كيف أسأله بعد الي شفته واعرف الحقيقه؟

[Beyoncee]

الصراحه أساس الحياه الزوجيه تقدرين تسإلين باسلوب حلو

 

[كتكوته بطبعي]

اساليه وعلمينا

 

[بنت الأجوااد]

اولا انتى تقولين صارت خيانه يعنى انتى تعرفين ليش موجود بالسيارة ليه تسالين بالمنتدى

بالسيارة واحد والبيت واحد اللى بالسيارة هذا للطوارئ يعنى ممكن يصداف وحده راحيه فيها ويستخدمه

الخيانه عند الرجال شي عادى وشي طبيعي عندهم

اصبرى شوى بيرجع لج لانج زوجته ومرده لج

لاتعبين نفسج بكثر الاسئلة وتاكدى انتى بتخسرين اذا سالتيه ؟ اذا سالتيه بتفتحين على نفسج باب وتعلمينه انى اعرف انك خاين وممكن يتمادى اكثر بالخيانه

ترا احلى شي انج تكونين بنظره بريئه ماتدرين عن شي

 

[wahaj]

انزين سألتيه وقالج انه يستخدمه لج ! بتستفيدين شي ؟ انتي تعرفين اساسا بس احرجتيــه ودامه خاشه عنج مايبيج تسألينه

واذا عرفتي من اسلوبه انه يجذب وليش حاطه بالسياره وعرفتي انه يخون تستفيدين شي ؟ بالعكس مومن صالحج انه يدري انج عرفتي وسكتي وتناسيتي راح يتمادى اكثر لان شافج سكتي وماتقدرين تسوين شي


واذا زعلتي وانهرتي وبجيتي وصارختي .. هم احتمال يقول اذا موعاجبج بالطقاق ..

واذا اعتذر واهو خاينج من قبل ع كلامه بيحس انج فقدتي الثقه فيه ومع الايام *بتضعف علاقتكم ببعض


يعني نصيحتي لاتشغلين بالج وانتي اهتمي بنفسج اكثر وغيري ستايلج كل فتره واجذبيه طول الوقت لج وخليه ينسى غيرج اذا ماكانت اوهاام

ولاتنسين الدعاء

والله يحفظكم ويسعدكم ويبعد عنكم بنات الحراام

 

[يااسمينه]

من قبل صح خاني وبعد المشاكل حس بغلطته وانا الي محيرني انه اوقات هو من نفسه يفتح الموضوع ويقولي مادري لي كنت اغلط بحقك ودايم يقولي عمري ماشفت مثلك بطيبتك وجمالك والتزامك واوقات تدمع عينه وهو يكلمني ..لكن ماقدر اثق فيه 100/100بعد الاحداث الي مريت فيها معاه ونفسي أسأله وخوفي احرجه ويطلع عشاني وخوفي يطلع خاين وفي كل الأحوال الموضوع شاغل تفكيري للعلم ان في البيت ترى اكثر من واحد وانا حامل ماتوقع يستخدم معاي شي معقول انه يعرف وحده ثانيه؟

 

[طـير7]

الله يهديه ويسخره لج

 

[حرم_الغلا]

يمكن يستحي يخليه بغرفتكم عشان لا تشوفينه

فما عنده مكان الا السيارة

صفي نيتج ولا تحطين افكار براسج تعوذي من بليس

ادعي دايما ان ربي يسخر لج زوجج وفي ادعيه واايد حق الزوج اقريها باستمرار

والله يوفقكم

كــلاامهاا عـدل :rerrerek: معـااهااا

 

[استبرق الكندري]

حبيبتي .. انتي قلتي في كلامج انه كان له سابقه بامور الخيانه صح

وقلتي انه يستخدمه لانه يطول في وموجود بالبيت عندج .. واهو متعود على هالشيء ويستمتع في لما يصير بالجماع طواله ..

عمري من غير لف ودوران روحي يبي من السياره وسالي ليش مكانه بالسياره .. اهو متعود وعارف انج تعرفين .. والقرض منه للاستمتاع مو عطل او خلل فيه وايد ريايل اصير عندهم سرعه في القذف ويبون يطولون بالموضوع وانتي عندج خبر واهو يدري انه انتي عادي ليش اللحين بالسياره ..
سالي وخلي سؤالج واحد من غير اي سؤال ثاني

ليش حاطه بالسياره وانت عارف اني انا عادي عندي .. وليش واحد يديد والثاني صوب الباب المستعمل ياعمري في شي صح في شي غلط الحلال بين والحرام بين انا ما اشعلل الموضوع ولكن حرام والف حرام الى يصير واجهي في الحقيقه وقعدي مع قوليله في طفل ياي بالطريج ما ابي طفلي يشيل ذنب مو ذنبه في الدنيا .. وقتلج خلي سؤالج واضح وجواب واحد من غير اللف والدوران والمراه ياعمري تعرف زوجها من غير كل هذا ... وصدقيني بقولج شغله حبل الجذب ماكو اقصر منه .. اذا انتي سنعه وزينه ربج يفضحه وبينلج من غير ما تتعبين تفكيرج ​

 

[استبرق الكندري]

ياسمينه .. اللحين انتي عرفتي السبب ليش بالسياره وانا عارفه ليش ؟

بس شلون تبين تحلين المشكله هذي ؟؟ قلتي اكثر من واحد بالبيت يعني ليش بالسياره والى يعترف دايما بالغلط وحس نفسه غلط للحين اغط وحس بالذنب ..

كل هذا ما علينا منه اللحين الحل شلون نحل المشكله هذي عنده هذا اهم من كل اللي صار لانه اللحين الى صار صار بتصرخين بتبجين بتتالمين كله هذا ما راح يحل الموضوع الاساسي الخيانه الزوجيه ليش

الريال الى يحب تعدد النساء ليش افكر بالزواج
الريال الى يحب يعاشر الف مراه ليش يفكر بالزواج

هذا السؤال والاساس كله مو مهم خان ما خان لانه هذا مرض شلون نعالجه هذا المهم ؟ ​

 

[semaasem]

اسأل الله أن يهديه ويسخره لج