السلام عليكم ورحمة الله وبركاته
اليوم جبت لكم طريقه روعه انا طبقتها بعد ما شفتها باليتيوب
الاجانب معروفين انهم كل شي يستخلصونه ويصنعونه في البيت مو مثلنا نحب كل شيء جاهز :eh_s(9):
طبعا انا حبيت اشوف هالتجربه بنفسي وقعدت ابحث بمواضيع بالنت كيفية صناعة الزيوت
وشفت 3 او 4 طرق مشهوره في صناعة الزيت
واخذت اسهلها واشهرها ومستهلكه كثير وشفتها باليتيوب كثير وبمواضيع :eh_s(15):
المهم
شوفوا شنو سويت :
رحت اول شي العطار روحي حق عطار مشهور ومضمون لان بعضهم ماعندهم امانه
المهم قلت له ابي عشة الخزامي ( اللافندر ) قلت ابيها جديده ونظيفه يعني توها
عطاني وريحتها واااو ونظيفه ومبين انها جديده
هذا الشكل الاساسي للافندر
الي شريتها كانت عشبه مثل هالشكل
اخذتها وحطيتها بكيس بلاستيك صغير ودقيتها بيدي قليل وهرستها قليل بس مثل بالصوره
هي حاطتها بكلينكس متين انا حطيتها بكيس بلاستيك اسهل
وحطيتها بقاروره زجاج
وصبيت عليها زيت نباتي طبيعي بدون رائحه ولا نكهه
تقدرين تحطين زيت زيتون او زيت نباتي مثل دوار الشمس نور
انا استخدمت دوار الشمس
وعبيتها غطيت العشبه واقفلتها باحكام قبل تحطين الغطاء حطي قطعة غلاف البلاستيك عشان يمنع دخول الهواء
ورجيتها جيدا وحطيتها بمكان مظلم ومو حار يعني بالغرفه مثلا لان التكيف يشتغل فيها بوقت الصيف وهالايام مافي حر
وخزنيها لمدة 3 اسابيع او اكثر بعضهم يخلونها اسبوع بس لو تبين زيت مركز كل ماطول كل ماكان احسن
طبعا كل يوم لمدة اسبوع تشوفينها وترجينها جيدا بعد الاسبوع خلاص خليها بروحها لين انتهاء وقت العقد :dddds: ( وقت التخزين )
.....الزيت طول هالمده بياخذ خصائص العشبه او النبته وبياخذ ريحتها وفايدتها
بالاخير صفيها بشاش
طبعا حطي على القاروره ليبل وكتبي عليها اسم الزيت وتاريخه
خليه سنتين من تاريخ الاستخدام على حسب كلام العطار
ونفس الشي زيت النعناع رحت سوبر ماركت عندهم خضار طازجه وشريت من عندهم كميه نعناع ونفس الطريقه سويته
و طبعا اي زيت تبينه نفس الطريقه ....... سواء زيت الثوم او زيت الليمون او اي كان
وان شاءاالله ناويه اسوي زيت الزنجبيل لان الطريقه عجبتني حيل سهله واضمن الزيت الي استخدمه بنفسي شنو مكوناته وطبيعتها
وبس حبيت انقل لكم تجربتي :sfg: دعواتكم
وانعمي بزيت طبيعي مركز من صنع ايدك ...
_03BA:
التعديل الأخير:
