كويتية دفعت 13 ألف دينار لتلد يوم 10/10 !!

[لوازم العائلة]

هالفئه الغبيه من الناس لو تقولين لها دفعي دينار حق فقير . ينقبض قلبها اعوذو بالله وتظل اطلع الدينار وترده لما بالغصب تتبرع فيه
بس مستعدة تقط الالوف على خرابيط عسل على قلبها ,,

ناس سنين تتمنى ريحة الظنا .. ومستعده تتحمله لي اخر ثانيه بالحمال شنو مايكون التغب
وناس ربي معطيها النعمه وعشان ارقاااام وتواريخ رفسو هالنعمه وتعدو على مشيئه الله

انا موفاهمه اذا الام رقله وخبله . معقوله الريل قوطي ؟؟
عادي عنده ولا خاف على الولد؟

انزين وامها ؟؟ واهلها؟

والله انا اتعجب من ناااس تهمهم المظاهر حتى لو المسأله فيها حياة او موت

بس ربي يجازيها انشالله لان قلبي صج عورني من الخبر وتخيلت الياهل اسم الله عليه واهو بالشيشه ربي رحم حالها والا جان ممكن يصر فيه شي او يصير فيها

بس ويييين الي يتعظوون ؟؟؟؟​

:eh_s(7):

 

[آبـلـہ نـونـو]

رد : كويتية دفعت 13 ألف دينار لتلد يوم 10/10 !!


لآ تعليقْ .!

..

 

[RάSpBεRrY]

الحمدلله والشكر

قمه في الاستهتار تضحي بصحتها وصحه البيبي علشان المظاهر

صج ناس تافهه وسطحيه

 

[نور بوبيان]

الشرهه موعليها على المستشفى وعلى الطبيب إللي ماعنده ضمير .... وين القسم نسوه عند لفلوس ...

طلع معوق شفيدها التاريخ ....

سبحان الله عقول فاضيه ماهمها إلا التفاخر ... من قل الإيمان ...


انزين لما يكبر الولد وعقها وقطها بدار العجزه ... شنو راح يكون موقفها ...

ماهمهم الولاده بالسلامه وسلامة البيبي ... همهم الاستقبالات التافهه والكفرات .... والبيبي أمه الخدامه ...


_ _ _ _ _ _

لو بأمريكا أو أوروبا شان حاكموا الأم وصكوا المستشفى الخاص ...

بس شنقول غير ياربي تسلم وتحفظ لنا أهل العقول ...

 

[brettey]

رد : كويتية دفعت 13 ألف دينار لتلد يوم 10/10 !!

صج خبال وتخاطر بروحها وبروح ضناها
ناس مو لاقيه تاكل وهذه تدفع هالمبلغ حق هالولاده انزين وبعدين شنو بتستفيد

 

[دلوعة عمري]

رد : كويتية دفعت 13 ألف دينار لتلد يوم 10/10 !!

لا حول الله يعني شنو يفيد التاريخ اهم شي شنو راح يكون مستقبله و حياته مو بس تاريخ حلو؟؟؟؟

 

[Q8.Bee]

من صجها
لو صاير بالبيبي شي ؟؟
شبتسوي بالتاريخ
صج رقله هذي


الحمدالله الذي عافانا مما ابتلائهم

 

[كعبية]

الله ستر عليها ولو صار بالبيبي شي بيصير اسوا تاريخ بحياتها

 

[ام _خلودي]

حجى جرايد

شدعوه القيصريه توصل 13 الف وين قاااعدين

 

[راعية الطويلة]

رد : كويتية دفعت 13 ألف دينار لتلد يوم 10/10 !!

الله يهديها و يصلحه

ليتها دفعت فيهم البلاء عنها و عن والديها و عيالها

مشكورة حبيبتي

 

[mmloo7a]

امبيه مينونه هذي

13 الف بصراحه وايد

13 الف دينار جم صمونه مشكل فيها ؟

 

[درة أهل الطولات]

رد : كويتية دفعت 13 ألف دينار لتلد يوم 10/10 !!

سخيفه

ناس تتمنى الامومه وناس تضحي بعيالهااااا

 

[ماك بوك]

الحمد لله والشكر....

 

[om-7asson]

والله العقل نعمة والحمدلله على كل حال

 

[موني^حبيبي]

رد : كويتية دفعت 13 ألف دينار لتلد يوم 10/10 !!

خبله صراحه

 

[بنت اسكندر]

حمدلله والشكر

شذنب الياهل اللحين حاطينه بالحضانه وابر وادويه مسكيين

 

[lady butterfly]

امبييه مليقة ترى ! فرضا صار شي بالبيبي ولا فيها شفايدة التاريخ بالله ! لا وقاطة 13 الف ههههه

 

[Mi$$ RoRo]

يا ربيه سسسخآفة

وربي ما فيه أسسخف من الحريييم

< تخلف !!

 

[! هُوْ وِينِه !]

هذه إنسآنة سخيفة وألي يسوي نفسهآ نآقص عقل
نآس بطرآنة آلحمدلله وآلشكر
آلله يعطيج آلعآفية :hjy5jewf:​

 

[a woman on top]

حمد لله والشكر الياهل شنو ذنبه طلعته وهو مو مكتمل نموه يا ويلها من الله صج خبااااااااااااال:016: