كيف ترتبين قمصان نومج ؟؟

[بنت باباتي]

هلا فيج وحياج الله بينا انا احط قمصاني بجاس اورقنزا لونهم فاتح عشان يبين اللي فيهم وحاطتهم بصندوق مطروق ستايل هندي وفيه قفل للخصوصيه وحاطه معاهم مكعب مسك


وصراحه فشله الخدامه تشوفهم خصوصا اذا كانوا مستخدمين يعني ريحة العطر فيهم اكيد بتكون قويه وفشله تعرف شمسويه ابييييييييييييييييه فشله
انا كل الملابس انا اللي اغسلها حتى يوم كانت عندي خدامه والكوي انا اكويهم حاطه لي اوتي بخار بالغرفه حق القمصان

 

[Doodoo.star]

انا استفد منك شكرا

 

[فرحه عمر]

والله يا اختي كنت اعلقهم بالكبت بس من كثرو صراحه لعوزوني العلاق يتشربك مع العلاق الثاني وحوووسه ونفس الشي ملابسي الداخليه وشفت بنات يبيعون علب بس الصراحه غاليه وبلاستيك ماتسوى سعرها فمره كنت رايحه ايكيا لقيت عندهم علب من 6 قطع في منهم لون بيج وفي كحلي غامق على اسود ويجي طقم كامل من 3 احجام كل حجم قطعتين المستطيل حطيت فيه الستيانات وفطييييييع شكلهم مرتب ةالمربع حطيت الاندر وير والمربع الكبير صفت الشلحات فيه ونفس الشي حطيت لريلي المربع الكبير قطعتين وحده حق الفنايل ووحده حق السروال الطويل وباقي القطع شي للطواقي وشي للبوكسر حتى اهوه استانس عليهم الملابس تجي مرتبه فوق بعض مافي شي يسيح على بعض هههههه
اما القمصان نفس الشي في نفس العلب بس حجمها واحد كبيره وعميقه وفي منها عمقين عشان اذا حطيتيها بالكبيت وفيها يده تسحبينها منها رووووووعه اهي صايره 3 قطع فانا معزله القمصان القصيره بعلبه والطويله بعلبه واللي قطعتين بعلبه وتصفيط عادي اللي ابيه اطلعه قبلها بوقت واكويه بس في شغلات اللي ماتتصفط معلقتها بالكبت بس واذا مالج خلق الكواي في ستاند البخار بسرعه يخلص بس للامانه بعدني ماشريته

 

[choclatecho]

خوش فكرة انا كلهم معلقين في الكبت بس صح شكلي بشتري صندوق مبيت كبيير و احطة في داري و كل سوالف الاحم الحم فيه لان كبتي انا بدار اللبس و اكيد الخادمة اتبطل اتشوف بس انا اغسل و اكوي لسوي طريقة الجياس الاورقنزا احلى وايد وايد و القدم الي مليت منهم بشيلهم بصندوق

 

[aengineera]

بنات من وين تشترون الجياس الاورقنزا ؟؟؟

 

[ام فجور 2008]

بنات الصناديق وين تحطونهم بالارفف ولا بكبت التعليق تحت ؟؟

 

[سُوالفي حلوة]

بنات الصناديق وين تحطونهم بالارفف ولا بكبت التعليق تحت ؟؟

اي حبوبة احسن شي اتحطين الصندوق تحت بالكبت العلاليق
والله اسخرلج زوجج ويرزقج الذرية الصالة اااااااااااااااااااااااامين يارب العالمين

 

[aengineera]

بنات من وين تشترون الجياس الاورقنزا ؟؟؟

بنات ردو علي

 

[ام فجور 2008]

اي حبوبة احسن شي اتحطين الصندوق تحت بالكبت العلاليق
والله اسخرلج زوجج ويرزقج الذرية الصالة اااااااااااااااااااااااامين يارب العالمين

تسلمين حبيبتي والله يشافيج انشاءالله وتشوفينا عيال اعيالج

 

[ام شريفه]

انا قمصان النوم أحطهم فيه يراره كبييره و ما أقدر أشوف منهم شي صرت مالي خلق ألبسهم لانهم مايعين على بعض عيزت و أعدل فيهم ماكو فايده و مادري أحط سالفة الجياس مو عمليه يعني جم جيس بشتري؟

محد عندها فكره مرتبه أكثر؟

 

[@الياسمين@]

انا عندي درجين واحد حق الملابس الداخليه
وواحد حق قمصان النوم
اما القمصان الطويله والارواب اعلقهم

 

[الأميرة جوري]

انا لي كبت خاص بس للقمصان والملابس الداخليه ,,,,,,,,,,

 

[مرمورة]

انا درجي مال قمصان النوم كان كارثة يضيق خلفي لافتحتة
عاد رحت شريت جياس اورجنزا ملوت القرقيعان من بياع الورد واخترت لون شفاف عشان اعرف القميص بدون لا افتحهم وحطيت كل قميص بجيس وصفيتهم بالدرج وكل مابغيت واحد طلعتة بدون لا اعفس الباجي
كان ودي انزل الصور بس للاسف ماعرف
وسويت نفس الشي مع الشراشف او الفلات , يعني كل شرشف مع اجياس المخاد ملوته حطيتهم بجيس بروحهم صار شكلهم حدة مرتب
وتلاقون الجياس هم فبياع الورد بس حجمهم كبييير
واسفة عالاطالة والقرقة

 

[السهم الصويب]

ثانكيوووو
بروح بياع الورد حق اكياس الاورجنزا
بس خاطري بدانتيل منو يعرف وين ينباعون ؟

 

[عيالي...حياتي...]

انا اعلقهم... بالكبت...

 

[Mona Lisa]

للرفع

 

[دلع الكون]

من ناحيتي البس القميص لبستين وبعدين اقطه لان ريلي من النوع اللي مايحب اكرر اللبس

وعشان جذيه ما اغسل القميص

والكبت فيه الاشياء الخاصه شويه بس معلقتهم

 

[غلأأأأ مغليهأأأ]

اب اب