كويتيات .. أرقام تلفوناتكم الجديده

[نونو جين]

ياحلونا باجر يبيلنا من ملوت الكاشير الاوراق الطويله حق نكتب ارقامنا

نونوجين والاقر على الله تسلم على الكل​

 

[aBoOoRa]

على اعتقادي ان يوحدون الارقام الاوليه للموبايلات كلها والبيوت

يعني مثلا قبل موبايلج تددقين 500 وقبل تلفون البيت 800 جذي

وبس احسن صح !!

 

[رماديه]

ماكو شغل

 

[نفيشه]

رقم بيتي بيصير حلو
وموبايلي بيخرررررررررررررررررررررت

وماعندهم سالفة كلش احنا جذي وعسانا نحفظ الارقام المهمة

 

[أميرة الورد]

شنو الحكمة ؟؟؟؟ مثلا الخطوط بتصر دي اس ال ؟ والا كل خط بيحطون له قمر صناعي؟؟؟ والله ناس مادري شلون صايرة

 

[^^دموع الكويت^^]

مشكووووووووورة على الافادة

وودي اعرف شالفايدة من تطويل الرقم !!!

 

[فررررح]

شالحكمة يعنى بعررررف

حدةةة ملاقة

 

[jolie_q8]

مشكوره على الموضوع

انا رقمي بصير فله

 

[جنى]

بنات تدرون قبل كانت ارقام التليفون بس 6 ارقام
و كل ما زاد عدد السكان يصير لازم يزيدون رقم ، بالسبعينات صاروا 7 ارقام

 

[malak_alroo7]

شكو؟
شالفايده ودي اعرف!!

 

[dima]

السالفه و مافيها انه الارقام خلصت فا لازم يسون جذي !!

 

[Layz]

على قولت معصومه عشان نواكب التقدم ونصير مثل الدول المتقدمه !!
شكوو بالارقام ؟؟

هههههههههههه ألحين لا طال الرقم نتطور يا سلااااام التفكير شلون صاير !!

السالفه و مافيها انه الارقام خلصت فا لازم يسون جذي !!

إيي هذا اللي سمعته ..

أشوه رقمي كشخة ليلحين ..

بس رقم بيتنا بيصير مو حلووو ..

 

[مرت ريلي]

والله حالة صج ما عندهم شغل

في وايد أشياء أهم من الأرقام اللي تعودنا عليهم من زمان !!!!

 

[عاشقة الاوتار]

والله فراغة كل يوم طالعين لنا طلعة ملينا من التغير اللى ماله داعى ابد !!

مشكورة اختى على نقل الخبر

 

[الفنانه79]

ويييييييييييييييييييييييييييييه اخاف قاعدين بمصر واحنا ماندري
صج ملاقه

 

[أم طه الحولة]

شالفايدة ؟؟؟؟ ماكو شغل ؟؟؟!!! اكو اشياء اهم جان زين يركزون عليها بس !!

 

[Harmony]

بنات الله يهديكم لازم يزيدون رقم و لا ماكو خطوط يديده الحين فى مناطق وايده و تبي خطوط حق تليفوناتها بس احنا الحين وصلنا ان عن جريب بتخلص الارقام فهم مظطرين يزيدون رقم علشان يصير مجال حق الخطوط اليديده يعنى المسأله مسألة حاجة مو لعب و لا ملاقه لا هذا شيء ضروري و الا البيوت اليدد بتقعد بدون خطوط و اصلا من الحين بسلوى ماكو خطوط اللى يسكن جديد يا ياخذ رقم ملغى اذا هو محظوظ و لا يقعد ينطر لووول

 

[عسولة الكويت]

ليش وشنو هالحركه المعقده يعني احس مالا داعي

مشكوره

 

[*دبدوووبه*]

ولييييييييييه

ليش ليش ليش ؟ يعني ليييييش؟

كل شي تغير
ولالالازم نصير احنا مثل دول العالم ؟
ليش ما نفرق عنهم يعني
غيروا ارقام السيارات
وصارت تلوع الجبد
حطوا خطوط يديده ماكان لها داعي
وقلنا ميخالف

الحين حتى تلفونات البيوت والشركات الاتصالات @@ بعرف ليـش
يعني شالفااااايده؟

 

[نظـــرات حـــائرة]

خلاص لا تحلطمون

قالوا لكم خلصت الخطووط ..



راح يصير برقمي 3 ستات هههههههههههه