كل وحده ولدت طبيعي قبل ما اتخلص شهرها

[tota q8ia]

السلام بنات ابي مشاركه كل وحده اولدت قبل ما تخلص التاسع عشان البجريات واللي نسو الولاده يستفيدون
يعني اعراض الولاده الطبيعيه بدون خروع ولا دارسين ولا طلق صناعي
متى ولدت من التاسع؟
شنو الاعراض اللى حست فيها؟
كان اي ترتيب من الاولاد؟
واشكثر طولت على ما ولدت؟
:tek:

 

[tota q8ia]

وينكم مافي ولا وحده ولدت قبل ما تخلص التاسع؟

 

[عسلاتي]

فديتج معظم الاوقات الكل ما يكمل التاسع ..يعني مو شرط بجر وتكمل التاسع..

انا مثلا ولدت بجري قبل اخر اسبوع بالتاسع شي عادي يعني

اصلا المولود من يدخل التاسع يكون كامل وعادي ينزل باي وقت الله كاتبه..

والله يسهل عليج ولاتج فديتج

 

[_Pure_]

انا ولدت بجري قبل لا اخلص شهري ب٩ ايام

بعد صلاة الفجر حسيت بمغص خفيف يتكرر كل ١٠ دقايق
اتصلت بالدكتوره و قالتلي روحي المستشفى هذا طلق
رحت و طلعت مفتوحه ٤ سانتي و حزتها كان الطلق بادي يعورني عقبها يات الدكتوره و بالطلق الصناعي ولدت خلال ساعتني تقريبا الحمدلله الله سهلها

الشي ان ماكنت امشي ولا اشرب اشياء معينه بس كنت وايد ادعي ربي بالسجود ان يسهل ولادتي

الله يسهل عليي و عالجميع

 

[حلمي اكون ام Q8]

اختي ولدت يوم صار لها بالتاسع 8 ايام واهي بجر

وولدت طبيعي عقب معاناة 24 ساعه من ولاده وطلق صناعي ..
بمستشفى العدان الحمدلله

ماحست بولا شي غير صار لها نزيف حاد وولدوها بطلق صناعي

 

[tota q8ia]

مشكورين عالردود الله يسهل على كل حامل
عسلاتي تسلمين يابعد عمري
كل وحده ترد انشاللله الله ياجرها لانها راح تفيد غيرها

 

[غنوة ستايل]

ياقلبي يختلف من وحده للثانية
المهم الولاده عقب الاسبوع 34 تكون سهله لان الياهل ما يحتاج دخول حضانه .
عسى الله يسهل علينا يارب . انا بعد زهقت .

 

[حرم_طيار]

رد : كل وحده ولدت طبيعي قبل ما اتخلص شهرها

انا في بجري ولت عاشر من التاسع
كان عوار خفيف بلش س10 بليل طنشت لاني ما كنت ادري شسالفه

س9 الصبح رحت عند دكتورتي افحصتني قالت اني مفتوحه 3سانتي وعطتني دخول

بعدين قام يزيد العوار وااايد

س11 وانا بالهادي نزل علي دم اشويه

مع اذان الظهر دخلت الولادة
ومع اذان العصر ولت بجري

بنتي ليون عمرها 6سنوات الله يحفظها ان شالله اهي و خواتي

ويهون عليكم كلكم ان شالله

 

[coco honey]

انا ولدت بجري اول اسبوع في التاسع
كنت قبلها شاربه كوبين دارسين ورايحه الممشى
رجعت ونمت قعدت الساعه 3 الفجر عزكم الله بروح الحمام وتنزل مني قطعه مثل المخاط وعليه دم وبعدها استمر العوار كل ربع ساعه ويوم رحت قالتلي الدكتوره 1سم بس لازم دخول لان نازل الماي وعطتني طلق صناعي الساعه 5 الفجر
ماولدت الا 1 الظهر

 

[" سراب "]

رفــــع ...
>> بجرية