كنت اكشخ البنات والحين قربت اهلق بسبة زوجي ~ ساعدوني

[اتمنى اصير ام]

السلام عليكم
بدش بموضوعي على طول :eh_s(22):
بنات انا قبل لااتزوج كنت كشخه حييييييييييييييييييييييل ودايما لبسي مميز وحتى رفيجاتي واهلي يقولون لي عليج افكار في اللبس والتنسيق موصج روعه وكنت مااحب ازور احد الا وانا بكامل اناقتي وكشختي
بس المشكله وين ؟؟ صارلي من تزوجت سنه وشهرين ولو اقولكم شلبس في شقتي راح تزفوني :eh_s(22):
زوجي الحمدلله رب العالين يحبني وكريم معاي بس فيه شي يضايقني منه ماعمره قالي ويش هالكشخه وويش هاللبس ومايمدح فيني الا بقمصان النوم وهالشي يضاقني حيل
عيل انا لمنو اشتري واكشخ ؟ اكيد هالشي ابيه لزوجي بس مايحمس ابد ابد اني اكشخ واشتري والبس
والله والله لوتشوفون دولابي بيفطس من كثر الملابس وبقراطيسهم ماالبس
تدرون من تزوجت للحين شنو البس في شقتي ؟؟ راح تستغربون
صارلي سنه وشهرين وانا يوميا البس بيجامات ياقصيره يابرمودا يادشداشه نوم قصيره !! بالله عليكم هذا حال عروس تلبس جديه
يبط جبدي ماعمره قالي لبسج حلو وكشخه وهالشي يخليني اشتري واقط في الدولاب وبس
ومااكشخ الا في طلعاتي للاعراس اولرفيجاتي حتى بيت اهلي اذا رحت احيانا اكشخ واحيانا تلوع جبدي لدرجه ان امي تقولي اشفيج يابنتي قبل زواجج كنتي اكشخ وحده في خواتج والحين حتى مكياج ماتحطين وذهب ماتلبسين
احنا عاداتنا عادي ايام الخطوبه الزوج يطلع مع عروسته ويزورها واذا شافني متكشخه يقولي انا موواحد غريب عشان تتكشخين لي منتي مجبوره وانا احبج بطبيعتج
مع اني وقسم بالله مكياجي خفيف خفيف بيس وماسكرا وروج وبلاشر ماحط لاايشدو ولامكياج اوفر والحمدلله الكل يقول عني ناعمه بدون الزحمه ~ انا ماامدح في روحي عشان اقولكم انا حلوه وناعمه لا وربي بس حبيت اوضح لكم اني ماابالغ بالمكياج عشان ان زوجي موعاجبه اللي احطه
وانا منقبه والبس عباه يعني مابقول يخاف الرجاجيل يشوفون مكياجي لاني اغطي النقاب بعد بس اهتم بلبسي حيل
بس بعد زواجي صرت شبه هيلقيه وقسم بالله :eh_s(11):
اروح السوق واشتري واقول حرام اقط فلوس وبعدين راح ينركنو في الدولاب بس شسوي اقول بكشخ بس زوجي مايحمس
انا دوام زوجي من 6 المغرب لين 11 بالليل ايش تنصحوني اسوي ؟ ابي اترك البيجامات اواقطهم خلاص لاعت جبدي من كثر ماالبس
فأنصحوني شسوي يعني اول مااقعد من النوم الظهر شلبس ووقت الغدا والطبخ شلبس لاعت جبدي من شكلي وقسم بالله ومابي حد يفكر من اهلي ان زوجي بخلان علي والا شي لانه الحمدلله مايقصر وياي بس اهماله في شكلي يخليني اهمل نفسي
وبقولكم ملحوظه مهمه : دايما احس زوجي يقول في باله انه احلى مني عشانه ابيض وعيونه ملونه وانا حنطيه فاتحه ودايما يتكلم عن المواقف اللي اذا طلع يخزونه البنات وجديه بس انا اطنش
الحمدلله زوجي محترم وملتزم وعارف ربه بس احسه داخليا يقول انه احلى مني عشان لون عيونه يمكن يمكن تقولون ابالغ لاوالله لان مره كنت معاه بالسياره ومرت سياره جنبنا فيها ابو رفيجتي
قلتله هذا ابو رفيجتي ماشاالله عليه وسيم الكل يقول ان ابو رفيجتي احلى من امها فقالي زيي قلتله شنو ! قالي زيي انتي احلى مني :eh_s(1): يعني حسيته بيقول زيي اانا الكل يقول انا احلى منج بس قلب الموضوع
وصحيح كل وحده زوجها عندها انه احلى ريال في العالم بس بصراحه زوجي ملامحه عاديه بس عيونه ملونه وابيض والحمدلله ربي مايخلق الا الزين فليش شايف نفسه مع انه طيب وهالشي احسه فيه
فأبي منكم نصايح وابي اودع البيجامات اوالبسها في اوقات قليله لاني مصختها سنه واشوي وانا ببيجامات شكلي يفشل

 

[فوفو22]

حبيبتي لبسي وكشخي لنفسج

انا شخصيا مستحيل اطلع إلا لما اكون على سنقه عشره

وما تلاقيني بالبيت الا اسم الله عليي بكامل اناقتي

لاني انا احب الاناقه واللبس والرزه والسنع والعدال

مو بالضروره هو يعجبه او يعلق عليه او انتظر رده فعله عشان اقيم نفسي



فوفو

 

[أنفاسي دخون]

اكشخي لنفسش واهتمي لنفسش لا تنطرين مديح او اطراء منه او من غيره

توش صغيره وعروس حبيبتي

 

[Zaina-al-zaina]

حبوبه لاتبينين له

ولاتفقدين الثقه بنفسج !!!

انا ريلي ماكان يقول كلام حلو ولما قطيت عليه نغزه فهم

وفوق هذا اشغلي نفسج باي شي ثاني غيره !!!!

يعني مو بس تفكرين فيه اهواااا !!!

فكري باي شي ثاني ! ادري صعبه ! بس حاولي !!

حتي لو كنتي متضايقه تصنعي الفرح والوناسه !

وكافي انج تعرفين متي يكون موجود ومتى يطلع !!

ريحي اعصااااابج ولاتحاتين وقوي ثقتج بنفسج !!!

واضح من كلامج انج مهمومه واعتقد مو بس من سالفة اللبس !!!

غيري جو ، طلعي ، استانسي ، وبيني انج مستانسه ، وكثري من الدعاء

والاستغفار والصدقه .....


وبالتوفيق يارب

 

[Patcholli]

لبسي وكشخي حق روحج انتي ترتاحين نفسياً لمن تكونين مرتبه وسنعه وشكلج حلو سواء علق او ماعلق لاتهتمين اهم شي انتي راضيه عن اهتمامج بنفسج

 

[Perfume]

حبيبتي مثل ما قالوا البنات كشخي لنفسج
البنت تحب تشوف روحها حلوة وكاشخة
يمكن اهو من النوع اللي مايعبر انتي قوليله انج تبينه يمدح كشختج مرة ومرتين يمكن يتغير
انا زوجي كان يقول لي احب لما البس شي يديد تعلقين وتقولين رايج وتغيرت عشانه

 

[اهذريبك~]

مثل ماقالو الكشخة لنفسج مو له

 

[al-musk]

شعليج منه الواحد يكشخ لنفسه وهو مع الايام بيتعود على ستايلج ..

 

[hend6363]

وييي شخباري حبيبتي بيضا ولا سمرااا
يا ريت لو انا حنطية بالكعس الحنطيين يهبلوووووون
عكس البيض و الشقر مثلي
لبسي و كشخي لنفسك

 

[مناير ...!]

حبيبتي حبي نفسج وخلي عندج ثقه بنفسج ولبسي لنفسج
والبنات الحينيسون تام وانتي للحين عبالج الابيض هو الحلو لوول

 

[ام سعود ديكسون]

حبيبتي كشخي لنفسج يمكن الزواج مغير من نظام حياتج شوي
كنتي مرتاحة في بيت ابوج يوم كنتي بنت

والحين مالج خلق لان دوام ريلج المغرب لي بليل

الحين لما تطبخين لبسي شي مريح و دشي المطبخ وانتي حاطة مرطب علي بشرتج
و حمرة حلوة ترا اللون الأحمر يفتح النفس
مو نفس ريلج نو اقصد نفسج انتي 
كل شوي روحي طلي بالمنظرة و قولي أنا شحلاتي يا زيني
و اذا ما يناسبج الأحمر اكتفي بلابيلو زبدة شفايف و حمري خديداتج ب rose tint من بنفت عندهم جم لون كلهم ريحتهم حلوة و ما يخرب الويه نفس الأساس


اول ما تخلصين طباخ قومي الحمام أخذي لج دوش سنع ذيك الماركات اللي تخلي اثر عطر بالحمام lush او body &bath works اوبيت الصابون اللبناني

و حطي ذاك العطر الفواح
و الميك الاب السنع
و اللبس غيري لبسي شورتات و جينزات دام ما عندج خدامة تنشب ف بلعومج
و لبسي تي شيرت و جينز ضيج و تمخطري بالبيت

خو حتي لو منقبة بالبيت سوي اللي تبينه تطلعين احلي من اجمل مذيعة ب lbc لووووول
و تحت العباة كشخي و روحوا مطعم كابينات ليش مكودة هدومج بالتاق داخل الكبت
لبسي و كشخي قبل لا تتنترسين من الزواج و تتحسفين انج شريتيهم

 

[Tom ♥ Jerry]

.


هاذي مشكله المره الي تكشخ عشان فلان و علان و فلانه وعلانه
حبيبتي كشختج و اهتمامج بنفسج حقج انتي بس
انا حتى لو ريلي سافر تشوفين كاشخه و قاعده في البيت !!!!
كشخي حق نفسج بس .. عشان تشوفين نفسج حلوة تهبلين مالج شغل من ريلج
حتى لو ما يمدح يمكن اهوة طبعه جذي بس صدقيني ليه شافج تهتمين بنفسج
يفرح من داخله .. :eh_s(22):

 

[Gifts&Occaions]

لبسي علشان نفسج مو علشان احد

 

[مريامتي]

حبيبتي ليش تغيرتي لو ريلح من النوع اللي يحبطج معليه

بس هوو ساكت بالعكس مااحس سوا شي غلط انا حاسه فيج لاني مرريت نفس اللي انتي مريتي فيه

بقوولج سالفه عن رفيجتي يمكن تفيدج

هي نفسج ماشاءالله كشيخه وريلها ماتطلع من حلجه كلمة حلووة تقول مثلا امه تمدحني بشي اقولها يمه قوولي حق ولدج علميه يقول نفس ماتقولين

وتقول مثلا اذا تمكيجت اقوله شرايك في مكياجي حلوو ولا لا واذا باطلع مكان البس شي اقوله شرايك البسً جي او جي ويعطيني رايه وجي قام هو بنفسه يقوول ويبدي رايه

واحمدي ربج ان ريلج يمدحج بقمصان النووم

وشوي شوي بيتغير
لبسي فساتين قصيره قمصان نوم الدانتيلات الطوويله ميني دراعه ليقنزات عليها بديات شيفون تنانير قصيره وجي

لاتهملين عمررج نصيحه*

 

[رنيم الروح]

حبيبتي لا تهملين عمرك وبعدين تصير طبيعه فيك ماتقدرين تتخلصين منها ومدام يمدحك بقمصان النوم معناته يحب البس الدلع لبسي له وترا الرجال مايحبون يمدحون كل شي يشفونه حتى لو اعجبه ورايي من راي الاخت ماريامتي
وبالنسبه حق الميك اب يمكن زوجك من النوع الي تعجبينه اذا انتي بدون ميك اب عااادي حبيبتي انا زوجي نفس الحاله ويخانق اذا حطيت ميك اب اله حتى لو خفيف يقول تعجبيني بدونه بس احط ماسكر وكلاس شفايف خفيف

 

[احلا مجنونه]

كشخي لنفسج ودلعي عمرج ةجربي ستايلات جديده داخل بيتج باجر تكبرين ويجيج عيال ان شاء الله ما تقدرين تستانسين
استانسي بعمرج وجسمج دامج صغيره

 

[miss nina]

حبيبتي لبسي وكشخي لنفسج

انا شخصيا مستحيل اطلع إلا لما اكون على سنقه عشره

وما تلاقيني بالبيت الا اسم الله عليي بكامل اناقتي

لاني انا احب الاناقه واللبس والرزه والسنع والعدال

مو بالضروره هو يعجبه او يعلق عليه او انتظر رده فعله عشان اقيم نفسي



فوفو

تعجبيني فوفو انت كده:eh_s(15):
شوفي حبيبتي انتي البسي وتأنقي واستانسي بنفسك ولا تغيري عادتك ...يعني قبل كنتي انيقة وحلوة والحين ليش لأ؟؟عجل اش بتسوي لما يصير عندج عيال ومسؤولية ورضاعة وتبديل ...و مادري ايش ..خلااااص بتنسي روحك...سواء قال او ماقال اهتم بنفسي ولا عليي منه ..صدق لمن البس واتكشخ واشوف روحي في المراية استااااااانس وارتاح نفسيا ..حتى اذا مدحني اكتفي بابتسامة حلوة واقوله ميرررسي ..تسلم ووبس ..وماعليج من كلامه وسيم وحليو ...خليك احلى منه ولاتعلقي ولاتحسسيه اصلا بهالشي

 

[[ نور عيني ]]

-


ما قصرو البنات في الردود
وحرام تهملين نفسج بهالعمر وانتي توج عروس
ترا الرجال اذا ما شاف البنت مهتمه بنفسها يبدا شوي شوي يتاحشاها او يقعد يقارنها باحد
عشان جذي انتي من البدايه خليج مهتمه .. وبالتوفيق ان شاءالله ..

 

[امانينا]

حياتي اللبس مثل ماقالو البنات حق روحج
لاتعطين الريال فرصه باجر لا صار شي لا سمح الله
بيحط اول عذر انج مو مهتمه بشكلج
كل شي يلاحضون. لا يغرج سكتته
بعدين دوامه فرصه تريحين وتقعدين تهيأين الجو وتكشخين
واذا قالج شحقه خليج عل طبيعتج
قولي هذي طبيعتي قبل لا اتزوج
احلى ما في السوق الحين النفانيف القصيره كلها انوثه وكثري
قمصان اذا يحبهم
ودايم قولي لنفسج انج احلى منه لأنج انثى وبعدي عنج الافكار السلبيه

 

[لمى الهاجري]

اريح لج شتبين بمكياج وزينه دامه يحبج على طبيعتج خليج على طبيعتج وحطي مكياج طبيعي الي يبين ومايبين ووايد بيجامات ستان وحرير لبسيهم مو لازم قمصان