كيفيه ازاله الصدأ من الدوش؟؟؟

[دانه الهيرات]

بنات الموضوع واضح من عنوانه دوشي في بقع خضر مكان فتحات الماي وودي بطريقه للتخلص منهم فعفيا اللي تعرف ختقولي .

 

[sara3]

هلا دانة الهيرات
شوفى الخل وايد زين حاولى تفتحينة وتنقعينة فية .وعندك روح اللومى هم زين ذوبى قفشة بكوب ماى مغلى ونقعية وشوفى شيصير معاك

 

[مس فيراري]

شنو روح اللومي ووين نلقاه؟؟؟؟

 

[كيوت_25]

نفس المشكله

تهقين لما احط عليه جف ما يروح ؟!؟!؟!

 

[رضاهم جنه]

جربي الجف يمكن يوخره

 

[kefy ba6a]

اختي انا توني سالت لج

الجف وايد زين ويوخر الصدى

واذا ماراح غسليه بسفن اب



وان شالله يروح

 

[لحظة لقاء]

نفس مشكلتى بس شنو روح اللومى ..؟

 

[كيوت_25]

اختي انا توني سالت لج

الجف وايد زين ويوخر الصدى

واذا ماراح غسليه بسفن اب

وان شالله يروح

بعد قلبي ما قصرتي مشكوره :eh_s(6):

جربي الجف يمكن يوخره

ان شاء الله اني بجربه مشكووووووورين

 

[Doodoo.star]

حبيبتي مالج الا الخل

 

[الفريده]

فى بخاخ جف او بخاخ ديتول وااايد زين يشيل الجير والصدأ

 

[بطاطا]

نفس المشكلة

شكرااااااا


بجرب الخل

 

[أم منورة]

روح اللومي ينباع بالجمعيات مع البهار لونه ابيض مثل الملح ويستخدمونه حق ورق العتب بعد

في غسول خاص حق هالسوالف بسيتي سنتر موجود عباره عن اكياس داخلها سائل ازرق نفس السائل اللي يغسلون فيه سخان الماي لم يكون في طبفة بيضا من داخل وبسيتي سنتر الشويخ بعد رف البيبي قوليلهم ابي منظف سخان الماي القوري اللي على كهربا