كل يوم ابجي من تصرفات ولدي .. ساعدوني تكفون

[نبرمان]

السلام عليكم ورحمة الله وبركاته

شلونكم خواتي
تكفوووون لا اطنشون موضوعي ردو علي بليز وايد متضايقه

موضوعي واضح .. تعبت نفسيا حييل من ولدي
مو بس انا .. حتن اهلي وحتن اهل زوجي .. الكل متاذي من تصرفاته
والمشكله وايد حنون ؟. شلون انا اقولكم

يطقج .. ويقولج كلام مادري من وين يايبه .. وكل شي عندج يخربه . ولمن انقوله لاا لاتسوي جي .. يزييييد ويطنشج لمن يخرب اللي بايده

والحين ياله اخو ثاني .. وصار ¿¿¿¿¿¿ لاتعليق صج صح اذيه لان الغيره همن ذابحته صار عدواني اكثر
ولمن بهاوشه يقعد يرد علي ويطقني جدام الناس وايد اتفشل وساعات اقعد ابجي منه ماعرف اتعامل معاه

بالمسايس حاولت .. بالهواش حاولت .. طق وطقيته وبجيت وياه عورني قلبي .. هم زاد ماكو فايده

وا مو عارفع شسوي تعببببببت

الحين افكر شسوي كلها جم شهر واداوم .. شلون اخليه عند الخدامه بروحه . اهو اصلن كله يقول لهى انتي جلبه ويطقها ولمن اتبدله هدومه
يقعد يررركض مايبي ويلا لحقيني ومالت عليج ووو ينرررفز انا امه ما اتحمل اهيا شلون؟؟ اخاف تسويله شي ولا اطقه

ثانيا اهيا مادري من بتجابل اهو ولا اخوه الصغير ؟


افكر اودي العود حضانه بس هم خايفه يطقونه او يخلونه يبجي او يصيرله شي.. اهوا صعب وايد وايد



شورو علي تكفون وايد وايد متضايقه

شلون اتعامل وياه
وشسوي لمن اداوم وين اوديه
وهل الحضانه امان .. ماكو طق او تعقيد للياهل او حرمان وخرابيط . ماتحمل احد يسوي شي بعيالي


عمره3 سنين .. واهو وحيد العايله و وايد مدلع يعني ماخذ حنان من الكل ومو ناقصه شي
ولاتقولون حطي عند امج .. ماقدر

 

[أإلع ـشق دلع ـهـأإ]

شوفي حبيبتي مالج الا الدعاء لولدج بالهدايه

ثاني شي يبي زيت واقري عليه وكل يوم دهنيه واهو ناايم

وخلج حنونه معاه وصبري.

ثالثا وديه الحضانه واستودعيه الله ولا وديتيه علميهم انه مشاغب

والله يكون بعونج

 

[مشتطـه]

سبحان الله انا اشوف السبب الدلع

كل طفل اذا تدلع وما ينقاله شي من صغره خلااااااااااااااااص انسي الهدوء
ولدي اسم الله عليه عمرها سنه

زوجي متحلف فيني ما اتدخل
يقول بربيه عدل

وفعلا يقول حركات دلع ماكو
واذا بجى خليه يولي
ومو كل شي ياخذه

المفروض من صغره متعلم

الحيين راحت عليج


الصراحه انا شفت امهات حيل مدلعين عيالهم وعيالهم اذيييييييييييييه ولوعة جبد


الله يهديه ياب ويفرج همج

 

[احلى ديما]

حبيبتي قطيه الحضانه وايد أأمن من الخدامة عالاقل اهما ناس متخصصين بالتعامل مع الطفل وولدج اكيد مو اصعب طفل مر عليهم شكثر عندهم حالات من كل الاشكال والالوان ثاني شي لا تقولين مابي عقاب لان العقاب اهو.اللي ييب نتيجه مو الطق توكلي على الله ودخليه وان شاءالله يتعدل

 

[زوجت الشمري]

بقوووووووولج انتي الغلطانه لانج ماعلمتيه الغلط وعلى طول جيبي له اخوه ومسكي حلاوه وقولي شوف الداده شنو جايبلك
والله يعينج والجنه تحت اقدام الامهات افضل شي مع بعض تحطينهم اثنينهم حضانه او اثنينهم بابيت بس حطي كاميرات والله يطمن قلبج ويعينج ومرده بيتعدل

 

[نبرمان]

فديتكن خواتي


انا ضد الدلع والله .. بس احب الاهتمام .. شنو كلا شنو سوا وين راح ومن قاعد وياه

والسبب الثاني اهوا الحفيد الوحيييد بلبيت ف صج مدلع من كل صووب ولمن ايكون عندي .. صج ابلعها عدل
انا بداري كل شي لا وكل شي بنظام واهوا متعود لمن يكون تحت عند ابوه العود ويدته مايقولون له لا كلش
والله هذاك اليوم يبي يكت الماي عالارض ويده يضحك يقوله كيفك تبي تكته كته
عمي الله يحفظه يموت عليه بس اهو مايدري انه ب جي قاعد يخربه


ااانزين انا شلون اتعامل معاه .. مافي اختصاصيه هني او وحده نفس حالتي وجربت معامله وفادت؟

 

[الغضى]

اصعب عمر الصراحه



انا اعاني ويا عيالي بهالسن
مالج الا الصبر لين تعدي المرحلة

 

[ام هيا العلي]

الله يكون ابعونج حبيبتي وربي يعينج على تربيتهم ..

مثل مااذكروا الاخوات قبلي السبب الرئيسي اهو الدلع الزايد..

ذكرتيني في بنت حماتي..اهي بنتها الوحيده ومدلعتها دلع اعوذ بالله لدرجة هذا الدلع انقلب ضد الام..
علمتها امها اي شي تبيه تعطيها واذا طقتها امها ترد بدقيقه اتراضيها..وهالطبع خلا الياهل ملسونه
ولسانها طويل والله اسلوبها اكبر من عمرها.. الله يهديهم..


وولد حماتي الثانيه.. يعني جد الله يكون ابعون امه.. ابوه مدلعه دلع ربي لايوريكم لدرجه يتلفظ ع امه بالفاظ
سوقيه ووصخه في شارع والاسواق قدام الناس ويرفس امه ويسحبها من ورى ..
حتى مره انصدمت لمن كنا مسافرين بسياره ابوه كان يتكلم مع زوجي بسالفه تخص الكبار جان يتليقف
البزر وهو بو4 سنوات ينشد ابوه عن السالفه.. وابوه بعد يكمل له سالفه..



ويااختي الله يساعدج انتي حاولي اتشدين عليه لاتعطينه مجال يطقج او يهاوشج انتي طقيه خل يتعلم شوي
وربي يهديه ويصلحه يارب انتي وكلي امرج لله سبحانه ووديه الحضانه يمكن مع اليهال يتغير ويتاقلم

 

[نبرمان]

مشكورين عالردود والدعوات الحلوه ماقصرتو

والله يعلم بحالتي وياه صج متازمه منه عسى الله يهديه ويصبرني

 

[تمني]

الله يعينك

 

[نبرمان]

مشكورة ي قلبي
ويعين الجميع ان شاءالله


اب

 

[M&Ms]

ودي حظانة من غير لا تترددين لو شنو كانت أامن من الخدامة وراح تفرق شخصيته عليج انا ولدي كان عسر واايد وكله لازق فيني و ما ينام الحظانة وايد عدلت شخصيته كافي يرجع منهد حيله ومطلع كل طاقته هناك اول ما يرجع خليه يكمل يلعب لي المغرب تالي سبحيه وعشيه ونيميه راح ترتاحين وايد وترى اغلب الحظانات فيها كاميرات يعني يخافون يسون شي بالياهل والله يعينج ويهديه انشالله

 

[~Diva~]

حبيبتي اول شي شوفي من هالناس الي ماثرين فيه سلبي من وراج يمكن الي يلعب معاهم او الخدامه
ثاني شي قانون رسمي قطعي الحلاو وأي شي فيه سكر من بعد الساعه ٢ الظهر قطع نهائي وعلمي كل الي وياج في البيت أن ما يعطونه شي
وماهو يممممكن يعاني من قل اهتمام من قبل ما تجيبين البيبي فيسوي هالشغلات لان يلاقي رده فعل منج حتى لو صراخ او طق فهل حربتي تسفهينه بس مب بالاهتمام باخوه طبعا لما يسوي هالشغلات ؟ علشان يمكن هالحركه تنفع والتفتي عليه بس إذا سوى شي زين صفقيله وحسسيه بالفخر
جربي تقرين كتب سوبر ناني لان حاطين حلول هالشغلات وأظن كتبهم معربه حاليا
وإذا كلش ياستي شوفي عندكم في الكويت وحده تعالج بالكنزيولوجي لان سمعت فيه وايد مفيد لهالحالات !

الله يعينج ويهديه

 

[علبة مكياج]

دقي على مركز الانماء الاجتماعي يعطونك نصايح تفيدك في تربية ولدك والعلاج لمشكلته وحتى تساعدك لطريقة تربيةلولدك الثاني وان شااء الله تستفيدين وهذا رقمهم22402733 والداخلي129 والله يعينك ويعينا على تربية عيالنا

 

[نبرمان]

ياحلووكم والله يزاكم الله خير

استفدت منكم والله

واذا تغير راح احط تجربتي عشان الكل يستفيد
بس يارب يتغير يااااااارب تهديه يارب

 

[أمـ مبارك]

شوفي اختي



انا عندي قناعه تامه ان الجد والجده لو يدلعون لي باجر مايأثرون علئ البيبي


وولدج يوم يقوله جدج كت الماي هذا ماقعد يخربه بالعكس ولدج يبي يتفاخر قدام جده وماله الا هالطريقه واخذ تشجيع وجم كلمه حلوه وحماس



اما موطن الدلع والتربيع والتأثير يكون من الاب والاب او ام الطفل معرض للتعذيب




ولدج عمره ٣ سنوات بيبي صغيرون مايفهم الصح والغلط حتي حرام تطقينه لحمه حمرا شنو اخذ من الدنيا


انا مااقدر افيدج بشي لكن هالفتره انتي تاثرين بولدج بطلي النت ودوري اساليب سلوكيات الطفل بالاسلام والعلميه وكل شي

اخذي طرق من التعامل ومن الاجانب


الولد يبي يشد انتباهج عشان جذي قام يسوي غلط يبيج تركضين وراه او اي شي


اشتريله كراسه والوان حببيه باخوه طلعيه يختلط بالعالم ويلعب بالملاهي والحدائق شوفي شنو الشي اللي يحبيه ووفريه له



اذا استفزج لاتنتبهين له


اذا بكا لاتركضين وتراضينه



وادعي الله يهديه ويصلح امره تري هالفتره تكوين شخصيته حاولي تشدين حيلج معاه


وربي يحفظه لج

 

[Um Tuki]

حبيبتي سمعي مني ..

ولدي عمره سنتين تقريبا ً

و شيطان لأبد حد

من كثر الشيطانة عرضته على دكتور نفسي عشان يعلمني شلون اتصرف معاه

قال لي حبسيه !!

لين سوى شطانة كلميه جد و انتي مكشرة خل يبان عليج العصبية

و كنت ادخله غرفته و اسكر الباب 5 دقايق و ابطله

و الله العظيم في هاليومين زاد 360 درجة

و راجعت دكتورة ثاني قالت مو كل اليهال تنفعهم هالطريقة مع ان البعض تناسبهم ويرتاحون وايد

صرت في كل شي احقره

يعني لما يسوي شي غلط او يظرب احد احقره .. او اسوي روحي راقدة

ترى اليهال يسوون جذي مو عناد الياهل ما يعرف يعاند

يعني لين قلتي له ماما خذ هذا القلم بس هذا القلم لا

صدقيني بيركض حق القلم الممنوع ليييييييييييييشششششش ؟؟

يبي يعرف ليش لا

كل ماتصرين ان لا هذا القلم لا .. يزيد اصراره لأن يبي يعرف ليش

بس انتي لما تحقرينه بتلاقينه يترك القلم و يلهى بشي غير

عشان جذي حقريه ..

ولدي نفس ولدج و عنده اخت توها 4 شهور وصايدته الغيرة

اول شي تم يطقها بس لما تميت احطاه بحظنه و اخيله يبوسها تغر وايد

صار دايما لما يجوفها يبوسها و يحب احطها بحظنه

و لما تصيح اي رضاعه جدامه يركض يبي يحطها بحلجها ههههههه

مرتاحة وايد

صج لابد من العرات و بعض الشطانة بس هذا الشي جدااااااااااااا جدددددددااااااا طبيعي لـ عمره !

هذا وقت اكتشاف

 

[حبيبي مالكني]

المشكلة فيج مو في ولدج
انتي عارفة ان العيب من ولدج وخايفة عليه من العقاب
ولدج محتاج تربية صارمة
موقصدي طق وصراخ
بس لازم يعرف انه لكل فعل رد فعل
انا نصيحتي لج وديه روضة او حضانة بس بالبداية قعدي تكلمي مع الاخصائية الاجتماعية وشرحيلها حالة ولدج
وصدقيني اهي راح تتعامل معاه صح وتقدم لج نصايح تساعدج

 

[نبرمان]

ام مبارك
ان توكي
حبيبي مالكني

عسااكم عالقوه مشكورين
فادني كلامكم لان صج في اشياء غايبه عني
خصوصا لمن اقوله لا
عاد اقفل صج لا يعني لا
عساس كلمتي ما تصير ثنتين .. واهو يعاند يبي الشي الممنوع ع قولتج

عمومن راح احاول اتغير معاه واطبق اساليب ثانيه

مسايس .. هدوء بالتعامل .. مممم تشجيع



بس بسالكم .. انا لمن اررخي معااه واصير حليوه يعني
اهوا بستقوي علي يصير يطقني .. جنه محتر مني عرفتو؟
مو طق لعب ومو طق خبال لااااا طق اللي تحسينه هذا فرصته عشان ينتقم من هواشي له قبل

 

[Emanii]

بيكبر و يتعدل الله يعينج حبيبتي