كنت وين وصرت وين!!

[EL-je3da]

حبيبتي عسى ربي يثبتج يارب و الله يتمم عليج انشاءالله

 

[جلكسي بالمكسرات]

تسلموون على ردودكم ألي اقراها بسعاااااااااااااده مب طبيعيه !
الله يسعدكم في الدارين يارب العالمين ،،

بنت ديرتها : حبيبتي اذا تبين اساعدج في التغيير واسوي معاج جدول انا موجوده .

اختي ألي اسألتيني عن الايات الي اثرت فيني :
الله يسلمك هاي الآيه عمرها ما اثرت فيني ألا لما عشتها !!
وسامحيني بقول السالفه بالتفاااااااصيل
كنت في مكه في رمضان هذا
كنت في الحرم حر مب طبيعي وزحمه وكان وقت الفطور وقلت بصلي المغرب وبرجع الفندق اكل !
طبعا ما كان عندي ماي وما اقدر اقوم اجيب لي زمزم لأن بياخذون مكاني .. كنت احس اني مستعده أطر من الناس ماي عشان اشربه ! كانوا يوزعون خبز حافي والموجودين يتشفقووووون عليه ياخذونه ويتسابقون على التمر ,, رحت الفندق وانا واصله اقصى اقصى اقصى درجات العطش ! ودخلت بوفيه الفندق والماي البارد على القلب
قعدت اتأمل الفرررق !!
اذا كان هالفرق الكبير بين ألي شفته في الحرم من نقص اكل و بين هالاصناااااااف الي في بوفيه الفندق
شنو هو الفرق بين اهل الجنه واهل الناااااااار !!
في الجنه نعيممممم وانهار وفي النار لحافي جحيم وطعامي غسليييييين !
صارت هالايه من يومها تأثر فيني :
(وَنَادَى أَصْحَابُ النَّارِ أَصْحَابَ الْجَنَّةِ أَنْ أَفِيضُوا عَلَيْنَا مِنَ الْمَاءِ أَوْ مِمَّا رَزَقَكُمُ اللَّهُ قَالُوا إِنَّ اللَّهَ حَرَّمَهُمَا عَلَى الْكَافِرِينَ )
ما بي اكون نفسهم ! .. ابي اكون من اصحاب الجنه !

 

[Lourdez]

السلام عليكم

والله يا اختي انا مريت بنقطة تحول مثلج بالضبط و اللي يشوفني الحين حيل غيييييييير عن قبل تبت عن اغلب المعاصي اللي كنت اسويها و الحمدالله الله يثبتني ان شاء الله

 

[Lourdez]

السلام عليكم

والله يا اختي جالكسي انا مريت بنقطة تحول مثلج بالضبط و اللي يشوفني الحين حيل غيييييييير عن قبل تبت عن اغلب المعاصي اللي كنت اسويها و الحمدالله الله يثبتني ان شاء الله
يا بنات ودي اتكلم عن الشغلاااات اللي مريت فيها و خلتني اتوووب وودي اسوي هالشغله لاني طمعاااانة بالاجر اللي راح اخذه اذا خليت وحدة تتوب بفضل الله و من ثم هالموضوع

اول شي يا بنااات كنت انسانة عاادية ..مملوووحة الشكل و لكن كنت اطمع اطمع اصير جممييييييله و ما كان يرضيني شكلي ابدااااا لا عاجبني لوني و لا عاجبني خشمي و لا عاجبني طولي و لا جسمي و لا عاجبني بيتنا و لا عاجبني طباخ بيتنا و لا عاجبتني السيارة اللي اسووقها والله يا بنات ما كان يعجبني شي .. كنت احش .. اسمع اغاني 24 ساعه بالسيارة حتى لو مشوار من البيت لي الفرع اسمع اغاني لازم..صلاااتي كنت وااايد مقصرة فيهاا..وما كنت اعرف شي اسمه قرآن الا برمضان ..كله لاهيه بهالدنياااا و باللبس و بالاكسووارات و الحش و النميمة وحف الحواجب و للاسف كل شي غلط كنت اسووويه..المهم يا بناااات مرة كنت راجعه من عرس ولا احترقت بفرن بيتنا و الجزء الاكبر اللي تضرر اهوه ويهي..ويهي اللي اهوه كنت اعتبره واجهة للناس ..ويهي اللي كان مو عاجبني ..طبعا حسيت بألم شدييييييييييييييييييييييييييد ..و اليومين اللي وراه كله نايمة من الصدمة..ولما صحصحت و استوعبت لقيت ويهي اسوووووود صار مثل طبقة سودا اللي اهو الجلد الميت..بدون مبالغه جلد اسوووود..وقعدت اتأمل نفسي و فكرت انا هالألم ما استحملته عيل شلون بستحمل نار جهنم و انا ما خليت شي مو زين ما سويته..كل المعاصي اسويها..و فكرت فكرت قلت يمكن الله بلاني بهالشغله عشان يبيني اتووب و يبيني ارجع له لكن ما تعدلت..ابليسي قوووي ما يبيني اتووب..كان يقولي (لاااااااا شكوووو انتي احترقتي لانه فرن بيتكم خربااان) .. و يقوللي (الله يبتلي اللي يحبه و لكن تتوقعين الله يحبج من بد الناس؟) وبعدين يا بنات يتني حالة نفسية لما اشوف الجلد الاسود المحترق الجاف و اللي اشيله بايدي تخيلي جلد ويهج تشيلينه بايدج انتي و تشلعينه تخيلوا يا بنات وكنت خايفة انه هالشغله تترك اثار على ويهي و يا بناااات اناااا على ويه زوااااج توني متخرجة من الجامعه..بعدييييين الحمدالله ياررربي نور لي بصيرتي و مرة كنت اشووف تلفووني و اشوف صووري و صج سبحاااان الله تغيرت نظرتي لنفسي قمت اشوف نفسي حلووة مافيني شي غلط وبالعكس العيوب اللي عندي تميزني ما كانت تجكرني عندي بشرة صافيه عندي خدود حلوة عندي حواجب حلووة و قعدت اعدد مميزات ويهي و طلعوا اكثر بواااااااااااااايد من العيوووب ..و تغيرت نظرتي لجسمي والحمدالله اقتنعت فيه انا مو متينة و لا ضعيفه جسمي وسط شبي اكثر من جذي ؟؟!! .. وقمت اقول الحمدالله على كل نعمة ياربي رزقتني فيهااا و اهمهااا نعمة العيووون يا بنات لما احترقت بالفرن كنت حيل قريبة من النار و النار بغت تدش بعيوني لولا رحمة الله اللي خلاني اشوف النار جان اغمض عيوني بسرعه لولاها جان الحين انا مو شابكة اكتب لكم سالفتي..المهم يا بنات ارجع لسالفتي ..تره للحين انا ما تبت لربي توبة نصووحة..المهم كنا بنص رمضان و في وحدة من الخوات ما اذكر شنو نكها حطت موضوع عن الرقية الشرعيه بقسم الشعر و العنايه اقولها انا عرفت حالتي بفضل الله و من ثم بفضلج .. الله سخرج لي عشان اعرف انا شنوو فيني بالضبط.. المهم يا بنات سمعت الرقية الشرعيه و لا حسيت بثقل بجتفي و راسي و ظليت اسمعها لمدة 3 ايام و خفت الصراحة شمعنا ييلي هالثقل بالجتف لما اسمع قران.. ومرة قلت خل اسمع سورة البقرة و قعدت اسمع و اركز فيها و لا يا بناااات احس بنبضااااات على كل جسميييييي و سمع واحد يرجع ..مابي اخرعكم و ادش بالتفاصيل ..المهم طلع فيني حسد و خادم الحسد صار عاشق ..مادري اذا تعرفون هالشغله ولا لأ..لو تييلي قبل شهر و قلتي لي عن هالشغله يمكن ما اصدق شنوو عاشق شكو الحسد يسوي جذي ..يعني الله ابتلاني بهالبلاء لاني يااا بنات كنت وايد بعيدة عن ربي فهالشيطان (شيطان الحسد) تمكن مني و استأنس من جسمي و قام يطلع لي بالاحلام و قمت احتلم وايد و كنت اظن هالشغله عادية و كل البنات يمرون فيها فعادي..و كنت صج اكره شي اسمه زواااج ودي طول عمري اظل جذي بروحي قاعده ببيت اهلي..وما عندي الشعور اللي كل بنية عندهاا انها ودها يكون عندها زوج و عيال..بس الحمدالله يارب حسيت ربي انه يحبني و يحبني واااااااااااايد مو شوية ..لانه لما ابتلاني بحرق الفرن اول مرة ما رجعتله ..خلاني اكتشف اللي فيني عشان ارجع له..يا بنات عقب ما اكتشفت المرض قمت ادعي و الحمدالله اصلي كل فروضي و احرص عليها و اقوم الليل و احاول اأمر بالمعروف و انهي عن المنكر و الحمدالله و اللي أكد لي انه ربي يحبني يا بنات حلمت رؤياااا انه اللي بيشفيني .. واختي حلم رؤيا عني انه انا ياا راح اشفي او راح اتزوج..و الحمدالله لك الحمد يارب والله يا بنااااات انا كنت حيل خايفة من حرقي لانه لو تشوفون ويهي شلون احترق جان قلتوا هذي مستحيل ويهها يرد مثل قبل بس صج الله يحبني والله ما اجذب عليكم ويهي رد مثل قبل 85 بالامية بس في اثار خفيفه..الله بلاني بهالحرق و ما تأذيت منه شوفوا سبحان الله ابتلاني عشان ارجع له..و حابه اقولكم شغله يا بنات
اذا الله ابتلاكم الله بشغلة سواء مرض و لا حسد و لا عين و لا اي شيييي تره الله ابتلاكم لثلاث اسباب : تمحيص للذنووب او عشان تتوبووون و ترجعون له .. و اذا كان العبد صالح الله يبتليه عشان يرفع من درجته .. فيا بنات لا تيأسووون من رحمة الله تره الله رحييييييييييييييييم بعباده و تره الله ابتلاكم لانه يبي يسمعج انتي تدعين له موو فلان و لا علان يدعييلج
المبتلي الله يحبه اذا شااااافه مفتقر له و محتااااج لربه ادعي بكل اخلاااااص و حرقة قلب و تبين تشكين من الالم اللي فيج و الاذى اللي فيج اشكي لربج السميع العليم تره الله فووقج يشووووفج شوفي الاية اللي بتوقيعي ..حطي ببالج الله يشووووفج اي شي تقولين تره اهوه يسمعج و يعرف حالتج بس يبيج تتقربين له اكثر و اكثر
شوفوا هالفيديووو يا بنات و انتوا تشوفونه حطوا ببالكم تره هذي رحمه الله نزلها عالدنيا اللي اهي 1%
http://www.youtube.com/watch?v=cizK_gmipyo

فما بالكم بال 99% اللي عنده سبحانه جل و تعالى؟؟؟؟؟؟!!!!!

انااا للحين بسجووودي اشكره لانه ابتلاني حتى على حرق الفرن الحمدالله يارب على هالابتلاء لانه لولاه جان ظليت مثل ما انااااا مفصرة بصلاتي و اجذب و احش و اسمع اغاني و ما اقعد بمجالس ذكر و لا اسوي اي شي صالح اقابل فيه ربي

و الدعااااااااااااااااااااااااء اثره قووووي حيل يا بناااات اسأل مجرب و لا تسأل طبيب ..كنت ادعي بقيام الليل انه الله يشفيني و ظليت جم يوووم و الحمدالله من فضل الله شفت الرؤيااا اللي بشرتني بالخير و يااا بنااات انا ما كان ودي اقول قصتي بس قلتها لوجه الله و طمعانة بالاجر ولا اناماحب اخرعكم و عفية ردوا علي ما احب اكتب رد شطوووله و محد يرد علي

يا بنات اذا استفدتوا ولو شي بسيط ادعووولي بالشفاااء و الزواج من الرجل الصالح

 

[مس دلال]

ماشاء الله تبارك الله
ممكن تعلمينا كيف كانت البدايه ؟؟

انا اودي اصير كذا بس ماني قادره التزمم

 

[انوثتي غير وياك]

مشالله تبارك الرحمن
الله يثبتج انشالله
بس من اي مركز خذيتي الكتيبات ؟؟

 

[coralia]

الله يثبتج حبيبتى

 

[تُخْفِي غَلَاها]

., ​

لا اله الا الله
ماشاء الله تباارك الرحمن الله يثبتج على طريج الحق ​

.​

 

[فاعلة خير2]

روووووووووعه رووعه حتى بىسلوبج الله يثبتج ويهدينآ ويآج

 

[أإلع ـشق دلع ـهـأإ]

بجيتيني حييييييييييييييييييييييييييل ..

آآآآآآآآآآآآآه حسيت الدنيآ ولآ شي واهي فعلا ولا شي ..!!

يآرب أسألك الهدآيه .. اللهم أجعل الآخره أكبر همي ..
يآرب اهديني اهديني اهديني ..

أدعيلي بالهدآيه ..

وأسأل الله ان يثبتج ع دينه وطآعته يآآرب

 

[RMANA.Q8]

ماشالله تبارك الرحمممن
الله يثبتتتج ان شالله على طاعته
ويسخر لج كل درب فيه خير
والله يهدينا ان شالله
والله يوفقج بحياتج =)

 

[Melazlaza]

ماشالله كلامج رووووعة وانا اقرى ابتسمت وظليت مبتسمة حسيت بسعادة ان فيننا ناس ينبهوننا ويدعووون للاسلام الله يجزاج الجنة

 

[ام دونه]

ماشاءالله الله يثبتج يارب
ويهدينا للسراط المستقيم

 

[{سيد العذارى }]

الله يثبتج حبيبتي كلامج وااااااااااايد مريح وايد استفدت منه صج الدنيا فانيه واخرتنا قبر ومب نافعنا الا العمل الصالح

 

[قـهـوه فـرنسيهـ]

مشاءالله عليييج ربي يهنيج ويثبتج
ويهديني ويهدي الجميييييع كلااامج بقمه الرووعه
ربي يوفقج

 

[جلكسي بالمكسرات]

يسلم لي كل رد وكل دمعه وكل تعبير منكم
مستاااااااااانسه من قلب أن الموضوع لامس قلوبكم !

انوثتي غير تسألين عن مكان الكتيبات :
انا خذتها من مركز ضيوف قطر عندنا .. بس انتو في الكويت اكيد في مراكز تعريف بالاسلام .. دوري عنهم عدددددل مب يلعب عليج الشيطان ويخليج تأجلين الموضوع .. خذي رقمهم من الاستعلامات وفاااااالج بأذن الله اجر ما تتخيلينه ابد !
اختي ألي تسأل عن شلون كانت البدايه :
1) الخطوه الاولى هجر الذنوب << للعلم انا ماهجرت ذنوبي كلها في البدايه بس هجرت الذنوب الي تقسي القلب مثل الاغاني !
2) دخلت في جدولي اليومي ( سنن الصلوات ، صلاة ضحى ، قيام ليل لو خفيف مع شفع ووتر )
3) اشوف محاضرات في يوتيوب حق عبدالمحسن الاحمد !
صدقيني حبيبتي انتي بس أبدي بأول خطوه وشدي حيلك بتلقين نفسك تمشين في خطوات كبيررررررره ! وأول ذنب تهجرينه بتلقين نفسك تهجرين الثاني والثالث والرابع !
انتي البدايه اضغطي نفسك أن ما تنامين ألا وانتي مصليه قيام ولا حطي المنبه تقومين قبل الفجر .. وألتزمي في صلاة الضحى وسنن الصلوات .. البدايه بتضغطين نفسك بس بعدين لو يعطونك مليوون ماخليتي ولا شي منهم !
انا ما كنت اتخيل يجي اليوم الي ألتزم فيه بهالطاعات ! وبأذن الله تجربين الشعور ,,

 

[أغنية البحر]

جلكسي بالمكسرات ,,,

ربي يثبك على الحق,,ويريح بالك ويسعد قلبك
كلامك استفدت منه كثييييييير
الله يرفع قدرك بالدنيا والاخره


Lourdez

الله يثبتك على الهداية ,,ويشفيك ويرزقك من حيث لاتحتسبي
كأنك تحكين حالنا ..
جزاك الله خير على الراابط اللي حطيتيه
أثر فييييييني ,,
سبحان ارحم الراحمين

 

[جلكسي بالمكسرات]

السلام عليكم

والله يا اختي جالكسي انا مريت بنقطة تحول مثلج بالضبط و اللي يشوفني الحين حيل غيييييييير عن قبل تبت عن اغلب المعاصي اللي كنت اسويها و الحمدالله الله يثبتني ان شاء الله
يا بنات ودي اتكلم عن الشغلاااات اللي مريت فيها و خلتني اتوووب وودي اسوي هالشغله لاني طمعاااانة بالاجر اللي راح اخذه اذا خليت وحدة تتوب بفضل الله و من ثم هالموضوع

اول شي يا بنااات كنت انسانة عاادية ..مملوووحة الشكل و لكن كنت اطمع اطمع اصير جممييييييله و ما كان يرضيني شكلي ابدااااا لا عاجبني لوني و لا عاجبني خشمي و لا عاجبني طولي و لا جسمي و لا عاجبني بيتنا و لا عاجبني طباخ بيتنا و لا عاجبتني السيارة اللي اسووقها والله يا بنات ما كان يعجبني شي .. كنت احش .. اسمع اغاني 24 ساعه بالسيارة حتى لو مشوار من البيت لي الفرع اسمع اغاني لازم..صلاااتي كنت وااايد مقصرة فيهاا..وما كنت اعرف شي اسمه قرآن الا برمضان ..كله لاهيه بهالدنياااا و باللبس و بالاكسووارات و الحش و النميمة وحف الحواجب و للاسف كل شي غلط كنت اسووويه..المهم يا بناااات مرة كنت راجعه من عرس ولا احترقت بفرن بيتنا و الجزء الاكبر اللي تضرر اهوه ويهي..ويهي اللي اهوه كنت اعتبره واجهة للناس ..ويهي اللي كان مو عاجبني ..طبعا حسيت بألم شدييييييييييييييييييييييييييد ..و اليومين اللي وراه كله نايمة من الصدمة..ولما صحصحت و استوعبت لقيت ويهي اسوووووود صار مثل طبقة سودا اللي اهو الجلد الميت..بدون مبالغه جلد اسوووود..وقعدت اتأمل نفسي و فكرت انا هالألم ما استحملته عيل شلون بستحمل نار جهنم و انا ما خليت شي مو زين ما سويته..كل المعاصي اسويها..و فكرت فكرت قلت يمكن الله بلاني بهالشغله عشان يبيني اتووب و يبيني ارجع له لكن ما تعدلت..ابليسي قوووي ما يبيني اتووب..كان يقولي (لاااااااا شكوووو انتي احترقتي لانه فرن بيتكم خربااان) .. و يقوللي (الله يبتلي اللي يحبه و لكن تتوقعين الله يحبج من بد الناس؟) وبعدين يا بنات يتني حالة نفسية لما اشوف الجلد الاسود المحترق الجاف و اللي اشيله بايدي تخيلي جلد ويهج تشيلينه بايدج انتي و تشلعينه تخيلوا يا بنات وكنت خايفة انه هالشغله تترك اثار على ويهي و يا بناااات اناااا على ويه زوااااج توني متخرجة من الجامعه..بعدييييين الحمدالله ياررربي نور لي بصيرتي و مرة كنت اشووف تلفووني و اشوف صووري و صج سبحاااان الله تغيرت نظرتي لنفسي قمت اشوف نفسي حلووة مافيني شي غلط وبالعكس العيوب اللي عندي تميزني ما كانت تجكرني عندي بشرة صافيه عندي خدود حلوة عندي حواجب حلووة و قعدت اعدد مميزات ويهي و طلعوا اكثر بواااااااااااااايد من العيوووب ..و تغيرت نظرتي لجسمي والحمدالله اقتنعت فيه انا مو متينة و لا ضعيفه جسمي وسط شبي اكثر من جذي ؟؟!! .. وقمت اقول الحمدالله على كل نعمة ياربي رزقتني فيهااا و اهمهااا نعمة العيووون يا بنات لما احترقت بالفرن كنت حيل قريبة من النار و النار بغت تدش بعيوني لولا رحمة الله اللي خلاني اشوف النار جان اغمض عيوني بسرعه لولاها جان الحين انا مو شابكة اكتب لكم سالفتي..المهم يا بنات ارجع لسالفتي ..تره للحين انا ما تبت لربي توبة نصووحة..المهم كنا بنص رمضان و في وحدة من الخوات ما اذكر شنو نكها حطت موضوع عن الرقية الشرعيه بقسم الشعر و العنايه اقولها انا عرفت حالتي بفضل الله و من ثم بفضلج .. الله سخرج لي عشان اعرف انا شنوو فيني بالضبط.. المهم يا بنات سمعت الرقية الشرعيه و لا حسيت بثقل بجتفي و راسي و ظليت اسمعها لمدة 3 ايام و خفت الصراحة شمعنا ييلي هالثقل بالجتف لما اسمع قران.. ومرة قلت خل اسمع سورة البقرة و قعدت اسمع و اركز فيها و لا يا بناااات احس بنبضااااات على كل جسميييييي و سمع واحد يرجع ..مابي اخرعكم و ادش بالتفاصيل ..المهم طلع فيني حسد و خادم الحسد صار عاشق ..مادري اذا تعرفون هالشغله ولا لأ..لو تييلي قبل شهر و قلتي لي عن هالشغله يمكن ما اصدق شنوو عاشق شكو الحسد يسوي جذي ..يعني الله ابتلاني بهالبلاء لاني يااا بنات كنت وايد بعيدة عن ربي فهالشيطان (شيطان الحسد) تمكن مني و استأنس من جسمي و قام يطلع لي بالاحلام و قمت احتلم وايد و كنت اظن هالشغله عادية و كل البنات يمرون فيها فعادي..و كنت صج اكره شي اسمه زواااج ودي طول عمري اظل جذي بروحي قاعده ببيت اهلي..وما عندي الشعور اللي كل بنية عندهاا انها ودها يكون عندها زوج و عيال..بس الحمدالله يارب حسيت ربي انه يحبني و يحبني واااااااااااايد مو شوية ..لانه لما ابتلاني بحرق الفرن اول مرة ما رجعتله ..خلاني اكتشف اللي فيني عشان ارجع له..يا بنات عقب ما اكتشفت المرض قمت ادعي و الحمدالله اصلي كل فروضي و احرص عليها و اقوم الليل و احاول اأمر بالمعروف و انهي عن المنكر و الحمدالله و اللي أكد لي انه ربي يحبني يا بنات حلمت رؤياااا انه اللي بيشفيني .. واختي حلم رؤيا عني انه انا ياا راح اشفي او راح اتزوج..و الحمدالله لك الحمد يارب والله يا بنااااات انا كنت حيل خايفة من حرقي لانه لو تشوفون ويهي شلون احترق جان قلتوا هذي مستحيل ويهها يرد مثل قبل بس صج الله يحبني والله ما اجذب عليكم ويهي رد مثل قبل 85 بالامية بس في اثار خفيفه..الله بلاني بهالحرق و ما تأذيت منه شوفوا سبحان الله ابتلاني عشان ارجع له..و حابه اقولكم شغله يا بنات
اذا الله ابتلاكم الله بشغلة سواء مرض و لا حسد و لا عين و لا اي شيييي تره الله ابتلاكم لثلاث اسباب : تمحيص للذنووب او عشان تتوبووون و ترجعون له .. و اذا كان العبد صالح الله يبتليه عشان يرفع من درجته .. فيا بنات لا تيأسووون من رحمة الله تره الله رحييييييييييييييييم بعباده و تره الله ابتلاكم لانه يبي يسمعج انتي تدعين له موو فلان و لا علان يدعييلج
المبتلي الله يحبه اذا شااااافه مفتقر له و محتااااج لربه ادعي بكل اخلاااااص و حرقة قلب و تبين تشكين من الالم اللي فيج و الاذى اللي فيج اشكي لربج السميع العليم تره الله فووقج يشووووفج شوفي الاية اللي بتوقيعي ..حطي ببالج الله يشووووفج اي شي تقولين تره اهوه يسمعج و يعرف حالتج بس يبيج تتقربين له اكثر و اكثر
شوفوا هالفيديووو يا بنات و انتوا تشوفونه حطوا ببالكم تره هذي رحمه الله نزلها عالدنيا اللي اهي 1%
http://www.youtube.com/watch?v=cizk_gmipyo

فما بالكم بال 99% اللي عنده سبحانه جل و تعالى؟؟؟؟؟؟!!!!!

انااا للحين بسجووودي اشكره لانه ابتلاني حتى على حرق الفرن الحمدالله يارب على هالابتلاء لانه لولاه جان ظليت مثل ما انااااا مفصرة بصلاتي و اجذب و احش و اسمع اغاني و ما اقعد بمجالس ذكر و لا اسوي اي شي صالح اقابل فيه ربي

و الدعااااااااااااااااااااااااء اثره قووووي حيل يا بناااات اسأل مجرب و لا تسأل طبيب ..كنت ادعي بقيام الليل انه الله يشفيني و ظليت جم يوووم و الحمدالله من فضل الله شفت الرؤيااا اللي بشرتني بالخير و يااا بنااات انا ما كان ودي اقول قصتي بس قلتها لوجه الله و طمعانة بالاجر ولا اناماحب اخرعكم و عفية ردوا علي ما احب اكتب رد شطوووله و محد يرد علي

يا بنات اذا استفدتوا ولو شي بسيط ادعووولي بالشفاااء و الزواج من الرجل الصالح

حبيبتي تجرررررررربتج صج مؤثرررررررررره !!!
بس حرام ردج يضيع بين الردود .. انصحج تسوين كوبي وتنزلين الموضوع في قسم اسلاميات
الله ياااااااااااااارب ينولج كل ألي تتمنيييييينه زوج وشفاااااء وكل ما طلبتي

 

[noni_q8]

يعطيج الف عافيه حبيبتي والله يثبت ايمانج ان شاء الله

 

[~✿ ارتـِوآآآء روح !]

فرحت لج كثييييير صدق مايحس بفرحة هالشعور الا من جربها فعلا راحة وسعادة ماتنوصف
قرب الله جنة ,, ومصيرنا قبر ماينفعنا الا اعمالنا الله يجيرنا من النار ويجمعنا في جناته
والله شي يفرح القلب الله يثبتج وزيدج نور وعلم ويهدي الجميع

ردودكم لها اثر كبير على قلبي
جد اشكركم وحده وحده على كل دعوه وكل كلمه
بخصوص اختي ألي اسألتني عن سبب التغير والتوبه :
السبب اني كنت في معاصي " كبيـــــــــره " وكان قلبي قاسي قاسي بشكل محد يتخيله ! يعني احاول أذكر نفسي اني ممكن اموت بس ولااااا يهمني غرقااااااانه في المعاصي ,, لين فجأه كنت أبي شي من الله بس كنت ما اتجرأ أدعي وانا في هالمعاصي ! قررت اتركها عشان ادعي .. وهني كانت نقطة التحول في حياتي !
في مقوله " لله در الحاجات.. كم قادتنا إلى الله، وجددت قلوبنا، وأحيت معاني العبودية في أرواحنا، وألهمتنا حرارة الدعاء "
بس أيقنت أن
( قرب الله يغني عن كل الاحتياجات لان قرب الله اكبر حاجه مفطورين عليها ) !
احنا مفطورين على العباده !! بس احنا نروح مسارات ثانيه ! نحاول بس أن نقطع الملل ألي نحسه في الدنيا !
صدقيني لما المعاصي والذنوب تتركينها تلقين نفسج تصعدين في سلم الدين بسرعه !
الذنوب تقسي القلب ! واذا تراكمت خلاااااااااص تصيرين ما تتأثرين !
وقريت شي احسه من خلال تجربتي شي حقيقي :
( أن من ترك معصيه من اجل حاجه.. فأن تركك للمعصيه اكبر ما تحتاج !! )
وبخصوص سؤال اختي الثاني عن توزيع الكتيبات:
حبيبتي ترى البدايه بتصيرين متخرعه وانتي تعطينهم الكتيبات بس عقب بتعطينهم بكل جراءه !
تذكري البلاد بلاااادنا يعني محد بأذن ربي بيتجرأ عليك! وحتى لو حد عصب تذكري الرسول عليه الصلاة والسلام والرسل الباقيين ألي تحملوا التهزيء والسخريه والاهانه بس عشان ينشرون الدين !
يا بختج اذا حد اهانج في سبيل الدعوه ! << انا ولا مره صارت لي ! بس احيانا احس لما اعطيهم بعضهم وجههم ينصفق ههههه بس كيفهم انا ابي ابلغ رسالة الاسلام !
نصيحه لكل الي تأثروا روحي من بكره خذي كتيبات ولا تأجلين الموضوع .. محد يظمن عمره ! ​

اعجبني هالرد عسى ربي يحفظج​