كنت اتمنى

[om reem 86]

ما اقدر كل ما اشوف حوار عن فيصل اغمض عيني هههههههههههههههههههه

لووووووووووووول عاد هذا فيصل غييير عن اي فيصل وبقصتي خلي عيونج مفتوحه عدل بحوار فيصل ههههههه وبتكشفلج الايام اليايه ومابي احرق عليج اكثر من جذي

 

[مـ سهله ـو]

ههههههههه ماشي ناطرينج :>

 

[{ سُـgد إلعَيـُـgن ..!]

{ .. ~ ..................................





آلسلآم عليكم ورحمة آلله وبركآته



تفضلوآ لـ الاهميه

http://www.q8yat.net/showthread.php?t=27933






.................................. ~ .. }

 

[om reem 86]

اول شي بنات سوري على التاخير

البارت الرابع
اميره : اشوه انك ما تأخرت علي
عبداللطيف : شفيج حبي؟ فيج شي
اميره : ( فتحت عيونها وطالعته بنظره استغراب ) عشتو من متى انا حبيبتك؟
عبداللطيف : انتي حبيبتي من زمان
اميره : يمكن هذي ثاني مره تقولي كلمه حلوه
عبداللطيف : مو شرط اللي يحب يقول كلام حلو
اميره : اففففففففف انا اقول خلني ساكته احسن
عبداللطيف : انزين شنو اللي منرفزج؟
اميره : ولا شي ولا تفتح هالموضوع معاااي كلش
عبداللطيف : على راحتج .... انزين شلون عمي ؟
اميره : احتمال باجر يطلع من غرفه الملاحظه
عبداللطيف : الله يقومه بالسلامه يا رب والله عمي ما يستاهل
*****
فيصل : ( ينادي شهد ) شهد ؟ شهد؟
شهد: هلا فيصل آمر
فيصل : تعالي حبيبتي بكلمج شوي ... كاسره خاطري غزل اشرايج اخذج انتي وغزل وانفال ونروح سينما نغير جو لازم نغير نفسيتها ونكسر جو الروتين اللي اهيا في
شهد: امممممممم ( وتغمز ) علينااااااااااا؟
فيصل : حرام عليج هذا جزى اللي يسوي طيب بهالدنيا ومهما يكون هذي بنت عمي
شهد : بس انفال بتروح حق رفيجتها الحين
فيصل : اي رفيجه ؟ وشعندها ؟ ووين بيروحون
شهد : لا مهي متاخره بتروح تييب اوراق وتيي
فيصل : خلاص مو مشكله تبين ننطرها ؟
شهد : اول شي خلني اشوف راي غزوول بعدين ايي اقولك
فيصل: مو تتأخرين
شهد : (اتطالعه بنظرات غريبه وتبتسم وتغني له ) لابو الحب لابو جده هههههههههههه
*****
ام يوسف : خوووووش طبخه عاد سووما طباااخها لا يعلى عليه
عبدالله : تسلم الايد اللي علمتها والا هذول شعرفهم بجذي طباخ
هدى : شكرا شكرا يعني انا
ام يوسف : واااااااااااااي اسم الله عليج كامله والكامل الله
منى : عميمه وانا ؟
ام يوسف : كلكم بنات خليفه والنعم فيكم عقل وثقل الا الله يهداها اميره شوي غير عنكم
هدى : اي اميره غير عنا
ام يوسف : اهيا كانت عوبه من يووم صغيره
عبدالله : عاد الله عطاااها زوج ونعم الرياييل تحطينه على الجرح يبرى
هدى : اي والله وقف معااانا وقفات ما تنسي اهو حسبت اخونا وحتى ناصر وبدروالله والنعم الحمدالله الله وفق خواتي برياييل زينين الا انا حظي عويي
عبدالله : قولي الحمدالله والحمدالله اللي الله فكج من حمد اللي سواه فيج مو هين
ام يوسف : واي لا تيبولي طاري هالريال ما احبه واشوه انج ما حملتي منه
عبدالله : يما الريال بين من اول اسبوع معن بالدوام كان معنا مافي شي انسان طبيعي ما هقينا ان يشرب وراعي بنات وان بيعذب هدى ويحبسها بالحمام الريال طلع مريض نفسي
ام يوسف : محد ياخذ الا نصيبه بهالدنيا
منى : اي والله ما يندرى عن نصيبي انا وغزل شلون بيكون
عبدالله : احسن الشباب انتو عاد بنات خالي خليفه الكل يتمناكم
منى : تقول بقلبها( ااااااااخ ليتك نصيبي يالله شناطر ما تتقدم )
*****
غزل : مادري احس مالي خلق
شهد : قومي عن العياره خن انروح نستانس .... وانتي بتيين معانا ( تاشر حق انفال )
انفال : لا يبا باخذ راحتي مع الحب
شهد : مالت عليه وااااي اكرهها
انفال : وبعدين يعني ما صار واحنا بس نتهاوش على هالسالفه؟
شهد: بالطقاق .... خن اشوف هيونه تيي معانا شرايج؟
غزل : اييي هيون تونس ... بس احس فشله فيصل معانا شرايكم نروح بروحنا احسن
انفال : ( تغني ظلموووووووووه ظلمووووووووووووه)
شهد : لا احسن فيصل يونس انتي ما تعرفينه عدل احنا ما نحب نطلع الا مع فيصل مو صح نفول؟
انفال : اي والله يا حلاته فيصل كل بنت تتمناه اينن والله لو فيصل مو اخوي جان خذيته
غزل : انا اشوف ان سامي دمه خفيف اكثر
شهد : بس فيصل على تكانه وثقل وخفه ودم والله لو تقعدين معاه بتستانسين
غزل : انزين انا ادق على هيون او انتي
شهد : كيفج
غزل : خلاص انا ادق
انفال: شرايكم بكشختي
شهد: والله مو كفو هالكشخه
غزل : اي والله
انفال: عن البربره الزايده عندج 50 دينار؟
شهد: عشان الخرى؟
غزل : امبيه اي شي ياخذ منج فلوس
انفال : لاااا لاني مره تسلفت منه 50 وما رديتهم
شهد : اي اقص ايدي
انفال : افففففففف والله مذله ... يالله باي
غزل : الووووووووووووو ها هيون
هيا : هااا غزول ؟ شلونج؟
غزل : صوتج نايمه
هيا : اي ما صارلي وايد من قاعده
غزل : عيل شقاعده تسوين؟
هيا : ولا شي مجابله الايميلات واي ضايق خلقي تعالي
غزل : عبل قومي بدلي لان فيصل بيودينا انا وشهوده السينما ونبيج معانا
هيا : الله وناااسه عاد فيصل يونس
غزل : كلكم تقولون جذي وانا اشوف عكس جذي
هيا : انتي خو ما عندج نظر
غزل : عن الهذره ولبسي واحنا ندق عليج تطلعين لنا
هيا : خن اقول حق ابوي وامي
*****
اميره : اليوم طافك بقيييت انفضح
جاسم : ليش شفيج عمري
اميره : هدى سألتني اذا لي الحين اكلمك
جاسم : ليش شلي ياب الطاري السالفه القديمه صارلها اكثر من 5 سنين شذكرها فيني؟؟؟
اميره : تذكر اوله العام يوم شافتني اكلمك
جاسم : اختج هذي حاطه دوبها من دوبنا
اميره : اي الله يسامحها
جاسم : انزين شرايج اتيني الشقه؟
اميره : خلاص بقول حق عبداللطيف اني بروح الصالون وايلك
جاسم : ناطرج على نار
اميره : دقايق واكون عندك
*****
غانم : فديتج والله
انفال : بس عاد من ييت وانت مايبقى كلام غزل بهالدنيا ما قتلي اياه
غانم : اذا انتي ما تغزلت فيج بمنو اتغزل ؟
انفال : انزين غير الموضوع ترى والله استحي
غانم : انفال حبي؟
انفال : يا عيون انفال ...؟
غانم : رفيجي ياسر كلمني بموضوع بس مادري شلون اقولج
انفال : حبيبي انت تامر قول شفي رفيجك
غانم : الصراحه ياسر رفيجي ولد نعمه وخير اتعرفينه انتي شفتيه جم مره معاي سيارته كشخه واهله ناس عندهم خيييير واهله عيزوا يخطبون له بس اهوا ما يبي تدرين ليش؟
انفال : ليش قلبي؟
غانم : لانه يحب وحده يموووت فيهاا حيل معجب فيها
انفال : وليش ما يخطبها
غانم : اهو يحبها بس مو عارف مشاعرها لي الحين وحاب يكلمها وتحبه وعقب يتزوج عشان يصير زواج حب مثلنا يا بعد روحي احنا راح نتزوج عقب هالقصه الحب
انفال : احلى شي زواج الحب
غانم : والبنت اللي يبيها اختج
انفال : شهد؟؟؟؟؟؟؟؟
غانم : اي شفيج مستغربه؟
انفال : بس متى شافها
غانم : شافها يوم جمعيه اليرموك يوم تواعدنا واهي كانت تشتري اغراض كانت عيونه مو قادره تنشال عنها
انفال : بس شهود مو مالت هالسوالف ... اهي عمرها ما كلمت صبي
غانم : هذا المطلووووب
انفال : راح افاتحها بالموضوع
غانم : مو تنسين موضوعه ترى مسكين متولع
انفال : لالالالا انشالله دام من طرفك ويحبها انت امر بس
غانم : والحيين خليني اوكلج بديني هالكيكه
انفال : فشله حبي
غانم : شنو فشله باجر لي اتزوجنا راح اوكلج غصبن علييج
انفال : متى ايي ذاك اليوم
غانم : قررررررررررررب حيل ذاك اليوم
انفال : احبك
غانم : وانا بعد شوفي عيد ميلادي الاسبوع الياي بس هالمره راح احتفل انا وياج بروحنا
انفال : شلون؟ على البحر
غانم : لا يبا شقه اخوي .. ابي اكون اكثر اقرب منج
انفال : فشله استحي لا لا اخاف مابي
غانم : من شنو بتخااافين مني؟ انا اللي المفروض الوحيد بهالدنيا ما تخافين منه
انفال : انت عمري بس الشيطان شاطر
غانم: نفولتي قلبي انا لو بضرج جان ضريييتج من زمان وصارت اكثر من فرصه موو؟
انفال : ايي خلاص راح ايي
غانم : اشوه والا جان زعلت عليج بيوم ميلادي وانتي ما يهون
انفال : اكيد ما يهون يا بعدهم
غانم : شنو بتيبينلي هديه؟؟؟
*****
هيا : والله انت ذويق يا فيصل صج صج خووووووش فلم عجييييييييب
فيصل: اصلا انا ذويق في كل شي بس وين اللي يقدر
غزل : مع انا ما احب الافلام الخياله بس هذا خوش فلم ...شكرا فيصل
فيصل : (ياعمرررررررررر فيصل فديت والله الافلام الخياليه اللي قربتج مني قاعد يقول بقلبه ) عفوا تستاهلين
شهد : فيصل انا يوووعااانه انا عازمتكم
غزل : لا لا انا عازمتكم
فيصل : قاعدين تتعازمون وانا ريال موجود افا عليكم العشى علي انا
هيا : شوفوا العشى عليك والا عليها والا عليها كيفكم المهم ان انا بشبع بطني اببلاش
فيصل : وااااااااااي بطييينيه مثلج ما شفت
غزل : لا لا انا راح اتعشيكم والمطعم اللي يطلبه فيصل
فيصل : اناا؟؟ انا؟؟ (انحرج)
غزل : اي انت اكبر واحد فينا
هيا : فيصل؟ ترى يمدحون فرايديز اللي على البحر
فيصل : لا يبا محد فيكم راح يدفع غيري
هيا : واي مطعم ؟؟
فيصل : اللي تختاره غزل؟
هيا : شمعنه؟
فيصل : لان باجر عيد ميلادها
غزل : فتحت عينها على الاخر وارتبكت واستحت
شهد : اييييييييي صح نسيت
هيا : امبيه حتى انا
غزل : اشرايكم ان انا بعد ناسيه
هيا : عن خيرك شلون تذكرت؟
فيصل : الاشخاص اللي على بالك دايم ما تنسى اهم التواريخ بعيد ميلادهم
شهد : انزين وانا ؟
فيصل : هيا انتي مو قلتي تبين فراايديز ؟ ( يبي يغير الموضوع )
شهد : يعني نااااسي؟؟؟؟؟؟
هيا : ويك ويك راحت عليج ....انزين وانا ؟؟
شهد : يالله توكلنا على الله نروح فرايديز
كانت طول الطلعه غزل ما قدرت تحط عينها بعين فيصل وفيصل اكل غزل اكااال بنظراته

*****

انتهى البارت الرابع
تتوقعون غزل بتحب فيصل ؟؟؟؟ وشنو بيصير حق اميره ؟؟؟ وشنو بيصير حق انفال وشنو الشي اليديد اللي بيصير حق خليفه ؟؟؟؟

 

[UNiQe^PRiNceSs]

اتوقع غزل راح تحب فييصل
والله يستر على انفااال و اميره
كملي حبيبتي ناطريينج

 

[UNiQe^PRiNceSs]

waiting

 

[om reem 86]

سوري ينات تاخرت عليكم:yaaaaaarb: بس لان صارت مشكله بالنت عندي وعشان اراضيكم اليوم بنزل البارت الخامس ووبالليل بنزل البارت السادس



البارت الخامس

بالمستشفى
بو فيصل : والله ما قصرت يا دكتور هذي خووووش بشاره
الدكنور : الحمدالله كله بفضل ربي
بو ناصر : انزين دكتور اشلون نشوفه
الدكتور : الحين راح ننقله حق غرفه خصوصي
بو فيصل : ومتى يقدر يطلع من المستشفى
الدكتور : انشالله ما راح يطول تقريبا اسبوع او اقل لانه راح نسوي له فحوصات ، بس ابي انبهكم مابي اي خبر مو زين يوصله او يضايقه لان الفتره هذي اهو وايد حساس واحتمال لاسمح الله تصيبه جلطه ثانيه
بو ناصر : لا اكيد دكتور هذا خليفه بعيونا
الدكتور : الله يخليكم لبعض ولا يفرقكم
*****
مريم : اي والله يا خوي البنت ذهب اخلاق وسنع
تركي : والله البنت داشه خاطري حيل يوم شفتها ذيك المره طالعه مع عبدالله وخالتج .. الا تعالي بسالج اهي جم عمرها؟
مريم : اهي بالعشرينات بس مادري بالضبط جم
تركي : حلووو يعني سن الزواج ... مريوم؟ البنت داشه خاطري حييييل
مريم : انت كل البنات تتمناك وياحظها اللي بتاخذك وانشالله غزل تكون من نصيبك
تركي : اسمها يرد الروح
مريم : ضحكتك ترد الروح ... بس انطر ابوها بالمستشفى بس يشفى نروح نخطبها لك
تركي : انزين قولي حق خالتج على نيتي فيها عشان باقرب وقت تكلم اخوها
مريم : من عيوني الثنين
تركي : تسلملي عيونج وعيون غزل
مريم : وييييييييي اخوي متولع
*****
شهد : شلون الخايس
انفال : شهود؟ .... ترى صج صج ما ارضى تتكلمين عنه بهالشينه ... هذا بيصير زوجي ورجاءا لا تتكلمين عنه عشان ما نتزاعل
شهد : يعني الحين انتي بتزعلين عشان واحد ما يستاهل
انفال ( تصارخ ) لا تقولين عنه جذي والا ليش انج محتره مني
غزل : قولوا لا اله الا الله شفيكم مهما كون انتو خوات
انفال : شوفيها شتقول وحاسبيها اهي مو انا؟
غزل : خلاص شهد خليها براحتها
شهد : بالطقاق اللي يطقها بس بعدين لافات الفوت ما ينفع الصوت واذا صار فيج لا تيين تقوليلي ولا ابي اسمع طاريه
انفال : ماراح اقولج شي
شهد : يكون احسن
غزل : شوفوا اذا ضليتوا تتخانقون راح اخليكم وارد البيت
*****
هدى : الووووو
اميره : نعم؟
هدى : انتي وينج ؟
اميره : طالعه
هدى : وين؟
اميره : ياهل انا
هدى : اي ياهل .... وين رايحه
اميره : الصالون
هدى : شكثر بتطولين ؟
اميره : ليش تحقيق اهو ؟
هدى : عشان عقب الصالون ابيج ااتيني ابي نطلع نتعشى بمطعم ابي نتفاهم
اميره : على شنو؟
هدى : متى ما خلصتي من الصالون دقي علي
اميره : يصير خير
*****
ام يوسف : اللله يبشرك بالخير يا خووي
بوناصر : ها منتي يايه
ام يوسف : شلون ماني يايه ... مسافه السكه بس اسوي دله القهوه والجاي لاحد يانا... انت بروحك؟
بوناصر : لا معاي بو فيصل بس ناطرينه يطلعونه من غرفه الملاحظه
ام يوسف : ماني مطوله ... مسافه السكه ... ياللح حافظك الله مع السلامه
بوناصر : مع السلامه
عبدالعزيز : ها يما شلون خالي
ام يوسف : الحمدالله بفضل الله شوي وينقلونه غرفه خاصه
عبدالعزيز: يما عيل بنات خالي خليفه دروا؟
ام يوسف: لا يما ذكرتنبي
*****
هدى : الوووووو هلا عميمة
ام يوسف : البشاره يما
هدى : ها بشري
ام يوسف : ابوكم بيطلع اليوم من غرفه الملاحظه
هدى : صج والله عمتى الحمدالله لك يارب ...عيل انا بروحله انا وخواتي
ام يوسف : ايييي كلنا نكون هناك وانا بسوي قهوه وجاي
هدى : وانا بييب حلو القهوه
ام يوسف : خلاص يما انشوفكم هناك
هدى : اي انشالله .. مع السلامه
*****
شهد : الحمدالله لك يارب ابوي بشرنا على عمي خليفه
غزل : حدييي ولهانه عليه
انفال : خواتج دروا ؟
غزل : اي دقيت على هدى وقالت انها بشرت خواتي الا اميره تدق عليها ما ترد لانها بالصالون
شهد : يالله شناطرين قوموا بدلوا
*****
اميره : ااااخ لو كنت انت زوجي
جاسم : عادي حبيبتي كفايه انا قاعده اعاشرج وكانج زوجتي بالضبط
اميره : بس ما ودك اتييب مني عيال؟
جاسم : انا لو ابي عيال ابيهم يشبهونج وشفت نوار بنتج كلها انتي شبهج بالضبط
اميره : يوم المنى عندي لما اتطلق من عبداللطيف وتكون انت زوجي
جاسم : تو الناس بعد حبيبتي
اميره : ليش تو الناس كل ما افتح معاك هالموضوع اتصكره
جاسم : الا تعالي واحنا بغرفه النوم كان تلفونج قاعد يدق بالصاله واايد روحي شوفي منو ؟ يمكن شي ضروري
اميره : اذا انت تحبني ليش تتهرب من الموضوع... جاسم ؟ انت تحبني
جاسم : اميره ..... روحي شوفي تلفونج وعن دلع البنات
اميره : تحبني
جاسم : امووووووووووووووووووووووت فييج
اميره : وانا بعد اموووت عليك
جاسم : والحين ممكن تروحين تشوفين تلفونج
اميره : على امرك يا سيدي
*****
وصال : الحمدالله على السلامه يا الغالي
ساره : (قاعده تبجي ) ولهت عليك يبا
غزل : ( تبوس ايده ) لا تخلينا يبا مره ثانية
منى : يالله يبا افتح عيونك كلنا حواليك
هدى : بس يا بنات خلوه يرتاح شوي
فيصل : بسكم بجي افا عليكم كاهو عمي ما فيه الا العافيه واهو الحين ما يستحمل حجي
عبدالله : هدى ؟ تعالي شوي بغيتج بره الغرفه
هدى : انشالله
*****
هدى : هلا امر عبدالله كا احنا الحين طلعنا بره
عبدالله : حاولي تاخذين خواتج بره لان لما كلمت الدكتور قال م يبي انفعالات سلبيه جدامه خصوصا بهالحاله
هدى : تصدق انا ماسكه نفسي كثر ما اقدر
عبدالله : ميخالف عشان صحه عمي انا قتلج وانتي بلغي خواتج ... الا تعالي اميره ما تدري؟ وينها ؟
هدى : دقيت ما ردت ... دزيت لها مسج
*****

اميره: انا رايحه الحين بسرعه
جاسم :وين؟ .. بعد تو الناس
اميره : ابوووي طلع من غرفه الملاحظه
جاسم : اوكي وطمنيني
اميره : انشالله باي
*****
سامي : يما كيفكم انا قتلكم ابي سيكل
ام فيصل : يا يما حبيبي احنا مو صكرنا هالموضوع؟
سامي : يما انا قايلكم من زمان ابي سيكل
ام فيصل : ابوووك مو راضي وانا مو راضيه خلاص عاد
سامي : يعني تبوني اسوي هالشي من وراكم؟ اكثر من مره قتلكم وانتو مو راضين وقد اعذر من انذر
ام فيصل : اكو احد يكلم امه جذي تبي شي لا تيني انا روح حق ابوك واخوك وكلمهم انا غسلت ايدي منك
*****
ابو فيصل : بو ناصر يا خوي روح ريح جسمك شوي حرام اللي تسويه بعمرك
ابو ناصر : ( يصرخ مستانس ) بو فيصل شوف خليفه فتح عينه
ابو فيصل : بروح انادي البنات من غرفه الاستراحه
ابو ناصر : الحمدالله على السلامه يا خوي وحشتنا
خليفه : هلا والله ببو ناصر ... شصار فيني ؟ احس يتعب بصدري
ابو ناصر : الف سلامه عليك يا خوي وانت هني بالمستشفى تعبت شوي والحين بناديلك الدكتور
ام يوسف : (عقب ما دشوا الغرفه يركضون اهي والبنات والشباب ) هلا وغلا باخويي الف سلامه عليك ولاباس طهور انشالله معاااااافى يا خويي
وصال : ولهت عليك شلونك
منى : الحمدالله على السلامه بباتي ليش تدلع علينا
وصال : اي من زمان ما تدلع علينا قال خلني اتدلع عليهم
ساره : والله لادلعك مثل ما تبي بس لا تسوي فينا جذي
خليفه : ههه هههه
غزل : احلى ابتسامه شفتها واحلى ضحكة
هدى : البيت بدونك اظلم يا نور البيت
عبدالعزيز : الحمدالله على السلامه
شهد : خطاك السو عمي
انفال : سلامات عمي
عبدالله : الحمدالله على السلامه
فيصل : شفتنا عمي كلنا حواليك
خليفه : الله يخليكم لي وين اميره بنتي
منى : دقت علي بالطريج اهيي
*****








​

 

[om reem 86]

waiting[/QUOT




مشكوره حبيبتي على متابعتج لروايتي
وانشالله ما اخييب ظنج فيني وسووووووووووووووري على التاخير مو بيدي والله

 

[UNiQe^PRiNceSs]

مو من صجها اميره:eh_s(1):
مبدعه بحياتها:eh_s(1):
ثااانكس ناطرين الباارت بليييل

 

[T-flower]

اميرة مو من صجها صح ؟؟
وغانم شيبي ويييييعععع
وغزل شحقا شايفه روحها على فيصل
البارتات حلللووة ومبينة القصه عجييبه
تسلم ايدج

 

[om reem 86]

اميرة مو من صجها صح ؟؟
وغانم شيبي ويييييعععع
وغزل شحقا شايفه روحها على فيصل
البارتات حلللووة ومبينة القصه عجييبه
تسلم ايدج

الله يسلمج يا عمري وهلا فييج راح اسجلج متابعه لقصتي :hjy5jewf: وهلا فيييج حبيبتي وانشالله تعجبج قصتي

 

[om reem 86]

مثل ما وعدتكم البارت السادس


البارت السادس

غانم : ها ياسر كلمت خالك على الشقه
ياسر : اي صج نسيت اقولك قال بيسافر الاسبوع الياي وبيعطي مفتاح الشقه حق واحد من اهلنا بحريني بيقعد له اسبوعيين فاذا تبي مالك الا هاليوميين
غانم : لاااااااااا اشلون
ياسر : هذا اللي صار شسوي يعني .... الا تعال شصار على اختها
غانم : متهاوشه معاها
ياسر : اشلون يعني انت بتخلص منها هالجم يووم وعقبها شسوي انا شلون غنوم البنت داشه بالي
غانم : مو الا هالبنت الله ما كثر البنات
ياسر : بس انا حطيتها في بالي وانت تدري اذا انا حطيت في بالي وحده اييبها لو بحضن زوجها
غانم : ايي اعرفك ... خلاص عيل انت يبها بمعرفتك
ياسر : بتشوف ودام اختها انفال راح تصير علي صيده سهله
غانم : على فكره شهد غير انفال
ياسر : ما يهمني ... تراهن؟
غانم : ايي اراهنك لاني اعرف اختها شنو
ياسر : على شنو ؟
غانم : اذا نهيت امرها لك سيارتي اللاند كروزر
ياسر : واذا ما نهيت امرها لك سيارتي الفراري
غانم : والفتره؟
ياسر : شهر واحد ماكو غيره
غانم : معقوووووووووووله؟
ياسر : انت تشك بقدراتي؟
غانم : لا بس شهر ما يمديك تسوي شي
ياسر : بس شهر اعتبارا من اليوم اللي تخلص موضوعك من انفال
غانم : ناااطر هاليوم
ياسر : المهم الحين متى تبي الشقه ؟
غانم : مادري خلني اشوف الوضع معاها واقولك
ياسر : صاااااار
*****
ام يوسف : والحين خلاص خلوه يرتاح شوي ... ومعزومييين على العشى كلكم عندي
منى : عمتي بقعد عند ابووي
عبدالله : بس الدكتور قال حدكم لي سبع وتنتهي الزياره وانتو من الساعه 3 عنده خلاص خلوه يرتاح شوي
غزل : بقى ربع ساعه على السبع يعني تو الناس مو صح يبا؟
خليفه : ولا يهمج حبيبتي باجر من الصبح ناطركم كلكم ههه ... الا ما قالو متى بيطلعوني؟
اميره : لا يبا قال لي الحين ما يندرى
ام يوسف : كلكم عندي على العشى مو تنسون
هدى : عمتى انا عذريني خليها مره ثانيه احس اني تعبانه
ام يوسف : شوفوا سمعوني كلكم مافيه اعذار والكلام موجه حق هدى وغيرها
اميره : بس عمتي انا صج ما اقدر لان عيالي بالبيت بروحهم
ام يوسف : انتي وزوجج وعيالج حياكم الله وقتلكم انا وانت يا بوناصر ويابوفيصل قولوا حق زوجاتكم وعيالكم والعذر مو مقبول
*****
فيصل : غزل تعالي انتي وشهد معاي وانفال انتي اخذي منى
غزل : (قلبها يرقع ) انشالله
فيصل : يالله يا بنات بروح اقرب السياره وكان قاعد يغني (طاير من الفرحه طاير قلبي على نار ناطر )
شهد : مسكين اخوي
انفال : باي بنات نشوفكم ببيت عمتي بدريه
غزل : (واهي منحرجه وتسأل واهي عارفه الجواب) ليش عسى ما شر شفيه فيصل مسكين ؟
شهد : يحب .... كاهو ياا يالله امشي
بعد ما ركبوا السياره
فيصل : ما راح نروح وايدنا فاضيه ... شرايكم شنو تبون ناخذ معانا عطوني اقتراحات
شهد : مادري بس اهما اكيد بيطلبون عشى لان ما يمدي
فيصل : اللي يكون انسي ادش وايدي فاضيه .... انزين غزل انتي شنو راييج؟
غزل : مادري والله ماكو الا نودي معانا حلو
فيصل : اييي خوش فكرى وشنو الحلو اللي تحبينه؟
غزل : عادي اي شي
شهد : فيصل ماكو الا تروح حلويات الخباز
فيصل : شورج وهدايه الله
*****
ام يوسف : حيالله ام ناصر هذي الساعه المباركه
ام ناصر : ساعتج ابرك يا ام يوسف ... ام يوسف بس ما عليج امر قولي حق الخدامه الجدر العود تحطه على النار والبايركس الاحمر تحطة بالفرن
ام يوسف : وليش مكلفه على عمرج
ام ناصر : شدعوه يا حااافظ ماكو سويت صينيه بطاط مع لحم مفروم ومعكررونه
الا الباجي وين ام فيصل وينها؟
ام يوسف : لو طاريين المليون كاهي طيبه الذكر
ام فيصل : خير اللهم اجعله خير
ام ناصر : حشينا فيج لي قلنا بس
ام فيصل : حلالكم افا عليكم تمونون
ابو فيصل : وانا ما حشيتوا فيني؟
هيا : عمي لو مطول شوي جان كلوك
ابو فيصل : ههههههههههه
ام ناصر : هيا دقي على ناصر ومرته شوفيهم وين؟
عبدالعزيز : هيا شبقى على دراستج؟
هيا : ما بقى شي انشالله ادعولي
عبدالعزيز : القلب داعيلج
ام يوسف : وكاهم زينه العايله عيل وين غزل وشهد وفيصل ووصال واميره
انفال : فيصل بالطريج ورانا ومعاه شهد وغزل
منى : وهدى ووصال يايين بالطريج
ابو فيصل : ( يغمز حق عبدالله ) هااا وانت لي الحين ما لقيتلك وحده تتزوجها؟
ام يوسف : وييين الله يسمع منك هذا ما ادري متى بيتزوج
الكل قاااام يضحك
ابو فيصل : اختي اعرفها هههههه هالسالفه تشغلها هههه يا حلوج يا بدريه
عبدالله : بس اشراييك ان هالموضوع قاعد افكر فيه
ام يوسف : اي اي بس العب باعصابي
عبدالله : وراسج يا الغاليه كلامي صج
ام يوسف : والله لو كلامك صج اوزع على كل اللي قاعدين 10 دنانيير واذبح باجر ذبيحه
هيا : اذا بتوزعين عشر دنانير على كل شخص فينا انا اروح اخطب له بنفسي
عبدالعزيز : يالله قول الصج عشان احدد موعد زواجي انا بعد
*****
هدى : وصال ابي اقولج شي
وصال : شفيج؟
هدى : انا شاكة ان اميره تكلم جاسم
وصال : (فتحت عينها لي الاخر ) شنوووووووووووووووووو؟
هدى : اي والله بس مادري لي الحين شاكة
وصال : جاسم جاسم ما غيره ؟
هدى : اي
وصال : والله لانتفها
هدى : نطري انا لي الحين مو متأكده .. بس اماانه الكلام بيني وبينج
وصال : اي انشالله كا بعد وصلنا بيت عمتي .. عطيني خبر
*****
شهد : اوووله طالع السيرات شكلهم كلهم موجودين
غزل : اي تقريبا كلهم اشوه خواتي موجودين
فيصل : يالله انتو نزلوا على ما ادور موقف
غزل : ليش ما تصفط بالبراحه
شهد : لا بعيده على اخوي
غزل : اصفط بالبراحه ليش لا؟
*****
ام يوسف : هااا وينكم تاخرتوا ؟
مريم : ها عمتي نحط السفره؟
ام يوسف : اي يما ما عليج امر ..
شهد : (تقول بقلبها مسكين اخوي والله قاعد يتعذب وغزل ولا صوبه)
مريم : غزل ما عليج عقب العشا بقيتج بسالفه على كتر
*****
ام فيصل : عسى بيت دايم يا ام يوسف ما قصرتي بس ما كليتي وايد
ام يوسف : الفرحه اللي بقلبي بس ما ادري اهو يقص علي والا من صجه
عبدالله : يما تو مساعه على العشى والا اميه مره سالتيني الحين ان سالتي بغير رايي
ام يوسف : لا يما بسكت بسكت ... انزين بس سؤال في وحده في بالك والا ادورلك
عبدالله : هااا يما اغير رايي؟
ام يوسف : لالالا خلاص بس
هيا : عمتي اطالبج عشره
عبدالعزيز : وانا يما بعد
شهد : وانا بعد
فيصل : وانا بعد
هدى : وانا بعد
غزل: وانا عميمه
وصال : لا عزت الله مهرك اللي خاشته لك توزع
منى : (اتطالع بعيونها المغورقه)
*****
انتهى البارت السادس

 

[UNiQe^PRiNceSs]

ثانكس على البارت حبي
ناطريين

 

[ورده كويتية]

:s142:روعه روعه ماشاء الله عليج مبدعه :eh_s(7):
بليز لا اطولين علينا بالبارتات اليايه عشان خاطر ريومه نزلي اليوم بارتين لان صج اندمجت بالقصه وابي اعرف شيصير
تسلم ايدج حبيبتي والله لا يحرمنا من ابداعاتج:yaaaaaarb:

وهالورد الحلو لج :aha::aha::aha:​

 

[UNiQe^PRiNceSs]

waiting

 

[om reem 86]

:s142:روعه روعه ماشاء الله عليج مبدعه :eh_s(7):
بليز لا اطولين علينا بالبارتات اليايه عشان خاطر ريومه نزلي اليوم بارتين لان صج اندمجت بالقصه وابي اعرف شيصير
تسلم ايدج حبيبتي والله لا يحرمنا من ابداعاتج:yaaaaaarb:

وهالورد الحلو لج :aha::aha::aha:​

[تسلمييين يا بعد قلبي هذا من ذوقج :e3: ولعيونج بحاول انزل اليوم بارتين

 

[ورده كويتية]

مشكووووووره بعد قلبي انتي الذوق كله :33_1185028183:


حرام عليج يالله نزلي بعد طولتي

ناطرين على نار
:lkmnkl::lkmnkl::lkmnkl:

والا :rerrerek: اذا ما نزلتي بنزعل :bbbiu:

 

[om reem 86]

:ssssso:

مشكووووووره بعد قلبي انتي الذوق كله :33_1185028183:


حرام عليج يالله نزلي بعد طولتي

ناطرين على نار
:lkmnkl::lkmnkl::lkmnkl:

والا :rerrerek: اذا ما نزلتي بنزعل :bbbiu:

تسلمين يا عمري وسوري اني تاخرت عليكم ومشاركتكم واااايد تونسني وتخليني اتشجع اكتب اكثر من روايه
والحين راح انزل البارت السابع ولا يهمج وكلش ولا زعلج:eh_s(2):

 

[om reem 86]

​

البارت السابع





مريم : غزل ما عليج امر بقيتج شوي؟

غزل : اي انشالله .. الحين ايي وراج

انفال : هااا شبينكم؟

هيا : عن اللقافه يا انفال .. اصلا غزل ما تخش عني شي هههههههه

*****

غزل : هلا مريم بغيتيني؟

مريم : اي قعدي استريحي

غزل : خوفتيني ... في شي؟ صاير شي ؟

مريم : لا لالا انشالله خير ... بغيت اكلمج بموضوع شخصي شوي من فتره اخوي شافج وعجبتيه والصراحه دشيتي خاطره وكلمني عشان يخطبخ من عمي خليفه بس انتي شايفه الوضع اللي احنا فانا قلت اكلمج انتي بالاول

غزل : والله مادري انتي فاجئتيني بس اي اخو فيهم؟

مريم : اخوي تركي العود عمره 26 مهندس وعنده خير من الله وخاطره فييج وقلبه طيب حييل ورومانسي

غزل : ماني عارفه شقولج؟

مريم : انا ما ابيج تقولين شي الحين ابيج تاخذين رااحتج بالتفكير وعلى فكرى صدقيني ماراح تلقين مثل تركي

غزل : الله كريم انشالله وانتو والنعم فيكم

مريم : الله ينعم بحالج حبيبتي

*****

سامي : يما كلمتي ابوي

ام فيصل : باسم الله تونا رادين من بيت عمتك الحين لا بغينا ننام اكلمه ذبحتني ماماتي

سامي : يما عشاني ضغطي عليه

ام فيصل : اشلون اضغط وانا مو راضيه

سامي : انتي كلميه وانا بروح اكلم فيصل ... اهو وينه؟

ام فيصل : توه وصل البنات ومعاهم غزل وهيا بعد بينامون عندنا وراح داره

سامي : انزين يما اذا ابوي وافق دزيلي مسج.. ما راح انام الا اذا وصلني مسج من الغاليه يا الغاليه يا الكتكوته ( وقعد ينقز فيها )

ام فيصل : ههه بس اقعد اقعد يما منك يا العيار خلاص بدز مسج سواء اي او لا

سامي : ضبطينا يما

ام فيصل : يالله يالله روح حق اخوك واقفل معاك المفتاح وماكو طلعه اليوم بالليل

سامي : انشالله يا العسل يا اللوز يا الروز

ام فيصل : هههههههههه

سامي : اي اي شقي الضحكه بس هالله هالله بالمسج .. وشوي من حركات الدلع لابو فيصل بس يووافق على طول

ام فيصل : استح على ويهك .. يالله تصبح على خير

*****

شهد : ويهج حده منعفس من طلعتي من كلمتج مريم ... شفيج ضايقتج بشي ؟

غزل : لالالا بالعكس عادي بقولكم شنو قالتلي .. بس امانه وعليكم الله لا تعلمون احد

*****

سامي : الحين انا يايك لا تطلع من الغرفه ؟

فيصل : اقعد اقعد بس بروح شهوده والا انفال اخذ منهم مقراضه اظافر وايي

سامي : الا حجه وحاج ... سمعنا الحب هنييي؟

فيصل : ههه اي اهني وعلى قولتلك حجة وحاج

سامي : عاد مو اتطول

فيصل : اوكي شوي وايي

*****

وراح فيصل صوب غرفه شهد وغزل وسمع اللي ما كان يبي يسمعه

غزل : تركي اخو مريم معجب فيني ويبي يخطبني

هيا : وشفيج مستانسه جذي وانتي تقولينها

غزل : مو مستانسه بس اهو مهندس وانتي تعرفين اهل مريم عندهم خيير

شهد : يعني عاجبج؟

غزل : مادري ما اذكر شكله عدل بس اهو معجب فيني وايد ما ادري شعور حلو

هيا : انتي موافقه؟

شهد : بتوافقين ؟

غزل : ليش لا مهندس ما ينعاب ومريم مدحته لي

انفال : وفييييييييييصل اخوي؟

شهد : بس سكتي كيفها هذي حياتها ( معصبه من غزل وويهها انعفس )

غزل : شفيه فيصل ؟

انفال : ولا شي

*****

فيصل رجع الدار منهااااااااااااااااااااااااااااااااااااار:eh_s(2):

​

فيصل : اطلع بره الدااااااااااار ( يصرخ وماسك دمعته )

سامي : فيصل شفييك؟؟؟؟

فيصل : سااامي اطلع مالي خلق

سامي : شنو صار بغرفه خواتي؟

فيصل : ما صار شي اصلا ما رحتلهم كلمت رفيجي وتهاوشت معاه

سامي : اوكي اوكي خلاص انا بخليك على راحتك ... تصبح على خير

فيصل : صك الباب وراك

*****

انفال : انا متنرفزه شوي بروح الحمام اكلم غانم حبي

غزل : شفيج عسى ما شر من شنو متنرفزه ؟

انفال : (بنفسيه ) ولا شي انا رايحه

هيا : بنات انا حدييي دايخه اسمحولي قاعده من الساعه 6 الصبح ... تصبحون على خير

غزل : وانتي بعد بتنحاشين مني؟

شهد : وليش انحاش؟

غزل : لان قلت ان تركي خطبني

شهد : عليج بالف عافيه .. بس بسالج ليش وافقتي؟

غزل : استانست يمكن لان معجب فيني

شهد : (صرخت ) وفييييييصل ؟ يعني ما تدرين ان فيصل يحبج

غزل : صج ؟ (تسوي عمرها ما تدري .. واهي كانت تبي تسمع شهد شنو بتقول عن فيصل )

شهد : لاتسويين نفسج غشيمه

غزل : انا صج مادري

شهد : امبلى تدرين والا يمكن لان يشتغل بوزاره عاديه صار كخه؟

غزل : لالالا بالعكس فيصل على راسي وشخصيته وااايد حلوه

شهد : احنا كلنا ندري انج ما تحبين فيصل ... بس والله ما تدرين شلون فيصل يحبج

غزل : يعني اهوو قال ان بيخطبني؟

شهد : ايييي بيخطبج بس باللحظه اللي يحسج تحسين فيه ومستعد ينطر لي اخر نفس في عمره

غزل : صج ؟

شهد : على العموم هذي حياتج وانتي حره فيها

غزل : شهد؟

شهد : ماله داعي تبررين شي تصبحين على خير

*****

غانم : وانا بعد يا عمري

انفال : حبي ؟ متى بيجمعنا بيت مع بعض ؟

غانم : عن قريب عن قريب ... ماني قادر استحمل اكثر من جذي انا عقب باجر بالليل مسافر مع عمي علاج عشان جذي باجر بكلم امي بموضوع زواجنا بس ماني قادر ابيج لي وحلالي

انفال : صج ؟ من صجك ؟

غانم : اي حبيبتي بس راح اجدم موعد احتفالنا بعيد ميلادي بليله اللي اسافر فيها لاني بعدها ما راح اشوفج لي 3 اشهر بس ما راح اسافر الا لما اسويي اللي في بالي

انفال : (مستانسه) شنو اللي في بالك؟

غانم : انتي يا قلبي اكييييييييد .... ما راح اسافر الا لما امي تاخذ موعد لكم عشان تزوركم

انفال : (مستحيه ) حياها الله خالتي باي وقت

غانم : خلاص عيل دنيتي اخليكم انتي والبنات تاخذون راحتكم وموعدنا عقب باجر حياااااااااااااتي باي وتصبحين على عسل يا احلى عسل بعيش معاه العمر كله

انفال : باي يا دنيتي وابو عيالي انشالله

*****

عبداللطيف : يالله صباح خير ليش احس انج اتدورين المشاكل وتستانسين لي تخانقتي معاي؟

اميره : انت اللي مادري شفيك معقد وتنرفزني وقاعدلي على الوحده

عبداللطيف: بس انا ماقلت شي سالتج ليش ما تودين عيالج معاج بيت رفيجتج عقب ما تروحين المستشفى عند ابوج

اميره : اشفيييك انت ؟ جم مره اقولك ما ابي اخذهم معااااي شقه رفيجتي صغيره وانا ماني مطوله عندها

عبداللطيف : ميخالف ولا تخليني احرمج من بيت رفيجتج هذي؟

اميره : وانت شعندك ما تمسكهم ؟

عبداللطيف : انا من زمان مو رايح دوانيه دايما مجابل اعيالج انتي اللي لاتدرين عن بيت وعيال وزوج

اميره : هالمره راح اخذهم عشان ما تعايرني اني ما اجابل عيالك والحين انا ما ابي اتاخر على ابوي بتيي والا لا؟

عبداللطيف : ايي خلينا نروح بسياره وحده وعقبها انا اقطج بيت رفيجتج

اميره : ( قاطعته ) لا

عبداللطيف : خرعتيني وليش لا يعني؟

اميره : وليش امبلى؟

عبداللطيف : نحس بالجو العائلي شويه

اميره : لا شكرا انا ما ارتاح اللا بسيارتي وما ابي احكرك معاي يالله انا بروح ابدل اليهال واطلع

عبداللطيف : باي

*****

ام فيصل : صباحكم خير يا احلى بنوتات على وجه الارض

هيا : هلا خالتي اشم ريحه البيض وانا بالحلم

انفال : اووووووووووووووووله يا العياره

شهد : صباح الخير يما

ام فيصل : صباح الخير عسولتي ... شفيج مو على بعضج؟

شهد : ولا شي يما ... يما وين فيصل ؟

ام فيصل : الحين ينزل اهو وسامي

انفال : يما حطيلي الخبز اللي يمج ... سامي من زمان ما شفته

ام فيصل : اي مطنقر ليش ابوج ما رضى على السيكل ... غزل ؟ ادري فيج تحبين المربى اي نوع احطلج مع الخبزه اللي بيدي؟

سامي : صباح الزعل

ام فيصل : فيصل شقال؟

سامي : ولا شي

فيصل : صباح الخير ( عافس ويهه ومو قاعد يلتفت صوب غزل )

غزل : صباح النور ( مع ابتسامه خفيفه ) .. ممكن بعد اذنك فيصل توديني لابوي؟

فيصل : شهد ؟

شهد : نعم حبي؟

فيصل : ودي بنت عمج حق ابوهاا

غزل : ( ضاق خلقها وعفست ويهها )

الكل انصدم من رده فعل فيصل .... ليش؟ وشنو السبب؟

شهد : بقيتك بموضوع

فيصل : ما ابي اسمع شي

*****







انتهى البارت السابع
وناطره ردوودكم وتعليقاتكم ولا تحرمونا من تواصلكم معاي

 

[om reem 86]

بعد شوي راح انزل البارت الثامن شدعوه بنات ماكو ردووود على البارت السابع؟؟؟؟؟؟