1) بدلة ثاني ورد اسبوعي توهقت ومااعرف صراحه من وين اخذهم ابي مصممات او مشاغل او اتيليهات شغلهم فخم بس ناعم بنفس الوقت
مادري شنو هالبدلة الي تبينها بس اظن تقصدين بدلة سهره .. عندج محلات المهلب فوق رووعة
و ممكن تطلبين من النت من المواقع الامريكية تينن و رخييصة مثل موقع نيويورك دريس
2) الساعات خذيت بس ساعه وحده فندي ناعمه وحلوه ومحتاره شنو اخذ بعد ؟ بنات عمي يقولون من الدهام اخذي عاد ما ادري شرايكم
اخذيلج مايكل كورس عملية و عالهبة
جوسي كوتور روعه و بنووتية حيل كلهم موجودين باون تايم
3) ناقصني بوكين ابي بوك سالوران الجديد شكله حلو ومدري بعد شنو اخذ
ديور روعة ابواكهم .. كوتش اسعار مناسبة و حلوين
4) رداء العروس من وين اجيبه ؟ وجم يكلف تقريبا
تآجيير من المشاغل ب30 دينار خبري
5) المصوره ماعرف كللللش
مصورتي كانت من مركز عيون بعلبك للافراح .. ماعندي الرقم من زمان بس يهبلون بالهم طوييل و شغل مممتااااز ،، نصيحة لا تاخذين ديجتال يسوونج افاتار ههه
6) دخلة العروس امي مسويه حفلتي بالبيت ابي دخلة حلوه وجم تقريبا احط ميزانيه
مادري جم ياخذون بالضبط على اغنيه وحدة ،،، بس انا اموت على هب السعد و كانت زفتي
انصحج بزفات حسين الجسمي .. كلمات روعة و مميزة ((آموت بالجسمي خخخ))
7)برنامج العروس وين تنصحوني اسويه
انا خاطري بهيلث سبا
مادري عن هيلث سبا .. بس انصحج تسوين لج برنامج بالبيت مع رجيم كله فواكه و خضار للنضارة الطبيعية + انتي روحي صالون تعرفينه كل اسبوع سوي حمام ملكي مع ماسك لشعرج
8) ترتيب الجهاز
انا مقرره اسوي صناديق وبوكسات والدرايع والعبي تعليق
بس محتاره بالتنسيق خاصه الشوز والجنط وين احطهم
جناطي و شوزاتي حطيتهم بالجناط .. مالقيت غير هالطريقة بصراحة
مممم ،، ممكن تزيدين من الصناديق .. و تخلين صندوق كبير للجناط و صندوق كبير للشوز و خلصنا
9) عندكم شي يخلي الفلوس تزيد ههههههههه دوعابه دوعابه xD
اقري سورة الواقعة كل يوم
موفقه ياقلبي .. لا تحاتين الله بيسهلها ان شاءالله
