كنت مستعيله ومالقيت مصفط جان اصفط بمصافط المعاقين !!!

[رتبه دبلوماسيه]

السلام عليكم

شلونكم ؟؟

اليوم بتناقش معاكم بموضوع

وموضوعنا اليوم يتكلم

للاسف عن الناس اللي تصفط

أب مواقف المعاقين

سواء بمصافط الجمعية او الطبيب او المجمعات الخ

شرايج باللي تييج

وتقولج بكل ثقه وبرود


كنت مستعيله ومالقيت مصفط الا اخر الدنيا

جان اصفط بمصافط المعاقين !!!

انزين أنتي لو تصفطين مكان بعيد ماراح تتأذين

وراح توصلين المكان اللي تبينه

بس المعاق يتأذى وايد اكثر منج

طبعا أنا اوجهه هالكلام لكل اللي يصفط مصافط المعاقين

وأهو سليم مافيه الا العافيه

يعني لو شخص عزيز عليج ومعاق راح تاخذين مكان هالشخص !!!!

وهل تسمحين لناس ثانيه تاخذ مكانه ؟؟

ارحمو من في الارض يرحمكم من في السماء

و صدقوني انه مافي احساس لو كل شخص يحس بالمعاق ويحط نفسه مكانه ماراح تلاقيه يصفط بمكان المعاق

يعني لو كل شخص يه وصفط وفكر دقيقه انه المعاق لو يه ومالقى مكان مخصص له شلون بينزل او شلون بيوصل جان رجع وغير مكانه

وبعدين الغلط اللي اكبر من هذا انه البيئه اللي حوالينا

ماحسسونا بقيمة تقدير الانسان المعاق​

يعني لو انه كانت البيئه اللي حوالينا تخلي المعاق يكون مع

الشخص الطبيعي بمدارسه بخدماته الخ ...

جان شفتو مجتمع يحترم ويقدر ويحس بالناس اللي من ذوي الاحتياجات الخاصه

اخيرا اي شخص يتعدى على حقوق هالفئه باي شي وابسطها انه ياخذ مصافطهم
خل يتذكر شغله وحده

اخذ مكانه بس قبلها اخذ اعاقته


مابي أطول عليكم

بس بترك المايك لكم


​

​

 

[$ بنت علمي $]

وعليكم السلام

موضوعج حلو

فئه المعاقين ربي يعينهم من هالناس عديمه الأحساس

الفئه اللي ماتقدر المعاق ولا تحترمه مبتلين بعدم الاحساس

فعلا لااحساس ولا رحمه للمعاقين

وأذكر مره قريت لوحه أثررررت فيني حيل

عند مصفط المعاقين مكتوب

إذا أخذت مكاني فأخذ إعاقتي

وان شاءالله هالنوعيه تفهم وتبتعد عن مصافطهم

 

[manoooram]

تسلمين على الموضوع ألتمستي قضية حساسه ..
عذر أقبح من ذنب صراحه !!!
أعتبر هالتصرف وقاحه وقلة احساس وذوق من الغير اللي يوقفون سياراتهم بمواقف مخصصه لذوي الاحتياجات الخاصه
وكبادره من بعض الأسواق والجمعيات الله يعطيهم العافيه
قاموا يحطون حاجز لمواقف المعاقين على شان محد ياخذ مواقفهم
والأفضل بعد الواجب من وزارة الداخليه اذا شافو أحد صافط من غير ما يكون معلق البطاقة الخاصه لمواقف ذوي الاحتياجات الخاصه أو حاط الاستيكر الخاص فيهم
يغرمونهم على شان يكون درس تأديبي لهم وما يكررون هالتصرف الكريه

 

[manoooram]

ما شالله المساعدات متيمعين مع بعض
لا خلا ولا عدم


تم الموافقه على الموضوع

 

[معي احلى]

الله يفتح عليك .. الله يجعل كل الناس مثلك .. هكذا تحس بالاخرين ..




على فكرة المعاق الحقيقي هو الانسان الذي ياخذ حق غيره .. لانه تفكيره معاق ..



دمتي بكل الود

 

[شادن33]

هذا التصرف ينم عن شخصيه ما فيها ذوق واحترام لهالفئه

 

[PuPa^^SWeeT]

هذي انانية و قلة ادب




و ترا وزارة الداخلية اتغرم

لانه اعرف وحدة حصلتلها مخالفة وقوف موقف المعاقين


وصراحة زين يسوون

 

[رتبه دبلوماسيه]

تسلمووون عالردود

نورتوو

 

[manoooram]

pupa
يغرمون صح بس وايد أشوف في تساهل من طرف الداخلية بهالموضوع ان يطوفون للناس ويتساهلون بهالشي ان خليصفطون عادي بس ما يجوز
يمكن صار معاها جذي وهذا الشي طيب ان طبقو القانون يكون بمثابة تذكير لها وللغير بأن هالموقف مخصصه لفئة خاصه

 

[PuPa^^SWeeT]

الله و المخالفة ياقلبي



5 دنانير



ولا شي

 

[قَلبڪْ صًخرْ]

صراحه كل مره ندور مصفط ومانلاقي
اتهاوش مع ريلي ونتناجر بسبت
انه يصفط بمصفط المعاقين
انا ماحب هالتصرف
بس اهو يصفط
اذا ماكو مصفط
اذا بعيد نمشي
ادري ماله عذر


بس انا ابي حل
لان كل مره نتهاوش
وماكو فايده

 

[عـيّــآره]

خذ موقفه بس بالمقابل عطه صحتك

حركه تستفزني والمفروض يزيدون الغرامه
واللي يسوون هالحركه ناس انانين يعني عيزانين تمشون كم خطوه انتو الله معطيكم

الصحه ارحمو المعاقين شوي

شكرا على الموضوع ​

 

[فيونكاq8]

صاجه كلامچ عدل وردود االبنات كفوا ووفوا

 

[ToOoTi]

المعاق للأسف ماله حقوق في كويتنا الحبيبة ..
واللي يزيد من معاناتهم .. الفئة المريضة اللي تسلب منه أبسط حقوقهم .. ( المواقف )
ماني عارفة هل هو عدم مبالاة .. أنانية .. عسى الله يهديهم بس ..
وزارة الداخلية المفروض تحط حد للي قاعد يصير .. تسحب السيارة .. تزيد مبلغ الغرامة .. تسحب الليسن .. تحط كابح .. في حلول كثيرة
خل تجرب وزارة الداخلية تحط صورة معاق قبال كل مسفط .. يمكن الصورة تهز مشاعر الناس ..

تسلمين أختي على الطرح الراقي

 

[زين ودلال]

حدهم ينرفزوني الناس اللي جذيه

علبونه 5 دقايق وبيرد يوقف بأي مكان وخصوصا اماكن المعاقين !!!!!!! بصراحه همججججججج هذي اقل كلمه اقدر اقولها

والله لو ما القى مصفط واقعد احوس ساعتين ادور مصفط مستحيييييييييييييل اوقف مكان المعاقين

حتى بمصافطهم مناشبينهم

 

[al-musk]

أحسن موضوع بالدنيا

فعلا ناس ماتستحي ومفروض اللافته يحطونه شكبرها ( قبل ماتاخذ مصفطي خذ إعاقتي ) لأن لو شنو ماصفط بمكان معاقين خير واحترامنا لهم وتقديرنا لهم يبين باحترامنا لوجودهم ولحقهم بالبلد هذا هو الصح وهذا هو بالنسبة لي مقياس الثقافه والتعليم والتربية .. وهذا هو الرقي بحد ذاته .. الي يعلي منا اخلاقنا وثقافتنا واحترامنا مو بس شهادتنا ..

 

[نبض شرياني]

والله لو كنت مستعجله لو شنووو لو دقيقه لو ثانيه ما اصفط بمصافطهم ما احب اخذ مكان لناس اهم اولى

وبعدين مصافطهم مخصصه لهم من حيث الوسع والصعده للكرسي المتحرك

يعني انا ودي افش تواير اللي يصفطوون بمصافطهم يبطون جبدي ماكو احساس كلش

اي ليش ؟؟ مستعجل|ه ؟؟ تبون اعاقتهم؟؟

اخذوووها


واللي يبط جبدي تكون دوريه واقفه واللي فيها يسولفون انزين قوم انزل شوف شغلك

لان صج من امن العقوبه اساء الادب

بدش بموضوع ثاني هم باط جبدي

يعني مرات تكون دوريه واقفه بالخط السريع ع كتر

ولا يمرني هالباص اللي دايس داااااااااايس ولا هالتنااااكر ولا ماخذين حاره اليسار بعد ويبتون بين السيارات

اقول الحين يلحقه يلا الحين ها يلا راح يخالفه

ولا جنه مر جدامهم شي

وتبون الناس تلتزم بعد؟؟

طبقووو المخالفات على الكل سواسيه علشان يعرفون يحترمون هالقوانين اللي حاطينها

بس حاطين حيلهم بهالشباب ليش مغيم؟؟

مو في اشياء اكبر هالتناكر والباصات المسرعه احنا نخاف ع سلامتنا اذا انتو ماتخافووون

ادري دشيت بشي ثاني بس لاني مقهوووووووره

 

[مباركيه]

السلام عليكم ورحمة الله وبركاته

جزيل الشكر لمن طرحت الموضوع ولكل من شارك وتفاعل ووضع الردود ..التي تدل على مدى الرقي والإحترام

بصراحة وأنا أقرأ الردود أشعر بمدى ردة الفعل لديكم ..هذا دليل على أن الدنيا مازال فيها من يقدر فئة ذوي الإحتياجات الخاصة

لكم مني جزيل الشكر والإمتنان ..حقيقة يعجز اللسان عن الشكر لهذا الشعور والإحساس الطيب الذي لمسته منكم ..

طيبتوا خاطري الله يطيب خاطركم

 

[manoooram]

من بعد اذن صاحبة الموضوع
حبيبتي الغاليه المباركية
لله الحمد الدنيار بخير والناس بقلوبها رحمه
واخواننا وخواتنا أصحاب الاحتياجات الخاصه
لهم كل الحب والتقدير وعظيم الاحترام

 

[الدنيا لحظه**]

يعطيج الف عافيه اي والله صاجه