كويتيات يـّـلا ترافيان .. !! " لعبة استراتيجية "

[[ . . Jee Jee . . ]]

السلام عليكم
:tek:



شلونكم بنااات
:gathering:


قبل فترة رفيجتي عطتني لينك هاللعبه وقالت لي انا ادمنتها .. سجلت فيها ولعبتها

ثاني يوم جيكت على قريتي الحبيبة .. واللي بعده جيكت عليها ...

ليما صرت مدمنه هاللعبه .. ماقدر يعدي يوم ماجيك عليها فيه اقل من 20 مرة لول

صارت روتين .. ايميلي / كويتيات / ترافيان ومرات قبلهم كلهم بعد



باختصار شديد .. اللعبه عبارة عن قريه تكون باسمج .. تطورين الحقول اللي فيها
حقول : قمح / طين / حديد / خشب .

وحسب تطويرج لهم تقدرين تبنين مباني ويكثرون عدد سكان قريتج.

بعدها تصير مهمتج يا ملكة القرية انج تحمين هالسكان .. تبنين لهم سور حوالي القرية
وتبنين مخبأ عشان لو صارت غزوة على قريتج مايبوقون الموارد "المواد اللي تزرعينها "...


اي اي تصير غزوات وحروب ويصير انتي تحاربين وتدزين جنودج يبوقون القريات الثانية بعد ..


بس ترافيان .. يعطون كل قرية جديدة 6 ايام محد يقدر يغزيج فيها تقدرين فيهم تطورين موارد عالراحة ومحد يأذيج ..


انا صارلي شهر تقريبا من لعبتها .. محد غزاني الا قرية وحده باقوا مني وردوا لي نص اللي باقوه انبهم ضميرهم لول


اللعبه حلوة لا تطوفكم وانا بكون موجودة لو تحتاجون مساعدة ..


هاذي صور من اللعبه ...

طريقة التسجيل سهلة مثل المنتدى بالضبط

للتسجيل في ترافيان // Click here to register


دليل ترافيان السريع // 30 ثانية تعلمج اللعبه بسهولة

الدليل السريع


ملاحظة :
اللعبه ماتحتاج داونلود او فلاش .. اهي تنلعب على المتصفح العادي الاكسبلورر كـ صفحات يعني

 

[bambena]

نجمه شلونج

دشيت اللعبه وسجلت بعدين شسوي

وايد هابين فيها هالايام

بس شكلها لويه

 

[Eng.shosha]

أنا مسجله فيها وليلحين قاعده أبنيهااا ما خلصتها

 

[SnowdroP]

هاااااااااااي

يعطيج-العافيه-عاللعبه

سمعت-عنها-وااااااااااايد-من-اختي


وسجلت-بشوف-اشلون-وارد-اقولج-التفاصيل

أحلى-شي-انج-تغزين-عالاوادم

_03BA:

تسلمين-على-هاللعبه

:tek:

 

[الدوريف]

سمعت عنها وااايد

يلا نسجل ونبدأ باللعب

 

[almost a whisper]

والله محتاره .. اخاف اسجل واصير ادمان

 

[[ . . Jee Jee . . ]]

هيللوو باامبي

بعد ماتسجلين تبلشين تطورين الحقول
على طول .. سمي قريتج
ولما تصير الموارد تكفي ابني السور اول شي


ام عبدالمحسن
ماااتهبل ؟؟
انا بعد قاعده ابني الحين
نصيحه لا تسوين جنود
ترى يخلصون القمح كله @@
انا طلعت 9 جنوج وفقروني
دزيتهم لواحه وحوش وماتوا لول


هيونه :*
لوووووول اي الغزوات وناااسة والله
الله يسلمج حبيبتي


الدرويف شدي حيلج
انتي ملكة القرية ويعتمدون عليج


اولموست
ادمان حلوو .. تدرين شنو احلى شي عندي؟
السوق لول
ابيع واشتري موارد اذا نقصني شي
بس في ناس حقيرين :/ يبيعون بضعف اللي يبونه

 

[Eng.shosha]

لوووووووووووول والله تحاربين بعد خخخخخخخ

 

[[ . . Jee Jee . . ]]

ايي ام عبدالمحسن شعبااالج

مرة نقصني موارد جان شسوي ؟ رحت بالخريطة اللي اهي الدائرة اللي بالنص بالصورة اللي فوق ..

واشوف منو الي قراهم مايتغير عندهم عدد السكان , بجيك منو مايشبك ( خوافه ) عشان اهجم عليهم بقلب بارد

ولقيت قريه مهجور موقف عدد سكانها اسبوع قمت اهجم عليها .. هجوم للنهب لول

بس طلعت قريه فقاره مابقت شي عليه القيمة


واهجموا علي مرة ودزولي رساله اعتذار لول

 

[Eng.shosha]

لووووووووووول يحليلهم

ولا مره هجمت على قرية .. شلوون اهجم ؟؟

وانا مبطله اللعبه من الساعه 3 ليلحين مو قاعدين يزيدون مواردي عشان بكمل بنياني ..>> عايشه الدوور

 

[عســوله]

والله مدري ودي اسجل

بس مالي خلق احسهاا

يبيلهااا تفكيير لووول

 

[[ . . Jee Jee . . ]]

ام عبدو << اختصار لول

لا تهجمين الا لما حقول يصيرون مستوى 4 او فوق .. اهم شي القمح خلي القمح دايما اعلى مستوى من باجي الحقول

ولما تعلين الانتاج ردي ابني السور والمخبأ اهم شي المخبأ .. عشان لما احد يهجم عليج مايبوق كل انتاجج




عسوله ياحلو توقيعج يهبل ماشاءالله

جربيها والله عجيبة معه الوقت تحسينهم عيالج "السكان" وماتقدرين تفارقينهم ابد
<< حدها مدمنه

 

[عســوله]

تسلمين ياقلبي من ذوقج

والله بسجل

خل استكشف اللعبه لووول

 

[عســوله]

ياقلبي سجلت

بس يقولي

التسجيل
في
11:45:20

اللعبة لم تبدأ بعد. يمكنكم تفعيل الحساب

مافهمت

 

[عصامية]

يعطيج العافية

 

[[ . . Jee Jee . . ]]

عسوله اذا سجلتي جيكي على ايميلج تلقين منهم ايميل .. فعلي اشتراكج

تلقين لينك ضغطي عليه وبيتفعل اشتراكج ..

اللعبه لم تبدأبعد قصدهم السيرفر اللي توه فاجينة مافتحوه ليلحين

تخيلي مسوين 6 سيرفرات من كثر ماعليهم ضغط .. خبري فيهم 6 مادري اذا زادوا

وكل سيرفر عالم بروح .. انا بعالم 3


عصاميه الله يعافيج حبيبتي مشكورة عالكومنت

 

[طمــوح]

و لله انا مخي ما يستوعب جذي العاااااب لووول

 

[supermarket]

اي تينن انا نزلتها من فترة وادمنتها

مكررة

http://www.q8yat.net/showthread.php?t=116296

 

[[ . . Jee Jee . . ]]

طمووح لا طوووفج عجيبه والله

سوبرماركت عجيبة اللعبة مالومج تدمنينها

وسوري زين انه حاطه شرح عشان يكون بفايدة مايكون مكرر عالفاضي


شلون انتاجج ؟ وانتي اي سيرفر؟

 

[غربــــة اِحساس]

سمعت عن هاللعبه وانها صج تسبب ادمان

عاد انا مو ناقصه ادمان نت فوق ادماني : )

بجرب وبشوف

تسلمين ..