كويتيات ساعدونـي ( صدقوني الموضوع مو كئيب )

[^_^ حوراء ^_^]

سلام عليكم


بنات أبي مساعده ماعليكم امر ..،

باجر ريلي بيرجع من السفر و راح اصرف بنتي و الخدامه

و مادري شسويييييييي :eh_s(11):


اول شي شنو البس لمن بستقبله .. اكيد اكيد مو قميص نوم ..!!!
بس مادري شلبس ..!!

راح احط مكياج زين .. يعني لا خفيف و لا ثقيل ..

و بستشور شعري عادي و بسويه بالستيتر .. ولا اسويه ويفي احسن ؟؟؟

و العشا ؟؟

اطلب من مطعم ولا اسوي انا العشا احسن ..؟!


و بغيت اسألكم قمصان النوم اللي ايوون اطقم = النسائي مثل الرجالي جم اسعارهم تقريبا بمحلات النقره ؟؟؟

و شنو في افكار حلوه اسويها

امبيه احس مو عارفه شسوي مادري ساعدوني بنات عطوني افكار شلون انظم اليوم ابيه يكون يوم مرتب و حلو ..

:eh_s(22):

^_^

 

[زوجة عزيز]

up up up

 

[فوفو22]

قرت عينج حبيبتي

ابتدي بالصالون وانصحج بصالون الشرقيه

حف وشيره ومغربي وحمام زيت وصبغه وباديكير ومناكير

وقبل وصوله بساعات روحي سبا تايم بالافنيوز او المهلب واعملي مساج ريلاكس

وجنبه صالون الجوري سوي استشوار

***************************

الغرفة غيري اللي تقدرين عليه

كفر والشراشف ....او الستاير ....او قطعه السجاد ......او الابوجورات ..... شموع ....حسب ميزانينج

* اشتري لروحج قمصان وبيجامات اكثر من واحد لزوم التغيير والتنويع .

العشا بما انه رمضان اكيد بكون خفيف
(عيش ...روب ...كبب...سلطات )
حلو اشتري من بره وكتبي عليه حمدالله على السلامه

فوفو

 

[honey lust]

لبسي نفنوف قصير و شعرج شوفي شنو الاحلى

بس اتوقع الاستريت انعم

و انا افضل مطعم احسن من الحوسه بالمطبخ

لا تخبين عمرج وايد اهم شي ريلج يحس انج مشتاقتله و فاقدته

 

[om MaRyooM]

يردلج بالسلامة انشالله


انا اقول خليج سمبل ان كان باللبس او الميك اب والشعر

لبس تنورة قصيرة وشي فوقها او نفنوف قصير خامته باردة .. والشعر خلي ستريت .. ترا يحبوون الشعر الناعم الطايح يسوي اغرااء

والميك اب خليه سمبل يعني كحلة ممطوووطة وقلوس وبلشر وردي ... ولاتنسين الكعب


وان كان عالاكل يبي جاهز من برا وفري تعب على نفسج


وروحي صالون سوي حنة سودة باخر الظهر او اي مكان ثاني يعجبج

 

[! بــدويه وآآيــد !]

،

هلا حوراء قرررت عينج

اول شي شعرج سويه شي مو متعود عليه " انا ذاك اليوم سويت غجري اول مره اغير شعري انا كله ستريت والعب فيه بس هالمره غيرت وحيل انصدم يقول يمه غير غير شكلج بس حلووو وبعد جم يوم قالي متى تسوين شعرج نفس ذاك اليوم خخخخ " سوي شي غريب ماسويتيه

اللبس لبسي قصير حده حده البيبي دول الي مو شفاف الي يكون نفنوف ضيج والبطن والظهر طالعين < انا هذا لبسي اليومي :/

العشا نصيحه روحي سنتر بوينت الشويخ انا اخذ منه اذا عندي مناسبه مع ريلي اخذ منهم اكلهم يهبل وعصيراتهم اروع وسلطاتهم نظيفه وفرش وتهبل روحي المنيو متروس عندهم لاتاخذين عيش ومادري شنو اخذي باستا وعصير طبيعي وكليب ساندويش وسلطتين مع حلوو اخذي الفراوله الي مغمسه بالككاو مع كب كيك وغيري مفرش الطاوله

اي ولبسي الكعب الخفيف القصير مو كعب طويل عشان يصير شكلج ذرب واذا تبين شكلج سكسي لبسي كعب طويل

ويارب يكون يوم حلوو وتستانسون فيه ​

 

[hooryah q8]

ماازيد على البنات شي ان شاءلله اعجبتج افكارهم
والله يوفقج حبيبتي ويسعدكم

 

[زينب العقيلة]

حمدلله عالسلامه​

 

[انا لحبيبي .]

الله يرجعلك ياه بالسلامه يارب العالمين ، وتفرحي عيونك فيه

البنات كفو ووفو حبيبتي ،

 

[أم توتو]

البنات ماقصروا يوصل بالسلامه

 

[مناير ...!]

لبسي نفنوف قصير و شعرج شوفي شنو الاحلى

بس اتوقع الاستريت انعم

و انا افضل مطعم احسن من الحوسه بالمطبخ

لا تخبين عمرج وايد اهم شي ريلج يحس انج مشتاقتله و فاقدته

معاها
والحمدالله على سلامته