كم عدد الابر اللي تاخذونها قبل التلقيح الصناعي؟؟

[الراجية رضى الله]

السلام عليكم ورحمة الله وبركاته...شلونكم حبيباتي الله يرضى عليكم اللي مسوية تلقيح كم عدد الابر اللي خذيتها قبل التلقيح الصناعي ومن بينهم الابرة التفجيرية يعني خذيتي مثلا 2 ابرة تكبير بويضة والابرة الثالثة كانت تفجيرية الله يرضى عليكم جاوبوني ضروري الله يرزقكم الجنة

 

[حبيبه سعد]

هلا حبيبتي....
انا بالنسبه لي الشهر هذا مسويه تلقيح وعطاني 10 ابر وبعدين التفجيريه يعني المجموع 11

 

[q8nina]

من يوم ثاني الدورة الى 11 من الدورة باليوم ابرتيين بالرجل اليمين وحدة واليسار وحده ..
ويوم 12 من الدورة الابرة التفجيريه ..

12 يوم ابر
ومجموعهم كلهم 21 ابرة دخلت جسمي ب 12 يوم ..

 

[بس خلاص]

انا عطاني عشر ابر ابرتين كل يوم ...خمس ايام ...
واليوم بتابع اشوف اذا احتاج زود بيزود

 

[الراجية رضى الله]

الله يرزقنا يارب كلنا ويعطي كل محروم ويجعل هالشهر خير على كل من يعالج ويفرح قلبنا ربي اجمعين ويقر عينا ولا يحرمنا من الذرية الصالحة العافية المتعافية حسنة الخلق والخلقة ربي سبحانه قادر على كل شيء ربي لا تذرني فردا وانت خير الوارثين

 

[تمر حنا]

انا خلال 11 يوم كنت اخذ ابرتين باليوم بوقت واحد يخلطونها يعني المجموع 22 ابره وبعدين ابرتين تفجيريه

 

[zooona]

شوفى حبيبتى انا امسويه تلقيح مرتين وما انجحوا .. يعطيج الدكتور ثانى يوم من الدوره كلوميد وبعدها 4 ايام يعطيج ابر لمدة 5 ايام ابره وحده لما يوصل ليوم 13 يعطيج ابره تفجير ويكون الجماع لمدة 5 ايام ... الله يرزقج ويرزقنى انشالله الذريه الصالحه ..

 

[حبيبة زوجها2009]

انا اول تلقيح صناعي عطاني الدكتور بس كلوميد وثاني تلقيح كلوميد + ابر من ثاني الدورة يوم وترك اربع ابر

 

[madam_cake]

والله على حسب الدكتورة اللي تحدد جم ابرة او تحتاجين ابر زيادة وعلى حسب استجابة مبايضج للابر والمنشطات وتكون متابعه التبويض بالسونار الداخلي

 

[الراجية رضى الله]

الله يعطينا ولا يحرمنا آآآآآآآآآآآآآآآآآآآآآآآآآآآآآآآآآآآآآخ على السنوار الداخلي عذااااااااااااااااااااااااااااااب والله

 

[مدام سارا]

الله يرزقنا من غير عذاب يارب والله انا فينى فوبيا من الابر​

 

[عروسه 99]

حبيبتي على حسب كل وحده وحالتها يعني انتي مبين انه الحمدلله اوكي لانه عدد الابر شويه وانا كنت جذي اول مره وثاني مره زادت لي الابر اكثر وانشالله الله يرزقج ويرزقنا

 

[سمسومه]

والله أنا سويت مرتين تلقيح بس أول مره كان عدد الأبر إلي أذكره 5 مع الأبره التفجيريه وسويته و مانجح التلقيح الحمدلله
بعدها بسنه نويت أيويها مره ثانيه عطتني الدكتوره ماجده 12 أبره و13 الأبره التفجيريه بس قلت دعاء الأستخاره يوم اكتيتلي على الأبره التفجبربه بس بصراحه ماخذيتها لأن يوم شافت بالسونار قالت رحمج مليان ماي و حتمال ضعيف ينجح التلقيح فقلت ليش أقط فلوس على شي مومضمون وخربت شغلي كلا و رحت حق عياده ثانيه و قالي من كثر الأير إلي خذيتيهم أهوا إلي ترس رحمج ماي إنتي مومحتاجه أبر كل شي سليم عندج بس عندج هرمون الحليب شوي مرتفع و أخذت حيوب عشان ينزل الهرمون بس بعدها مارحت كملت لأن ملوله وتعبت بصراحه أحس محد يعرف شي و قلت أرقي نفسي و أشرب ماي زمزم أحسن شي بعد التوكل على الله و الحمدلله أكيد الفرج قريب ... و مشكورين على هالموضوع المهم... خلتون أفضفض عن معاناتي

 

[الراجية رضى الله]

اللهم في هذة الليلة المباركة ليلة الجمعة اللهم ارزقني وارزق كل من شاركتني واجابت سؤالي و بنات المنتدى الطيبات المتمنيات للذرية الذرية الصالحة حسنة الخلق والخلقة يا ارحم الراحمين ولا تحرمنا نحن امائك واقفين بين يديك ندعوك ونتضرع اليك وليس لنا رب سواك عبادنا سوانا كثير ومالنا رب سواك وانت الكريم اللهم فرح نظرتي وبنات المنتدي وكل طالب بالذرية الذرية الصالحة عاجلا غير آجلا انك ولي ذلك والقادر عليه ولا يقدر على امرنا الا انتياقادر ياقدير يامقتدر يا قريب يامجيب يا سريع