كويـتيـة .....في الديـار الهـندية

[متوكلة على الله]

واااااااااااااي عجججججججججججججججججيب يعطيج العافيه بغيت اسال جم كلفتكم الرحله كامله.؟

هلا بإختي أم حسون

حياج الله ....

أنا في التقرير كتبت تكلفة الرحلة من البداية ....أما بالنسبة للمصرف فهذا يعتمد عليج ...إذا كنتي من محبي التسوق والمشترى ....الأسعار مو وحدة في مناطق أغلى من الثانية ..وأكثر ما شدتنا المشغولات اليدوية المشهورة فيها الهند ..

 

[منورة الكويتية]

روووووووووووووووعه ماشاء الله
بس الالف ربيه جم كويتي تساوي؟

متابعييييييييييييينج للنهاية

 

[غلاي غير]

الحمد الله عالسلامه وشكلها تشوق الهند بس شكثر خرعوني من ناحية النظافه والحر والريحه

 

[متوكلة على الله]

روووووووووووووووعه ماشاء الله
بس الالف ربيه جم كويتي تساوي؟

متابعييييييييييييينج للنهاية

هلا بمنورة الكويتية


حياج الله وسعيدة بمتابعتج معاي بالتقرير ....ومنتجع راديسون بصراحة ممتاز وفوق الممتاز ...من ناحية الأكل ...ومن ناحية النظافة ...والمعاملة السنعة ....واللي ندمت على إني ما طولت فيه ....والألف روبية تقريبَا ست دنانير...

حياج أختي مرة ثانية​

 

[متوكلة على الله]

الحمد الله عالسلامه وشكلها تشوق الهند بس شكثر خرعوني من ناحية النظافه والحر والريحه

هلا والله بالغلا


الله يسلمج ....أختي النظافة برة الفنادق لج عليها ...لكن إنتي راح تقعدين بالفندق أو المنتجع ...واحرصي على الفنادق الجيدة ...والأهم تكون الشركة واثقة انتي منها ...


والجو كل منطقة لها جوها يعني مثل سيريلانكا ...والهند بلد كبير تتنوع فيه المناطق والأجواء من جبال ومرتفعات ...الى سهول وغابات ....

ودمتي بخير​

 

[شيهانه]

ما شاء الله خوووش تقرير بس للاسف واااايد صور مو طالعه ..؟؟

 

[متوكلة على الله]

ما شاء الله خوووش تقرير بس للاسف واااايد صور مو طالعه ..؟؟

هلا بإختي شيهانه

حياج الله ....للأسف ما اعرف شنو السبب ..بس انا عندي طالعين

وتابعي التقرير وان شاء الله يعجبك....​

 

[متوكلة على الله]

بسم الله الرحمن الرحيم


قضينا ليلتين في راديسون بلازا....بصراحة من اروع الأماكن التي سكناها في كيرلا ...وقبل لا أنتقل الى رحلة الهاوس بوت

أضع لكم صور من المنتجع علشان تاخذون فكرة عن المكان ككل ...





كنا نتمشى وأخذت هذه اللقطة





حمام السباحة من بعيد ....يعنى اللي يتسبح شوف هذه المناظر الروعة







































كنت أتمنى ان قضيت فيه وقت أطول ....لكن للأسف فقط ليلتين مو كافية لأن عندهم برامج علاجات بالمساجات ...لكن للوقت القصير ...ما جربت ...​

 

[فبراير]

روعه ماكنت متوقعه الهند جذى حلوه يبيلها روحه ان شاء الله..... متابعينج ولقطاتج وايد حلوه بعد يسلموو ( :

 

[متوكلة على الله]

روعه ماكنت متوقعه الهند جذى حلوه يبيلها روحه ان شاء الله..... متابعينج ولقطاتج وايد حلوه بعد يسلموو ( :

حياج الله إخـتي فبراير


سعيدة بمرورك ....وتعقيبك على التقرير...بصراحة الهند حلوة لكن عليك إختيار الاماكن الجيدة ...


اتمنى لك متابعة مفيدة


ودمتي بخير​

 

[متوكلة على الله]

:0bee2e8d89::0bee2e8d89::0bee2e8d89::0bee2e8d89:

تصدقون بنات كنت متحمسه أكتب التقرير لكن الحين ........؟؟؟؟؟؟؟؟؟؟؟؟؟؟؟؟​

 

[white~heart]

رووووووووعه التقرير كملي متابعينج

 

[rawona]

الموضوع روعه اختي .. توني اشوفه وانشالله باتابع وياج للنهايه ..

صج ودي اروح الهند خاصه كيرلا وكشمير .. ناطرين البقيه:eh_s(7):​

 

[سنفورة]

واااااااااااااااااااو الصراحه روعه عليكم بالف عافية

شلون المعيشة غالية ؟ظ

يعني نفس شرق اسيا والا اغلى والا ارخص؟؟

 

[malak_alroo7]

روووووووووووووووووعه ما شاء الله

يعطيج العافيه حبيبتى

 

[galaxy]

ليش مو كامل التقرير؟؟؟؟

 

[a6o06 ^_^]

نـــايس ^_^

 

[أم خالد]

تصويرج روعة ومتابعة رحلتج
عليج بالعافية
يا حلو الهند ما اقاوم هالبلد يا حلو كوماراكوم قعدت فيها اسبوع صج صج صج ريلالالالالالالالالالالالالالالالاكس
وأحلى شي رحلة البوت الصبح الساعة 6 الصبح يلف فيح صوب القرية تشوفين بداية اليوم وكل واحد استعداداته الي تغسل الهدوم والي يفرش اسنانة واليهال يتسبحون والي رايح المدرسة وانتي تتجولين بالقارب وتشوفين زهرة اللوتس العجيبة بالماي روعة ما اعرف احمل الصور بالمنتدى ولا جان حملت لكم صوري من منتجع كوماراكوم ليك ريزورت روعة شوفوالروابط:
kumarakom
Kumarakom lake resort:
الموقع الخاص بالمنتجع
http://www.thepaul.in/imagegalley/imggallry.htm
تصوير الأوتيل من utube
http://www.youtube.com/watch?v=HKDh5od3te0

موفع آخر
http://www.tripadvisor.com/Hotel_Re...s-Kumarakom_Lake_Resort-Kumarakom_Kerala.html

house boat
http://www.kumarakomhouseboat.com/

 

[أم خالد]

رحت امريكا ورحت اوروبا
بس مثل سحر وجو الهند ما حسيت

 

[أم خالد]

بس الهاوس بوت لحد يبات فيه لأن بالليل تظهر حشرات غريبة تخوف حدكم لي قبل المغرب او إنكم تاخونة وسيلة تنتقلون منه لي الإلبي