كويتية ماخذة بدون تعالي نبي استشارة

[شوق&حنين]

السلام عليكم خواتي احلى كويتيات انا متابعتكم بصمت من زمان والله اني ادعيلكم لان فعلا واااايد استفدت منكم

الموضوع انا عمري 30 وتقدملي بدون وانا حييييل محتارة وخايفة :eh_s(2):طبعا الفرص قلت بالنسبة لعمري :eh_s(1):
طبعا مايعلم بالمستقبل الا الله بس انا خايفة اكون اسرة<<<<قلبت ابله عربي:ggdw: ضايع مستقبلها الكل عارف ما ابي ادش بتفاصيل <<<<< خوافة

بتقولون اشتبين شالمطلوب خلصينا:rgewrg:
ابي كل وحدة ماخذة بدون تنصحني اخذه ولا ابعد عن الشر واغنيله
:bbbiu: مثل ما يقولون

وشنو المشاكل الجايدة اللي واجهتكم واللي مالها حل مولية:eh_s(10):

ناطرتكم حبايبي

 

[al7lwaa]

نصيحه لا لاتااااااااااااااااااااخذينه تروح حياتج كذا بعدين شذنب عيالج اذا جاو يصيرون بدون

تدرين ان بدون مايتوظفون ولا تقبلهم الجامعه ولا يطلع كرت عايله ويمكن المدرسه ماتقبلهم

بعد فانصيحه لااااااااااااااااااااااااااااااااااااا انا ماقول تشرطي ورفضي الخطاطيب ويروح عمرج

كذا لا اقول اذا جاج واحد عاادي اخذيه حتى لو متزوج بس مش بدوون اتمنى انج تاخذين

نصيحتي على اكمل ويه:eh_s(17)::eh_s(17)::eh_s(17):

 

[عالمي انا غير]

انا بدون تبين راي بصراحة حال البدون من اسوء لاسوء بس مايندرى وين الخيرة استخيري كذا مرة وان ارتحتي وافقي وان لا ربي ان شالله يرزقج بلي احسن منه

 

[ناي الليل]

انا اقول اخيتي ان العمر يمشي- والقطار لي طاف بعد ما شي يرده- واقول لك بعد البدون قاعدين يحلون مشكلتهم خاصة البدون الاصليين-وانا اعرف وحدة ماخذة بدون ماشالله عليه دين واخلاق وكادود عافيه- وغير هاذا عيالهم يدشون الجامعة و.. اهم شي البدون هم خايفين الله وعيال حمايل-- واخيرا -- اهم شي القبول - اذا حسيتي نفسك قابلته ترى اهو نصيبك-- فلا تردين النصيب لان النصيب واحد

 

[بحر الرمال]

المسأله لو بس زواج عادي اخذيه بس راح تيبين منه يهال و راح يصير ذنبهم برقبتج انج اوجدتيهم في مكان ماعندهم فيه حق تعليم او توظيف
انا عندي تاخذين متزوج احسن مليون مره من بدون لان البدون ظروفهم مايعلم فيها الا الله

 

[شوق&حنين]

الحلوة يحياتي انا فعلا احس عمرة خلاص راح وسالفة اخذ متزوج لا الله لايقوله والله مرة جاني مطلق دعيتله ان يرد مرته حرام اليهال مالهم ذنب

عالعموم يسلمو حياتي



عالمي فديتج والله انج صاجة من سئ لاسوء ان شاء الله انا اكيد بستخير اول بس قلت استشير بنات ديرتي
مشكورة يقلبي

ناي الليل هم كلامج حلو فعلا القطار طاف واذا عالدين والاخلاق لا والله انه ونعم من خوال وعمام
ماقصرتي يابعد قلبي

 

[شوق&حنين]

بحر الرمال ماقصرتي يحياتي بس المتزوج صعبة مارضاها على نفسي اهدم عايلة وشتتها

صاجة اليهال اتوقع ذنبهم برقبتي

 

[ام ميميتو]

انا زوجي مو بدون بس مو كويتي بس الحمدلله مرتاحه معاه وايد بس اكيد مادام انتي كويتيه معاملتهم رح تكون احسن لانه امهم كويتيه مو بدون الله يوفقج ان شاءالله و يكتبلج الي فيه الخير

 

[شوق&حنين]

نسيت اقولكم ترى امه كويتية

 

[طـالبة]

اذا اهو زين شالمانع
وايد اعرف كويتيات ماخذين بدون وماشالله مو ناقصهم شي عيالهم درسوا بمدارس حكومية والحين بالجامعات بعضهم بعثات وبعضهم دش تطبيقي وياخذون اعانة حالهم حال الكويتيين ويعالجون بالحكومي لان امهم كويتية واعتقد الديوان يقبلهم على جنسية امهم بس مو متأكدة من هالشي والله
يعني عادي يعاملون معاملة الكويتي


استخيري والله يوفقج بزواج او من غيره

 

[كايبه]

الله يفرج كربتج استخيرى وان شالله تنحل مشكلة البدون ترى يقولون عن قريب شهر عشر راح يحسنون الوضع ويعطونهم وظايف ع شهر عشر والله كريم

 

[شوق&حنين]

الله يوفقكم دنيا واخرة

واخره يبنات

 

[Noor AlQ8]

فكري عدل قبل توافقين واستخيري .. وترا حتى لو انج كبيره هذا مو معناته انه تقدمين تنازلات اي واحد يتقدم لج توافقين .. يمكن قعدتج عند اهلج احسن لج من تتزوجين واحد وتتعبين معاه


ربي يوفقج

 

[Cool Teacher]

السلام

الحين البدون بعد القرارات اليديده طلعوا شهادات ميلاد وعقود زواج ورخص قياده ويتعالجون بلاش بالمستشفيات ويدرسون بالحكومه اذا امهم كويتية ويدشون الجامعه

رفيجتي امها كويتية وابوها بدون عادي درست حكومه ودشت الجامعه كليه الطب اهي وخواتها واشتغلت في مستشفى حكومي ...ولا كأنها بدون تكشخ وتسافر وتلبس ماركات وسيارة اخر موديل

الوضع تغير كثيرا هالسنة للبدون تحسنت اوضاعهم واي ولا تنسين انتي كويتية يعاملون معامله كويتي ....

بعدين بتاخذين علاوة الاولاد والعلاوة الزوجيه ويطلع لج بيت حكومه حسب القرار اليديد للكويتية اللي متزوجه غير كويتي ...او شقه من شقق الضاحيه ...

قبل كان الوضع سيء شوي لكن الحين حطوا قرارات يديده سهلت واي عالبدون

الصراحه اهم شي الاخلاق ....انا لو تقدم لي بدون بس اخلاقه زينه اوافق ....بعدين انتي منتي صغيره اسمحيلي...

اهم شي بوجهه نظري الاخلاق ....

 

[Infatuation]

اذا كانت امه كويتيه و عنده احصاء 65 اوكي

 

[درة أهل الطولات]

اول شي استخيري

ثاني شي اخلاقة واهله

ثالث شي حالة الماديــة ،، إذا الله مرهي عليه ومو من البدون اللي الدنيا ضايقة فيهم

ليش لا

الحين البدون قامت تطلع لهم ميلاديااات ويصرفون لهم 50 اللي على الطفل


وما تدرين يمكن يحوشــه التجنيس

والعمر وانا اختج يمشي

 

[غـلاوي تش]

استهدو بالله شنو تقولون اخذي متزوج ولا بدون بس اهم شي كويتي ..؟
اولآ تهدم اسره
ثانيآ ماتدري شعلته وتبلش حرب مع مرته الاوليه وسوالف سحوره ومحوره يكفينا الشر
ثالثآ بتكون قابله بنص زوج مو متئ ماتبيه عندها مو فاضي لها 24 ساعه
وبعدين رفيجتي ماخذه بدون بس بس هومن قبيله معروفه وواهله معروفين
ونظلمووو من جهل الاولين وصارو بدون
والحمد لله بخير ونعمه الولد متوظف براتب زين يكفي مصاريفه وزود
ولبسهم من افضل الماركات وكشخه ولا قاصرهم شي من الناحيه الماديه
وغير عن الباجي دامج كويتيه معاملتج بتغير وحتى معاملة عيالج لهم حق بالكليات والدراسه ولاتنسين الاوضاع البدون بتغييرر مستمر ومتقدم ع حسب مانقرا ونسمع بالقرارات الجدييده لا تتشيلين هم ورقه مكتوب فيها غير كويتي والكويت ديرت خير مافي احد ميت جووع ولا عاري

صلي صلاة استخاره وربي يوفقج

 

[ڕۆۆحــي ڣــڍااگ]

رفيجة امي كويتيه وماخذه بدوون
الحمدالله حالها طيب زوجها يشتغل وهي تشتغل عيالها بالمدارس الحكوميه
ماادري احس حياتهم عادي مو ناقصهم شي
الله يؤفقج ويرزقج اللي فيه الخير لج يارب العالمين

 

[شوق&حنين]

ربي يوفقكم بنات
اهو من عايلة معروفة الحمد الله اصل وفصل والنعم
والاخلاق الحمد الله اكيد اهلي ما يرضون باي واحد

 

[مدام فراوله]

ممكن سأل ؟؟وش هم البدون ؟؟