كيس بدون جنين

[ليالي مظلمه]

السلام عليكم كويتيات انا مسويه طفل انبوب بتاريخ22/4 والحمد الله يوم التحليل طلع حمل ونسبته عاليه بعد وعطوني موعد عساس اسوي سونار واليوم رحت وكانت الصدمه يقولي في كيس حمل بس مافي جنين وراني الكيس واضح بس مااشوف جنين قالي تعالي بعد اسبوع عيدي السونار بصراحه خفت مو متطمنه انا مسويه قبل سنتين والحمد الله بين ولدي من اول مراجعه حتى النبض سمعته المره هذي غير بنات الله يجزاكم خير اللي عندها اي خلفيه عن الموضوع لا تبخل بالرد

 

[روحي82]

حبيبتي صبري شووي

لان اذكر وحده صارلهاا جذي قالووا ماافيه نبض وصبرت سبحان الله وردت لهم وطلع فيه نبض

كثري استغفار واقري القران وادعي اذا فييه خير لج الله يثبته واذا فيه شر الله يبعده عنج

ورحي مستشفي ثاني عشاان تطمنين اكثر

والله يرزقج

 

[ليالي مظلمه]

الله يجزاج خير بصراحه خايفه اروح بعد يقولون لي نفس الكلام قلت انطر اسبوع بعد

 

[@سيدة نفسي@]

والله هالدكاترة كل مالهم ويتردى مستواهم احنا صرنا خبرة أكثر منهم .. ماااعليج منهم اتكلي على ربج

وتصدقي وادعي ربج وبإذن واحد أحد بتسمعين النبض وبتشوفين الجنين

الاسبوع الجااي ..

 

[جذابه بنت ذيابه]

سوي اليوم هرموني و بعد يومين هرموني تحليل الحمل اذا ارتفع معناته كل شي طبيعي

 

[Dalo3at Rayli]

حبيبتي اول شي انتي الحين اي اسبوع ؟
انا بداية حملي قالولي بس كيسس فاضي ماكو جنين ..
و قطعوا الامل مني !
بس انا توكلت علي ربي و صبرت اسبوعين و الحمدالله سمعت قلبه ..

لا تحاتين توكلي علي ربج ،
و عيدي السونار بعد اسبوعين و انشالله تسمعين قلبه يارب :eh_s(17):


​

 

[ليالي مظلمه]

حبيبتي الله يطمن قلبج انا الحين بالاسبوع السادس بس اللي مخوفني انه بحملي الاول بين بسرعه من اول مراجعه

 

[Dalo3at Rayli]

حبيبتي عادي مو شرط كل حمل يختلف عن الثاني ،
انا بالاسبوع السابع و ما بين الجنين لان حمل متاخر !

يجوز حملج متاخر نطري اسبوعين ،
و من اسبوع الـ 8 و فوق سوي سونار داخلي ..

انشالله باذن الله راح تشوفينه و تسمعين قلبه :eh_s(17):


​

 

[بقلآوه،]

أنا بعد ما بان عندي اول شئ الجنين و كنت ف الأسبوع السادس تقريبا

و الحمدلله الأسبوع اللي طاف شفته نتفه و سمعت نبضه،،،

لا تحاتين حبيبتي و هذي شئ طبيعي

طمنينا عليج لا تخلين

 

[حـوراء]

هذا طبيعي حبيبتي يمكن عمر الحمل صغير يعني توه
انا بحملي الأول وحملي ألحين أروح أسوي سونار بالاسبوع السادس وما يبين غير الكيس وبعد أسبوعين يعني الأسبوع الثامن رحت والحمد لله بين الجنين وسمعت النبض
كل حمل عن الثاني يتغير بعد

الله يطمنج حبيبتي ..

 

[Aloe Vera]

عادي الوضع نطري اسبوع و عيدي السونار

و استغفري و تصدقي بوقتها

 

[أأأميرة الورد]

الله يطمنج وان شالله تشوفين البيبي وتسمعين نبضه

 

[درة التاج]

حبيبتي يمكن الحمل حصل عندك متأخر
رفيجتي كانت مسوية سونار بمستشفي خاص
وقالوا لها كيس من غير طفل ولازم الحين نسوي
لك تنظيفات طلعت وراحت بمستشفي حكومي وقالوا
لها ان الطفل موجود
الظاهر ان الحمل كان منغرس متأخر عشان جذي مابين
لا تنسين الاستغفار

 

[البرنسيسة غلا]

_




توج 6 أسآبيع على طول قآلولج كيس فآضي
آصبري أسبوعين و روحي سوي سونآر وإن شآء آلله يبين آلجنين وتسمعين نبضه
يمكن حملج متأخر

آلله يطمن قلبج و يرزقج يآ رب




_​

 

[ليالي مظلمه]

الله يطمنكم حبايبي ما قصرتو اهو الدكتور قالي نطري اسبوع وتعالي اعيد السونار بس اللي مخوفني انه طفل انبوب يعني علي ست اسابيع يبين حملي بولدي بين بسرعه والله كريم بنطر اسبوع واشوف اذا الله كاتبه يبين والحمد الله على كل حال

 

[الـجـوري]

اللَّہ ينولج اللي بالجً .. ويرزقج بالبيبي المعافى ياااااااااااااااااارب ..

 

[برستيجي مآركة]

الله يطمنك يارب ولايحر قلبك.

واذا فيه خير لك ربي يرزقككك فيه سليم معافئ من غير زيادة بالخلق ولانقصان

انا مثلك قالولي كيس بدون جنين والحمدالله علي كل حال


نزلته الكيس لان انتظرت لين شهرين وكم اسبوع ولابين

وتوكلت علي الله ونزلته وسوالي تنضيف والحمدالله ياربي الله يعوضني خير

حسيت فيك والله ربي لايحرمك الذريه الصالحه ويرزق كل محروووم

**انا بنت عمة صاحبة النككك! !للتوضيح

 

[ليالي مظلمه]

الله يجزاكم خير على الدعوات ما قصرتو يعني اذا مافي جنين يسوون لي تنضيفات والله خايفه الله يستر

 

[Dior80]

حبيبتي مابي اضيق خلقج بس عن تجربتي مرتين حملت وقالو كيس بدون جنين وفعلا مابين الجنين لي نص الشهر الثالث ومرتين قالو كيس بدون جنين لكن عدت السونار وطلع في جنين وولدت بخير ولله الحمد انتي كثري استغفار والله يرزقج الي تتمنينه يارب

 

[ليالي مظلمه]

حبيبتي مابي اضيق خلقج بس عن تجربتي مرتين حملت وقالو كيس بدون جنين وفعلا مابين الجنين لي نص الشهر الثالث ومرتين قالو كيس بدون جنين لكن عدت السونار وطلع في جنين وولدت بخير ولله الحمد انتي كثري استغفار والله يرزقج الي تتمنينه يارب

الله يكتب اللي فيه خير حبيبتي ناطره موعدي يوم الاحد وبشوف شنو يقولي بس حبيت اعرف اذا طلع بس كيس يسوون تنظيفات ولا اهو يطيح بروحه