((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

[أنا وين ؟؟]

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

اصلا لو شنو المهر ما يكفي

انا عن نفسي كانت شبكتي اب 5000
وبدلة العرس تقريبا 1500 ...
هذا غير بدلة الملجه مع اني ماسويت حفله ملجه بس كانو الموجودين أهلي .. وطبعا لازم اكون لابسة بدله سهره ...
هذا غير البدله اللي لبستها لما يينا بنطلع يوم الملجه كانت اسكادا وكانت فوق 400 دينار ولي الحين متحسفه عليها لأني ما لبستها الا لبستين بس ...
غير قمصان النوم
وهذا كله كوم والعرس كان كوووووووووم لأنه كلف واااااااااااااايد ...


وما نقول الا الله يخلي لنا أهلنا

 

[^SwEeTa^]

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

مطفوقة

بشورة

انا وين

مشكورين حبيبات قلبي على المشاركه

يعطيكم العافية يا قلبي

 

[roro]

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

والله انا اقول الحمد لله ان عندنا اهلنا سنعين مع الريل او بدونه واقفين يمنا الحمد لله ولا يقصرون معانا

انا عن نفسي شبكتي كانت فوق ال4000
غير دبلتي طبعا
هذيل بروحهم ميزانيه

بعدين ما جهزت بدلات ولا شي لان سيده سافرت مع المصون ريلي بعد العرس اب 4 ايام واغتربنا
يعن يجهازي اغلبه بنطرونات وخرابيط حق السفر
بس العطور والميك اب ما تكلفت فيه لانما كن عندي وقت واخذت راحتي بعد العرس

يعني يادوب بدلات الملجه

طبعا الملجه وبدلتها كلفتني
والعرس اللي يهد الحيل كلفني

والله يحفظ اهلي ما قصروا وحتى اهله طلع منهم خير هههههههههه

 

[^SwEeTa^]

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

مشكوره حبيبتي رورو على المشاركه

و الله يخليلج ريلج و اهلج و يردكم لهم سالمين غانمين يا رب

 

[ونه]

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

مرحبا

اول شي انا بدويه .. وماعندنا سوالف شبكه واكيد انتو عارفين هالشي
يعني احنا ... اهم شي عندنا الذهب ونشتري ذهب بمبلغ 5 الاف دينار
اذا المهر 7 او 8 آلاف .... واذا المهر 6 او 5 نشتري ذهب ل3 الاف
والباقي كله على العطورات والمكياج والدراريع والملافع والجنط ووووووو
وبدلة العرس البيضه وبدلة ثاني يوم ... بصراحه دوخة راس والله
يعني بصراحه تعجبني طريقتكم مافيها تبذير وفيها بساطه .. لا احنا فخفخه وبلاوي
مالها داعي ... !!
بقولكم ياخواتي على زواجي الأول .. كان مهري 7 الاف دينار
وشريت لـ 5 الاف دينار ذهب .. ( امي مو انا كان وقتها عمري 18 وولا ادري وين الله قاطني )
والباقي البدله ايجار وبدله ثانيه لليوم الثاني وتقريبا 6 دراريع ناعمه ومووووووووشي بعد
وولا لبستهم غير مرتين او ثلاث وعطيتهم امي كرهتهم .. وشريت مكياج (لاني احبه موت واتفنن فيه) بمبلغ 250 دينار ... وعطورات وبخور ومرش للملابس والفرش ودهن عود ووو كله ب 300 دينار
ويمكن 5 ملافع عاديه مرررررره وعبايتين يضحكون ... وقمصان نوم وربي
يمكن 40 قميص يااااااااااااااو تخيلووو ومن الايوب والطاهر وربي اني مجنونه
والباقي للصالون وحجز المصوره والدي جي
والمسكه و خرابيط !!
وربي ندمت يا بنات وتمنيت اني متزوجه بهذا العقل والتفتح اللي انا فيه الحين
بصراحه لو الحين .. كان اكتفيت بذهب بمبلغ 200 دينار او 1500 .. يعني اشياء ناعمه مررره
وبدلة العرس الأولى والثانيه وملافع تكون كشخه مرره ودراريع كشششخه ( ويكون اكثر شي دراريع لانها قدام الحموله .. وعشان الأهل والمعازيم ) .. وعطورات لو انا بعقلي ما اشتري عطورات
كلها ماركه يمكن والله يبنات اشتريت 16 عطر او اكثر بعد وماركه كللللهم ... يعني لو الحين كان اكتفي بخمس عطورات او أربعه ماركه عالميه واخررر العطورات ... وشوه من اجمل والقرشي
دهونات عود وبخور ويكون أصلي وريحته فخمه وحلوووه حييييل من المحلات المعروفه .. واشتري مكياج عادي حيل حيل حيل .. من المحلات العاديه الرخيصه لاني والحمدلله طول عمري عليها
والكل ينبهر من مكياجي ورسمة الكحل بإيدي .. يعني مو لازم مثل قبل مكياج كله ماركه ..يعني
اخذ اشياء مهمه ماركه والباقي كله من المحلات العاديه .. !!
ودي اكمل بس تعبت والله وانا اكتب ... المهم اكيد انتو فهمتو قصدي والله حلوه البساطه
وبعدين لما تتزوجين شي طبيعي بعد شهر تقريبا من الزواج ويمكن أقل راح يحب زوجك يوديج السوق ويخليج تتسوقين يعني حاولي تاخذين الضروريات ولاتكثرين منها ابدا والباقي كمليه
من زوجج .. والله عن تجربه ولا تندمون يابناااااااااااااات
اختكم ونه

 

[^^دموع الكويت^^]

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

ونه >> ليش انتي جم مره متزوجة ؟؟ ما قلتي بزواجج الثاني ؟؟ شنو سويتي

 

[ونه]

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

هلا وغلا بأختي دموع الكويت
انا يالغاليه تزوجت مره وحده
وتطلقت ... والحين انا بتزوج
مره ثانيه يعني بس ملكه
ومدري كم راح يكون المهر
الله يستر وربي أحاتي .. !!
والله يوفق الجميع يارب

 

[^^دموع الكويت^^]

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

هلا والله اختي ونه الف الف مبروك لزواجك الثاني


هالمره قسمي المهر عدل مو نفس المره الأولى

واتمنى لج حياة موفقه

 

[الـفـجـر الـبـعـيـد]

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

انا ان شالله لما اتزوج احب تكون الشبكه من اهل المعرس

عشان افتك وماتهمني وايد اهم شي دبله وساعه الماس

وجم طقم ذهب ناعم عقد مع الخاتم والاسوار وتوابعه ..الخ لأني

ما احب الأظقم الكبيره والدفاشه هذي .. واذا في عرس

بأجر لي بدله سنعه لأني ما افكر افصل كلش مالي خلق بهذلة

المصممين والمشاغل .. وطبعا يبقى باقي التجهيز من لبس ومكياج وعطور

مثل ما قالوا البنات وانا امووووووت بهالسوالف والله يعين شكلي بطير المهر

على هالخرابيط بس بحاول ما اكثر لأني اعرف نفسي امل بسرعه من اللي عندي ..

وبس

مشكورة ويعطيج العافيه

 

[الغلاااااااكله]

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

اي بنات

يعطيكم العافيه
والله خوش تجارب
عشان ما نحووس
ونطيح باللي طحتو فيه

ونه صحيح كلامج
حلوووو لوو تاخذين على شوي شوي
بعدين الذهب ما يلبس والله
انا ان شاء الله اذا جهزت ماراح اشتري الذهب واجد بكتفي بثلاث او اربع اطقم ناعمه
ويكون ذهب ابيض
وساعه الماس
يعني تقريا بس جذي
شي يستخدم مو خبه وفي الاخير
في الكبت


وياليت تقوليلنا اختي ونه عن الزواج الثاني !!
عشان نستفيد والف شكرررررررر

 

[اااصداف]

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

والله انا مدري شسوي بمهري بس بحاول اني اصرفه صح علشان ما اخربط واجد واندم ولا اتحسف لاني من رايي ان الوحده ما تكثر بتجهيزها لاني عقب شهرين او ثلاث راح تجدد وتشتري شيء جديد ومجرد انج تحددين الكميه راح توفير بس مشكله اذا اهل المحلات اقنعوج بشغلات ولما تردين البيت تتحسفين عليها فلازم الوحده تكون شاطره وتحط بالها انها راح تجدد شغلها بعد جم شهر فا حرام تشترين ولا تستفيدين هذي اللي عندي

 

[امون حبيبة زوجها]

رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

حنا بدو<<<<<<<<<<<<زين ليش مستانسه اوكي خخخخخخخخخخخ
يعني نفس ونه مولازم الشبكه مهري سته والشبكه منهم والذهب 3الاف والباقي خربط مربط خخخخخخخخخخخخخ والقمصان اخذ رخاص لانه على قولت خالاتي مايدري وين الله قاطه لايعرف الغالي من الرخيص يقولون اخذي الوان قويه وحلو وناعمه وبس وبدلة العرس حاطتها ببالي من الرايه 1500 بس شي عجيب وراقيه انشالله باخذها والله يوفق الجميع

 

[*+* أبله عنونه *+*]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

الموضوع واااااااااااايد حلو
بس انا مو متزوجه وماعندي خبره
بس صح كلام خواتي المهر مايكفي وهذا الي انا اشوفه من البنات الي تزوجو
بس لازم العروس تشتري بدلات راقيه وجناط وانتو بكرامه جواتي يلوقون عالبدلات ومكياج حلو وعطور وذهب بسيط واكسسوارات علشان كشختها تبين انها عروس
بس اهم شي على العروس انها تكون مبتسمه دايما وبشوشه وهذا الي راح يخليها احلى عسل لان الروح الحلوه كل شي

 

[MiMi]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

والله المهر ما يكفي.. كل شي غالي الحين.. ارخص شبكه على 2000 و شي.. طبعا الماس.. غير البله اللي من 800 و فوووق.. والله الله يعافي الوالد و الوالده اللي زادوني وايد مع ان مهري كان راهي الحمدلله و ريلي ما قصر كلش ما كان يرضى اشتري ملابس الا اهو يدفع.. بس والله ما ادري وين طارت الفلوس؟؟!!

 

[لووولوو]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

تسلمون على الموضوع
أختي الاسبوع الفات ملجت
طبعا دفعوا المهر المتفق عليه من قبل عيالتنا واللى اهو كل بنت تأخذ من شباب العايلة
اربع الاف وشبكة
طبعا المهر بيدي وللحين ما سويت فيه شىىئ لان عرسي مو الحين
وحفلة الملجة حق العايلة الكريمة
أما العرس فهو على اهل المعرس وضروري عرس مو بس ملجة وسفر ما يصير عندنا مو من عاداتنا مافي عرس مافي دخلة

واهم شىىء توزيع المهر

للحين محتارة اختي

 

[مطفوقه^ملقوفه]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

لولو ألف مبروك ونصيحه جهزي من الحين شوي شوي على الراحه دام في وقت علشان على ما ايي العرس الا انتي مرتااااااااحه ما تشيلين هم الجهاز

 

[HASB_83]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

قووووووه بناااااات اشدعوووه شفيكم سكتوووووا كملوا الموضوووع

الصراااحه انا داشه وبرد افتحه لانه من زمااااااان محد كتب تجاربه.... مممممم طبعا انا ماعندي تجارب لاني توي عنونه 20 سنه ههههه... بس بعد هالحجي والتقسيمات اكييد راح اعرف اقسم المهر واضبط نفسي لاني الصراحه اذا صار عندي فلوس اين واصير جني خبله بس بصرفهم..... الله يجمعني انا والبنات اللي ماتزوجوا بولد الحلال ويوفق المتزوجات ويخليلهم رياييلهم....................




يالللللله عاد انا رزيت فيسي علشان تردون تكملون الموضوع لا تخلونه لانه صج غبررررررر هههههههههه

وانا ناطره هااااااااا ياللللللله

<-------------------- بتنطق ههههههه

 

[ورد الجوري]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

السلام عليكم ورحمة الله وبركاته

خوش موضوع الله يعطيها العافيه صاحبه الفكره والله يعطيكم العافيه كلكم علي ردكم
موضوع يا بوقته بصراحه

وقاعده اقرا ابي استفيد منه عدل


واللــــــــــــــــه كنت محتاره شلون عالمهر وبقسمه ..


الاحظ كله تقولون شبكه الماس .. ودي افهم اكثر .. الحين الدارج شبكه الماس ؟؟؟ وهل ان ابي مثلا ابيعه عقب ينباع بسعر عالي او يطيح ؟؟

ادري تتقولون ليش اتفكرين تبيعينه .. بس اهو استفسار

ووين احلي واجمل تشكيله من الالماس اي المحلات ؟؟؟


شاكره لكم

 

[الفراشه البيضاء]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

ورد الجوري

الالماس لما ينباع مو زي الذهب لا الماس ينباع بالقطعه تقديري ويمكن تجيب لك نفس السعر اذا عرضتيها عند محل شاطر

اما عن محلات بيع الماس ما اعرف عن الكويت... في السعويه عندنا محلات حلوة بركات ومعوض وغيرهاااااااا كثير قمه اللماس عندهم

 

[نشـــامي]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

أمووووووون حبيبه ؟؟؟؟؟؟؟؟؟؟

حرام عليج ليش تجهزين قمصان بوطقه لا يبا حرام هو عطاج لمهر عشان تكشخيله مو لغيره ولا يقصون عليج يقولولوج الرياجيل ماينتبهون لا يعرفون كل شي عيال هالوقت مبلتعيييييييين

احنا بالعايله عندنا المهر7 من دون شبكه

الشبكه هديه الوالد أو بشتري لبنته ساعه بحدود2000 او الف وشي بسعر شبكه

والمهر تشتري فيه العروس الشبكه او الساعه حسب اللي بقى يعني شيلي 1500
وشويه قلوب الماس سويسري وطقمين ذهب ودبل والي منه شيلي1500

وبدلة العرس 1000 تقريبا
بقى 3000د.ك

400:300 قمصان نوم وبجامات مرتبين وأرواب حمام لها وله وفوط ومداسات
يعني جم قميص غالي والباجي من الجميع طقه 9 : 7د.ك

500 جنطتين ماركه ووحده عاديه وجم شحاطة شي شويه بس يكون مرتب وكشخه وألوان أساسيه

400 مكياج وعطرو وبودرات للجسم ولازم يكون على الاقل عطرين سيت كامل مع شور ولوشن لازم عروس حلاة الحمام يفوح وراها بالعطر

700بدلات استقبال وجم دراعه يعني لازم يكون مجموعهم 5 بالكثير
200بدلات عمليه ودراريع بيت لو كانت عند حموله

بقى معانا 800 د.ك

تقسمها العروس حق الصالونات من حمام مغربي وغيره ومصوره واللي ناقصها التناتيف عاد


ووووووولالالالالالالالالالالالالالالالالاتنسوووووووون الهدايا>>>>>>>>بالبدوي العووووواني

هذول ينفعون ويفرجون كرب الدنيا
أصلا تسددين فيها كل المصاريف الباجيه صالون ومصوره وحفافه

لأن في ناس ماشالله توصل 3000د.ك

هذاا اللي عندي