كل يوم في بلد وانتي في مكانج(تقارير مصورة منقووولة)

[دلوعة أبوي**]

وهذي صوره الشلال اللي صورناه من غرفتنا

وهذي صوره لtreasure island صوره اعجبتني مع اضاءات عرض القراصنه

وبعدها رجعنا الى المظلات

وبعدها صعدنا الى عرفتنا ولا عرض القراصنه يبدأ وهذي صور عنه من زاويه اخري اللي اهي غرفتنا

وهذي صور الالعاب الناريه في اخر العرض

 

[دلوعة أبوي**]

وهذي صوره لتذاكر العروض اللي حضرناها

 

[دلوعة أبوي**]

اليوم السابع والعشرون
17-5-2010 الاثنين
لاس فيغاس الحلقة السادسه​

بسم الله نبدأ ... اليوم كان يوم ممتع لنا وانشاء الله تستمتعون فيه مثل ما استمتعنا احنا فيه وكان لنا تجارب جديده مثل ماراح تشوفون انشاء الله

اليوم كان قعدتنا الصبح عكس باقي الايام اللي كنا نقعد على راحتنا وكان اليوم مخطط ان نروح الى madame tussauds وهذا الموقع مالهم

Welcome to Madame Tussauds Las Vegas, Nevada, USA

طبعا اهو موجود في فندق venetian يعني قريب منا وكان سعر التذكره 25 $ وعن طريق الموقع 18 $ .. وكان فاضي تقريبا بس احنا داخل المكان وهذي بعض الصور للمكان وكان هذا في استقبالنا في الخارج

وبعدها دخلنا المكان وكانت كامرات الصحفيين تطاردنا

وبعدها بدا الشخصيات بالتصوير معانا

وهذي صور بعض الشخصيات الموجوده

وبعدها وصلنا الى مكان ويقولون ان هذا المكان راح يطاردونه zombies

وقفنا بالدور طبعا احنا اول ناس وكان ورانا ناس وفي ناس داخل وقاعدين نسمع صراخ من داخل واللي ورانا خافوا وكانوا 3 بنات وولد وبعدها اطلعوا اللي كانوا يصرخون داخل ووحده من البنات اللي ورانا تسأل اللي اطلعوا يخوف ولا لأ جان تقولها u will die inside

وصل دورنا ولازم يدخلون 6 ولازم واحد يتبرع يصير قائد .. منو ياترى بكون القائد .. مايبيله كلام اكيد انا

دخلنا وكنت انا اول الطابور وراي زوجتي ووراها البنت اللي كانت خايفه ووراها باقي البنات واخر الطبور الريال اللي كان وياهم .. اللي خرعنا داخل اكثر شي البنت اللي تصارخ

وبعدها طلعت الكل الا بر الامان وخلصت الجوله اللي كانت جميله وحلوه استمتعنا فيها

 

[دلوعة أبوي**]

وبعدها خلصت جولتنا في madame tussauds وكان اخر شي في محل لبيع الهدايا والتذكارات وهذي صوره للهدايا

انطباعي عنه ان وايد عجبني ممكن لأن كان فاضي وماخذين راحتنا في المكان

وبعدها كنا حاطين في جدولنا ان نروح نشوف اسد MGM لأن اخر مره رحناله كان موموجود ومومعقوله نروح لاس فيغاس ومانشوف الاسد واخذنا تاكسي لأن الطريق طويل وفي هذا اليوم مخططنا مزدحم .. واول ماوصلنا ولا الاسد قاعد واهني حاشني احباط لما شفت الاسد اللي يتكلمون عنه .. هذا مكان الاسد

وهذا مفروض الاسد مع المدربين

وبعد هذا الاحباط اللي حاشني من الاسد اللي اتوقع طلع لبؤه فقررنا ان ناكل في MGM وكان اختيارنا الى هذا المطعم وكان خاطري اكل فيه

وهذي صور المكان

والمطعم مشهور بالحيوانات عزكم الله وان كل غرسون عباره عن قائد لرحله سفاري .. وطبعا الحيوانات تتحرك بين فتره وفتره والاجواء داخل المطعم حلوه وهذي صور من داخل المطعم

وبعد هذي الاكله الدسمه قررنا الرجوع الى الفندق للراحه والصلاة وهذي صورتين صورتهم لاسد MGM الاصلي و فندق الاقزام السبعه

وبعدها وصلنا فندقنا عن طريق التاكسي وتمشينا شوي في فندق venetian للتحليه وكان هذا في طريقنا

 

[دلوعة أبوي**]

هذا عباره عن تفاح مغمس بالشوكولاه

وبعدها رحنا الى مكان يبيع yogurt مثل pinkberry بس طريقته احسن وطريقته ان احنا نحط حق نفسنا ونختار الانواع اللي نبيها وبعدها نحطه في ميزان وعلى اساس الوزن يحطون السعر وهذي صور عنه

وبعدها رحنا الى غرفتنا للصلاة والراحه وبعدها لنكمل مغامرات اليوم

 

[دلوعة أبوي**]

تابع​

بسم الله نكمل ... بعد الراحه والصلاة بنروح الى موعدنا لأن كان عندنا موعد الساعه 4 ونزلنا الى مواقف الفندق وكانت هذي بانتظارنا

واخذتنا السياره الى المطار وكانت هذي بانتظارنا

وكانت اليوم رحلتنا الى West Grand canyon .. وكانت تشمل الgrand canyon و شغله ثانيه بعدين ان شاء الله اتكلم عنها .. وفيه مكانين للgrand canyon وهما west and south وطبعا الكل يقول مناظر الsouth وايد احلى من الwest ولكن ابعد وتاخذ وقت اكثر وكان اختيارنا للwest لأن وقتها وايد اقصر بس 3 ساعات الجوله واقرب ونقدر نروح لها بالهليكوبتر

يوم وصلنا ولا فيه تقريبا 4 هليكوبترات بروحون ويانا وفيه نوعين من الهليكوبتر فيه وحده اغلى واوسع من الثانيه وطبعا اختيارنا كان للأوسع .. كان كل هليكوبتر تكفي 6 اشخاص وقائد الهليكوبتر .. 2 بالامام بجانب القائد و4 بالخلف

المهم انتظرنا دورنا وكان يخذون وزن كل واحد علشان يحددون منو يقعد بالامام ومنو يقعد بالخلف .. واحنا قاعدين ولا يقولون ممنوع التصوير داخل الهليكوبتر اهني انا حاشني احباط لأن كنت امفكر اصور الرحله كلها فيديو وقالوا بس لما نروح grand canyon اتصورون هناك .. المهم انتظرنا حتى وصلوا قائدي الهليكوبترات وكل قائد ينادي المجموعه اللي معاه وبعدها وصل دورنا واحنا بالطريق قاعد اسولف ويا القائد ولا يسألني من وين قلتلا من الكويت رد علي قالي مكان بعيد وبعدها سألني اول مره تركب هليكوبتر قلت اي ورد علي وقال حتى انا !!

مادري ليش بالوهله الاولى عبالي صج وبعدها استوعبت انه بتغشمر مادري ممكن لأن متوتر اني راكب هليكوبتر وطبعا زوجتي حدها متوتره .. وبعدها قالي انكم محظوظين لأن بتكونون بالامام معاي لأن وزنا خفيف اهني حدي استانست لأن اكيد المنظر بالامام بكون احلى .. المهم يوم ركبنا عطونا سماعات علشان نكلم بعض وعطانا بعض الارشادات ويوم صعدنا سألته قلتله يصير نصور قالي اي صور على راحتك ولاتنسى تصورني وحطني في الyoutube لاتشوفوني اشلون تشققت من الفرحه

ويعدها طرنا وهذي صور من الطريق

وهذي صوره تبين ارتفاعنا وشوفوا حجم السيارات

 

[دلوعة أبوي**]

وهذي صور لجسر وبحيره عجيبه

وهي صوره للقائد حده عجيب دمه خفيف ويشرح كل شي

وهذي صوره لهليكوبتر بجانبنا

وبعدها بدأت جبال Grand canyon بالظهور .. سبحان الله

وبعدها وصلنا الى وجهتنا وهي بين جبال الgrand canyon وهذا المكان ماحد يقدر يوصله الى عن طريق الهليكوبتر وهذي صور عن المكان

واهني يعطونا اكل خفيف وcookie حده عجيب

وبعدها كملت تصوير لهذا المكان الرائع

وهذي بعض النباتات الموجوده هناك

وبعدها وصل وقت المغادره الى الجزء الثاني من الرحله وهني بدأت الشمس بالغروب وهذي صور الطريق

 

[أم أنور]

كملييييييييييييييييييييييي ماعليج امر ناطرتج

 

[om_dodo]

نايس

 

[دلوعة أبوي**]

وسبحان الله شوفوا صور البحر كأن صور من اقمار صناعيه

وهذي صور لحظه الغروب

وبعدها بدأت اضواء لاس فيغاس بالظهور

وهذا الجزء الثاني من الرحله واخلي الصور تعبر عن هذا الجزء

وكان الجزء الثاني عباره عن المرور على شارع الستريب لحظه الغروب وكان المنظر خيالي صراحه

وهذي صوره للمطار لحظه وصولنا

وبعدها في محل لشراء صور صورونا هناك ومع الهليكوبتر و شريط الرحله مصور بالكامل بس مو واضح

وبعدها كانت هذي بانتظارنا

الحين اتكلم عن الرحله .. الرحله تبع شركه اسمها sundance وهذا موقعهم

Sundance Helicopters

وطبعا في عده انواع من الرحلات وكان اختيارنا Grand canyon sunset tour وكان سعر التذكره 390$ بعد الخصم للشخص الواحد شامل التوصيل من والي الفندق واخذت التذكره من هذا المحل وكان treasure island عرض القراصنه

وايد استمتعنا في هذي الرحله وهذي احدى الطلعات المفاجأه اللي ماكانت بالمخطط والحمدلله خيره صارت لنا ان تكنسلت طياره لندن وقدرنا نشوف هذي الجبال

 

[دلوعة أبوي**]

تابع​

وبعدها وصلونا الفندق وريحنا شوي وصلينا وبعدها طلعنا مثل ماقلت لكم جدولنا اليوم دسم وكانت وجهتنا الى

ورحناله عن طريق التاكسي وهذي صور للفندق من الخارج

وهذي الصوره عند المدخل

وهذي صوره اللوبي

وهذي صوره من داخل

وتمشينا شوي في الفندق وكان فيه محلات ومطاعم داخل وكان في عرض شهير للساحر criss angel وكان ودنا نحضر العرض بس محد مدح العرض .. وفي شغله اسمها titanic مادري شنو عباره عن بس ممكن قصه السفينه titanic مادخلنا لأن كان زحمه .. وبعدها خرجنا من الفندق وهذي صوره للطريق وكانا ناوين نرجع مشي لأن الجو كان بارد وحلو

ومرينا على M&M وكوكاكولا

وبعدها مرينا على harley davidson

 

[دلوعة أبوي**]

وبعدها وصلنا الى امتع مكان في فيغاس بالنسبه لي وهي النافوره وكانت ترقص على الحان pinkpanther

وبهذا اختم هذا الجزء اللي كان طويل جدا لكن استمتعنا فيه وايد وكان يوم متعب جدا بس الحمدلله قدرنا نروح اماكن ماكانت في حسبتنا وماتتكرر في مكان ثاني غير هناك ..

انا وعدت زوجتي اني اوديها مكان بس ماقدرت اوفي في وعدي بس ان شاء الله الجزء القادم اكون قربت شوي منه

اتمنى ان هذا الجزء يعجبكم واراكم ان شاء الله في يوم جديد ومغامره جديده

 

[دلوعة أبوي**]

اليوم الثامن والعشرون
2010-5-18 الثلاثاء
لاس فيغاس الحلقة الاخيرة​

بسم الله نبدأ ... اليوم ان شاء الله بكون يوم خفيف واستعداد للسفر والراحه بعد يوم امس اللي كان متعب وممتع بنفس الوقت

اليوم قعدنا من النوم على راحتنا لأن اليوم ماعندنا شي بس جدولنا اليوم قصير وكان مخطط لشي كنت واعد فيه زوجتي وماقدرت احققه لها لسبب تغيير في خط سير الرحله والحمدلله ان قدرت احققه بس بطريقه ثانيه وراح انشوفه اليوم بالتقرير

قبل لا نطلع فتحت شباك الغرفه ولا هذا المنظر اللي يبشر بجو حلو اليوم في فيغاس

على الساعه 12 تقريبا قررنا نروح لفندق مازرناه من قبل والفندق اهو

طبعا الفندق مشهور في ان يوجد داخله مدينه ملاهي ومشهور ايضا ان فيه عرض سيرك مجانا وهذي صوره الفندق من الخارج

طبعا الفندق كلمه قديم شويه عليه ولاتفكرون انكم تسكنون في هذا الفندق حتى لو ببلاش .. وهذي صور الملاهي من داخل وكانت فاضيه ماكوا احد وبعض الالعاب واقفه

طبعا انصحكم انكم ماتضيعون وقتكم وتروحوله لأن الفندق سيء بكل ماتحمله الكلمه من معنى بس ممكن اللي معاه اطفال ممكن يستانسون هناك انا صراحه ماشفت عرض السيرك لأن الجو العام هناك ماعجبني ولا عجب زوجتي لعبنا لعبه وحده بس كانت عباره عن عرض 4D بس كان عادي

وبعدها رجعنا الفندق وللأسف نسيت الفندق اللي فيه اخطر العاب وهذا موقع الفندق اللي كان خاطري اروحله ونسيت

Las Vegas Resort Hotels- Best Vegas Resorts On The Strip- Stratosphere Tower

وبعد ماردينا الفندق رحنا الى johnny rocket وتغدينا فيه وكان عندهم شغله حلوه اذا اشتغلت اغنيه اتوقع اسمها let`s dance يقوم كل اللي يشتغلون في المطعم يرقصون رقصه وحده على انغام الاغنيه وكان عرضهم جميل ويونس

بعدها تمشينا في فندق venetian ورحنا الى رحله قارب gondola في نوعين ..في داخل المجمع وفي خارج المجمع وقررنا نركب اللي داخل المجمع احس احلى .. والقارب يكفي 4 اشخاص وسعر التذكره 16$ واذا نبي قارب خاص بس لكم محد يشاركم فيه يكون سعره 64$ وطبعا اخذنا احنا القارب الخاص .. وقفنا بالدور وكان امامنا عرسان ومعاهم وحده بس تصور فيهم وخذوا القارب الخاص

وبعدها وصل دورنا وكانت اللي تسوق القارب وحده وهذي صور للجوله

 

[دلوعة أبوي**]

مجموعه من سائقي القوارب يغنون غناء جماعي او يتدربون

وهذا قارب للعرسان بس مادري ليش ماركبوا فيه العرسان اللي كانوا قبلنا

وهني قالت اللي تسوق تبون اغني لكم قلنا يلا عاد بدأت تغني بطريقه الاوبرا وهذي بعض الصور للجوله

وبعدها انتهت الجوله الجميله اللي انصح فيها

وبعدها صعدنا للغرفه للصلاة والراحه والاستعداد للجوله الاخيره في فيغاس والوعد اللي وعدته زوجتي

وهذي صور الغروب في فيغاس من غرفتنا سبحان الله المنظر عجييييب

وبعدها على الساعه 8 كان عندنا موعد في .....

 

[دلوعة أبوي**]

انا وعدت زوجتي في هالسفره ان اذا رحنا لندن راح اوديها باريس عن طريق القطار من لندن ونروح ناكل في برج ايفل ونصعد البرج والحمدلله قدرنا نرح وناكل في برج ايفل صج اهو مو في باريس بس ممكن نقول اني وفيت في جزء من الوعد

ولما وصلنا انا كنت لابس بنطلون three quarter وعند الدخول قالتلنا الموظفه ان ممنوع الشورت لازم لبس رسمي .. قلت لها يوم حجزت ماحد عطاني خبر كان لبست بنطلون طويل .. قالت لنا ان راح نعطيك واحد وبعدين ترجعه لنا قلت اوكي .. وبعدها شافت تعاملنا وياها طيب جات تقول كأن بنطلونك طويل كفايه خلاص مايحتاج انك تلبس من عندنا قلت زين الحمدلله وبعدها وصلتنا الى طاولتنا وهذي صوره عن طاولتنا

وكانت مطله على فندق بيلاجيو والنافوره ..

وبعدها طلبنا وهذا طلبي

وهذا طلب زوجتي

طبعا الاكل حده لذيييذ والفاتوره على ما اذكر 90$ يعتبر زين بالنسبه لمطعم فاخر واستمتعنا في عرض نافوره بيلاجيو وبعد هذي الاكله الدسمه قررنا نكمل الجزء الثاني من الوعد وهو صعود برج ايفل وهذي اسعار التذاكر مع الاوقات

Daytime Pricing (9:30am-7:15pm):
Adults:$10
Children: $7

Evening Prices (7:30pm-Close):
Adults $15
Express Pass $22

واحنا كان اختيارنا الى express pass وهو عباره عن ان ندخل بدون لا ننطر بالدور وكان التذكره العاديه لازم ننطر 50 دقيقه

وهذي صوره للبرج

وهذا الممر المؤدي الى المصعد اللي يودينا الى اعلى البرج

وهذي صوره من فوق الممر للفندق

وبعدها صعدنا وهذي الصور من اعلي والمظر الجميل لفيغاس

 

[دلوعة أبوي**]

وهذا فندق بيلاجيو ومقطع من النافوره

وهذي صوره تبين ارتفاعنا

وهذي صوره لفندق باريس وماخلفه

وبعدها خلصت جولتنا ونزلنا وهذي صوره بالطريق الى الفندق اعجبتني للمجمع اللي موجود في فندق سيزر

وبعدها وصلنا فندق venetian وهذي صوره للبحيره الموجوده بالخارج للقارب

وبعدها وصلنا الفندق وزهبنا اغراضنا للسفر في الغد ووداع فيغاس اللي فعلا ممتعه بكل ماتحمله هذه الكلمه من معنى

اقدر اقول انا قدرنا نغطي فيغاس تقريبا كلها والحمدلله اللي الله قدرنا ورحنا الى Grand Canyon و صعود برج ايفل مع المطعم وهذي الاشياء ماكانت ضمن المخطط والحمدلله الله كتبها لنا

 

[دلوعة أبوي**]

اليوم التاسع والعشرون
2010-5-19 الاربعاء​

بسم الله نبدأ ... اليوم كان اخر يوم لنا في فيغاس وكان وقت مغادرتنا الفندق وكانت الساعه 10 صباحا وسوينا شيك اوت ونزلنا الى مواقف الفندق وكانت هذي بانتظارنا

كان حجزنا على AVis والصراحه ماقصرت ويانا الموظفه وكان حجزنا نوع full size impala ويوم كنا في سان فرانسيسكو قالوا ماكوا امبالا وعطونا galant وهني صار العكس الموظفه تفهمت ظروفنا بعد ماقلت لها ان عندنا 3 حقائب كبار و 2 صغار فقالت لنا خلاص راح اعطيكم هذا الجيب بدون لا تدفعون مبلغ زياده على اللي دفعناه

وبعدها استلمنا السياره وحطينا الحقائب فيها وودعنا فيغاس وهذي صور اخيره لفيغاس وهذا صوره البرج اللي كان ودي اروحله وركزوا فيه شوي بتشوفون اعلى البرج ملاهي

وبعدها كان اتجاهنا الى الاوتلت اللي خارج فيغاس لأن كان في خاطري تي شيرت من burberry مولاقيه في سوق فيغاس وزوجتي كانت عاجبتها جنطه وقلنا اذا لقيناهم ان شالله يكونون مكتوبين لنا واذا لنا خيره ان شالله والحمدلله فعلا لقيناهم وشرينا بعد جنطه يديده كبيره لاغراضنا لأن اللي بالسياره مايكفون ووزعنا الملابس في الجنطه اليديده

وبعدها كملنا طريقنا وهذي صور من الطريق

وهذي صور جميله لجبل فيه ثلج

 

[دلوعة أبوي**]

وبعد قياده لمده 5 ساعات وصلنا الى المكان اللي كنا قاصدينه وهو سانتا مونيكا وكان اختيارنا لهذا الفندق

وهذي صور عن الغرفه للفندق

اول مادخلنا الفندق كان في استقبالنا موظف من الجنسيه الهنديه كان ممتاز لابعدحد وخدوم جدا ولكن لي موقف في الجزء القادم عن الفندق والموظف الاخر وهذا تقييمي للفندق وطبعا اهو امام البحر وبالقرب من سانتا مونيكا بيير وسانتا مونيكا برومونيد


الموقع 5/5
الخدمه 2.5/5
النظافه 2.5/5
الفخامه 0/5
السعر 1/5


طبعا خلوه اخر خيار لكم وكان سعره تقريبا 50 د.ك يعني تقريبا نفس سعر venetian ... كان احلى مافيه موقعه الجميل وبعد الصلاة والراحه قررنا نطلع نطلع الى المكان اللي احبه وايد وهو 3rd street promonade وكان الجو جدا بارد وهذي صور له

وكان عندهم تصوير برنامج

وهذا الشخص حده عجيب ويطلع اصوات غريبه واذا صورتوا وياه يعطيكم حلاوه

 

[دلوعة أبوي**]

تسوقنا شوي وبعدها اكلنا في jhonny rocket وردينا الى صوب فندقنا وتمشينا امام الشاطيء وهذي صور لفندق بجانب فندقنا وصوره اتوقع هذا مطعم

وهذي صوره سياره واقفه امام الشاطيء

وهذي صوره لبيوت امام الشاطيء يابخت اللي ساكن فيهم خوش موقع الله يهنيهم بس اتوقع بالليل يكون الوضع مرعب

وبعدها كملنا طريقنا الى البيير ووقفنا عند واحد يرسمنا رسم كارتوني

وهذي صوره لقبب صايدينه او ممكن طعم

وبعدها رجعنا الى الشاطىء اللي امام الفندق نتمشي في لأن فعلا رائع وهذي صور للبير لحظه الغروب

وهذي صوره للمكان اللي احنا فيه لحظه الغروب

وهذي صور للشاطيء والبحر لحظه الغروب

وبعدها رجعنا الفندق للصلاة والراحه والنوم لأن هذا المكان فقط نقطه للراحه لتكمله الرحله غدا ان شاء الله الى مكان اخر

 

[دلوعة أبوي**]

اليوم الثلاثون
2010-5-20 الخميس​

بسم الله نبدأ ... اليوم ان شاء الله بكون لنا رحله سريعه الى مكان جديد وبعدها الى مكان اخر قديم كنا فيه من قبل

اول شي كان لازم نطلع من الفندق الفجر علشان نقدر نوصل المكان اللي نبيه في الوقت المطلوب وصلينا الفجر بالفندق بعدها نزلنا الى اللوبي وكان في الاستقبال موظف جدا سيئ بالتعامل ويوم امس الموظف اللي من الجنسيه الهنديه كان تعامله معانا جدا راقي وحببني بالفندق صراحه وقلتله امس ان ترى راح نطلع الفجر هل بيكون احد بالاستقبال ؟ قالي اي بكون واحد بس مو انا .. المهم يوم نزلت انا اسوي شيك اوت مالقيت احد بالاستقبال بعدين طقيت الجرس علشان ايي احد ويا الموظف وكان ماله خلق قلتله ابس اسوي شيك اوت قالي اوكي وراح بعد 10 دقايق رد مادري وين راح وبعدها قلتلا على ماتخلص الاجراءات انا بروح اييب الحقائب وارد ويوم رديت نزلت انا ويا زوجتي ولا مانحصل الموظف مره ثانيه وطقيت عليه الجرس كذا مره وبعد 10 دقائق رجع وكانه يقول ازعجتوني وبعدها قلتله انا واقف السياراه تحت وقلتولي في رسوم ادفعها خل ادفعها وامشي لان انا دافع المبلغ كامل للغرفه قالي انطر شوي ونطرني بعد 10 دقائق !!

انا اهني حدي تنرفزت بس تعوذت من ابليس وقلت خل امسك نفسي انا في غربه وبعدها قالي خلاص دفعت مبلغ رسوم الموقف وطلعنا وكانت ليلحين الشمس ماطلعت وكان الجو جدا بارد ..

مشينا بالطريق ووصلنا الى منطقه حسافه ماصورتها تصوير عادي صورت فيديو وكانت تبين كل لوس انجلوس مضاءه كلها وبعدها بدأت الشمس بالطلوع وهذي صور الطريق

وشوفوا اشلون الغيوم نازله سبحان الله

وبعدها مطرت شوي رذاذ بس كان شي جميل وبعدها كملنا طريقنا وبعدها بدأت السماء تصير صافيه

وبعدها وصلنا طريق هاي وي 5 وكان ممل جدا وهذي احلى صورتين له وكان عباره عن مزارع على اليمين واليسار