كم توفرون من معاشاتكم؟؟

[مزاااج]

رد : كم توفرون من معاشاتكم؟؟





بصراحه ماتشجعون الكل مايوفر
قلت بقرأ الموضوع بصحي قلبي
وألا الكل ماشاءالله مايوفر


أما بالنسبه لي أنا أمـمـمـمـمـمـم وألا لا مابي أعقد اللي راح يقرون ردي
نبي تشجيع

 

[رقي]

مافي مجال للتوفير

 

[m'3rOoOra]

أنا عندي قاعدة اصرف ما في الجيب ياتيك ما في الغيبما وفرت ولا فلس لاني حييييييييييييييل اصرررررررررررررف

والمعاش ما عاش

همن انا جذي وانا ماادري شنو فيني ماارتاح الا لما اصرف كل اللي بالحساب حتي لو باجي 5 اروح الجمعيه واسوي كي نت انا مسرفه لابعد حد ماادري شنو اسوي بنفسي ودي الاقي طريقه اخشهم وانساهم الحين بطلت حساب2 وبسوي استقطاع وماراح ادري عنهم ياريت مااجيسهم ​

 

[English.Teacher]

رد : كم توفرون من معاشاتكم؟؟

بنات من جدكم؟؟؟

اكيد تمزحون

اوكي اللي متزوجة وعندها عيال امنا بالله

بس الي ماعندها التزامات حتى لو راتبها 200 دينار لازم تسوي استقطاع من 15% الى 30%

وخبراء الاقتصاد ينصحون ب 20% من الراتب


سووا استقطاع شهري لحساب توفير بتاريخ ثابت يكون بعد تاريخ المعاش بيومين واكسروا بطاقة البنك

عشان ماتسحبون لاي شي

يعني اذا تبون شي طارئ وضروري تروحون بنفسكم للبنك

واذا على خبال بتتعيجزون تروحون البنك



بنات فكروا فيها تعبك وشقاك يروح كذا بدون شي تجنينه

اقل شي اجمعوا 2000 كل سنة تنحط بوديعة ببنك اسلامي

بيت التمويل الودائع فيها تبدي من 1000 ولها ارباح سنوية

يعني اذا انتي مثلا مدرسة ومعاشك 850 نقول ال 25% منها تقريبا 200 وشي

يعني في السنة 2400

1000 منها حطيها وديعة

و1400 سافري فيها او اشتري فيها اللي يعجبك او اذا مانتي بحاجتها خليها مع اختها في الوديعة

ماتضمنين الزمن

 

[*((كـارينـا))*]

انا راتبي 712 .. اوفر أقل شيييي 150 زواذا ماعندى شيي اوفر 400 .. اللهم لك الحمد

 

[احلا توتة]

المعاش طاير على اتلفون واشتراكات الانترنت -الملابس - المطاعم

في مقوله بعد اصرف مافي الجيب يأتيك مافي الغيب ,,

 

[travel_addicted]

رد : كم توفرون من معاشاتكم؟؟

انا كل شهر غير على حسب شنو عندي هالشهر
و اذا يمعتلي مبلغ اصرفه بالسفر على السوق بس ملتزمة بالصدقة الحمدالله الله يتمم علي

 

[ام فوااز]

رد : كم توفرون من معاشاتكم؟؟

ليش نوفر
نخش نخش وبالاخيييييير نصرفه كله
يباااااااااااااااا خلووها على الله شماخذين من الدنيا

 

[مظلومة حيل]

رد : كم توفرون من معاشاتكم؟؟

اب اب

 

[Peony]

رد : كم توفرون من معاشاتكم؟؟

يارب اتوظف يااارب واقولكم
بس نصيحة عن تجربة من خواتي خشولكم جم فلس يفيدونكم لاسمح الله ايي يوم وتحتاجونهم
وصج صج صج الصدقة تلعب دور فبركة المعاش حطولكم حصالة للصدقات بدار كل وحدة فيكم
وفتحولكم حساب للتوفير وكسروا بطاقته
والله هذا احسن شي
وبالتوفيق

 

[سارونه87]

ولا فلس يبقى
الدنيا غاليه حدها

اتمنى اصير اقدر اوفر لو 50 كل شهر

 

[مظلومة حيل]

رد : كم توفرون من معاشاتكم؟؟

اب اب

 

[ام نيوفي]

انا مسويه حساب استقطاعي اوفر كل شهر 350 بس الله وكليج اسحب منه يعني ماكو فايده:bbbiu:

 

[هامتي]

رد : كم توفرون من معاشاتكم؟؟

اهو صح ورانا الموت بس لازم نخش للزمن لانه اذا كل شهر ينصرف كله راح ينصرف على خرابيط

عكس اذا جمعتي بعد فتره تمنيتي شي تلقينه بويهج حاولو :gr4uu:

 

[Sweet2011]

رد : كم توفرون من معاشاتكم؟؟

انا للحين ما توظفت

بس ناويه ان شالله اول ما توظف افتح لي حساب توفير واسوي استقطاع من معاشي كل شهر 120 دك

وبجذي راح اتعود اني ايمع.. وبين مده ومده ازيد المبلغ حتى لو 20 دك لان يفرق

 

[نونه العنونه_H]

رد : كم توفرون من معاشاتكم؟؟

وناسه شجعتوني..:wqedqw: انشالله من ينزل المعاش الياي بسوي استقطاع
انا ما اوفر كلاا اطير المعاش واذا بقى من المعاش الي طاف ينصرف
الشهر الي وراه..​

 

[Cavalli Girl]

رد : كم توفرون من معاشاتكم؟؟

انا هم نفسكم مسرفة بس جان زين على نفسي

اهلي مفلسيني لأبعد حدووووووود !! الوالدة ماتقصر يا ادبسني بسالفة ياتقعدلي قعدة و على كثر ماتعطينها ماكو فايده لوووول

و المشكلة تسوي عزاااااااااااااااااااااااااايم و هي ماعندها :jumpon:

بنتحر منها مع ان والله راتبي قوي ماشاء الله بس ماكو فاااااااايدة وكل مره تكسر خاطري و تقص علي
:gr4uu:

بس الحين قمت اسوي افلام ان ماعندي وصار استقطاع ومخرابيط
فخليتها تحول على اخواني وخواتي خخخخ و بلشت اوفر
:lololoe:

ان شاء الله استمر .. بدايتي هالشهر
عسى الله يباركلنا فيه و مانقصر بحق احد
:yaaaaaarb:

 

[sweet heart]

انا اتمني معاشي ينزل كامل :bbbiu: كله خصم من الدوام..
بس بصراحه قدرت اجعم روحي و وفرت
250 دينار لمده سنتين وشريت لي ارض بعمان وناويه اكمل بمشوار التوفير والله يساعدني..بس حددددددده شعور حلووووووو لما تشترين لج عقار او شي يصير لج سند للزمن
:hjy5jewf:

 

[shilsosse]

plavix and lab studies 47

order plavix 75 mg Lafayette and purchase generic plavix online indications plavix Finland This may not be a complete list of all interactions that may occur. Ask your health care provider if Plavix may interact with other medicines that you take. Look at: where can i buy the generic for plavix cheap without a pre******ion Springfield P.S. Excuse me for choosing "كويتيات مول" to leave a offer for all about order buy plavix online www.q8yat.net - better site! Thanx!

 

[سمراء كالخمري]

السلام عليكم شو الاخبااااار
بخصووص التوفير انا بيكون اول شهر لي استلم معااش وصراحه بووفر عشان مفكره اشتري سياره ونفس الوقت اوفر حق الزمن فلس على فلس تيييب جم ألف اشتري فيهم عماره عنونه وكل شهر أطلع منها فلوس الاجار واوفره على جمب وبعدها عماره اكبر واكبر منها انا استفيد وعيالي بعد الي مادري متى اشوفهم لووول مو متزوجه بس قاعده ارسم خطط وايد بعيده :yaaaaaarb: