كيف احفظ الرز والطحين من السوس والدود

[حمووو]

انا احط الرز والطحين في محافظ وماتجلس ايام ويطلع السوس
واحيانا دود تعقدت كل شي سويته بس مااقدر احطه بالفريزر لانه صغير

 

[eman12]

اللى اعرفه ان العيش تخليطين معاه ملح خشن

 

[ام العبايه]

رد : كيف احفظ الرز والطحين من السوس والدود

اول شي العيش ما يسوس الا اذا تخزن بكميه ومده كبيره اشترى كميه شهر مو اكثر والطحين حطيه بالثلاجه ينتهى تاريخه واهو ما سوس هذا اضمن مكان ...........

 

[حمووو]

رد : كيف احفظ الرز والطحين من السوس والدود

مشكورين على الردود

 

[العيناء]

هلا اختي عند دايسو كرتونه صغيره فيها جيس بروائح مختلفه ثوم وشجرة تحطينه بالعيش وهو بالقصدير ما تفجينه يوخر الدود انا توني شريته وبشوف
انا اشتري حق شهر بس احنا ما ناكل عيش وايد واكتشفت ان الخيشه تحمي العيش برد احط العيش بالخيشه واحطه بيرار العيش

 

[ذكـرى]

رد : كيف احفظ الرز والطحين من السوس والدود

اللي اعرفه ان الفريزر اهو اللي يحفظه

انا علمت خداماتي الطحين في الفريزر

والرز اذا كان بعد بكميه كبيره بالفريزر

واظن انه افضل حل

 

[مفحطه بناقه]

استفدت من الردود

 

[الـحـ الاول ـب]

نفس البنات

الطحين بالفريزر
والعيش لا تجيلين اكثر من شهر
وسوي لج مع كبت المطبخ كبت للعيش

 

[queen2007]

رد : كيف احفظ الرز والطحين من السوس والدود

العيش احطه بتب مسكر وما اخزن كثير والطحين احطه بالثلاجه

 

[مروقه على الكوفي]

الرز في حاافظه في الدولاب
والدقيق في الثلاجه اوفي الدولاب لكن يكون مغطى كوويس عشان ماايتعرضله السوس

 

[حمووو]

رد : رد: كيف احفظ الرز والطحين من السوس والدود

هلا اختي عند دايسو كرتونه صغيره فيها جيس بروائح مختلفه ثوم وشجرة تحطينه بالعيش وهو بالقصدير ما تفجينه يوخر الدود انا توني شريته وبشوف
انا اشتري حق شهر بس احنا ما ناكل عيش وايد واكتشفت ان الخيشه تحمي العيش برد احط العيش بالخيشه واحطه بيرار العيش

مشكوره اختي عاد انا اذبحيني عند دايسون وانا بعد انجيب خيشه صغيره بس انا شاكه بالمحفظه لانها كاتمه

 

[un_6abe3eya]

الاسبوع اللي طاف شفت على قناه فتافيت اذا تعرفينها مالت الطبخ
وحده جزائريه اسم برنامجها حوريه المطبخ تحط مع الطحين والعيش
فلفل اسود صحيح يعني حب مو مطحون وانصحت بهالطريقه

 

[منى راشد]

رد : كيف احفظ الرز والطحين من السوس والدود

مشكووووورين على النصيحة

 

[أم شلاش]

رد : كيف احفظ الرز والطحين من السوس والدود

السلام عليكم

هو اهم شي والسر بالتخزين
هو تبعدينه عن الرطوبه بكل حالاات

بالنسبه للطحين دايركت الفريزر
ويبقى مثل ماهو لين تاريخ انتهائه ولا تخلصينه ^^


والعيش

لو تشترين اكياس من الجمعيه وصغيره راح تخلصينها بسرعه اتوقع
وماتطول بالتخزين بس تقدرين تحطين وياها شوي ملح خشن وهي بجيسها




أما تو تاخذينه من التموين
وبكميه مو صغيره يعني متوسطه او كبيره

احنا حموله ماشاء الله ومتعوده ع ايام الوالده الله يرحمها

اشتري تب المنيوم تلقينه بمحلات المواعين القديمه ولا المباركيه اللي يجيج كأنه اسطواني المنيوم معاه غطاء
اشتري الحجم المناسب لج كبير ولا متوسط ولا صغير بس موحيل

طبعاً اول شي تنقين العيش وتلقطينه أو قولي لخدامتج وعلميها

يعني لو من التموين سبحان الله فيه قطع قشور ولاصخر من الشحن والتخزين
وطريقه تنقيته هو تحطين شوي على صينيه مدوره وتمشينه بيدج وتشوفين وياه شوائب ولا لا وحطيه بجدر اللي نقيتيه

وبعدين اشتري جيسه كبيره ملح خشن أو ثنتين المهم تكفي وتزيد للعيش
حطي جزء منه بالقاع ماله بحيث يغطيها
باقي الكميه كتي شوي عيش وشوي ملح عليه وخلطيه وكل مره جذي لين تخلص كميه العيش والملح عندج الباقي كتيه فوقه وصكريه وحطيه عالرخام المخزن مال الماجله اهم شي مايكون عالارض مباشره مرفوع يعني ^^

وبعدها لو تخلينه سنه سنتين عادي ماراح تخرب حبه العيش بالعكس بس اهم شي كميه الملح الخشن تكون كبيره

ومعلومه للبنات 200%

العيش البسمتي كل ماصار اقدم [ صار معتق ] صار اغلى واطعم
تصير حب البسمتي شحلاتها ونثري وطبخ حتى للذبايح موطبيعي
والمناسبات ولا غيره رووعه روووعه^^

وحتى لو طلع فيه شوي دود ولا دويبه
راح تموت بسبب الملح

وبعدين مجرد فقط تاخذين منه جيله ولا الكميه اللي تبين كل مره
وتغسيلينه كذا مره كافي وبعدها تطبخينه ولا تنقعينه شوي شي راجع لج وشلون تبين العيش والطبخه
^^

وهذي نصيحه من اخت لأي وحده ولو تسألون امهاتكم عن تعتيق العيش وتخزينه قبل راح يقولون لكم الملح الخشن
وهذا للامانه علمتكم طريقتي االي تعلمتها من امي وجدتي الله يرحمهم

دعواتكم بنات

 

[مظلومة حيل]

رد : كيف احفظ الرز والطحين من السوس والدود

ما قصرتو و استفدت منج يا ام شلاش
واااااااااااااااااااايد

 

[**MiMi**]

رد : كيف احفظ الرز والطحين من السوس والدود

حبيتي انا احط بصله كامله مو مقصصه ولا شي بالعيش وما تطلع ريحه ع العيش بس تبعد الدود وعن تجربه

 

[Miss ksh5h]

رد : كيف احفظ الرز والطحين من السوس والدود

انزين بالطبخ مايصير العيش مالح بسبة الملح اللي خلطناه ؟؟؟

 

[أم شلاش]

رد : كيف احفظ الرز والطحين من السوس والدود

لوووول

حبوبه [ الملح خشن ويا العيش تخلطينه ]

لاجيتي بتطبخين ..تاخذين جيله ولا اكثر وتحطينهم بطاسه وتغسلينه كذا مره ^^
عن الغبار والملح وكل شي لين الماي يصفى

ومايصير مالح الا اذا نقعتيه بماي وملح
بس دام المواد جافه لا ^^ الملح يحافظ عليه لا أكثر

ان شاء الله اكون أفدتج

 

[نيبال الايمان]

مشكورة يالغالية على هالموضوع

موضوع حلو ومفيد

وانا بصراحه اشوف امى تحط الطحين والعيش كل واحد بتب كبير اللى مخصيصين لهالسوالف وتخلط مع الطحين والعيش فلفل احمر مجفف تلقونه بالجمعيات صوب البهارات

وبصراحه انا جربته ببيتى وما دود العيش وبالنسبة للطحين بصراحه انا اجيبه اول باول وعلى طول بالفريزر وبكميات بسيطة

ان شاء الله تستفيدون

 

[Tender Heart]

رد : كيف احفظ الرز والطحين من السوس والدود

انا العيش احطه بعلبه بلاستيك كبيره شاريته من سيتي سنتر ومصكره واحط جيس داخلها والطحين احطه بالفريزر واكون هم مجيسته