كويتيات سعوديات حياكم ولا يهونون الباقيات

[‏ڝڋٸ ٵڸڪٿہـآڻ]

العضـــوة * ليــــدي *
أول شئ خليجنــــا وااحد والدليل اللهجات متقااربـــة ونحن أعضاء في مجلس التعاون للدول الخليجية ^_^
ثـــاني شـــئ أصلكـ يرجع للسعــودية بس ماتحبين السعودية مافهمت هالنقطــة^_^
وع فكــــرة ترى بينــا وبينكـــم نسب ومصـــــــاهررة يمكن ماصارت بين دولتين من قبــــل .
على العموم الدين الإسلامي وهو الدين اللي مايدخله يدخل النار قال الله تعالى ( لاإكراه في الدين)
يعني هذا يسمى الحرية الدينية يعني اللي يبي يسلم يسلم واللي مايبي يكون إختياره هذا في الدين فما بالكـ
حب أحــد الدول أو كرهــا في الأخير السعودية مجرد دولة صحيح فيها مــكة والمدينة وفيها قبر أطهر بشر على وجــه الأرض
لكــن هالشئ حرية شخصية لكـ ماتحبينها أنتي بكيفكـ لأن هذي حريتكـ الشخصية وهي تمثلكـ أنتي بس
وإذا كان في أحــد يمــن فهــو مايمثل الكـــل لآنـــه حررااام تعمميين على دولة كاملــــة عشاان ناس فاضين
وفي النهـــاية محد ينكر الكويت دافعـــت عن الدولة السعودية ايه 100%
السعـــودية دافعت عن الكــويت ايـــه 100%
السعودية والكويت دافعــو عن بعض ايــه بنسبة 100%
الدليل إختـــلاط دمــاء الشهــداء السعودين والكــويتين في حرب الخليج ومساعدة آل الصباح لآل سعـــود في قيام الدولة السعودية الثالثة ^_^

 

[ام جراح]

رد: رد : رد: كويتيات سعوديات حياكم ولا يهونون الباقيات

الاخت سعودية مووووت شقاعده تقولين؟؟؟؟؟؟؟؟


:rgewrg:شهالكلام الله يهديج ؟؟؟؟تبين تمسحين دور المقاومة الكويتية من التاريخ؟؟؟؟

:eh_s(14)::eh_s(14)::eh_s(14)::eh_s(14):

 

[أوراد التميمي]

المحبه للاستغفار
ندووووووش 511

ســتارز
بـ ع ـثرة آحاسيس}~
سلطانه q8
نآعِمْ آلعُود
قلبي ابيض
وفاي اكبر خطاي
جناان الورد
بحر القوافي
روح مخمليه
جوانا2010
ezapel
شادن قطر
ترانيم القصيم
ملكة أحزاني

الله يجزاكم الجنة ويبارك فيكم

نورتوا متصفحي يالغاليات​

وعسى الله يجمعنا وإياكم على طاعته

 

[أوراد التميمي]

اوكي اخوان لان يربطنا الاسلام لكن خليجنا مو واحد

طيييب والإسلام شيء سهل أقوى رابطة هي رابطة الدين حبيبتي هي أعزت سلمان الفارسي

حتى القرابة لا تنفع بدون دين الله يرضى عليج

أنا معاهدة نفسي ما أرد على من يريد الفتنة لكن في موضوعي يعني ضيوفي وحياج الله على فكره بقولج شغله حطيها في بالج عدددددددددددل
السعوديه اكثر دوله وقفت ويانا بالغزو
لكن للاسف اهيا اول دوله تمن علينا
عمري ماشفت اماراتيه او قطريه او بحرينيه او عمانيه او مصريه قالت احنا وقفنا معاكم بالغزو
او احنا حميناكم او احنا استضفناكم او احنا لنا خير عليكم
او من هالكلام

احترم رأيج الخاص مع أنه ما يمثلنا

بس هل رأيج هذا كل الكويت مقتنعين فيه :eh_s(10):

محد يمن علينا غيركم على اقل سبب قلتوا الغزو والغزو
هالشي حيييييييييييييييل حييييييييييييل حيييييييييييييل حيييييييييل ياثر فينا
و للاسف اللي يجمعنا مع السعوديه بس الاسلام اما المحبه والغلا وياكم لااااا

يعني ما تحبين الخير للسعودية ولأهلها وتتمنين لها الشر والدمار هذا هو عكس الحب
حبيبتي والله نصيحة لوجهة الله

صفي قلبج ليوم لا ينفع فيه مال ولا بنون إلا من أتى الله بقلب سليم
اما مع باقي الدول اي


رابطة الإسلام هي رابطة المحبة بعدين هو رأي شخصي

والله يوفقج لما يحب ويرضى :eh_s(7):

على فكره اذا بتقولين انا ايرانيه وهيك لا انا كويتيه سنيه و قبليه واصلي يرجع للسعوديه ..
لكن صدمتونا فيكم :eh_s(7):

الله يحفظج من الصدمة يالغلا

والقلوب لا يملكها إلا رب القلوب

على العموم منورة والله يعطيج العافية :eh_s(7):​

 

[ScarletteO'Hara]

خيتـو ... صـــــاحبــة الموضوع خصصت السعـــوديات لأن الموضوع دوبه جديد كاان قبل كم يـــوم وهي جاتها رسالـــة شخصيـــة فيها ألفاظ سيئــة !!
صحيح كــــلامكـ فيه من الطـــــرفين ايه بس الأفضـــل للعضـــوة إمــــا إنــــها ترد رد محترم وحلو لعل الله يكيتبه في ميـــزان حسناتهــا أو تمر مرور الكــــراام ..
يعني إذا فيه عضوة تتكلم على الكــويت وحسيتي لازم تردين ردي بس يكـــون لشخصها مو لدولتها لأنها
تمثل نفسهـــا مو دولتهــــــا وهالكــلام للسعوديات بعـــد .. لآن فيه عضوات يستمتعون بإستفزاز البنات بمواضيع وربي مالهـــا دااعي ... فالأفضل ضبط النفس وشكـــرااا​

كلامج عين العقل نفس الفكرة الي انا بوصلها
و انا عموما مريت على موضوع كرزة و ما كان عاجبني اسلوبها لانه باين انها انسانة سفيهة
و الحمدلله ياما شفت امور تهين الكويت و الكويتيات و ترفعت عن الرد عنها
اولا اني ما ابي انزل لمستوى صاحبة الرسالة
و ثانيا ما ودي اقول شي ممكن ينفهم غلط ضد جنسية معينة و انا ما اشيل على احد عشان جنسيته
بس انا استأت من الاخت اوراد لانها خصت السعوديات بالموضوع
المفروض يعمم هذا الموضوع
بغض النظر عن الرسالة الي وصلت لها
و بس

 

[ScarletteO'Hara]

رد: رد : رد: كويتيات سعوديات حياكم ولا يهونون الباقيات

اوراد ماغلطت حبيبتي افهمي الموضوع بعدين تعالي تكلمي

ظلمتي البنت ان بعض الظن اثم

الحمدلله عندي عيون و متابعة الموضوع من البداية
ما يحتاج فهامية و بتكلم متى ما بغيت مو محتاجة اذن
و اذا الموضوع فيه ظلم اعتقد ان اوراد عندها لسان و تقدر تدافع عن نفسها مو محتاجة محامين
سلام

 

[أوراد التميمي]

حبيبتي صاحبة الموضوع


هلا يالغالية

شوفي هالرابط
و ان شاء الله ما يكون الموضوع محذوف حزتها
http://www.q8yat.com/showthread.php?t=805566

تأمرين أمر

بعد تتوقعين الكويتيات اهم المشكلة و السعوديات المفروض يترفعون؟
شتقولين حق هذي؟؟؟

شوفي حبيبتي عسى الله يجمعني وياج في مستقر رحمته والقلوب أصفى من العسل

موضوعي هذا كنت اطلب من كل سعودية ما ترد على من تريد الفتنة وهو للصالح العام لواجهة المنتدى أولا وعشان بعض الناس ما تصيد في الماء العكر

فهمتي قصدي

ومن تنزل موضوع يضايق الآخرين فلكل لازم يرد عليها مهوب جنسية معينة
غلطتي بموضوعج لما وجهتي كلامج للسعوديات انهم يتجاهلون كلام الكويتيات اذا غلطوا

زبدة الهرج يالغلا أني قلت للبنات لما أي أحد يتهجم على السعودية لا تردون عليه فيها شيء فهميني إذا فيه غلط مستعدة أحذف الموضوع بكبره ويسلم رأسج :eh_s(17):و لا يبتي سيرة السعوديات الي يتحرشون بالكويتيات


شوفي حبيبتي أنتي قلتيها الأخلاق مالها جنسية وماني مسؤوله عن تصرفات أي سعودية هنا

كان قصدي إصلاح فقط لا غير
و لا اني شايفتنا شياطين و شايفة السعوديات ملايكة؟


حاشا لله وبعدين على قولة المثل كل ديرة وفيها مقبرة في كل مكان الخير والشر


الحمدلله عندي علاقات مع بنات سعوديات و الله نفس العسل هالبنات
بس لما اييج موضوع مثل هذا بنقهر


الله يحفظج من القهر والعذر إذا موضوعي ضايقج بشيء بس :eh_s(17):
مو على السعوديات
على اصحاب العقول الصغيرة الي يتوقعون انهم ممكن يخربون علينا افراحنا
انا عارفة ان الاخلاق مالها علاقة بالجنسية
في كويتيات سنعات و فيه اللهم يا كافي
و نفس الكلام ينطبق على السعوديات
انتي تقريبا خصيتي السعوديات ما عممتي على اي جنسية انها تتجاهل هالمواضيع
و هذا الي ما عجبني بالموضوع

حبيبتي ياليت تقرين الموضوع مرة ثانية وبتأني
و عيدي يا كويت يا احلى بلد غصبا على الي ما يرضى

الله يرضى عليج زعلتيني بآخر جملة والله الذي لا آله إلا هو نحب الخير

لكل العالم الإسلامي والخليجي بصفة خاصة

وعسى ديار آل صباح في عز وخير والله لا يغير على الجميع :eh_s(17):​

 

[Hello_kitty]

حبيبتي خليجنا واحد والي مو عااااجبه ينتف حواجبه
والدول الي ذكرتيها ماوقفت مثل السعووديه بشبابها وفلووسها الي الين الحين تسسد هالدين

لكن لما تجي وحده تنكر هالشي رااااااااااح نظل نذكركم

واذا صدمناك لاننا نمن بعد انتوا صدمتونا لانكم تنكرووون هذ الشي :eh_s(4):

والحمدالله الكل يشهد للسعوديه فتحنا بيوتنا لكم والله مافيها من بالعكس كنا لكم اقررب من الاخواااان

والله يديم المحبه ياررب ويعم السلام والامن ع دول الخليج خاصه والعالم العربي والاسلامي عامه

اول شي الموضوع مالاداعي صارله 3 ايام وانتوا تحشون بالعضوه كرز يا بختها بحسناتكم

مديره المنتدى بنت الكويت سكرت الموضوع القديم ونفس العضوات تكلمتوا وتمصخرتوا وقلتوا كل

اللي تبون تقوووولنه بعد ليش فاتحين موضوع يديد؟؟

ثانيا صاحبه الموضوع انتي فتحتي هالموضوع عشان العضوات الكويتيات كل وحده تدخل تعتذر وتطيب خاطركم..

وتجاهلتي ردود ومواضيع بعض العضوات السعوديات الإستفزازيه بشكل دائم ومستمر وفعلا الأخت

كرز اخضر معاها حق مرات نشك ان المنتدى سعودي؟؟وهالشي مويديد مو عشان سلامه الملك عبدالله

ورجعته من زمان مواضيع بشكل يومي مافي مكان للتعبير عن الوطنيه وحب السعوديه الا عندنا اهني؟؟

والمشكله اغلب المواضيع لما كانت تنزل عن السعوديه يا فيها تجريح وتلميح وغلط علينا وعلى باقي دول
الخليج وتصور السعوديه انهم شعب الله المختار ومزكين عمرهم وتطبيق الشريعه ويصورون دول

الخليج بانهم دول فسادو اجنبيات ودعاره وخمور!! ويوم نزلت المكرمه الأميريه وايد قريت ردود وتدوالت بينهم اي اميرهم خايف والله يرحمك يا بو عزيز ومن هالكلام والله الحره وما تسوي!!
ولا يترحمون على صدام بمنتدانا!!ولا ادنى احترام حق مشاعرنا!!

ومواضيع من طقه احنا ضفيناكم وحررناكم مثل موضوع

نزلته عضوه سعوديه عن استضافه قطر لكأس العالم كاتبه احنا استضفنا شعب كامل!!مثل رد سعوديه

فوووق؟؟نعم خير ان شاء الله ترى غالبيه الشعب الكويتي كان بالكويت ومثلنا امثال والدلليل اعداد
الشهداء والشهيدات والمفقودين والأسرى

وبعدين اللي طلعوا توزعوا بدول الخليج ومصر ولندن وغيرهم يعني موكلهم بالسعوديه؟؟

وبعدين اذا بنتمنن عليكم ونعايركم ونجرحكم مثل طريقتكم تذكروا اصحاب واهل الفضل الأول منو بس؟؟

تذكروا بناتكم اللي الكويت فاتحه ابوابها وموظفتهم معلمات تساعدهم عشان رزقهم بعد ما ضاقت عليهم
البطاله؟؟

وشنو سالفه الدين؟ليش السعوديه مو دوله غنيه ليش عليها ديون عاجزه تسددها مثلا؟؟ وبعدين القوات الأجنبيه نزلت بارضكم دفاعا عنكم بعد نسيتوا لما دخل صدام الخفجي؟؟ نسيتوا الصواريخ اللي طالت الشرقيه والرياض؟؟

عيب بكل موضوع وكل سالفه ضفيناكم وحررناكم وابشركم راح اجركم على هالتمنن ولا تمنون وايد الله لا يبيليكم.. ترى الكويت لها حوبه ما تعدت احد .. جنكم مومصدقين تلقون شي على ديره الخير والكرم والنعمه اللي كثروا حسادها

وللعلم هالكلام قسما بالله عمرنا ما سمعناه من الخليجيات مع انهم وقفوا معانا وما قصروا واغلبهم يدخلون المنتدى اهني باحترامهم
ومرحب فيهم لأنهم يحترمون المنتدى وهويه المنتدى

واحنا ما نكرنا وقفه الملك فهد الله يرحمه كبير بحياته بوقفاته معانا ولو يدري عن سوالفكم وعن معايركم

اتوقع جان هون ماساعدنا احسن ولا يشوف هالشماته فيكم

الحمدلله ديرتنا ديره خير وكرم وطيب وخيرها سابق القاصي والداني والقريب والبعيد وربي حامي
هالديره بخير اهلها ويوم عن يوم تزيد عز و خير وازدهار
والكويت تعطي باليمن ولا تعاير ولا تدري يسارها شنو عطت الحمدلله الله يكثر افراحنا ويبط عيون الحساد

واللي يتشمتون فينا لهم الله

 

[ما تخيلتك حبيبي]

رد : كويتيات سعوديات حياكم ولا يهونون الباقيات

انا كووويتيه ولاا ارضى اي كلمة غلط تنقاال عن بناات السعوودي ..

والاخت الي سسبت ما تمثل الا نفسسسها ..

ما اقوول هالكلاام من فراااغ .. انا عششت مع بنات السعووديه وعررفتهم وعررف اخلااقهم .. والاغلبيه ذووق وادب .. فاا مو اي وحده تسمع اي كلمة ولا شاافت على وحده شي قامت حطت على بناات السسعوووديه ..

وكل مكاان فيه الززين وفيه الشين .. لاا تعممووون..

ومشكووره اوورااد .. والكلام الحلووو موو غرريب علييكم ..

احنــا وبنــات السسعووديه خواات وحبااايب .. والي مو عاجبه ........!! >>

ووسسلاامتكم ..

 

[أوراد التميمي]

السلام عليكم ورحمة الله وبركاته

موضوعي واضح وهدفي أوضح

والله يعطي كل وحدة على نيتها سبحان الله أول حديث في البخاري (أنما الأعمال بالنيات )
ماله داعي أرد وأزيد موضوعي وردودي أوضح من الشمس

والله يجزى الجميع الخير​

 

[بـ ع ـثرة آحاسيس}~]

يؤؤؤؤ انقلب الموضوع هني بعد سؤ تفآهم....!!!

لاحول ولاقوة الابالله

شفي الدنيا الناس صاروا جبريت كلن بيفرد عضلاته يتهاوش.......!!

 

[ScarletteO'Hara]

الله يرضى عليج زعلتيني بآخر جملة والله الذي لا آله إلا هو نحب الخير

لكل العالم الإسلامي والخليجي بصفة خاصة

وعسى ديار آل صباح في عز وخير والله لا يغير على الجميع :eh_s(17):​

ما شاء الله على الاسلوب
ما في ارقى مة جذي و الله
رايتج بيضة
و حبيت اقول لج صج اني شايلة عليج بس جد احترمج لانج ما غلطتي على احد
مأخذي الوحيد تخصيص الموضوع و عدم تعميمه
و الجملة الاخيرة و الله ما اقصدج فيها
اقصد الي قاعدين يصتادون بالماء العكر و يبون يخربون علينا افراحنا بهذي المواضيع الي ما تراعي شعورنا
انا عارفة انكم فرحانين معانا
اهلي بالمسيرة يقولون شكثر السعوديين عندنا
استانست لما دريت لاني عارفة القلوب بيضة
و هذي احلى وردة لعيونج :eh_s(7):

 

[فليها وربك يحله]

رد : كويتيات سعوديات حياكم ولا يهونون الباقيات

:eh_s(7)::eh_s(7)::eh_s(7):الله يجزاك خير ايه هاذا اللي ابيه يحبي لكم هاذا اللي ابيه مابي تتفرق القلوب والحقد يدوم يبنات حنا شعب واحد وخص السعوديه ولكويت ويشهد ربي لو مغز ابره يصيب الكويت يجرحنا ويعورنا والسعوديه نفس الشي ايه لاتخلون احد يزيد النار يمكن بعض البنات تشيش لمجرد الاستمتاع بردود الشريه وتضحك وترقص البنات وتشيش الين يطيح الحابل بن نابل مشكوره يا حياتي على الموضوع ورجاء للبنا توقفوا عن الرد واذا شفتوا اي شي يحركم ما عليكم الا ترسلون للاداره وهي تصرف معهم :eh_s(17)::eh_s(17)::eh_s(17)::eh_s(17)::eh_s(17)::eh_s(17): فديتكم والله

 

[الكمثرررى]

لااا تحـــرين نفسج ولا

ترفعييييييين ضغطج,,,أحسن دواا لهنوعيه من البشر ضعيفي النفووووووس

هو الأجنووووور ولا جنج تشووفين شي .مجرد ما تردين عليهم وتلاسنيينهم يشوفوون انهم شي

وهم بالأصل ولااااا شي .أناااا كويتيه بطن وظهرر ولي الشرف وسااكنه بالريااض ,وزووجي سعوودي

أصييل وأفتخر فيه وفي لااابته ,,وكل الخليييج على عيني قبل رااسي .وكلنا عينين برااااس واللي موو

عااجبه يشلع عيينه ويرتاااح .:rgewrg:​

 

[ام خالد 78]

رد: رد : رد: كويتيات سعوديات حياكم ولا يهونون الباقيات

خليجنا واحد

 

[سعوديه مووووت]

:eh_s(10):

 

[فرحة المشتاق]

رد : رد: رد : رد: كويتيات سعوديات حياكم ولا يهونون الباقيات

صح لسانك أختي وموضوع كرز أنا قريت أول صفحه بس وطلعت لأني ماأنزل نفسي لهالفئة الحاقده
وهي ماتمثل الكويت واتمنى الكل يسوي مثلي مايرد على مواضيع مشابهه لها

 

[أوراد التميمي]

ما شاء الله على الاسلوب
ما في ارقى مة جذي و الله
رايتج بيضة
و حبيت اقول لج صج اني شايلة عليج بس جد احترمج لانج ما غلطتي على احد

حبيبتي عسى ما في قلبج شيء وشرهج على عيني ورأسي من فوق :eh_s(17):
مأخذي الوحيد تخصيص الموضوع و عدم تعميمه

والله يالغلا الموضوع مخصص لفئة معينة مستحيل أعمم أصلا مو من العقل أني أعمم
و الجملة الاخيرة و الله ما اقصدج فيها

أجل آسفة فهمتج غلط :eh_s(22):
اقصد الي قاعدين يصتادون بالماء العكر و يبون يخربون علينا افراحنا بهذي المواضيع الي ما تراعي شعورنا
انا عارفة انكم فرحانين معانا
اهلي بالمسيرة يقولون شكثر السعوديين عندنا
استانست لما دريت لاني عارفة القلوب بيضة
و هذي احلى وردة لعيونج :eh_s(7):

الغالية scarletteo'hara الله يجزاج الجنة

تسلمين حبوبتي وتسلم عيونج

والله يحفظنا من كل شر


كل كويتيات (نسبة للمنتدى مثل حوائيات إقلاعيات مرت من هنا

الله يجزاكم الجنة ويبارك فيكم


مهوب قصور فيكم الرد باقتباس


لكن كثرت الردود واختلط الحابل بالنابل

لكن أعتقدت كل شيء واضح

نورتوا المتصفح والموضوع منكم ولكم


والله يجمعنا وإياكم على خير ​

 

[نجمه الحالمه]

يسلموووووووووووووو

 

[كل الأسامي مأخوذة ليش؟]

صراحة في فردود من بنات سعوديات تضيق الخلق ونفس شي حق بعض ردود الكويتيات مالا داعي المعاير شكو سالفة الغزو وسالفة السعودية انترست كويتيين ترى ما لا داعي قط خيط وخيط الكويت الحمدالله ما تنكر فضل أحد بس مو معناته أنه ناسها ما كانت موجودة وقت الغزو اذا في رد ضايقج فهو يمثل راي صاحبته مالا داعي الاندفاعية الزايدة والهجوم بالرد بصيغة الجمع مثل كلمة بين الحقد و الكره !!!! شنو المقصد جنج قاعد تجمعين الكل ,, و اذا على موضوع أمس انا قريته كامل أغلب الردود كانت دفاع عن السعودية من عضوات سعوديات و كويتيات فليش يصير معاير بسبب رد أو ردين مو عاجبينج
صاحبة الموضوع مشكورة و رسالتها واضحة و مثل ما نحاسب أي عضوة كويتية ترى هم بعض العضوات السعوديات قاعد يغلطون
عموما نبقى أخوان و يكفي ان قاعد نشوف أعلام و سيارات خليجية في مسيرة اليوم والله يألف القلوب