذو من بليس وقطو الحزن والهم ورى ظهوركم

وفكرو بنفسكم شوية

 

[Do I Care]

رد : رد: كيف تقنع الشخص اليائس بالأمل !!

بنات صلو على النبي وانا اختكم ترا والله الدنيا ماتسوى توكم بعمر والورد والدنيا جدامكم

والله ان اليأس مرض واذا تملك البني ادم قضى عليه تعوذو من بليس وقطو الحزن والهم ورى ظهوركم

وفكرو بنفسكم شوية

فديتج كلامج مرييييح

 

[همممت]

عزيزتي
تناساني

شوفي
بقولج شي

اليأس

ما يجي

الا بالازمات
ولقله ايماننا او لعظم المصيبه والصدمه
ياتي

اليأس

لكن

لو امعنا النظر في هذه الازمات او المصائب

لرأينا فيها

الخير الكثير

بس مو بالوقت الحالي

لكن

في المستقبل على المدى البعيد

فالننظر لهذه الازمه بالنواحي الايجابيه

على سبيل المثال

الخيانه
شخص خانج اوووووه يا عظم الالم اللي يجيج من هالخيانه
لكن انظري الى الفائده لقد اكتشفتي الخيانه وتنبهتي لهذا الشخص قبل لا يستفحل الامر
والشي الثاني راح تشوفين اللي يحبج بصدق واقف وياج ويساندج وشي ثالث ممكن يعطيج قوه واراده تخليج تثابرين وتتعبين على روحج اكثر واكثر
علشان تبينين للي خانج انه هو الغلطان بالنهايه
الرصاصه اللي ما تذبحج تقويج

هذا مثال بسيط وطبعا تندرج عليه باجي الازمات

بالاراده والتفائل وقوه الايمان تتغلبين على اليأس

محد راح يوقفج على حيلج اذا انتي رافضه انج توقفين

ثابري وانظري للمصائب بمنظور ايجابي تتغير حياتج وتقلين الياس وراج

عيشي حياتج لان محد راح يعيشها لج

الدنيا حلوه وتعطيج اللي تبينه بس بشرط

اذا
انتي

تبين

مدي ايدج

واخذي منها اللي انتي

تبينه

خالص تقديري لج

همممت​

 

[تنـــاســـانــي]

Om_Ksha لو عندي امل عطيتج ،،

iron women هذا اللي صار ،، و لمن حسيت اني راح افقد الناس بلشت اخش اليأس و اضحك غصبن علي

كلامج حلوو بس صعب نطبقه !_!

شغب ،، دزيني و ادزج لوول ،، عطي هاليأس الابتسامه الصفرا تعرفينها ؟

اذا ما تعرفينها قوليلي خل اعلمج

هممت ،، كلامج يريح

و لو كانت سلبيات هالمشكله اكثر من ايجابياتها ،، ولو الايدين مربطه و مو قادر توصل حق اللي تبيه شنو الحل ؟؟

يسلمووو ع المرور كلام مقنع بس للاسف صعب !!

 

[همممت]

و لو كانت سلبيات هالمشكله اكثر من ايجابياتها ،، ولو الايدين مربطه و مو قادر توصل حق اللي تبيه شنو الحل ؟؟

عزيزتي تناساني

ليش تناقضين روحج
توج ذاكره ان في ايجابيات

انظري للايجابيات حبيبتي

وصدقيني السلبيات ترى بس بوقتنا الحاظر

لكن على المدى البعيد تلقينها ايجابيات
ولج في قصه سيدنا موسى عضه
يوم رافق الرجل الصالح
وثقب السفينه وكان يبين انها مضره
ويوم قتل نفس وبين انها مضره ويم بنى الجدار وبين انها مضره كلها كانت في الوقت الحالي
بس يوم فهم ليش وتبعياتها بالمستقبل وحكمه ربنا منها بين كثر الخير في الاعمل اللي قام فيها الرجل الصالح
ماما
لله لايمكن يعطينا او يحكم علينا بالشقا بالوقت الحالي وعلى حسب مفهومنا الا لحكمه هو يعرفها بس وصدقيني انها خير بالاخر

شوفي انا عندي مريض وماله علاج ومن ذريتي بس والله اني اعرف ان ربي يحبني يوم رزقني بهالذريه ومتعايشه معاها عدل تدرين اذا صبرت واحتسبت ادخل في هالصبر على هذا العطاء ما بي اقول بلاء الجنه احد يعافه حبيبتي

انظري الى الايجابيات حتى لو كانت بحجم ذره التراب وضخميها

عندها يروح منج اليأس ويتحول الى امل جميل حياتي انتي

خالص محبتي لج

همممت​

 

[تنـــاســـانــي]

كلامج ينحط ع الجرح و الجرح يبرى ،، تسلمين حبوبه و بميزان حسناتج ان شاء الله

عسى الله يثبتج و لا يغير عليج و يعينج و يشفي مريضج

 

[نوونيئ :$]

رد : كيف تقنع الشخص اليائس بالأمل !!

بالتفآؤل يقولج تفآئلو بالخير تجدوهـ |~ حبيبتي الامل يجي بالتفآؤل وتحسسين بالحيآه حلوهـ يعني خلي دآيم فبالج ان الدنيآ حلووه وكل شي فيهآ حلو جذي يروح اليآس ويصير الامل للحيآه ~

والله يبعد عن الكل اليآس ويزيدنآ حب للحيآه وامل وتفآؤل ~ :eh_s(9):

 

[همممت]

كلامج ينحط ع الجرح و الجرح يبرى ،، تسلمين حبوبه و بميزان حسناتج ان شاء الله

عسى الله يثبتج و لا يغير عليج و يعينج و يشفي مريضج

عزيزتي
اتمنى من الله صادقه
ان يبرى جرحج وان تشوفين الامور بنظره تفائليه اكثر
وتنزعين الياس من حياتج
لان الياس
بدايه النهايه
وصدقيني ما في شي يسوى

وشكرا على دعوتج الحلوه

خالص امنياتي لج بحياه سعيده وجميله مثلج

همممت​

 

[brettey]

رد : كيف تقنع الشخص اليائس بالأمل !!

بالتفآؤل يقولج تفآئلو بالخير تجدوهـ |~ حبيبتي الامل يجي بالتفآؤل وتحسسين بالحيآه حلوهـ يعني خلي دآيم فبالج ان الدنيآ حلووه وكل شي فيهآ حلو جذي يروح اليآس ويصير الامل للحيآه ~

والله يبعد عن الكل اليآس ويزيدنآ حب للحيآه وامل وتفآؤل ~ :eh_s(9):

ياما تفاءلنا لكن الامور تصير اسوا
انا جد جد خلاص احس الياس فعلا تمكن مني

 

[همممت]

رد: رد : كيف تقنع الشخص اليائس بالأمل !!

ياما تفاءلنا لكن الامور تصير اسوا
انا جد جد خلاص احس الياس فعلا تمكن مني

عزيزتي

يأستي من شنو

من الاخر

ما عليه يأسي منهم

محد يترجى من الاخر شي

لانهم ما يهتمون فيج كثر ما انتي تهتمين في نفسج

انتي مركزه عليهم على المؤثرات الخارجيه

علشان جذي يائسه

لكن
بقولج شي

وان شاء الله يفيدج

ركزي على الداخل

على روحج انتي

اطلبي من روحج

تعبي عليها

دلعيها

عطيها جزء من الاهتمام اللي تعطينه للاخر

عندها روحج راح تعطيج

و راح تتغير نظرتج للامور

تعبي على روحج ولا تشوفين الوضع اليوم شوفيه بعد جم سنه

بعد ما تهتمين بروحج وتعتنين فيها

تفاءلوا بالخير تجدوووووه


محبتي لج


همممت​

 

[MiSs Roma]

قلب المؤمن لا يدخله يأس لان لا يأس من رحمة الله تعالى

>>> حطي ابالج مقولة الامام علي : الدنيا حمقاء لا تميل إلا على اشباهها

* فان ما حصلتي الي تبينه لا تقولين شمعنه و ليش مو انا *

و عسى ان تكرهوا شيئا و هو خير لكم ...

من وثق بالله تعالى و تأكد انه رب العالمين يحب عباده و مستحيل يضره

ما بيدخل اليأس و الحزن قلبه مهما كانت الظروف صعبة :eh_s(15):

الامام علي يقول : من اصبح على الدنيا حزينا فقد اصبح على الله ساخطا

* عسى الله يريح قلوبكم و يجعل لكم الخير وين ما تكونون *

الي يحس باليأس خل يتذكر ربه قادر على كل شي و ابتسمي

----

 

[bint_looda]

اذا بدا اليأس يستفحل داخلكم .. عوو كلشي طاف ... صج راح تكونين بالنسبه للناس مالج قلب ... بس احسن من لايهدم كيانج هاليأس التعبان

 

[miss-winter]

الله يفرج كل همووومنا يارب

 

[كرز حالي.]

رد : كيف تقنع الشخص اليائس بالأمل !!

اليائس خليه يقارن نفسه بغيره علشان يشوف النعم اللي ربي انعمها عليه بالحياة
خليه يشوف الامراض والاوبئه علشان يحمد ربه على الصحه والعافيه
وخليه يشوف المجاعات علشان يحمد ربه عاللقمه اللي ياكلها وعلى الماي اللي متوفر له دايم
وخليه يشوف الحروب علشان يحمد ربه عالامن والامانوقوليله انت احسن من ناس وااااااااااااايد بس انت مو حاس بهالشي
وانت مو يائس.. انت تبي تكون يائس طول عمرك علشان جذي انت تقول انا يائس
ولازم يتعلق بامل او حلم يحققه ويسعى وراه
والله يهديه

 

[ĆŭŧΣ Ḟầсe ㋡]

رد : كيف تقنع الشخص اليائس بالأمل !!

حبيتي التفاؤل هو حسن الظن بالله وكل ما حستي باليأس فاعرفي ان علاقتج مع ربج يبيلها تطوير ..

ولا تيأسين ابد لنا لج رب كبير وسمعت مرة من احد المشايخ ان اذا تسلل لج اليأس معناته راح يتحقق الامل قريب جدا ولكن

الشيطان يريد بقطع العلاقة مع الرب بخيبة الظن به سبحانه لحرمان العبد من تحقيق هدفه والا يتفائل راح ينال هدفه والا يأس

خسر كل اللي وصل له , عن أبي هريرة - رضي الله عنه - قال : قال النبي - صلى الله عليه وسلم - : يقول الله تعالى :

( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير

منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) .رواه

البخاري و مسلم وهذي انشوووده رووعه عن الامل والتفاؤل يمكن تكون لكم حافز:eh_s(22):


http://www.youtube.com/watch?v=DU_gF4OAdSU

 

[الجوهرة777]

الأمل

الثقه بالله وبقدرته على تفريج الهموم

الدعاء مع الثقة بالله بالاجابه ( بدون استعجال )

الاستغفار


كل مشكله ولها حل

وما تضيق الا بتفرج باذن الله


باختصار


التفاؤل


رؤية الأشياء الاجابية في حياتج


اللجوء الى الله والتقرب اليه وكثرة الدعاء