شوفي أختي الدود في بدايته يعني اذا بيضه وحده دشت جسم الانسان او دوده وحده اعتقد مؤ سهل اكتشافها
لكن في بداية تكاثرها أهني ممكن تطلع اعراض يعني الانسان ممكن يحس في ان فتحة الشرج تكرمين تحكه بسبب الدود الصغار هذا وايد يصير عند اليهال و ممكن الطبيب يطلب تحليل للبراز عزج الله علشان يكتشفون البيض اللي موجود فيه و بعد ممكن تطلع اعراض مع الوقت منها الأنيميا و تعب بالجسم لان الدود يتغذي علي غذاء الانسان ويقدرون بعض الدكاتره همن يلاحظون نسبة الكريات البيضا المختصه لمهاجمة الطفيليات لانها ممكن تكون مؤشر للاصابه بالدود و مع الأعراض الثانية أهني الدكتور يقدر يشخص
بس في طريقة للوقاية يداتنا قبل يسوونها لعيالهم يشربونهم حالول او عشرج علي الريج بالسنه مره او مرتين ينظف البطن مؤ بس من الدود اصلا كل البلاوي والسموم والامراض كلها تطلع
وعندج الهنود يأكلون نوع من انواع الخضروات لونها اخضر و طعمها مر بس ما اعرف اسمها شكلها جنها خياره كبيرة محفره همن يقولون تطرد الدود بس مادري هذا علي كلامهم
ومن ناحية طبية بذور القرع اذا انطحنت و كليتوها علي الريج و قبل الريوق و عقبها بساعه ينشرب وراها زيت الخروع علشان يطرد الطفيليات اللي بالأمعاء همن يطرد الدود
علي العموم الطبيب يوصف دوا حق اللي فيهم دود يموتهم و يطلعون عن طريق البراز مكرمين بس الياهل هذا اللي بالفيديو شكله الدود عشش و تكاثر زيادة عن اللزوم
وان شا الله ماكو الا العافيه لا تحاتين ولا توسوسين ماشا الله الصوابين اشكثرها والماي متوفر و نظيف مو من المستنقعات الحمد الله والدكاترة البيطريين موجودين واحنا بديرتنا الاغلبية منا ما ناكل لحم الامستوي عدل
التعديل الأخير:
