كيف اؤمن مستقبلي.؟؟؟؟

[الدلوعه]

بسم الله الرحمن الرحيم
بنات شلونكم وشخباركم

اعرف بنات وايد صديقاتي دايم يحاولون يأمنون مستقبلهم

دايم يحطون فلوس بالبنك ويجمعون لليوم الاسود
ويحاولون يستثمرون ويشترون اسهم
وماشاء الله عندهم رصيد حلو


ودي بافكار يا بنات تساعدني على التوفير والادخار وتنميه المبالغ الماليه

شنو طرقكم

انا الحين فتحت لى حساب ادخار
ومادري شسوي بعد

 

[CUTE ENGINEER]

إذا تشتغلين وعندج راتب سويلج استقطاع شهري
يتحول على حسابج الثاني ولا تسحبين منه <<<<< أهم شي
وشوي شوي بيزيد ان شاالله ولاتنسين تطلعين زكاته

 

[روح الدنيا]

كثري صدقات بالسر

 

[الدلوعه]

اب



اب




اب


اب

 

[happy&single]

سوي استقطاع ب 100 دينار وانسيهم ،،، انسيهم مو لليوم الاسود على قولتج هذيله لج للتقاعد تعيشين فيه
يعني 100 ضرب 12 شهر ضرب 40 سنه 48000 تعيشج لما تكبرين
وممكن عقب اول 5 سنوات ادخلين لج مبلغ وديعة عشان ما تلمسينه ابد

وسوي استقطاع ثاني ( ممكن تدخلين جمعيات مع خواتج او رفيجاتج ) تحفظين لج مبلغ للحاجه
سبحان الله طبيب سيارة اختربت فجأة اي شي ممكن تتعرضين له . وهذا مبلغ ممكن تستخدمينه للضرورة .

واخر شي لازم تعرفين على شنو تصرفين ؟
بمعنى البنزين مخصصة له مبلغ الموبايل مبلغ السيارة مبلغ طلعاتج مبلغ الهدوم وغيره

واهم قاعده حطيها في بالج
اللي معندوش ما يلزموش
( اذا ماعندي ما اتسلف / اذا ماعندي ما احط على ظهري فيزا وماستر / اذا ما عندي .. ايمع واشتري )
وان شاءالله اكون فدتج ​

 

[عاشقة الكاكاو]

حبيبتي سوي استقطاع شهري للبنك حتى لو 30 دينار

والله رفيجتي ما شاء الله عليها كل ما يصير عندها مبلغ تشتري ذهب

عندها سلسله ذهب وكل ماتشتري شي تحطه بالسلسله يعني مو اطقم لا سوالف صغيره

تنحط بالسلسه وخاشتها عندها ولما احتاجت وباعتها طلع لها مبلغ واايد حلو

والصدقه وايد زينه حبيبتي

بس لا تقوولين حق احد انج تيمعيين فلووس ​

 

[سكارف.فوشي]

والله انا من زمان ودي وقاعده افكر بأي طريقه وكل شهر يطلعلي شي ويمنعني اني اخش لول بس ضروري اوفر فلوس والله بنات

 

[أحب بابا جابر]

موفقة يا رب
البنات انشالله ما يقصرون بس خلي عندج مبدأ
اذا عندج فلوس مو عارفة شتسوين فيهم مو ضروري تصرفينهم خشيهم
في وايد بنات اذا زاد عندها عشرين ولا اربعين راسها قام ايعورها ما تدري وين اتوديهم
ف انتي فكري انا شنو احتاج ؟ شكثر فلوس تكفي حاجاتي الأساسية ؟
بغض النظر جم دخلج عشان لا تلعبين بالباجي حرام

 

[الجود طبعي]

الناس الحين قامت تشتري أراضي وبالخفجي رخيصة ما تسوى 3000 واصبري عليها سنتين وشوفي كم تصير