كل وحده ولدت بمستشفى لندن تدخل ضرووووري"

[دندونه@@@]

اي وحده ولدت بالمستشفى هالسنه تكلمنا عن المستشفى وعن ولادتها شلون كانت وعن اهتمام الممرضات والدكتوره اللي مولدتها واهم شي الخياط والكمام ...وبالنهايه بشنو تنصحنى اولد بهالمستشفى والا ابتعد عنه و بأي دكتوره تنصحني



يللا بنات والله محتاره وخايفه من الولاده لاتحرمونا نصايحكم وتجاربكم

 

[دندونه@@@]

..........................................................................

 

[FdeT LmoSa]

رد : كل وحده ولدت بمستشفى لندن تدخل ضرووووري"

الله يقومج بسلامه

اب اب

 

[_Pure_]

حسب كلام مرت حماي

تمدحهم وايد من جميع النواحي
و كانت دكتورتها هنديه مسلمه مادري شسمها

 

[أم سلوم الحلو]

انا ولدت فيها مرتين
الولاده الاوله كانت المشيمه عندي جزء منها منفصل
لما دخلت التاسع ب10 ايام دخلوني وحطو لي طلق صناعي
وكنت مفتوحه سانتي من 3 الفير لين ثاني يوم الساعه 12 الا ربع
فتحت 9 وشافو الراس والبست الدكتوره كانت دكتورتي ناندني بس وقت الولاده يتني ايفا
من الخرعه افتر الياهل وكان بيطلع من ايده خافو والنبض قاعد يقل فدخلوني عمليات وولدت قيصريه

الولاده الثانيه ياني طلق افتح سانتي لين سانتين ونص وارد اسكر
وكان معاي سكر وحملت على ولدي فخافو على الجرح قالولي عمليه
واقنعوني بابره الظهر وخذيتها وطلبت مديرهم الاسمر يولدني نسيت اسمه جنه باترس
وقت الولاده خدرت ريل وريل احس فيها مادري من الخرعه احسه ثقيله عفستهم وقمت اصرخ
جان يعطوني مخدر ويولدوني مع ان بخاطري اشوف الياهل واسمع اصراخه بس الله كريم

المستشفى حلو وهادي مع ان انا كنت اراجع بالسلام بس ماري ليش ارتحت لهم اكثر

وتره مو رخيص المراجعه بمستشفى طيبه 15 دخله وسونار
بالندن الدخله 10 والسونار 15 والتخطيط 12

انا قعدت بالملاحظه بس ادرب وابره وتخطيط والله خذو80 لان يحسبون سعر السرير والسستر بعد
والله يسهل عليكم وتولدون بسلامه
وبقولكم نصيحه انتي بمستشفه خاص ماتدرين شنو مضاعفات الولاده يمكن الياهل يصير فيه شي وتولدين قيصريه مثلي وانتي حاسبه حساب الطبيعي انا كنت حاطه 1000 والله وطلع علي كا شي قريب800 لاني ماخذه الجناح الكبير

 

[bd-27]

انا توني والده عندهم
الدكتوره كانت زينه حبوبه ، مصريه اسمها سحر
بس بصراحه الخدمه مو ذاك الزود عندهم نقص بالسسترات
ما ارتحت عندهم صراحه

 

[غلاي امي وزوجي]

انا ما ارتاح للمستشفى هذا كلش

 

[دندونه@@@]

مشكورين حبايبي على ردودكم وياليت اشوف تجارب اكثر للبنات اللي ولدوا بالمستشفى لاني متردده وخايفه ابي دكتوره شاطره وعنايه وكماااااااام وقت الولاده ووايد بنات مدحولي المستشفى وبالاخص الدكتوره سوفييت وايفا بس ودي اشوف مشاركات تطمني اكثر واكثر والسهالات من الله ..ومن حيث اهتمام الممرضات والنظافه انا متطمنه لاني مجربته اكثر من مره لما كان ولدي تعبان قعد عندهم اسبوع وانا معاه واللي خايفه منه الم الولاده والخياط ....

 

[شوتايم]

انا سويت مرتين تنضيفات عندهم وماشاء الله حيل هادي ومافيه ازعاج والسسترات كل شوي داشين طالعين عليج

كنت اراجع عن الدكتوره سوفييت انسانه تهبل وفاهمه شغلها

انتي استخيري والله يسهل عليج حبيبتي

 

[دندونه@@@]

والله الخوف مسيطر علي بس انشاء الله ابستخير والله يقدر اللي فيه الخير ويسهل ولادتي انشاء الله من غير معاناة والله يجزاكم خير حبايبي على ردودكم ما قصرتم شجعتوني وطمنتوني شوي بس اللحين متردده عند منو اولد ايفا والا سوفيييت :eh_s(22):

 

[الا يامطول صبري]

رد : كل وحده ولدت بمستشفى لندن تدخل ضرووووري"

الله يسهل عليييج يارب تدرين انا ودى اولد عندهم بس خايفه ان موشي عندهم الولاده والكمام والعنايه مادرى اناا ابيه علشان قريب من منطقتى وكنت قبل اولد كله بالسلام بس بعيييد والحين اراجع بلندن بس الولاده مادرى خايفه وتكفين اذا ولدتى عندهم تكتبين تجربتج والله يسهل عليج عندهم ولا عند غيرهم

 

[جُوري ..]

رد : كل وحده ولدت بمستشفى لندن تدخل ضرووووري"

و الله ما اعرف افيدج

ان شاء الله البنات ما يقصرون ..​

​

 

[فله]

حبيبتي اكو تجمع بقسم تجمعات الحوامل دشيه راح يفيدج تجارب البنات

ممكن اللي سوت تنظيفات عندهم تقوللنا بجم؟ وشلونها؟

 

[آهات الليل]

هلا حبيبتي انا والده عندهم يهبلووووووووووووووووون وعلى فكره اول ولاده لي بالسلام وكنت اقدر اولد بالسلام بس سبحن الله ارتحت عندهم وكمامهم احسن من السلام بمليوووووووووووون مره
دشي قسم التجمعات للحوامل وتلقين تجمع للي ولدوا بمستشفى لندن حياج بينا هناك وكل الاستفسارات اللي تبينه موجوده كاتبه قصة ولادتي تقريبا واسعار المستشفى وكل شي تبينه هناك حطيلي استفسارج وارد عليج الخاص مايوصلي من المنتدى

 

[آهات الليل]

http://www.q8yat.net/showthread.php?t=654403هذا رابط التجمع حياج