كيف تتعاملين مع زوجك و انتي زعلانه

[mayesalreem]

يسعد مساااكم

الموضوع من عنواااانه

انا ريلي مضااايقني بس يسوي نفسه برئ انه ما طلعت منه العييبه

مصيبه يعرف اشلوون يلف و يدوور و انا وايد بريييئه ما اعرف الف و ادووور نفسه

يعني انا تعباانه و متضايقه من اهماله بس اهوااا يدق علي يسوولف عادي و يدزلي هل حياتي اشلونج؟؟

ديري بالج ؟؟

وايد تعبااانه و اهوا و لا حااس او بالصح يسوي نفسه ان ما ادري اشفيج زعلانه و متضاايقه
يعني يحرني ان اكون مضايق و اقوله تعال طلعني ضايق خلقي.

يرد انا مواعد الربع و بعدين الديوانيه ... ولييين

و عقب شوي يدز ها حبيبتي يسالني اشلونج؟

افففف تعبت نفسيا اشلون اتعامل معاه

هل احقره ابينله ان مو هامني..

علما بان قبل اسبوعبن قعدت ابجي ساعه جدامه قتله انت ما تهتم فيني و لا تدلعني تونا ما صرلنا سنه مع بعض

 

[mayesalreem]

وينكم كويتيات

 

[دلوعه ززوجي]

مدري زوجج يحير شوفي اي يوم فاضيواطلعي معها

 

[αмάι]

احقريه
ولا تبينن انك ميته عليه
وانتي سلي نفسك
فيه اشياء كثيره تقدرين تسوينها
الهي نفسك ولا تجلسين بس تنتظرينه هو الي يونسك
حسسيه انك بتقدرين تسوين اي شي بدونه
وان شاء الله ربي يهديه لك

 

[a7la_7b]

دزيله مسج قوليله حبيبي باجر ابيك تفضي نفسك عشان نطلع مع بعض
يمكن يحن ويطلعج ترااا الاغلب جذي مو بس زوجج

 

[ترجمة احساس]

اب اب

 

[الشيب الفلاحي]

شوفي يا قلبي المرات اللي يكون هو الغلطاااااان ,استخدم اسلوب الصمت ,ووووربي سحر
ييني يراضيني :ggdw:


واذا انا الغلطانه لا والله انا اللي استسمح منه , وصاااافي يا لبن ,,,,,, حليب يا قشطه


اسال الله العظيم يسخرة لج :yaaaaaarb:

 

[يكفيني وجودكـ]

انا صارلي زعلانه من زوجي يومين مايكلمني ولا اكلمه
ماعرف شلون اتعامل معاه مع انه هو الغلطاان
الله يسخرلنا ازواجناا ي رب

 

[love-latee]

الله يهديهم لنا
لازم نطول بالنا

 

[mayesalreem]

والله احقره ايي يراضي و عقب جم يوم يرد من يديد

اففف ابي حل جذري

و في شغله ثانيه اشلون الهي نفسي اذا اهوا موجود بالشقه اشلون اسوي نفسي مشغوووله
مابي ارتب و انظف جدامه ابي شي حلو يشغلني

اهوا بس مجابل تلفووونه واتس اب

 

[mayesalreem]

وفي شغله بعد ابي اسووولف و اقرق ابي اشغله معاي

ابي يفتحلي قلبه و يسووولف و يقوولي اخباره و اخبار اهله

جني قاعده مع صنم

افففففف حالتي صعبه ادري

و المشكله لو دخل اهنيه و قرا اللي اكتبه لان قالي انا ادخل كويتيات اشوف كل وحده تتحلطم على ريلها هالكلام اعترف فيه قبل عرسنا

 

[يَ ربححه فيني]

حقريه وطلعي ويا رفيجاتج حسسيه إن ناس وايد ميتيين ع شوفتج
وإذا سأل عنج ولا قال أبيج <<< قولي ميخالف رفيجاتي ينطروني
ذيكك الساعه بيحس نفس الي كنتي تحسين فيه وراح يعرف شعور التجاهل

 

[اللؤلؤ المتناثر]

احقريه
ولا تبينن انك ميته عليه
وانتي سلي نفسك
فيه اشياء كثيره تقدرين تسوينها
الهي نفسك ولا تجلسين بس تنتظرينه هو الي يونسك
حسسيه انك بتقدرين تسوين اي شي بدونه
وان شاء الله ربي يهديه لك

أنا معاها :eh_s(15):
لاتخلينه يحس أنه هو كل شي بحياتج

 

[انثى عاشقة]

لاتبينين انج ميتة عليه
يطفش الرجال ويبدأ يتجاهلك
انتي قلتي تبينه يفضفض ويسولف
خليج انتي الغامضة معاه وهو الي ميت
يبي يعرف شعندج
جذي بتكونين بعينه لغز يحاول يفكه طووول العمر
ولا يمل
لو كنتي بريئة وكتب مفتوح راح يمل
ويدور ع شي يلفته
كل الرياييل جذي
​

 

[^_^يالي احبه^_^]

الله يسخره لج يارب

 

[انا لحبيبي .]

الله يهدي بالكم ويصلح الحال ،

والحمدلله انه زوجك بسالك مالك وشو مزعلك وبطمن عليكي كل فتره ، شوفي مشاكل البنات بالمنتدى بتعرفي انه انتي عايشه بجنه .

 

[أحلا اثنين]

الله يوفقكو ويبعد عنكو المشاكل

 

[هاااايدي]

مدري بس الله يعينج

 

[شذى الحب]

الله يبعدنا عن المشاكل يااااااااااااااااااااارب ولا نشووووووووووووووفها يارب

 

[أم زنوبة]

اففف منكم يا الرياييل تلوعون الجبد

يا وخيتي عندنا وعندج خير الله يسخرهم بس