كم المهر المناسب لبنات الكويت؟؟؟

[قطوه بطه]

المهر المناسب لبنات الكويت 100 مليار ههههههه

فديتنا كح كح

المهم والله كل واحد وميزانيته اذا الله منعم عليه خلي يعطي هههههههههههههههه

المعتاد عندنا 6 او 7

 

[Miss Cherry]

انا بتكلم عننا احنا البدو

اغلب القبايل محدده من 6 الي 8 بس قبيلة وحده حسب علمي انها 5

انا اشوف 7 كافي لانه كل شي غالي الحين والذهب نااااار

قلبيه مطير 10

لا حبيبتي غلطانه مافيه ولا قبيلة حددت مهر بناتها 10 لانه مو الكل يقدر عليه وبالاخير يعتمد على العايله نفسها ومستواهم المادي والمتقدم لهم شنو مادياته


انا ابوي يوم الملجة مارضى يكتبون الا 4 مالت الحكومة مع انه هذا مو مهرنا بس ابوي جذي مع كل خواتي مع انه حريم اخواني يعطيهم 8 .. وبالاخير ملجوا على 5 بس عطوني 7 وشبكة

 

[قطوه بطه]

صح انا مطيريه

والاغلب 7 او 6

يمكن اول كان يوصل 8 بس الحين ماعاد احد يعطي 10

 

[الدانتيل]

المعروف 7
بس الذهب نااار مايكفي =(

 

[كبرياء امراة]

انا مهري 30 الف درهم ..... والشبكه ب12 الف والهدايا مع المهر تقريبا 5 الاف والصباحيه تقريبا ب2 الفين ..
حفلة الملجه علينا والزواج كان عليه ... والسفر تشاركنا انا وهو من هدايانا ....
والذهب عشرين ألف درهم .. وتجهيزاتي وأغراضي الخاصة (الزهبة) عشرين ألف درهم.
حفل عقد القران كان على زوجي الحبيب (وهذا من كرمه وطيب أخلاقه).
العرس بكل تفاصيله عليه (طبعاً إجباري مب بكيفه)
شهر العسل عليه.

الحلويات والمكسرات والزينه علينا

كل هذه البنود وضع زوجي ميزانيتها بنفسه ولم أتدخل أنا أو والدي في اشتراط أي بند أو تحديد أي مبلغ

والله يوفق الجميع ...​

 

[كبرياء امراة]

المعروف 7
بس الذهب نااار مايكفي =(

وانتي الصاجه

الذهب غالي

وهبابها الفلوس حق المهر

 

[نبض شرياني]

على حسب قدره الرجال بس اغلب القبايل كلن متفق على المهر
احنا 5 بس الرجال يعطي من عنده 6 يعني زياده
اهم يالله يكفون والاهل يقطون بعد مايقصروون ولا الوحده اذا موظفه بعد المعاش كله طاير لان كل شي غالي بالكوييت نااااااااااااار

 

[يا حلاتكمـ]

عندنا بسعووووديه 40 .. 50...60 >>>وبعضهم طماعين ياخذون 80

وبعضهم مع الذهب وبعضهم لالالالا.......وتكاليف الزواج علي المعرس من قاعه وعشاء ...الخ

 

[درة أهل الطولات]

6

شدعوة 10

 

[ظل الياسميـن]

10 الاف اتكفي
خمسه ذهب
وخمسه للمستلزمات الزفه والسوق ...الخ

 

[بوغاتي88]

مليووووووووووووووون دينار مهر ويالله يكفي؟

 

[ظل الياسميـن]

^^^^^^^^^^^^^^^
لووووووووووووووووول

عاد بنحطج اعلان من سيربح المليون
هههههههههههههههههههههههههههههههههه

 

[شذى الحب]

8 ان شاءالله

 

[حناينq8]

حسب اللي اشوفه هالايام
حسب القدره الماديه للزوج

يعني من 5 الي 10 الالف

 

[pinkoosha]

المهر المناسب من 5 لي 7

 

[حبي لله اشد]

الله يعطيني ويعطيكم اللي تبووون
لووووووووووووووووووول

 

[شقاوتي غير]

المهر المناسب من 6 الي 8

هذه اكثر عوايل الكويت

 

[SeNyOrA Q8eYa]

لووووووووووول !!

امبيه بنات غلطانين مزاد !!

شدعوه 10 و 12 .. في ناس ماعندها امكانيه جذي !

اشوف ان 6 زيييينه وكل ماقل المهر كل مابارك الله بالزيجه ..

بس صج بني آدم طماع

 

[دلوعه ناعمه]

طبعا احنا عايلتنا معرووووف جم مهرنا 6 الآف وشبكه وكل شيييي عالريااال والحمدالله واااايد منااااسب

 

[Fstani]

اول شي بنات الكويت ماينقدرون بمال الدنيا كلها

وثاني شي من راي يفرق من شخص لثاني يعني كل عايله وعلى حسب وضعهم المادي بعد الوحده ماتقدر تقول حق شاب تو يبدا حياه ويكون نفسه ابي مهر لبنتي عشرين الف بعد اهو وراه تكاليف


واانا بصراحه اشوف ان المهر المناسب 7 وغير جذي العروس لو تبي تشتري كل شي جدامها بالسوق ماراح تخلص

اهم شي التوفيق من الله وغير جذي مو مهم شكثر ناس ياخذون لبناتهم مهر مرتفع وشبكه بمبلغ وقدره بالاخير البنت ماترتاح او ماتتوفق معاه


انصح كل ام ماتبالغ بمهر بنتها ولا تتكلف بالتجهيز علشان ربي يبارك بالزواج

مظبوووط :eh_s(15):