كيفية طريقة دونات الآله واللقيمات

[عمري الكويت]

السلام عليكم

شلونكم بنات إن شاء الله بخير

مبارك عليكم الشهر أولاً

بغيتكم يا بنات تساعدوني شوي إذا تعرفون انا ما أضبط لقيمات إذا تعرفون طريقه حلو وتضبط معاكم وسهله ياليت تفيدوني فيها .


ودونات الآله بغيت طريقتها يعني مقاديرها لانه عندي الآله ما لت دونات ودي أسوي فيها دونت بس طرقه تكون صحيحيه لان ما تضبط معاي .


واكون شاكره لكم وجزاكم الله خير

 

[^^دموع الكويت^^]

مشاركة: كيفية طريقة دونات الآله واللقيمات

اخذ الطريقة من امي واقولج طريقة الدونات امي تسويها تهبل

 

[عمري الكويت]

مشاركة: كيفية طريقة دونات الآله واللقيمات

مشكوره اختي دموع الكويت انا في إنتظارك

 

[عمري الكويت]

مشاركة: كيفية طريقة دونات الآله واللقيمات

وينكم بنات ما فيه احد يعرف

 

[um_fasooly]

مشاركة: كيفية طريقة دونات الآله واللقيمات

كنت أعرف اسوي دونات متفوخة لذيذة بس وحدة صكتني بعين و ضاعت الورقة و حاولت اسويها من ذاكرتي بس ما ضبطت معاي سوري P;

 

[^^دموع الكويت^^]

مشاركة: كيفية طريقة دونات الآله واللقيمات

دونات عجيبه لاتفوتكم ... راااااااائعه
هلا وغلا

المقادير :

3كاسات طحين ابيض
1م ك خميره
1م ك بكنج بودر
3م ك حليب بودره
7م ك سكر
2بيضه
6حبات جبن كيري
بيالة زيت
1كاس ماء

طريقة التحضير :

تخلط جميع المقادير في الكاس الكهربائي ماعدا الدقيق والبكنج
بودر ثم توضع في اناء ويوضع عليها الدقيق والبكنج بودر وتعجن وتترك لمدة ساعه
حتى تخمر ثم تكور كور صغيره وتثقب من النصف ثم تترك قليلا ثم تقلى في الزيت ويزين
وجهها بالسكر المطحون والشكولاته السائله.



بالهنا والشفا..

على فكرة الطريقة منقولة بس الكل يمدحها .... جربيها على ما اييب طريقة الوالدة

 

[fulla]

مشاركة: كيفية طريقة دونات الآله واللقيمات

يعطيج العافيه شكلها ايشوق

 

[^^دموع الكويت^^]

مشاركة: كيفية طريقة دونات الآله واللقيمات

اختي الغالية (( عمري الكويت )) >>> يبتلج طريقة الوالدة


سجلي معاي المقادير والطريقة
====================

المقادير :
======

1 كيس طحين أبيض ( المطاحن )

2 اصبع زبدة حجم صغير .

عدد ثلاث بيضات .

1 ملعقة صغيرة سكر .

1 ملعقة صغيرة ملح .

ا كوب حليب سائل ودافئ .

ا كوب ماء دافئ .

2 ملعقة كبيرة خميرة .

سكر بودرة للتغطية .

زيت دلال للقلي .


الطريقة :
======

توضع الخميرة وملعقة السكر في نصف كوب ماء دافئ ويترك لمدة 5 دقائق ومن ثم تضاف الخميرة غلى الطحين ثم يعجن مع الزبدة أولاً ثم يضاف البيض والحليب الدافئ وباقي الماء حتى تتكون عجينة متماسكة طرية ثم تترك في مكان دافئ حتى يتضاعف حجم العجينة .. نفرد العجينة بالشوبك على سطح مستوي مرشوش بقليل من الطحين الي سمك 1\2 سم ثم تقطع بقطاعه الدونات وتترك لمدة 15 دقيقة حتى تتضاعف في الحجم ثم تقلى بزيت غزير حتى تحمر ثم توضع على ورق نشاف وترش بالسكر وتقدم وبالعافية

 

[ام بدر البدور]

مشاركة: كيفية طريقة دونات الآله واللقيمات

الله يخلي لكم الوالده
وتسسسسسسسسسسسسسسسسلم ايدها

 

[الغلاااااااكله]

مشاركة: كيفية طريقة دونات الآله واللقيمات

تسلمين يا دموووووع


اموت عالدوناات :>

يامال العافيه وتسلم ايادي الوالده

 

[^^دموع الكويت^^]

مشاركة: كيفية طريقة دونات الآله واللقيمات

هلا وغلا .... مشكورين على المرور