كنتي مظلومه والله نصرج تعالي قولي لنا تجربتج وشنو سويتي وشفتي النصر عليهم

[درة أهل الطولات]

لرررررررررررررفع

موضوع شييييييييييييييييييييق جداااااااااااااااااااااا

 

[عنزروته]

اندمجت كمممممممممممممممممممممممممممممممملي حبوبة

 

[اسيره السحر]

اكمل لكم
كلمت بدور اكثر من مرة ومع رفضها المستمر خلاص مليت وقلت الي علي سويته
وبيوم من الايام اتصلت اخت هناء من يديد
ةكلمتني قالت اختي تبيج
وهني بتقولون انكم توقعتو انها ماتت من اخر مرة
لكن سبحانه يمد بعمر البشر ولا راد لقضائه
رحت يابنات وايدي علي قلبي
قالت لي هناء انها تبي تشوف بدور
وانا هني توهقت بدور رافضه تحللها فمابالكم تشوفها
قلت اعذريني وانا حاولت لكن دموها وهي بفراش المرض هزتني
وحسيت الدنيا ماتسوي
واتصلت ببدور وسبحان الله اقتنعت وقالت انتي بتروحين معاي وتكونين شاهده علي الي يصير
انا قلبي قرصني قلت شسالفه يابدور انتي تبين تتهاوشين مع المرة وهي مريضه
قالت لا
بس لازم تجين
قلت حاضر
وثاني يوم رحنا لهناء وكانت حالتها تترادي اكثر واكثر كل يوم
ودخلت بدور علي هناء وهناك شفت شي غريب
وشعور اغرب
تعرفون شعور المظلوم وتعرفون شعور الظالم
بوقتها اختلط علي وانا اشوف بدور تطالع هناء بحرقه وتبجي وهناء تبجي
قلت يارب الف بين قلوبهم
وهني فجرت بدور المفاجاه
كانت بدور جايه مع اخوها وقالت لهناء انا ماراح اسمحج الا لما تقولين لاخوي انج ظلميتني
طبعا انا كنت اطرش بالزفه
ولافهمت شي
قلت بدور الله يهداج شفيج
البنت مريضه قالت لااااااااااااااا ولا احللها لين تعترف بذنبها
وفجاه يابنات ماحسيت الا هناء توافق ويدخل اخو بدور
بصراحه ماكن اخو واحد
كل اخوانها تقريبا ومعاهم مرت اخو بدور ولا فوقهم حماه هناء الي مادري من وين طلعو صراحه
الغرفه صارت حوسه وبغيت اطلع
قالت بدور لاا
تظلين تشهدين
وانا مت من الاحراج تخيلي عايله بدور كلها يت المستفشي وكلهم يطالعون هناء وبدور
قلت شفيج يابنت الناس شسالفتج
قالت سمعي وحكمي وكل اخواني يسمعون
سالت حماه هناء قالت انتي متي شفتيني اطلع مع شباب وهل انا معاج بالشغل عشان تشوفيني
قالت انا مشافتج
بس هناء قالت لي
ولتفت الجميع لهناء الي كان حالها مايسر عدو ولاحبيب
قالت بدور وانتي يامرت اخوي يلي نقلتي الكلام لاخوي من منو سمعتي ووين شفتيني اطلع مع شباب
قالت هذيقالت لي
وبساعتها الكل قطها براس هناء
قالت بدور ردي ياهناء انتي متي شفتيني
هني هناء سبحان الله اخذتها العزة بالاثم
مادري عصبت
وماعرف ليش انكرت
بس بدور صاحت صيحه تخوف
قالت ياعساج ماتطليعين من المستشفي الا لقببرج ياظالمه
وهني انا وقفتها عند حدها
قلت اطلعو كلكم وكافي
وظلت بدور تسب هناء
وفجاه هناء اعترفت بذنبها مادري شلون
بس اشرت بايدها لبدور والاخت قعدت تترجم الكلام
واعترفت انها مرت البنت بالزنا وفضحت فيها بكل حقاره
لدرجه انا نفسي حقدت عليها
ولما ظهر الحق قالت بدور روحي ياهناء انا محللتج

وبقوله لج سر انا دعيت عليج ودعوة المظلوم مجابه ولعلمج مادعيت الا علي لسنج ان ربي ييبلاج في وتصير حسره عليج الكلمه
وطلعت


والي حصل يابنات
ان بعد فتره جس هناء تجاوب للمرض والله رفع عنها
طبعا سبحانه له اسباب ويمكن مسامحه بدور لهناء كانت سبب في شفائها
بس ظلت بويه مشوة ولسانها ماتطق فيه الا مثل البيبي مجرد حروف غير مفهومه
ونقلوها من شغلها لوظيفه ثانيه بس ماقدرت تكلم واخذت تقاعد مرضي وعرفت ان بدور تزوجت وربي وفقها
وطبعا هذي اخر خبري فيهم لاني انتقلت وتركت القسم بلي فيه
وسلامتكم

 

[مغتربة 2006]

اسوره يعطيج العافيه على القصه الي كلها حكم
ما شاء الله
صج الواحد ياما يشوف
ويابخت من يتعلم
لا تقطعينا يالغاليه انتي كنز

 

[الزين والغلا لي]

لا اله الا الله
وبعزتي وجلالي لانصرنك ولو بعد حين
سبحانه يمهل ولا يهمل

 

[شاليمار]

الحمدلله
انا ان شاء الله ما طاح على ظلم
وحتى لو ما حسيت بحسن نيتى باللى حوالينى وعلى نيتى الله يرزقنى سبحانه
ودايم اوكل امرى لله
وطول عمرى اذا احد غلط على بينى وبين نفسى اقول واردد امره الى الله اللهم عليك به وحسبى الله عليه ونعم الوكيل

تراها كبيره عند الله يا بنات لما تقولين عن احد معاه مشاكلوياج امره الى الله

ياخذ حقج سبحانه من غير ما تسويين ولاااا شى

بس اختى اسيرة السحر والله ادعيلج واهنيج على صبرج والله يشفيج انتى وامج من كل شر

اللهم امين

 

[مهمة]

واي يااسيره قلبتي غلي المواجع انا اموت كل يوم من الظلم والقهر الي احس فيه ومن اقرب الناس
زوجي تخلى عني وقال بطلقج والكل تخلى عني حتى اهله ماوقفوا معاي حسبي الله ونعم الوكيل مع اني والله بشهاده الجميع خوش بنت والله موغرور

 

[اسيره السحر]

اليوم بقولك قصه يابنات عند حقد الضراير والغيره شتسوي
بس للاسف ابطال القصه ماتو من زمان بس بناتهم وعيالهم شاهدين ويعذروني علي نشر القصه واكيد مارح افولها بالتفصيل
وادعول لكل بالمغفره
القصه تقول ان في ريال اسمه جاسم
وكان من الرجال المشهود لهم بالمرجله والكر والفخر وكل شي يخطر ببالكم
وكان جاسم يحب وحده من قبيلتهم
علي فكرة القصه تتكلم عن زمن البداوة شوي قبل لاتنزل الناس من البر
كان جاسم عينه علي بنت اسميها لكم اسماء
وكانت اسماء علي وصف الي سمعته من حفيدتها جمال يهز جبال
طول وجسم مرسوم رسم و يهها جنال غريب عجيب لدرجه سموها الانجريزيه يعني انجليزيه من كثر ماهي جمالها غريب عجيب
كانت اسماء تحب جاسم بعد
بس تدرون قبل التوصال صعب
يعني حدها تشوفه من بعيد وهي طالعه مع الغنم
نسيت اقولكم انها كانت فقيره ومن عايله قليله شوي
وجاسم كان ولد خير وحلال وعايلته لها كلمه بالقبيله ووضعها
المهم يابنات جاسم كانت بنت عمه تبيه
بس اهو مو بباله يتزوجها لانه قلبه مشغول
لاحظت بنت عمه وبمسيها هند
ان الريال مو منتبه عليها وتعبت تلفت نظرة وهو معطيها طاف ههه
ظلت تحاول وتحاول
وتستقصي لين عرفت ان البنت الي يبيها هي اسماء
وهني اشتغل كيد النساء
وبترك لكم التفكير بلي سوته عشان تفرق الحبيبن

 

[((shoOoshoOo))]

اممممممممممممممممم اكيد تبلت على اسماء ؟؟

====> حدها اندمجت بالسالفه ^_^

 

[الزين والغلا لي]

تكفيييييييييييين اسووووووووووووووووره كملييييييييييييييييييييي لا تعلقييييييناااااااااااااااا تكفيييييييييييين

 

[الفراشة_البيضاء]

انظلمت وايد والحمدلله

 

[مغتربة 2006]

كملي اسوره بااين عليها القصه حلوه
والله يبيلج تألفين كتاب ما شاء الله عندج قدره على الجذب

 

[_ظل الياسمين _]

اسوره ماشاء الله عليج عندج اسلوب رائع بالسرد..

تشويق ومفاااجات حتى الفوااصل اللى تاخذينها للكتابه تعلقنا بالموضوع اكثر..

ماشاء الله عليج عسى ربى يرحم بحالج ويفرجها عليج عاجلا غير اجل ..

يارب العالمين يالله.

 

[alb7ranya17]

بصراحه بصراحه ومن غير زعل خلاص مانبي متابعه مواضضيعج اسيرة كلها مقطعه والبنات ما يصدقون تسكتين شوي عشان يسون سالفه خلاص انا باي من مواضيعج والله يفك ضيقتج

 

[امواج الكويت]

كملي حياتي

 

[Porsche Girl]

حسبي الله عليها ام زوجي و اخته اللي المفروض تكون صديقتي من و احنا صغار وولدها اللي اصغر من زوجي
وايد سوو فيني و تكلموا عن عرضي و شرفي. و طبوا في اهلي خلوني على علاقه بجم واحد من اهلي و اخو زوجي. حتى اخوي طلعوني على علاقه فيه. شوفوا الظلم
انا ما اقول غير انه الله يمهل ولا يهمل. الحين الله سبحانه مخليهم متمتعين بالدنيا و بالفلوس اللي عندهم لكن بييهم يوم الله بيراوييهم الظلم اللي سووه فيني.

مو محللتهم لا دنيا ولا آخره
حسبي الله و نعم الوكيل فيهم.

 

[al_ansari1]

بصراحه يـا أسيره قصتج اللي بالدوام بدور وهناء ،، تقشعر لها الأبدان ،، يمهل ولا يهمل

 

[أهبل أجنن]

الله يجزاج كل خير يا الغاليه [ أسيرة ] و الله يوفقج و يشافيج ويعافيج ويمد لج بالعمر ويخليلج ولدج يارب ..
و يا كثر الظلم بهالدنيا و ماراح ينتهي هالظلم إلا بنهاية الدنيا .. الله يصبرنا و ياجرنا على من ظلمنا ..

 

[بحط قلبي بين إيدينك هدية]

كملي أسيرة ما شاءالله عليج اسلوبج حلو ويشوق. وصراحة بقول للي ما تبي تتابع كيفج, الله وياج احنا نبي نتابع, وعقولنا وقلوبنا معاج يا أسيرة

 

[كلمات عابره]

كملي أسيرة ما شاءالله عليج اسلوبج حلو ويشوق. وصراحة بقول للي ما تبي تتابع كيفج, الله وياج احنا نبي نتابع, وعقولنا وقلوبنا معاج يا أسيرة
بعدين اسيره قالتكلم انها تعبانه وماتقدر تكتب الموضوع مره وحده قدروا تعب البنت ويعطيها العافيه انها جالسه تكتب على اللي فيها من مصايب وتعب وهم السحر جالسه تكتب وتتواصل معاكم انتم ماتعرفون شلون نفسية المسحور الله يكون بعونه وبجد انا احييج ومن كل قلبي انج قدرتي تكتبين قصتج او قصص الناس اللي تعرفينهم وسمعتي بسالفتهم والله وبالله لو انا مكانج ماقدرت اكتب ولاحرف او كلمه من اللي مريت فيه بحياتي ومعاناتي مع السحر
يابنات ماتدرون شلون يتسلطون الشياطين على المسحور ويدمرون نفسيته
كملي اختي وجزاج الله الف خير
واحيي فيج اسلوبج السلس الممتع المشوق في سردج للقصه ررررررررررررروووعه بمعنى الكلمه