كوكيز لذييييذ و ألذ من كل الي ذقتوه

[كلي أنوثة]

السلام عليكم

هذا لمن سويته عجبني أكثر من الي بالمطاعم جربوووه لذيذ راح يخلص بسرعة

المقادير
2 وربع قلاص طحين
1 ملعقة صغيرة بيكربونات الصودا
قالب زبدة طرية ( لازنم تطلعونها من الفريزر عشان تصير طرية)
ثلاث أرباع قلاص سكر ناعم
ثلاث أرباع قلاص سكر أسمر
1 ملعقة صغيرة فانيليا
2 بيضة
كيس حبوب ككاو هيرشيز
1 ملعقة طعام جبنة فيلادلفيا (أو جبنة بوك الغير مالحة)

الطريقة
تخفقين الزبدة الطرية مع السكر ليما يختلط جيداً
ضيفي الفانيليا و البيض و خفقي ليما يتمازج البيض مع الزبد
ضيفي الطحين و بيكربونات الصودا و آخر شي حطي الجبن
و بعدين تحطين الككاو بس تخلطينه بخاشوقة مو بالخلاط
دهني صينية الفرن بقليل من الزيت و كوري الخليط و حطيه بمسافات متباعدة و فغصيه شوي مو وايد بس لا يصير فيه اصابع يصير شكله مو حلو بعدين
و حطيه بفرن يكون حار
و لاتخلينه وايد بالفرن و لا يتحمر
راح يكون طري و لذيذ أخوي يقول انه نفس الكوكيز الي ذاقه بامريكا و قالي اسويه كل يووووم :dddds:
و بالعافية عليكم

 

[pure smile]

ما شاء الله ما شاء الله عاد انا حدي احب السويت يعطيج العافية شكله شوقني بسويلي انا و ريلي وادعيلج
بعد شغل بنات الكويت احلى من المطاعم اكيد

 

[كلي أنوثة]

بعد جبدي انتي الحلوووة و كلامج الحلو
اشكر كلامج الجميل و ان شالله يعجبج

 

[_ظل الياسمين _]

تسلم ايدينج وياليت مكمله فضلج علينا بالصور انا مخى مقفل حده لازم صور لووول.

 

[نوراامينا]

يعطيج العافيه ما قصرتي

 

[<<لمار>>]

تسلم الايادى بس نوعين سكر ماتصير حالية ويصير بدل الفيلادلفيا احط 1مكعب كيرى وشنوقصدج بسكر ناعم البودر ولا العادى وشنو الملعقة الصغيرة مالت الحلو ولاحوس الجاى وعذرينى على اسالتى الزايدة

 

[جارة القمر]

مشكوووووووووووووووووووووووووره


حبيبتي

 

[رهشRAHASH]

يابعد عمرى وحياتى انقذتينى عصقولى وليدى ماعنده سالفه الا ليش ماتخاينى اسوى big *****sوباجر باذن الله بحقق أمنيته وجزاج الله كل خير فرحتينى بهالوصفه

 

[nono78]

مشكووووووووووووره

من زمان ودي بوصفه كوكيز حلوه (جيويي)

 

[pama girl]

يعطيج العافيه

 

[LuLiTa]

مشكوووورة حبيبتي عالوصفة و ان شالله بسويها بس تقريبا جم اتكون درجة حرارة الفرن ؟ و شكثر اخليه بالفرن ؟ لاني للحين اتعلم الطباخ ،،،،

 

[أم عبد الله]

الله يعطيج الصحة العافية نفس طريقتي بس أنا احط 2 قالب زبدة وما احط جبن بس راح أجرب طرقيتج ذبحت عيالي من الإدمان على الكوكيز قاموا يترجوني إني ما اسوي علشان الورزن بس راح أجرب طريقتج واعطيج خبر

 

[كلي أنوثة]

مرحبا
أم عبدالله الله يعافيج و يخليج جربيـــــــــه ان شالله يعجبج قالب زبدة واحد أحسن عشان الدسم قولي لعيالج الله يحفظهم هذا ما يمتن
lulita العفووو الفرن تكونين مشغلته على 180 و مادري شكثر تخلينه بس كلش مايطول 5 دقايق بس و يستحسن توقفين تراقبينه عشان يمكن يستوي قبل بس لا يتحمر ديري بالج حلاته يكون لين
pama girl الله يعافيج
nono 78 العفو عليج بالعافية هني مري
رهش يحليله ولدج الله يخليه لج و يحفظه خليه يخلط و يعابل لانه مايبيلها شي
جارة القمر العفووووووو حبيبتي
lolocaty كللللش مايصير حالي مضبوط لانه السكر بيختلط مع المقادير الثانية و السكر الناعم اهوا السكر البودر و المعلقة الصغيرة الي تكون اصغر من ملعقة الطعام الكبيرة بس مو نفسها مالت الجاي و يصير تحطين كيرية وحدة نفس الطعم :eh_s(6):

نورامينا الله يعافيج
ريحانة والله انا صورته بس ماعرفت انزله من تلفوني للاسف يلا ان شالله اتعلم بالمستقبل و انزله

 

[Q8Buying]

خااشووقه


فغصييه

:dddds:

تسلمين يالغااااليه

بسجل المقادير و الطريقه

و هاليومين اجربه - و اقول لج بالنتيجه ان شاء الله

 

[Turquoiseya]

مشكورة وما قصرتي

 

[<<لمار>>]

تسلمين حبووووبة

 

[om_3kash]

بعد عمري تسلمين

قبل يوميين سوييت كوكييز بس طريقة غيير و ماضبط عدل مدل بس يعني امي تقوول طعمه كيكه مو كوكييز

بجرب طرييقتج و انشاالله ينفع

 

[aqela3]

يعطيج العافيه على الطريقه راح اجربه انشاءالله

 

[نوراامينا]

سويت طريقتج حلوه ضبطت واستانسوا عليها اليهال ...تسلمين حبيبتي

 

[خاشووقه]

يعطيج العافيه