كويتيات..خبرتكم في مصر... ما اعرف عنها ولا شي...

[Ms. luxury]

السلام عليكم ...

خواتي الحبيبات....


ياريت تعطوني فكرة عن مصر ...تصلح اروح لها بهالاجازة؟؟؟


- زحمه ولا لاء؟؟؟ لاني ما ازاطن الزحمه ...

-تصلح للاطفال ..يعني يستانسون فيها؟؟ . لان معاي اربعه الله يحفظهم

- شلون جوها ... نفس حر الكويت؟؟

- سمعت انها وصخة وحوسه.. اشرايكم؟؟ بصراحه احرص على النظافه سواء الفندق او المرافق الاخرى بشكل عام

- يقولون انها هالسنه غلت عن اول ؟؟؟ اشرايكم .. اشلون اسعارها

- شني الاماكن الي تنصحوني بالاقامه فيها وزيارتها....احرص على انها تكون محافظة وما فيها عري ...

- والي رادني عنها سالفة النصب والغش ...اكيد كل مكان فيه الخير والشر... بس ودي اتأكد من المجربين

-اشلون اسواقها؟؟ يسوى الشرا منها؟؟؟

- وجان عندكم اشياء اضافيه ... او نصايح .. ما تقصرون ...

ادري طولت وايد .... اعذورني...

 

[Pissy Missy]

السلام عليكم ...

خواتي الحبيبات....


ياريت تعطوني فكرة عن مصر ...تصلح اروح لها بهالاجازة؟؟؟

شوفي حبيبتي انا بالنسبه لي ما احب اروح مصر بالصيف لان اول شي وايد زحمه ولويه وماتحسين انج مسافره يعني نفس الاشكال الي تشوفينها بالكويت تلاقينها هناك و النصب و البوق يزيد والجو حار بس طبعا مو مثل الكويت بس هم يعتبر حر




-تصلح للاطفال ..يعني يستانسون فيها؟؟ . لان معاي اربعه الله يحفظهم

اي اليهال يستانسون لان عندهم اماكن سياحيه مثل الاهرامات والقريه الفرعونيه ودريم لاند يعني هذي اهم الاماكن

- شلون جوها ... نفس حر الكويت؟؟
والله الجو يعتبر حار بس طبعا مو مثل الكويت اخف شوي بس الصبح حر
- سمعت انها وصخة وحوسه.. اشرايكم؟؟ بصراحه احرص على النظافه سواء الفندق او المرافق الاخرى بشكل عام

اي وصخه ولويه وخصوصا بالصيف يعين احنا مانروح الا بالاشته وما ناكل الا من الفندق او مطاعم معروفه مثل فرايديز ومكدونالد وهل سوالف

- يقولون انها هالسنه غلت عن اول ؟؟؟ اشرايكم .. اشلون اسعارها

والله بالصيف النصب يزيد وكل شي يصير غالي يعني بالنسبه حق اسنين قبل كانت وايد ارخص

- شني الاماكن الي تنصحوني بالاقامه فيها وزيارتها....احرص على انها تكون محافظة وما فيها عري ...

مثل ما قتلج الاهرامات والقريه الفرعونيه ودريم لاند وعندج خان الخليلي والحسين صج انهم اماكن شعبيه بس يونسون خصوصا باليل وروحوا السينما ومسرحيات وعندهم بواخر تمشي على النيل ويصير فيهم انشطه وعشه هم زينين بس سألوا اذا في رقاصه ولا لا لان اغلبهم فيهم هذول الي اذكرهم وروحوا الغردقه واسكندريه تره حلوين
-
والي رادني عنها سالفة النصب والغش ...اكيد كل مكان فيه الخير والشر... بس ودي اتأكد من المجربين

بالنسبه حق الغش والنصب اكيد موجود عندهم وبكثره يعني الي مايعرفلهم يضيع هناك

انا ريلي يقعد ابلعومهم ويعرفلهم عدل ويالله نمشي حالنا

-اشلون اسواقها؟؟ يسوى الشرا منها؟؟؟

سوقنا وايد احلى بس عندج الملحق التجاري مال هلتون رمسيس في شغلات زوينه و اكثره جناط و جواتي وانتي بكرامه وفي عندهم جم مجمع بعد بس مو ذاكره اساميهم بس طبعا بضاعتنا احلى وايد

- وجان عندكم اشياء اضافيه ... او نصايح .. ما تقصرون ...

والله شوفي حبيبتي نصيحه لا تاكلين من اي مكان ولاتعطون ويه حق الطراروه لان اذا جلبوا فيكم ما يهدونكم ومصر الوناسه فيها بالليل الصبح سكته ومافي شي وحر

ادري طولت وايد .... اعذورني...

لا عادي حبيبتي

 

[@ دهن العود @]

يااااااااااا حلو مصر انا احبها واااااااااااااااااااااااااايد

وباذن الله بروح لها بالصيف مع ان يقولون الاسعار ارتفعت واااااااااااااااااااااايد

 

[gazl~q8]

شوفي حبيبتي مصر تجننننننننننننننننننننن اموت عليها رحتلها اكثر من مرة وناااااااااااسة حيل وتهبل راح يستانسون عليها عيالج انشالله

وفيها اماكن اشكثر وجوها حلو ابرد من الكويت بالليل يصير هوا بارد وبالعكس ترا المصاروة حبوبين حيل وحليوين صج ينصبون بس موحيل وينقدر عليهم وسالفة الزحمة لاعادي مو كل مكان زحمة والنظافة الاماكن الراقية والمطاعم المعروفة نظيفة لاتاكلين من اي شي او اي مطعم.....

بس انصحج فيها ترا تهبل ووناسة,,,,,,,,,


تروحين وتردين بالسلامة انشالله........:eh_s(8):

 

[Ms. luxury]

مشكورين....