اليوم الحادي عشر
2010-5-1 السبت
لوس انجلوس الحلقه السادسه
بسم الله نبدأ ... اليوم طبعا يعتبر يوم راحه وبتكون مغامره خفيفه وقبل لا نروح حق مشوارنا بحط صور المنظر من غرفه فندقنا
وبعدها علي الساعه 11 انطلقنا الى الاوتليت اللي اهو وجهتنا اليوم وكان زحمه لأن يوم عطله وكان يبعد عن فندقنا ساعه تقريبا وهذا موقع الاوتليت وصور عن الطريق
وبعدها وصلنا الاوتليت وكان كبير وفيه سينما بعد كان يعيبه الزحمه
وبعدها خلصنا على الساعه 5 خلصنا وقررنا نرد الفندق نرتاح ونصلي بعدها نفكر شنو بنسوي .. واحنا بالطريق شفنا هذا الباص اللي يوصل الى بيوت الفنانين
وهذا مدخل فندقنا الجميل
وبعد مارتحنا وصلينا قررنا نروح الى مكانا المفضل west wood village وناكل في مطعمي المفضل In and out وبعدها تمشينا في المنطقه وهذي صوره محل يبيع ملابس مكتوب عليها اسم جامعتهم
وبعد هالجوله الخفيفه رجعنا الفندق للاستعداد الى يوم غد الي بكون فيه مغامره جميله ان شاء الله
اليوم الثاني عشر
2010-5-2 الاحد
لوس انجلوس الحلقه السابعه
بسم الله نبدأ ... اليوم مثل ماقلت لكم بكون فيه وايد صور واليوم كان عندنا موعد حاجزه من وانا بالكويت وكان اليوم مغامرتنا الى
وكان حجزنا على ال vip experience وكان سعرها 240 $ للشخص وكان موعدنا الساعه 9:30 ولازم تحجزون قبلها بفتره وتتصلون فيهم وتحددون اليوم .. وراح تشوفون الفرق بين اللي ماخدينا وبين التذكره العاديه .. وكان يبعد عن فندقنا 25 دقيقه تقريبا
طبعا لنا موقف خاص ونعطيهم السياره وهذا مكان موقفنا
وطبعا بعدها نزلنا وكان الجو حار وكان هذا اول ما استقبلنا
وبعدها رحنا الى علامه ال vip experience وبعدها دخلونا الى صاله وفيها بوفيه تريقنا فيه وريحنا داخل الى ان صار وقت الطلعه وكان عددنا 15 واحد وكان معانا guide وهذا اللي بكون ويانا لي اخر الطلعه تقريبا .. اول رحله لنا بتكون tour على اماكن اللي يسوون فيها الافلام مثل اللي شفناه في WB وهذي العربه اللي راح نركبها
طبعا كراسيها في 4 على جنب من اليمين و 4 على جنب اليسار و 8 داخل العربه .. احنا قعدنا على جنب اليمين .. نصيحه اللى بياخذ vip experience لا يقعد على جنب خل يقعد داخل او لا يقعد بالجنب اللى يكون خلفه السائق لأن مثل ماراح تشوفون ان كل الshow بكون الصوب الثاني ... الحين بنروح حق اماكن تصوير المسلسلات وهذا هو من بعيد
وهذا WB من بعيد طبعا مع زوم
وكان هذا المسلسل اللي راح ندخله من داخل وبتشوفون شلون الزرع الوهمي والشجر الوهمي وكل المسلسل داخل stage وهذي الصور
وبعدها ذهبنا الى منطقه ثانيه وهي منطقه الافلام وبيكون فيها show حلو وراح ابدي في العروض واول واحد كان عرض واحد يذبح وحده ويحطها بصندوق السياره وطبعا انا كنت قاعد في مكان ما اقدر اشوف عدل فماقدرت الى اني اصور هذي الصوره
وبعدها مرينا على منطقه Jurassic park وايضا انا قاعد في مكان ما اقدر اشوف شي .. ندخل المنطقه ويطلعون الداينصورات من الشجر ويرشون علينا ماي وهذي الصور اللي قدرت اصورها والباجي تصوير
video
اخر صوره يبين فيها عربة ال tour العادي وبعدها وقفنا العربة مالتنا ونزلنا الى منطقه تصوير war of the world وهذي الصور وهم كان في عرض سياره تحترق وسياره الشرطه تصفر ودخان من الطياره .. طبعا الtour العادي يمرون عادي بالعربه بس احنا نزلنا وهذي الصور
وبعدها كملنا الى مناطق الافلام مشيا على الاقدام وهذي مدينه كامله للتصوير
واتوقع هذا المبنى لفلم the faculty
وهذي منطقه جديده لفلم جديد
وبعد هذا الجزء ركبنا العربه مره ثانيه وانطلقنا الى هذا الفلم وكان عرض غواص يهجم عليه سمك قرش واخر صوره القرش يهجم علينا
وبعدها مرينا الى منطقه فيها السيارات المستخدمه بالافلام وهذي سياراة mr bean
وبعدها وصلنا الى عرض جديد وكان لفلم the fast and the furious وكان العرض عباره عن سيارتين ينحاشون من الاعدء ويطلقون عليهم النار وتنفجر وحده منهم وبعد مايخلص العرض تشتغل اغنيه ويرقصون السيارتين على الحانها وكل هذا يوجد جهاز اسفل كل سياره يتحكم فيها .. التصوير كله video وصعوبه التصوير من مكاني السىء
وبعدها مرينا على لوحه زرقاء وهذي صوروا فيها فلم the Truman show لجم كاري اللي اخر الفلم يفتح باب وممكن يستفيدون منها لعمل بحر ويكون كأنه بحر كبير
وهذا حق فلم جم كاري how the grinch stole Christmas وبعض التماثيل المستخدمه للافلام
وبعد هذي الصور خلصنا الجزء الاول من الرحله واعذروني بالنسبه للترتيب ترا من عندي بس ماذكر ترتيبهم والفرق بين الvip وال tour العادي التمشي بين البيوت وساحة الافلام و المخزن والعدد قليل مقارنتا بالtour العادي .. اراكم ان شاء الله في بقيه الرحله في الجزء القادم
بسم الله نكمل .. طبعا بعد ماخلصنا من الtour اتجهنا الى الالعاب وكان المرشد معانا يدخلنا لعبه لعبه واول ماوصلنا دشينا الساحه وكان في شخصيات صورنا معاهم وهذا واحد منهم خنقني
طبعا هذا مو انا
وهذا المومياء
وكان في عروض وهذا عرض مرينا عليه وهذي شخصيات سمبسون
وبعدها بدينا في اول لعبه وكان المرشد يدخلنا العبه بدون لا ننطر في الدور وياخذ اغراضنا من شنط .. واللعبه الاولى اهي
وكانت اللعبه عباره عن قطار يمر مكان مظلم وسريع وخلال الرحله يمر عليكم احداث فلم the mummy .. اللعبه وايد حلوه
وهذي الساحه بعد ماخرجنا وكان في شخصيات خق اللعبه للتصوير
وبعدها اتجهنا الى اللعبه الثانيه وكانت ..
وكانت عباره عن جندول ويمر على الديناصورات ويرشون علينا ماي .. تسبحنا شوي في هذي اللعبه وايضا كانت ممتعه ... وبعد هذي اللعبه توجهنا الى عرض ل terminator ... للاسف مالقيت صور عنه بس كان عباره عن مسرح وفيه شخصيات terminator وبعدين يتحول العرض الى 3D وصراحه حركه حلوه وايد وبعد هذي اللعبه وصل موعد الاكل وكان هذا اللي يميز الVIP عن التذكره العاديه وكان لنا مكان خاص وبوفيه غداء وهذا المطعم من الداخل والخارج
طبعا استحيت اصور البوفيه بس كان حده لذيذ وكان عندنا استراحه 30 دقيقه للاكل .. احنا خلصنا وقلنا نتجول في المكان وننطر المجموعه على ماتخلص وهذي صور المكان
وانا قاعد انطر على الكرسي والى ايلي هذا ويسولف وياي وقولي انا من وين وانه يبي يمص دمي جان اصوره
وبعدها اجتمعت مجموعتنا وانطلقنا حق رحلتنا اليايه واحنا بالطريق والا واحد يسحبني....
ولا الاخ يبي يمص دمي ولف رقبتي وعضني
وبعدها كملنا ولا نشوف بالطريق هالسيارات وبعض المناظر
وكانت عباره عن عرض سينمائي بتقنيه ال 4D وكان عادي وهذا المكان من الخارج
وبعدها اتجهنا الى احلى الالعاب في العالم بالنسبه لي وكانت في الطابق الثاني .. هذي صوره الدرج اللي صعدنا منه وهذي صوره لقيناها فوق
طبعا اللعبه هي ....
صراحه من احلى الالعاب اللي لعبتها من الابداع اللي فيها وليلحين متحسف اني مالعبتها مره ثانيه وهي عباره عن غرفه وفيها عربه تكفي لي 4 اشخاص اثنين من الامام واثنين من الخلف واللعبه كلها عباره عن 4D بس بطريقه مختلفه .. انت طول اللعبه قاعد مكانك بس يحسسونك انك قاعد تلعب والعربه كأنها قطار السريع اللي بالملاهي وكأنك فعلا قاعد تصعد وتنزل بهذا القطار صراحه صعب اوصفها
وهذي الاجواء خارج اللعبه
وبعد هذي الرحله الجميله مع مسلسلي المفضل the simpsons اتجهنا الى وجهتنا الاخيره وهي ...
وكان عباره عن عرض مائي وقصه عاديه بس في حركات حلوه وكان موقعنا ممتاز طبعا محجوز لنا مسبقا وهذي صور عن العرض
طبعا الاسطر الاولى يتبللون ماي .. وبهذا نكون خلصنا اخر فعاليات هذي الرحله وبعدها سلمنا على المرشد وقالنا الحين تقدرون تعيدون كل الالعاب بدون لا تنطرون دور بس نراويهم البطاقه .. بس احنا تعبنا وقررنا نروح حق ال city walk وكانت الساعه 4:30 وهذي صور عنه
ماطولنا فيه لأن تعبنا من هذي الرحله .. اهو فيه محلات ومطاعم وبعدها اخذنا سيارتنا وردينا الفندق للراحه والصلاة وبعدها بالليل طلعنا تعشينا في Taco bell وردينا نرتاح ليوم جديد ومغامره جديده
قبل لا اختم بس اقول الفرق بين التذاكر في 3 انوع
النوع الاول : التذكره العاديه وهي اللي بس تدخل وتلعب الالعاب بس تنطر دور و سعرها 74$
النوع الثاني اسمها : front of the line وهذي انك تلعب كل الالعاب بدون لا تنطر بالدور وسعرها 130$
والنوع الثالث : VIP experience وهو يكون لك مرشد و عدد قليل و الtour غير عن العادي وكل الالعاب تلعبها بدون دور وشامل فطور وغداء وموقف للسياره
وبهذي المعلومات اكون خلصت هذا اليوم الممتع لي ولزوجتي واتمنى انكم استمتعتوا معانا في هذي الرحله والقاكم ان شاء الله في يوم جديد ومغامره جديده
اليوم الثالث عشر
2010-5-3 الاثنين
لوس انجلوس الحلقه الاخيره
بسم الله نبدأ ... اليوم بكون اخر يوم لنا في لوس انجلوس اللي ماودنا انخليها بس لازم نعطي المناطق الثانيه فرصه بس لا اقول للوس انجلوس وداعا بل اللى احلى لقاء
اليوم مشوارنا بكون بعيد عن باقي المناطق اللي رحنالها من قبل وكان يبعد عن فندقنا 45 دقيقه تقريبا وهو ...
وطبعا المكان من اسمه يعتبر شاطئ وفيه اكويريوم ومنطقه للتمشي ومجمع مطاعم وطبعا كان بدايه اسبوع عندهم فكان المكان فاضي تقريبا واول ماوصلنا لقينا مجمع مواقف وهذي صوره الموقف
وبعدها نزلنا الى الشاطئ وكان مقابلنا الاكويريوم وهذي صوره عنه وكان في رحله للاطفال الى الاكويريوم
الاكويريوم وايد كبير وايد ناس امدحوه بس احنا ملينا من الاكويريوم لان تقريبا كلهم يتشابهون زياده شي اي شيين فقررنا نتمشا على شاطئ ال long beach وهذي صور عنه
وبعدها وصلنا عند البحر وكان وايد حلو بس الجو ماكان يساعد وايد حار .. خوش مكان حق ان الواحد يقعد في حديقه صغيره ومكان للمشي وهذا المكان للمشي ومكان للصيد
وهذي صوره للمنارة الموجوده هناك
وهناك يوجد مكاتب لرحلات مشاهده الحيتان وكان ودنا انروح بس مثل ماقلتلكم ان الجو حار مايساعد وهذي صور المرسى
وبعدها كملنا تمشينا باتجاه قريه او منطقه على البحر فيها محلات ومطاعم ولقينا هذا الكرسي بالطريق على شكل سفينه وهذي لوحه عن الكائنات المتواجده هناك
وهذي صوره نبذه عن long beach
وكملنا مسيرتنا ولا لقينه مطاعم وكان من بينهم chillis قلنا نريح شوي ونتغذى علشان نقدر نكمل بهذا الحر بس للاسف ماعندي صوره للمطاعم
وبعد ما اكلنا الحمدالله كملنا المسيره وكان مقابل الشاطئ مجمع ويفصل بينهم جسر وكان هذا الدرج الموصل الى الجسر
وبعدها كملنا شوي ولا وصلنا الى هذا المكان
هذي المنطقه اللي اقولكم عنها على البحر وكلها محلات تذكار ومطاعم وهذي صور عنه
وهذا محل كاكاو عحيب
وهذي صوره لسفينه queen mary بالجهه الثانيه وفي باص يودينا لها بس كثير من الاعضاء مامدحوها فمارحنا لها
وبعدها ركبنا الجسر اللي يوصلنا الى الجهه المقابله وفيها المجمع اللي فيه مطاعم و سينما وكافيهات
وبعدها اكلنا برد في cold stone ماعجبنا البرد وايد مو مثل اللي موجود في six flags والمجمع بعد ماعجبنيا وايد ... وبعد هذي الجوله في long beach قررنا نرجع الفندق وهذي خريطه للمكان
اللي تحت الاكويريوم ويا الشاطئ والصوب الثاني shoreline village والجهه المقابله the pike .. ممكن لو الجو حلو ونهايه اسبوع ممكن يكون حلو بس الوقت اللي رحنا فيه ماكان ذاك الزود .. بعدها ركبنا السياره وبالطريق الى الفندق ...
بس شفنا الوقت مبكر فقررنا نروح مجمع ولا هذا جدامنا قلنا نروحلا
المكان وااااايد حلو وراقي جدا قعدنا فيه وتسوقنا وهذي صور عنه
وبعدها حلينا في pink perry وايضا فاضي مو مثل اللي عندنا في الكويت ساعه عشان تطلب
وفجأه سمعنا صوت هليكوبتر واصوات سيارات شرطه قلنا الظاهر في جريمه الله يستر
وبعد فترة هدت الامور قلنا الحمدالله صادوا المجرم
وبعد هذي الرحله قررنا نرجع الفندق للراحه والصلاة .. وبعد مارجعنا وصلينا ريحنا شوي وزهبنا الحقائب للسفر غدا الى مكان جديد وقررنا نروح نودع west wood village ونودع احلى مطعم in and out وتعشينا فيه وبعدها رحنا نحلي في yogurt land , baskin robins وردينا الفندق للنوم والرحه الى رحله جديده ومغامره جميله
اليوم الرابع عشر
2010-5-4 الثلاثاء
orange county الحلقه الاولى
بسم الله نبدأ ... اليوم طبعا راح يكون انتقالنا الى منطقه اخرى قريبه من لوس انجلوس اسمها اورانج كونتي وبالتحديد الى newport beach والبعض يسميها لوس انجلوس الجنوبيه .. وكان خروجنا من الفندق الساعه 11 وكان الطريق الى الفندق الاخر تقريبا 1:30 وكان مفروض وصولنا الى الفندق 12:30 ولكن فكرنا بفكره ثانيه لأن جدول اورانج كونتي مزدحم جدا فقررنا ان نستقل الفتره لان دخول الفندق الساعه 2 وعندنا 1:30 ننطر فيها فكان اختيارنا ان نروح الى laguna beach ومن ثم الذهاب الى الفندق لان laguna beach راح تكون بطريقنا الى new port beach ما اطول عليكم هذي صور الطريق
شوفوا موقع هالبيت حده عجييييييب
وبعدها وصلنا laguna beach وكان حده المكااان عجيييب والبحر وااايد حلو .. صفطنا السياره في المواقف اللى امام الشاطىء وكان ربع $ 15 دقيقه انا حطيت 1.5 دولار حق ساعه ونص . نزلنا نتمشى وهذي صور الخضره الموجوده هناك
والفندق من فئه 3 نجوم بس صراحه نظيف وخدمه اكثر من رائعه وهذي صور مواقف الفندق
طبعا اول ماوصلنا صفطنا السياره ورحت اسوي شيك ان رحب فينا الموظف وكان في واحد شاب والثاني كبير بالسن وكان يوقف وراه ويعلمه شكله الموظف جديد .. المهم كانت غرفتنا العاديه ولا اقوله ابي اسوي upgrade للغرفه قالي ب10 $ زياده لليوم قلت اوكي ولا يصير عندهم مشكله بالsystem موقادر يغير حجزنا من الغرفه القديمه الى اللي اكبر ولا الكبير بالسن عجبني قال انهم تعابا من الطريق ولازم يريحون بالغرفه ومالهم ذنب بالمشكله اللى بالكمبيوتر وعطانا المفتح وخلانا نروح .. صراحه موقفه حده عجبني وهذي صور الغرفه وكانت بالدور الثاني
وهذي المغسله موجوده فاصل بين غرفه النوم والصاله
تقيمي للفندق
النظافه 4/5
الموقع 5/5
الخدمه 5/5
السعر 5/5
في عيب واحد انه غرفه النوم مافيها تكييف بس الصاله
ان شاء الله لي تكمله لبقيه اليوم ومثل ماقلت لكم ان اليوم بكون يوم دسم وانتظروني
بسم الله نكمل ... بعد ما وصلنا الفندق وريحنا وصلينا قررنا نطلع نستكشف المنطقه ونكمل جدول اليوم .. ميزه المكان انه حوالينا كثير من المطاعم .. رحنا اول شي نتغدا في carl`s jr وهو اتوقع نفسه هارديز عندنا قلنا نجربه بس ماعجبنا وايد يعني هارديز احلى .. بعد هذي الوجبه انطلقنا الى مجمع وايضا ميزه مكانه انه قريب من مجمعات كبيره وحلوه مثل ماراح اتشوفون في بقيه التقرير .. فكان اختيارنا الى هذا المجمع وكان يبعد عنه تقريبا 10 دقائق ,وهذا موقعهم
وايضا ميزه المنطقه وسع شوارعها .. وصلنا المجمع وكان حجمه كبير جدا وينقسم الى قسمين ويفصل بينهم جسر وهذي صور عن المجمع من الخارج والمواقف
وهذا صوره الجسر الفاصل بين القسمين
وهذي صوره المكان من داخل
وبعد التجول في المجمع والتسوق قررنا نطلع من المجمع وركبنا السياره وكان فيه وقت كافي ان نروح مكان ثاني فقررنا نروح مكان جميل وحلو .. خلونا نشوف وين وكان وهذا الطريق
وصلنا الى نهايه الشارع ولقيت سيارتين واقفين على اليمين وقفت وراهم وشوفوا الى صار .. تجربه يديده علينا
نركب احنا والسياره قارب يوصلنا الجهه الثانيه من المنطقه وكانت هذي الاسعار
وهي صور واحنا على القارب
وبعدها قررنا نرجع وطبعا الطريق غير يعني ماركبنا القارب مره ثانيه وكان في طريق ثاني ورجعنا الفندق وكان يبعد عن فندقنا تقريبا 10 دقائق وهذي صور الفندق بالليل
وهذا باب غرفتنا
وبهذا اختم هذا اليوم اللي اتمنى ان يكون حاز على اعجابكم وان شاء الله اراكم في الجزء القادم ومغامره جديده
اليوم الخامس عشر
5-5-2010 الاربعاء
orange county الحلقه الثانيه
بسم الله نبدأ ... اليوم ان شاء الله رحلتنا ترفيهيه وطبعا دام اقول ترفيهيه فماكو غير مكان واحد وهو ديزني لاند واعتذر عن تأخيري في كتابه التقرير بس لأني ودي افصل بالتقرير اليوم لأن لما كنت ابحث في التقارير مالقيت احد كتب عن ديزني بالشكل الوافي او اغلب التقارير كانت عن حديقه وحده بس وان شاء الله اليوم اقدر اوفي بالموضوع ..
ديزني لاند كاليفورنا تتكون من حديقتين وحده رئيسيه وكبيره ووحده صغيره يغلب عليها العاب للكبار واحنا اليوم ان شاء الله بتكون رحلتنا الى الحديقه الرئيسيه اللي اسمها Disneyland park وهي تتكون من 8 عوالم main street U.S.A , tomorrow land , fantasy land , Mickey's toontown ,frontier land , critter country , new Orleans square , adventure land وكل عالم فيه مجموعه العاب ومطاعم وبعد هذي النبذه البسيطه راح اتكلم عن التذاكر .. في عده انواع من التذاكر .. في تذكره ليوم واحد و يومين و 3 و 4 و 5 و 6 ايام على حسب الحاجه تاخذ التذكره .. بالنسبه لنا اخذنا ليومين مع امكانيه الدخول الى الحديقتين في اليوم الواحد .. وهذا موقعهم لحجز التذاكر
Disneyland Resort | Welcome to the Magic الحين ادخل بالتقرير ..
كان خروجنا من الفندق الساعه 9:30 لأن الحديقه تفتح الساعه 10 وكان مسافه الطريق تقريبا 25 دقيقه وماحجزنا عن طريق النت وفضلنا نروح هناك وانشوف اللي يناسبنا من التذاكر .. وقبل لا ابدي بالصور اللي تابع التقرير من البدايه تذكرون يوم رحت six flags mountain كنت انا بروحي اركب الالعاب وكانت زوجتي تخاف تركب العاب فيها نزلات قويه او مرتفعه .. اما اليوم راح يتغير هذا الشىء وصار موقف حلو لزوجتي وموحلو لي وبنشوفه ان شاء الله لما اكتب التقرير وراح أقولكم متى هذا الموقف .. وهذي صور الطريق
وهذي صور المواقف والقطار اللي يوصلنا الى الحديقه
وبعد ماوصلنا الحديقه رحنا حق Disneyland park وكان زحمه عند البوابه
لكن عند التذاكر كان فاضي لأن اكثر الناس ماخذين بو 3 ايام وفوق فيدخلون على طول .. وانا قاعد احجز اسألتني اللي تبيع التذاكر اليوم شنو تحتفلون فيه قلت لها عيد زواجنا فعطتنا هذا البروش
هذي خريطه منزلها من google حق
Disneyland park
وهذي صوره المدخل واول شي هو main street U.S.A وكان عباره عن محلات هدايا
وبعدها رحنا الى tomorrow land و طبعا لعبنا لعبه ولا اروع اسمها space mountain وهي عباره عن مركبه فضائيه تسبح بالفضاء لعبه قمه بالابداع كأن فعلا احنا في الفضاء وهذي صور المكان
وبعدها لعبنا لعبه اسمها Finding nemo وهي عباره عن غواصه تغوص وبالدرايش انشوف نيمو cartoon يعني اللعبه لعبه للاطفال بس قلنا انجربها وبعدها انتقلنا الى العالم اللي بعدها fantasyland وهذي صور الطريق الى العالم
طبعا لعبتنا اليايه اهي mr. toad`s wild ride وهي عباره عن عربه تمشي بطيء وقصه عن mr. toad يعني لعبه للاطفال وهذي صوره اللعبه
وبعدها بطريقنا الى اللعبه اليايه لقينه هذي وصورة وياها زوجتي
وبعدها ذهبنا الى لعبه اسميها انا لعبه Disneyland ولازم اي واحد يزور ديزني لازم يركبها صج اني بغيت انام داخل اللعبه بس هم لازم نلعبها وهذي اللعبه
طبعا اللعبه عباره عن قارب يمر على كل شعوب العالم وانهم عايشين في سلام مع اغنيتهم المشهوره it`s small world اللي انا اعتبرها اغنيه ما قبل النوم ... وطبعا بعدها قلنا انصلي لأن احنا راح نكون موجودين في الحديقه لي المغرب وللاسف مافي مكان للصلاة بس لقينا خوش مكان موجود بالصوره اللي فوق بالزاويه فوق اعلى الصوره تحت الشجره مافي احد يمر هناك والحمدلله صلينا وبعدها كملنا مسيرتنا الى العالم اللي بعده
وكان العالم اللي بعده Mickey`s toontown وهي عباره عن قريه ميكي وفيها بيته وبيت زوجته وبيت goofy وهذي صور المكان طبعا مافي العاب بس الاطفال راح يستانسون هناك
وهذي صور بيت زوجة ميكي طبعا زوجتي اللي ادخلت انا قاعد بره انطر
وبعدها وقفنا دور نصور ويا ميكي صاف دور ويا الاطفال شكلنا يضحك وبعدها رحنا حق goofy نصور وياه بس وانا اصور وياه اشوف الاطفال يضحكون وانا مادري شنو السالفه بعد مارديت البيت وشفت الصور ولا الاخ ايد امأشر علي والثانيه وحاطها فوق راسي وامساوي علامة النصر صبعين
وبعدها كان اتجاهنا الى العالم اللي وراه بس قبلها مرينا على قصر الاميره وهذي صوره عنه بس شفناه زحمه قلنا مايسوه
وبعدها وصلنا الى critter country وفي هذا العالم راح يصير الموقف اللي قلتلكم عنه اول شي اللي بكون حلو لزوجتي ومو حلو لي .. هذا العالم لعبنا فيه لعبتين نبدي بالسهل وكانت لعبه Winnie the pooh عباره عن عربه تدخل مغاره وتطلع وقصه الدب لعبه اطفال طبعا .. للاسف ماصورت صور في هذا العالم وبعدها لعبنا اللعبه الثانيه وكانت splash mountain وهي عباره عن جندول وفيه نزله قويه ويسبحنا بالماي طبعا زوجتي قالت ماتبي تلعب بس انا قلتلها انا ركبت وياج الالعاب اللي طافت راح تركبين وياي هذي اللعبه وافقت وركبنا والمشكله عند النزله الاخيره نسمع صراخ الناس وزوجتي تخاف زياده .. المهم ركبنا ومع اي نزله زوجتي تصرخ وطبعا تكون النزله خفيفه وهي عبالها قويه وبعدين بدأ الجد وبدينا نصعد الصعده الاخيره اللي فيها نزله وزوجتي ساكته موقاعده تصرخ استغربت بس قلت ممكن خلاص تعودت المهم بدا يصعد يصعد يصعد .. وفجأه
وقفت اللعبه قبل لا ننزل وكنه على حفه النزله ولا ينزلون الناس الي في الجندول اللي ورانه اللي ليلحين ماصعدوا واحنا معلقين قعدنا تقريبا 10 دقايق لين يت وحده من اللي تشتغلون وساعدتنا ونزلونا وعطونا تذاكر fast pass وقالو متى ماتتصلح اللعبه تعالوا ركبوا اهني خلاص زوجتي قالت بس ركبت وياك مثل ماقلت بس وقفت اللعبه فخلاص ماراح اركب مره ثانيه وانا حاس ان لما كانت ساكته بالصعده انها قاعده تدعي ان توقف اللعبه
وبعدها انتقلنا الى عالم اخر وهو New Orleans square وكان فيه لعبتين حلوين .. اول وحده كانت pirate of the Caribbean وكنت عباره عن قارب يدخل داخل مغاره وفيها قراصنه وقصه حلوه بس تعتبر للاطفال .. وبعدها رحنا الى بيت الرعب وهذا اسمه hounted mansion وهو عباره عن بيت شكله صغير من بره بس من داخل كبير اول شي اصانصير يودينا الى الدور الثاني بس يكون مسكون واشباح داخل الاصانصير وبعدها مركبه صغيره لشخصين تدخل فينا داخل البيت وتدور فينا داخله ويطلعون اشباح يعني حركه حلوه ممكن للاطفال والكبار
وبعدها رحنا الى عالم frontier land وكانت للغداء فيها وكان لمطعم اسمه big thunder ranch barbecue وكان عباره عن اكل حتى الاشباع من فخذ دجاج بالباربيكيو ولحم بس احنا ماخذينا اللحم لأن ممكن يكون عزكم الله لحم خنزير وكان في عرض داخل للاطفال وكانو على طريقه الكاوبوي .. وهذي صوره المطعم
وبعد هالاكله الدسمه تمشينا الى اخر عالم وهو adventure land وكان اغلب العابها مغلقه وكلها للاطفال .. وبعدها قررنا نحجز مكان للعرض اللي اهو احلا مافي ديزني واسمه Celebrate street party وهو عباره عن عرض لشخصيات ديزني يرقصون وحركات صراحه قمه في المتعه وخذيت خوش موقع وهذي صور العرض
هذا موقعنا
وبعدها خلص العرض وبدت تظلم الدنيا ولسوء حضنا ان لايوجد العاب ناريه في الايام العاديه بس في نهايه الاسبوع وقررنا ان نطلع ونرجع الفندق بعد هذا اليوم الحافل وهذي بعض الصور وقت الخروج
وهذا طابور للتصوير مع ميكي
وهذي الصوره اللي بدأت فيها التقرير في وقت الدخول وهذي وقت الخروج
وبعدها ركبنا القطار اللي يوصلنا المواقف وطبعا كالعاده نسيت وين وقفت سيارتي ماذكر اي طابق ونقعد 15 دقيقه بس ندور السياره فنصيحه اول ماتصفطون السياره سجلوا رقم الموقف والعامود والطابق وبعدها كانت الساعه 8 تقريبا رحنا KFC تعشينا فيه بس للأسف ماعجبنا طعمه وبعدها وصلنا الفندق للراحه والصلاة
تلخيص الحديقه 1: الحديقه اغلب العابها للاطفال ماعدا نقدر نقول 3 العاب وهم splash mountain – space mountain – big thunder mountain railroad بس للاسف كانت واقفه
2- اجواء ديزني حلوه حتى لو مالعبت شي
3-الحضور مبكر للاستفاده من الوقت لانها في كل الاوقات مزدحمه
هذي بالنسبه للحديقه الاولى وان شاء الله لنا عوده مع الحديقه الثانيه .. ما أحس اني عطيت الموضوع حقه مثل ماقلت بالبدايه لأن الصور ماخدمتني بس ان شاء الله اعوضكم بالثانيه وبهذا اختم في هذي الصوره وأراكم ان شاء الله في بوم جديد ومغامره جديده
اليوم السادس عشر
2010-5-6 الخميس
orange county الحلقه الثالثه
بسم الله نبدأ .. اليوم ان شاء الله بكون يوم خفيف بعد يوم متعب بالامس وكان مقرر اليوم لاستكشاف اسواق ومجمعات المنطقه وكان اختيارنا اليوم لمجمع irvine spectrum center وهذا الموقع للمجمع
وبعد التسوق في المكان واكل ****** في محل يبيع ****** عجيب بس للاسف ماصورته .. بعدها قررنا نرجع الفندق للصلاة ونريح شوي وبعدها كان توجهنا الى المجمع الثاني وهو
