كويتيات .. قريت عن فوايد الحنا تهقون صج ؟؟؟ بليز فيدوني ....

[لــــين]

السلام عليكم و رحمة الله و بركاته



اليوم مدري شيايب الحنا على بالي
سويت عنها سيرج و قريت انها زينه تقوي الشعر و تعطيه لمعه و نعومه و تثقل الشعره ...


ودي احط حنا .. طبعا بحطها بصالون لاني مالي مقاقه احني نفسي :dddds:
لون شعري كستنائي غامج وودي افتحه بالحنا مع البابونج .. و بنفس الوقت استفيد من الحنا


بنات فيدوني ... شلون تجربتكم مع الحنا ؟
و من وين تشترين الحنا زينه ؟؟ ترى كلش ما اعرف !!!
و شسوي قبلها و عقبها ..... ابي اعرف كلشي تعرفونه عن الحنا
تنصحوني فيها او لا ؟؟

 

[مريوما الحلوه]

والله صج مفيده انا احط معاها قهوه صج تقلل من التساقط وزينه

 

[روزالكويت]

حبيبتي نصيحه لج اذا انتي تحبين التغير والصبغات لاتحطينها وخصوصا اذا كنتي راعية هبات مثلي يعني اذا بتستمرين عليها حطيها اما اذا مالج مقاقه نصيحه لاتحطينها ..

انا استمريت عليها سنتين كل اسبوع وماتغير شعري ولا شي يتساقط وخفيف بالمقدمه وهذا حالته اكثر من سنتين شنو ولا القهر اللحين توني مسويه تيست ابي اصبغ شعري والتيست برتقالي يعني مالج امل اصبغ يبيلي خمس سنين لما ينزل كل الحنا او اقص بوي عشان اقدر اصبغ..

 

[لــــين]

مريوما الحلوه


مشكوره ما قصرتي ... :tek:

عاد حدااااا التساقط ملعوزني




روزالكويت

هذا اللي خايفه منه ... ماني راعيه صابغات احب لون شعري و حالياً ما افكر اغيره
بس ناويه بالمستقبل ان شاء الله يعني 3 سنين باذن الله <===== خطتي المستقبليه :ggdw:
خايفه من شغلتين يصبغ لون شعري احمر مدري برتقالي كلش ما اشتهي هالون
و استغفر الله الريحه تخنق :eh_s(1):
مشكوره على كل حال .. ما قصرتي :tek:

 

[[ . . Jee Jee . . ]]

اي صج الحنة حيل مفيدة الرسول كان يحطها بعد عليه الصلاة والسلام

صاجه روز اذا تصبغيت شعرج لا تحطينها انا ماصبغ شعري واحب لونه وخاطري احط حنه بس مالي خلق

البايخ فيها انها تعب بالغسيل شوي و ريحتها يالله تروح بس اللون مو مشكله لو تحطين معه الحنة روب وقهوة يصير لونها حلو وفي شكثر شغلات تنحط معه الحنة تعطيها لون وريحه ثانية

 

[marwa2005]

السلام عليكم و رحمة الله و بركاته



اليوم مدري شيايب الحنا على بالي
سويت عنها سيرج و قريت انها زينه تقوي الشعر و تعطيه لمعه و نعومه و تثقل الشعره ...


ودي احط حنا .. طبعا بحطها بصالون لاني مالي مقاقه احني نفسي :dddds:
لون شعري كستنائي غامج وودي افتحه بالحنا مع البابونج .. و بنفس الوقت استفيد من الحنا


بنات فيدوني ... شلون تجربتكم مع الحنا ؟
و من وين تشترين الحنا زينه ؟؟ ترى كلش ما اعرف !!!
و شسوي قبلها و عقبها ..... ابي اعرف كلشي تعرفونه عن الحنا
تنصحوني فيها او لا ؟؟

ادا انتي صابغة شعرج نصيحة ماتحطينها بالنسبة للحنة هي وايد زينة حق الشعر الدهني لانو تجففه من الدهون واحسن شئ انو تكون بكمية قليلة وتضيفين عليها اعشاب مقوية للشعر علشان لاتنشف لج شعرج

 

[''chOcoLate]

من صجكم ماتحبون ريحتها ؟؟؟

اصلا احلا مافي الحنه ريحتها واااااو احبها :33_1185028183:

 

[أمونة الحلوة]

شوفي حبيبتي الحنه حلوه تعطي لون ولمعه بس انها تخفف التساقط مادري مالاحت وايد احسه تنشفه شوي

ومثل ماقالولج البنات اذا انتي فجاه تقررين تبين تصبغين مايصلحلج تحطين حنه كلش راح تتوهقين

 

[& شهد &]

الحنة رهيبة للشعر

شيئ شيئ يجنن

انصحج فيها

 

[بوران]

الحنة روعة تخلي الشعر فيه حيوية و حتى لونها عالشعر روعة

 

[لــــين]

مشكوووووووووووووووورين كويتيات ما قصرتوا
يعطيكم العافيه واااايد استفدت منكم ........................


ودي بالحنه و متخوفه منها !!
ودي فيها لفوايدها و اخاف يصبغ شعري و اتوهق !!

 

[مزيونه الحربي]

الحنه احسن شي للشعر وحطي وياها بيض وقهوة وروب وزيت تجنن

 

[مريانا ام ماريا]

انا اكره الحنا وريحتها حتى طاريها لانها تخشن شعري واخر مره حطيتها من 17 سنه
بس امي دايما تحطها لاختي وشعرها ما شاء الله تبارك الرحمن عجيييييييييب
امي تاخذ حنه يمنيه اصليه تنقيها وتطحنها بالبيت وتعينها بماي الشمندر وتحط قشر رمان ناشف يطلع لون شعر اختي كستنائي حلو ولمعته حلوه والحنه تاخذها من مكه او اذا ماراحت السعوديه تاخذها من حواي بسوق الديره