كيف تعرفين ان هذا الشخص يغار منك ?????? وماهو اساليبه الي جعلك تشعرين انه يغار منك

[متوترة]

انا ذبحتني حماتي تكره بعض حريم حمواني من تدري اني جلست معاهم تشتغل تقول انا ادري وسوالفكم توصلني كلها
قلت ريحي راسك ماجبنا طاريك لابخير ولابشر مساكين الغيورين يحسبون هم سالفه الناس المسولفه وبيسون ل انفسهم
اهميه من لا شي وحتى يوم سفرت ديره حلوه ورجعت انتظرها تقول حمدلله ع السلامه مار لاحياه لمن تنادي والحمدلله
بلبدايه كانت تسالني عن كل شي وكنت اجاوبها بصراحه حتى لاصارت مشكله بيني وبين زوجي اتكلم معاها عادي اخر شي
اكتشفت انه تمشي وتكلم فيني على العموم بعد الواحد شيسوي . غير انه يرتاح نفسيا لاعرفت ان في ناس يغارون مني .. فمعناته
اني ناجحه ومميزه .

وبعد فيه حرمه من حريم الحموان . الله لايشقينا الا بذكره لو اروح ل اهلي يوم جلست تكلم حريم العيال تقول متوتره رايحه ل اهلها زعلانه
حسد وغيره مو طبيعيه الله يعين عليهم

 

[أميرة-]

وييي ياكثر اللي يغارون

المشكلة تلقين كل شي عندها مو ناقصها شي ومرتاحه بحياتها بس ماتبي احد عنده شي

تشترين سيارة تسمعين تعليقات وتشوفين نظرات غريبة تطالعين الللي حاسدج عنده نفسج أو أحسن منج بعد ومرتاح يعني ماعليها قاااصر بس ماتبي رحمة ربها تتزل على أحد ولا اذا مدحتج وحده جدامها أعوذ بالله جنها سابتها يزيد الحسد والكره جنج ضارتها

تسافرين تشوفين لما ترجعين حتى الحمد لله على السلامة مايقولون لج المشكلة لما اهما يسافرون ادق واسأل عادي والله ما أغار ليش ياربي هالاحساس المريض مادري قسم بالله ماعمري حسدت وحده على شي .. مرات تصير اني ادعي يعني اذا شفت وحده مثلا عندها شي حلو او صفة حلوة وودي فيها ادعي ربي يرزقني مثل فلانه بس وربي ما احسدها

 

[dalo0oa121]

يعني الكل يغار مني دام هذي الأعراض قلتوها

 

[جووري الكويت]

اعوذ بالله من الغيره الزايده من جد .. انا مرة حماي كلما تشوفني اتكلم مع حماتي واقول لحماتي كلام حلووو هي تغار مني تقعد تقوول ا انا ماقلت لكم هي كلكجيه تقص عليكم بهالكلام بالرغم انا مالي شغل بحركاتها واسلوبها وكلامها بس انا اسوي نفسي مااسمعها واكمل سوالف واذا سولفت معاها اسولف معاها بأسلوب محترم واضحك معاها بس احسها حيييل تغار مني الله يهديها يارب ..وزوجة اخوي الله يهديها تقول لااخوي شوف اختك تسلم علي شكلها موبنفس وماادري شنو تقوله من الكلام ويجيني يوم شايش معصب يقولي وش فيج على زوجتي تقول تسلمين ماترحبين فيها وهي ضيفه قلت له وش فيك انا الضيفه مواهي انا اللي اجي لبيت اهلي وهي قاعده فوق بشقه اما انا اجي واروح لبيت زوجي واااي الله يهديها بس ماني عارفه ليش تسوي جذي وحتى مرة اجوفها بدال ماتقول وين خالتي ناديها تقول نادي امج ابيها مااصدق شلون تتكلم جذي استغربت وقتها من اسلوبها بس انا من النوع اللي مااعرف ارد لما راحت ليش مارديت وقلت لها امي هذي تكون ام زوجج يعني خالتج اخيييه تحسفت اني بوقتها مارديت الله يهديها بس

 

[كاريزما حلوة]

والله ياختي اتوقع الغيرة عند البنات اكثروشكثر تصير لي مواقف
يعني مثلا عندي بدلة مسويتها بجهازي لعرسي فيها صوب الخصر ريش وهيك وكانت البدلة واااو من دخلت والكل يطالع فيها عاد الجسمي كان منزل بدلة كاملة كلها ريش اذا مارة عليكم فتخيلي في خوات ثنتين من طالعو البدلة قالو كنا بنفصلها لعرسج وكنا بنغفصلها لعرسج قلتلهم شكو قالو الجسمي منزلها قلت لهم الجسمي بدلة كلملة وانا دانتيل وحزام فوشي وتحت ريش وفيها كموم وطويلة يعني شجاب لجاب


وكل مالبست شي قالو اي شفته بالمحل الفلاني كنت بشتريه عاد انا اغلب بدلي افصلهم واحط كلف يعني ما اخذ جاهز واجد وبسسس الشكوى لله

 

[كرزه تركواز]

الغيره=الحسد

والعلامات كثيره ,,,وواضحه

وأهمها:المراقبه,,وكثرة الأسئله،،التقليد،،المقارنه...الخ

وللأسف منتشره ف مجتمع الحريم...الا اللي تخاف ربها

وأحس الرجال اخف منا

الله يهدي ضال المسلمين

 

[قطرررريه]

انا عندي بنت عمي تغااااار
واكتشفت ان كل ماجيت بسوي شي حلو او شي بيطلع شكلي الخارجي حلوو
تقعدد تقول من صجج انتي مب شي ووتذذم

واذا في عزيمه او عرس وانا ارقص تقعد اتشككني ف عمري تضحك
وتقول شفيج انتي شهلحركات
!!
ونظراتهاا نظرات حقد
انا ماحط في ذمتي بس وايدد مواقف تثبت
يعني هي بنت عمي المفروض تحب لي الخير مثل ماتحب
لنفسها
والله يصفي النفووووس

 

[7rbia]

الغيره مرض يمرض الانسان ويشغل عقله
واتوقع انعدام الثقة هي السبب الرئيسي..
يهدي من يشاء

 

[المنتقمه]

لاحول ولا قوة الا بالله