البارت الخامس:
قاعد على فراشه بيده تلفونه وحدا منصدم ..
محسن : @@شنووو!!ينت هذي ؟؟ لا لاا أكييد ينت
( و دق عليها)
طووط.....طووط...طوووط المشترك لا يرد ير..
محسن تنرفز: أييي رداايي رداايي!!! ( و حذف تلفونه عالطوفه)
--------------------------------------------
تحت على طاوله الطعام:
في تقعد: وين حصيص؟
ناديه وهي تنجب حق صالح (ريلها) : رايحه تنادي أخوج.. ( و تشوفها نازله من الدري) كاهيئ عمرها طوييل ..
حصه تيي تقعد: شنو؟ شقاعدين تقولون؟
في: قاعدين نحش فيج ^_^
حصه : أها.. يمه عطيني قفشه..
ناديه : هاج...
في: يمه بليز صبيلي ماي..
ناديه تصبل ها: هاج...
حصه: يماا يمااا السلطه ولا عليج أمر..
صالح: بس عاد خلو أمكم تأكل قوموا هزوا طولكم !!
حصه: أنزيين لا تعصب..
ناديه: إلا أقول صالح.. شصار على سفرتنا؟
صالح باله مع الشركه : أي سفره؟
ناديه: هو !! سفرتناا أنا و بناتك حق فرنساا!!
في : شنو !! بنسافر@@
حصه: ليش ما قلتولنا ؟!
صالح يكلم ناديه: أائيي !! أي حجزتلكم أمس .. أشوه ذكرتيني كنت ناسي !! سفرتكم الأسبوع اليائ..
ناديه: أي يوم؟
صالح: الأربعه إنشالله ..
ناديه: إنشالله..
في و حصه: لحظه لحظه شسالفه!!!:s
ناديه: شنو شسالفه ؟ بنسافر بعد شنو!
حصه: وناأسه ^_^ مع منو بنسافر؟
ناديه: أنا وياكم و خالتكم نوال ..
في: بروحها؟
ناديه: أي بروحها ..
حصه : يعني خالتي نوال ما عندها إلا ثلاث صبيان و أصغر واحد فيهم أكبر مني بسبع سنين بتيي مع منو بالله ؟ حفيدها؟ -.-
في: مادري يعني أسأل..
عبد المحسن نزل و شكله طالع..
صالح : هاا !! وين على الله؟
محسن ماله خلق : طالع..
ناديه: يمه تعال أكل ما أكلت شي !!
محسن : لا يمه مستعيل..
صالح: أنزين علامك مطيور جذي لا سلام لا شيء ..
محسن يبطل الباب: ما عليه يبه سامحني.. مع السلامه.. ( و طلع)
صالح يلف على ناديه: علامه ولدج معتفس هاليومين؟
ناديه: وييئيئيئيه أسكت ولي يعاافييك!! أهوو من درا أنه إلي يبيهاا مخطوبه وهوو حاله مقلوب فوق حدر :s
صالح: إلي يبيها؟
في مو عاجبها: وييه سلييحط !! أكييد دانوو مغيرها،!!
حصه تطقها عالخفيف: فيوو و يهد !! أوصص جب !!
صالح: دانه؟ منو دانه؟
حصه ترقع: أي يبا هذي وحده ويانه بالجامعه ^_^..
صالح: لاا؟ و شعلاقتها بحسون أخوج؟^_~
حصه: ها؟ لا مأكو بس تعرف يبا فيون تموت عالتأليف ^_^
صالح: أهاا..
ناديه تكم على في بدون ما يشوفها صالح ..
حصه تساسرها: يعني لازم تفضحين؟
في: وآنا شدراانيي !!
------------------------------------------
عقب نص ساعه بالكلية..
دانه وهي تمشي: يعني زهوور شسوي؟ أبيع أهلي عشانه؟ بعد هم ما يصيير !!
زهره: بس مادري يعني حرام!! أهوو يحبج..
دانه:عادي.. ينساني مع الوقت..
--------------------------------------------
بالسياره:
عثمان ( أخو غاليه): حسون شفيك يبا؟ هونها وتهون!! مهي أول ولا آخر بنت تهدك ترى!!
محسن: ....
عثمان يشوف الطريج: ؟! وين رايح؟
محسن:،......
عثمان: محسن قاعد أكلمك أناا !! وين رايح؟
محسن: كليه الآداب..
عثمان: إدااب ؟! ليش؟
محسن:.......
--------------------------------------------
في غرفة في :
تدق على غاليه و تلقاه ويتنق
في : أفففف ... سنه سنه
غالية ترد ببرود : ألو
في : انتي وينج ؟ ؛@ صارلي سنه أدق ؛@ ما شبعتي مغازل ؟؟
غاليه : هو شفيج ؟ كنت أكلم وهاب و قام يقولي كلام حلو ستحيت اجعمه و أسكره
في : عاد الله و الكلام الحلو .... مادري إشايف فيج يقولج كلام حلو
غالية : هههه مادري ... إنزين شفيج شبغيتي ؟
في : أبي أروح وياج السوق بجهز حق السفر
غالية : حلفي @_@ وين بتروحيين ؟؟؟؟
في : لي شفتج أقولج
غاليه : أوك .. متا بتروحين؟
في: بأجر آلصبح..
غاليه: ساعه جم؟
في: عالعشر جذي..
غاليه: إوكيك..
--------------------------------------------
بكلية الآداب
ناطرها عند باب سيارتها
دانة تأشر حق رفيجتها : باي .. نشوفج باجر ،( و لفت ويهها لقت عبدالمحسن ناطرها و وييها متنرفز )
دانة : محسن ؟؟؟ شيايبك ؟؟؟
عبدالمحسن : ليش أدق عليج ما تردين ؟
دانة : أتوقع أني قتلتك سبب رفض أهلي لك و انتها كل شي .. و ييتك هاذي ما راح تغير شي
عبدالمحسن : دانة من صججج ؟؟؟ انتي راظية تبيعيني عشان واحد ما شفتيه و لا تعرفينه ..راظيه ؟؟؟؟؟
دانة : أهلي اختارولي الزين ... و أنا ما بعتك ... بس الله مو كاتب شنو بيدي أسوي ؟؟؟؟؟
عبدالمحسن : شنو بيدج ؟؟؟؟ يعني ما عرفتي تكلمين أهلج و تقنعينهم ؟
دانة : لا والله ؟؟ شقولهم ؟؟ أقول أن أبي هالريال أنا أحبه و أبيه ؟؟؟؟؟؟
عبدالمحسن : بس كنتي تقدرين ترفظين الريال ؛@
دانة : لا ما أقدر .... الريال مافي ولا عيب .....
عبدالمحسن : يعني أنا إلي فيني العيب ؟؟ دانة حرام عليج أنا غيرت واايد أشياء من نفسي عشانج
دانة : عبدالمحسن خلاص تكفا ... روح و الله يوفقك غير هالحجي ما أقدر أقولك ( و فتحت باب السيارة )
عبدالمحسن يمسك أيدها :أنا مو أهم انتي ليش قاعده تسوين جذي؟ دانة أنا محسن ..
دانة تنرفزت و ؤخرت أيده:يعنيي أمشيئ ورااك و اخليي أهليي يولوون؟ أبييع أهلي عشانك ؟؟
محسن منصدم:.....
دانه هدت شوي وحست أنه لو زادت عادي يعطيها كف: محسن بليز أفهمني.. أنا مأقدر .. يعني لو كنت أدري بيصير جذي جان ما كملت وياك طول هالمده.. بس إحنا مو مكتوبين حق بعض .. بليز لا تضغط علي أكثر... أرجوك..
محسن تنرفز و بهدوء: .. مم ... خلاص مو مشكله.. الله يوفقج.. ( وراح سيارته)
دانه تشوفه و مو هاينه عليها عشرته .. بس اختارت أهلها.. هذا أحسن بوجهة نظرها..
--------------------------------------------
الساعه ?0 بليل بغرفة أنوار
أنوار ماسكه تلفونها : غريبه مغلق ؟! العادة كله أدق و ما يشيله ؟؟؟ وييي ليكون غير رقمه ؟؟؟ عاد الحين شيطلعه !!!!! أففف
و تقط تلفونها و تروح الصاله
لقت أخوها قاعد مجابل التلفزيون ....
أنوار : ها ؟ اليوم قاعد بالبييت
ضاري : والله مإكو قلنا نريح شوي
أنوار : مممم ..... يقولون حجزت بتسافر ... وين على الله ؟
ضاري : مالج شغل ..
أنوار :لا والله؟؟ و ليس ما حجزتلي وياك؟
ضاري: ههههههه شتبيين؟بروح مع الربع..
أنوار: أهااا!! متا ؟
ضاري : مو الخميس الياي .... إلي وراه
أنوار : أهااا .. يلا زين ترد بالسلامة و لا تنسا الصوغة
ضاري :ما عندي فلوس
أنوار: صج ما تستحيي!!
--------------------------------------------
اليوم الثاني بستار بكس آلافنيوز
غالية : الحين صارلج سنة تحنين و يلا وديني و وديني أخير شي بس شريتي هالأغراض ؟؟
في : أي مابي أجهز بسرعة بسرعة ... جدامي وقت
غالية : مالت
في : عليج .... إلا كملي شنو آخر أخبارج ويا وهاب
غالية : والله ماكو يبي يفتك عشان يتقدملي ....
في : ممممم ... و ليش ما يخطبج الحين و العرس عقب ما يتخرج ؟
غاليه : يقول أول شي اتخرج و أحصلي وظيفة و تالي أتقدملج ... عشان أكون كامل على قولته وهم عشان أهلي ما يرفظونه ...
في : مممم والله ما يندرا
تلفون غاليه يرن :
غالية : الطيب عند ذكره .... ( و ترد ) ... ألو ؟؟؟ ... كأني شوي و أرد
في بينها و بين نفسها : بارده ... شكلها مو ذاك الزود .... سؤالفها مو ذاك الزوود ... كل شي فيها عادي .... و إهوا عكسها تماما ..... أففف .... يعني مو حرام ؟؟؟ ....
--------------------------------------------
في غرفة عبدالمحسن :
كان سرحان و يتذكر إلي صارله أمس ..
محسن يضحك على نفسه : ههه أنا وين و الحب وين ؟؟؟ أنا لو ظال على خرابيطي مو وأيد أحسن ؟؟؟
رن تلفونه
عبدالمحسن يشوف الرقم : بييييه !!!! هاذي ليلحين عايشه ؟
و رد على التلفون :ألو..
...: ما بغيت ترد؟
محسن إبرود:هه...كإني رديت..انتي من أي جحر طالعة ؟
أنوار : إنتا إلي شطاري عليك راد علي ؟ العادة كلا ساحب و مسكب فيني !!!!
عبدالمحسن : ماكو ... فاظي و قلت أشوفج شتبين
أنوار : أحبك
عبدالمحسن : قديمه حدددج ...
أنوار : شدعوا ؟
عبدالمحسن : أقولج ... تيين الشقة اليوم ؟
-------------------------------------------
أدري البارت قصير.. بس البارت اليائ بنزله بأجر أو إلي عقبه.. ماني مطوله عليكم فيه تعوييض!!
بس أمانه.. شنو توقعاتكم؟
