((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

[bambena]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

انا بدلتي كانت ب1080 وشبكتي 2800 ودبلتي 400 وماشريت مكياج وعطور لان عندي شريت ساعه وجناط ماركات ودراريع وبدل وطقم فوط وارواب وطقم جناط سفر كشخه وبدلة ملجتي كانت ب200 تقريبا وشريت 2 قمصان نوم غالين من انور وبيجامه غاليه والباقي عاديين من قمصان بي اتش اس وهالطقه واكيد الوالد زادني الله يطول بعمره والفال للجميع

 

[ظلال القرآن]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

واااااااااااااااااي تكفون لا تذكروني

 

[صاحبة المعالي]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

وحده من رفيجاتي
ماشرت شبكه تدرون شنو سوت ؟


شرت لها اكسسوار درجه اولى من مشمشه
اللي يشوفه يحسبه ذهب ابيض
تقول ..من بيشوفها ؟
انا بالكوشه وكل الناس مرتزين بالكراسي
بس بيشوفون شي يبرق من بعيد


والله بنات صج صج انا رفيجتها اللي معاها بالتجهيز
خطوه بخطوه ماانتبه انها اكسسوار
الا لما قالت لي

فكرتها حلوه .. يمكن اسوي مثلها

 

[زيـنـه]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

لا الا الشبكة ... اصلا لها معزه و مكانه خاصه غير عن اي طقم عادي .. و بعدين من يقول الناس ما تعرف و لا اتميز الذهب من الاكسسوار .. مهما يكون يبين الفرق ... بعدين ليش رفيجتج ما تبي تفرح بروحها ؟ وليش تقص على عمرها بشبكة فالصو ؟ الشبكة هذه لها مو للناس و شي يبين قدرها جدام ريلها و اهل ريلها يوم ادفعوا مهرها و شبكتها .

 

[بدرووووووووووه]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

الله يوفقكم ويهنيكم

 

[bnt_7waa]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

والله الصراحة مادري ليش تحبوون الذهب انا وحدة مراح اخذ الا شبكة حق العرس بلبسها يوم واحد وبس وبعدين مراح البسها لان الهداية كلها بتكون ذهب واكثر شي ملابس وقمصان نوم ودراريع كشخه وجنااااااط وشيلات واهم شي المكياج والساعات وطبعا الاكسسورات ولاتنسوون الصالوون ونفنوف العرس والملجة ....ويييييه عباله لازم لازم نطرح قانون يديد بزيادة المهمر ...

 

[فقاعة]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

بصراحه اهم شي تفكر فيه
ام العروس اهي الشبكه
لو رادى علي ما اشتريها إلا اخر شي........
واهم شي عند العروس بدلة العرس....
والاشياء الضروريه بوجهة نظري..
البدلة ومكياج الصالون والعطور والمكياج طبعا
والبدلات والجناط والجواتي( يعزكم الله)...
وشكرا.............

...................

 

[LaSt WoMeN]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

السلام عليكم .. انا اقولكم مهما قطيتي على العرس الناس ما يعجبهم شي .. اهم شي مثل ما تفضلتوا الشبكه و طقم ثاني اخذيلج ذهب ابيض مع اصفر عشان يلوق مع كل شي و حتى الساعه بعد اخذيها لونين احسن ! و البدلات جدا مهمه .. و اذا تعرفين بالموديلات و الخياط خيطي احسن عشان تكون بدلتج مميزه .. واخذيلج مكياج و كريمات تناسب بشرتج .. اما الجناط والجواتي اخذيلج الألوان الأساسيه ابيض , اسود , بني, بيج , نحاسي .. او مشير (مزخرف) اللي يلوق مع كذا لون ! اللي تستخدمينه وايد اخذيه ماركه .. و طبعا البخور و دهن العود واخذيلج عطرين بعد.. اما بدلة العرس فأنا عن نفسي اقول البدله حلوه ببساطتها المهم الذرابه و السنع و المكياج والتسريحه الحلوه .. و حرام البدله بألف و فوق لأنه بتنقط بالكبت ! خلج واثقه من نفسج موديل بسيط وحلو كافي! شوفوا عروس الأمريكان و تعلموا منهم .. و العرس خليه يكون محفوف بين الأهل اذا كان مهرج محدود, مو لازم جارة بيت يدة عمة خالة ابوج تيي

 

[حلاوه الإيمان]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

والله انا من رايي الشبكه مهمه ومثل ما يقولون الذهب زينه وخزينه وينفعج بعدين واهم شي شبكتج

اما البااجي لاحقه عليكم والله يوفق الكل ويهنيه يارب

صج ما استحي على ويهي ياهل وداشه الموضوع اتثقف يالله جااو لوول

 

[لحن الفرح]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

مشكورررررررررر يا عمرى


اللة يعطيج العافية يارب


تحياتى

 

[بدابد]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

انا افضل اتسوي العروس ملجة وتلبس ابيض وتسوي بعدين استقبال
انا واااايد ارتبك اذا سويت عرس احس بيوقف قلبي
ومشكورين حبايبي ماقصرتوا

 

[تهبل بزينك]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

جزاكم الله خير على الفايده

 

[توته القيروان]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

يؤيؤ الموضووووع بوقته


انا عرسي تو الناس عليه بعد 7 اشهر


بس اليوم رحت معرض العطووووور وشريت ب 200 دينار بس عطورات ماشريت شي ثاني


يقولون لي استعجلتي وتو الناس بس انا ودي اشتري كل شي وعلى راحتي ..


وتوني ببدايه الطريج والمهر محدد من قبل العايله شويه ومايسوي ولا شي واهلي اكيد بيزيدوني


بس انا مو عارفه اسوي شي ياليت اللي عندها اي شي تنصحني

 

[الأصيله]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

ولله توني باديه أجهز للعرس واشتري أغراااضي

إن شااء الله يكفي المهر >>> أحلام اليقظه

 

[q8art]

مشاركة: رد : ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

حنا بدو<<<<<<<<<<<<زين ليش مستانسه اوكي خخخخخخخخخخخ
يعني نفس ونه مولازم الشبكه مهري سته والشبكه منهم والذهب 3الاف والباقي خربط مربط خخخخخخخخخخخخخ والقمصان اخذ رخاص لانه على قولت خالاتي مايدري وين الله قاطه لايعرف الغالي من الرخيص يقولون اخذي الوان قويه وحلو وناعمه وبس وبدلة العرس حاطتها ببالي من الرايه 1500 بس شي عجيب وراقيه انشالله باخذها والله يوفق الجميع

لو سمحتي امون

انتي شريتي بدلتج


انا ناويه اشتري بدله شفتها بالصالحيه وعاجبتني

بس ودي اشوف بدلتج قبل لاشتري

اذا اعجبتني ااجرها منج

ممكن تردين عي بسرعه لاني اخاف تروح علي وماعندي وقت

 

[الأصيله]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

والله أني متوهقه شلون أقسم المهر


ما ودي أكثر بالاغراض


أبي تنصحوني أكثر فديتكم

 

[Pink GirL]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

انا ليلحين ما تزوجت بس بالنسبة لأختي فالصراحه المهر كان نقطة من بحر اللي دفعته الوالده الله يطول لنا بعمرها
مهر اختي كان 5 الاف هذي حق المهر والشبكة

طبعا امي بعد قلبي ما قصرت خلت المبلغ كله وزادته دبل وشرتلها شبكة الماس
غير دبلتها اللي بروحها بألف ونص
وساعه شوبارد ب 7 ونص
غير البدلات والدراعات والعطور والملابس الداخلية وغيرها
الملجه كانت حفلتين بنفس اليوم اول شي في بيتنا بعدين خذناها ويا ريلها ورحنا بيته
والعرس كان علينا وسويناه في المريديان القديم وقطينه عليه وايد والله
بس الحمدلله التوفيق من الله واهي مستانسة مع ريلها وعندها الحين بنت وولد

 

[* مـذهـلـه *]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

في طريقه انا حيل عاجبتني احس انها منظمه عشان لفلوس ما تخلص واشتري كل اللي ابيه ..

هالطريقه اهل رفيجتي يسوونها واهيا علمتني عليها ..

يعني لما اخذ مهري اقسمه و احط كل شي بظرف يعني اقسم مثلا 300 دينار احطهم بظرف و اكتب عليهم عطور و اخذ 400 دينار واحطهم بظرف واكتب عليهم مكياج وهكذا يعني اقسم كل شي بظرف واحطهم بالتجوري عند امي اكيد و كل ما بغيت اروح اشتري شغله اخذ الظرف مالها احس الطريقه حلوه حيل عشان لفلوس ما تخلص الا وانا شاريه كل شي ان شاء الله ..

هذا الطريقه ناويه ان شاء الله اسويها لي تزوجت

 

[q8ya-co0ol]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

انا كان مهري 6 الاف والشبكه على اهل المعرس
بس هم شريت جم قطعه الماس وذهب لازم الصرف اللي مامنه فايده
وطبعا ابوي الله يخليه زادني لان المهر ماكفاني شريت شكثر عطور وكلهم 100 مل ويوم حملت كرهتهم ووزعتهم
والمكياج هم شكثر وماركه على ابو اني عروس ولا بعدين ريلي يقولي لا تحطين مكياج اذا طلعتي بس حطي لي يعني لو شاريه بوطقه جان احسن
وشريت قمصان نوم هم شكثر وكانو غاليين بس والله يابنات الريال مايدري عن الغالي والرخيص ولا بعد الزواج بتتحسفين على اشياء وايد شريتيهم لان بيكون ريلج مايحب هالستايل ومصيره تقطينه
وطبعا بدلات كشخه وبدلات عمليه للدوام وجم دراعه كشخه وللبيت
و4 جناط ماركه
شريت ساعتين ماركه وحده فضيه ووحده ذهبيه
بدله العرس كانت بـ 1800
والدي جي لدخله العروس كان بـ 350
وبرنامج عروس عند صالون جاك اللي بالشعب ماادري جم كلفني بس وايد

طبعا حفله الملجه على ابوي كللللللللل شي كان عليه

 

[ام سارونة]

مشاركة: ((( كيفيــة تقسيـــم المهـــر ))) .... <ارجو المشاركة من الجميع للإفاده و الاستفاده >

مشكوووووين كلكم

استفدت من تجاربكم وان شاءالله
اطبقها بزواج بنوتي وادعيلكم
يعطييييييييكم العافية.......